История иконы Грузинской Божией Матери и в чем помогает образ, молитвы

Многие великие образы Богородицы появляются чудесным образом, затем их следы теряются. Такова судьба иконы Божией Матери, именуемой Грузинской. Образ был вывезен персами из Грузии, затем стараниями православных доставлен в Россию. Икона являла многие чудеса, к ней стекались паломники, затем святыня исчезает. Сейчас образ Богородицы существует только в списках, некоторые прославлены особой благодатью, по молитвам перед ними творятся чудеса.

Поиск молитв на все случаи жизни

История появления

Кем и когда написан образ, остается неизвестным. Богородичная икона в начале 17 века находилась в Грузии и разделила судьбу многих православных святынь. В 1622 году войска персидского шаха Аббаса захватили страну, церкви и монастыри были разграблены. Церковная утварь, реликвии вывозились из Грузии.

Догадливые и энергичные персы предлагали православные ценности русским – купцы не скупились, не жалели денег на христианские святыни. Персидский торговец, владеющий иконой в дорогом окладе из золота и серебра, предложил образ Стефану Лазареву. Лазарев находился в поездке по делам купца Григория Лыткина. Несмотря на высокую цену, Лазарев купил образ в драгоценном окладе. Это произошло в 1625 году.

Деловые поездки в то время были длительными, Лазарев вернулся в Россию только в 1629 году. Когда Стефан отдал Богородичную икону Лыткину, хозяин онемел. Пока помощник отсутствовал, ему приснился дивный сон. В видении явилась чудесная икона, украшенная золотом, а голос повелел передать ее в Черногорский (Красногорский) монастырь недалеко от Архангельска.

Лыткин в точности исполнил предписанное – отвез образ в мрачные густые леса на реке Пинеге, передал в обитель. Для иконы Богородицы на свои деньги построил церковь, подарил святым отцам утварь и духовные книги для храма. Библиотека Лыткиных была огромной, могла соперничать с собранием книг купцов Строгановых.

Чудеса

Монах Черногорской обители Питирим многие годы был слеп и страдал глухотой. После горячих молитв перед образом Богородицы старец прозрел и опять стал слышать. Слух о чудесном исцелении старца быстро разошелся среди мирян. В монастырь стали стекаться паломники из окрестных селений, которые получали исцеление по молитвам перед святыней.

Уже в 1658 году митрополит Новгородский Никон повелел собрать сведения о явленных чудесах и установил день почитания иконы Божией Матери – 22 августа (4 сентября).

грузинская икона божией матери

В 1654 году чудотворный образ привезли в Москву для обновления оклада столичными мастерами. В городе свирепствовала чума. По молитвам перед чудным образом были спасены многие заболевшие. В это время по заказу Евдокимова делают список иконы, автором которого считают известного мастера-иконописца Ушакова.

Слава грузинской иконы распространилась среди православных. Образ Богородицы стали возить по городам, он побывал не только в европейской России, но и в Сибири на реке Лене. С 1698 года по просьбе паствы грузинский образ Девы Марии стали ежегодно привозить на поклонение в Архангельск.

Во время крестного хода в Тверской губернии святыня помогла крестьянам спасти поля от нашествия вредителя, уничтожающего посевы. Сильный дождь налетел неожиданно, стал заливать поля и паломников. Размножившиеся в огромном количестве черви полезли из земли, на них налетела большая стая птиц и склевала прямо на глазах православных.

Справка: Грузинская икона была широко известна в дореволюционное время, ее привозили на поклонение в города центральной России, довезли в Сибири до Лены, многие храмы заказывали списки.

Описание и значение образа

Манера письма позволяет сделать вывод, что образ написан в Грузии. В такой технике иконы писали в 10-16 веках грузинские мастера Кахетии, известны другие аналогичные изображения Богородицы того времени.

Тип иконы – Одигитрия. Богородица изображена поясно с наклоненной к Христу головой. Дева Мария смотрит на Божественного Сына, призывает христиан следовать Его заповедям, чтобы обрести спасение и Царство Небесное. Божественный смысл иконы – указание пути людям, призыв почитать Спасителя.

Одеяние Богородицы украшено по краям жемчугом и каменьями, покрывало выписано с красивыми струящимися складками. Спускающийся с головы мафорий приоткрывает хитон, также расшитый и богато украшенный.

грузинская икона божией матери

Иисус изображен подросшим, одна из Его ножек развернута стопой к зрителям, что делает икону особенно трогательной. Правая рука поднята для благословения, в левой находится свиток Святого Писания.

В центре доски есть углубление, которое играет роль мощевика.

Где находится оригинал и списки

В период богоборчества после революции советское правительство закрывало обители и храмы. В 20-х годах, когда монастырь закрыли и разграбили, грузинская икона пропала. Существует свидетельство епископа Леонтия, что в 1946 году был совершен крестный ход по Архангельской области, в котором несли грузинскую икону Божией Матери.

Дальнейшая судьба святыни не прослеживается. По ряду версий, в 50-х годах образ находился в Третьяковской галерее, где были собраны многие реликвии православной церкви. При более поздней описи имущества музея святыни в фондах не оказалось. На сегодняшний день икона считается утерянной, по некоторым сведениям – похищена или продана за границу.

Раифский монастырь

Строительство монастыря в Казанской епархии началось в 1661 году. Митрополит Лаврентий отправил иконописцев в Черногорскую обитель, чтобы сделать копию чудотворного образа и благословить им обитель. Лучшие казанские мастера точно и благоговейно сделали список, воспроизвели размеры и манеру написания оригинала.

Старания иконописцев не прошли даром. Уже во время перенесения образа в Раифский монастырь Богородица явила множество чудес – к слепым возвращалось зрение, хромые отбрасывали костыли, безумные освобождались от дьявольского наваждения. С первых дней пребывания святыни в обители ее почитают чудотворной.

грузинская икона божией матери

После закрытия и разграбления храма икону нашли, отдали в храм при кладбище, где святыня хранилась до возрождения Раифской обители.

Чтимые списки

Многие копии с Грузинской иконы Богородицы, выполненные с особым тщанием и молитвами, прославились чудотворением:

  1. Храм Святой Троицы, Никитники, Москва. Список сделан в 1654 году. Святыню в это время привезли в Москву, по молитвам перед образом выздоровел сын мастера по серебру Евдокимова. Он и заказал список, который был установлен в Троицком храме.
  2. Храм Воскресения Христова, Сокольники, Москва. Легенда сообщает, что чудный образ был обретен во время пребывания грузинской иконы в Москве. Больная инокиня хотела помолиться перед святыней, но во сне ей явился монах и сообщил, что никуда идти не нужно, в монастыре есть такой же образ. После недолгих поисков икону нашли, она также оказалась чудотворной.
  3. Церковь святого Мартина, улица Солженицына, Москва. Долгое время список был святыней храма Покрова Богородицы, расположенного на Воронцовом поле. После разрушения церкви список перенесли в храм Исповедника Мартина.

Самый древний, чтимый и богато украшенный список Грузинской Богородицы находится в Раифском монастыре Казанской епархии.

Почитание иконы в православии

Образ Богородицы спас из мусульманского «плена» православный человек. Персы предлагали русским купцам награбленные в церквах иконы и утварь, так как знали, что христиане не откажутся и не постоят за ценой.

Богородица пришла во сне купцу Лыткину и сама указала, где должен находиться образ. В дальнейшем, по милости Божией, Грузинская икона явила множество чудесных исцелений, защищала селения от мора. Почитание святыни сложилось по всей России, так как образ Божией Матери много возили по стране.

По заказу известных людей и церковных иерархов сделаны списки, также известные чудотворением. День памяти – 4 сентября.

грузинская икона божией матери

О чем просят перед образом

Обретенный православными образ Богородицы явил много чудесных исцелений. Поэтому перед Грузинской иконой часто молятся о даровании здоровья себе и близким. Образ помогает при следующих проблемах:

  • в период эпидемий – защищает от заражения, просят о легком течении болезни;
  • женщинам – зачать ребенка, вылечиться от бесплодия;
  • об избавлении от слепоты и возвращении слуха;
  • избавиться от душевных болезней, нервных расстройств, депрессии, последствий стрессов;
  • при заболеваниях пищеварительного тракта (язве желудка);
  • при онкологии;
  • при заболеваниях зубов и полости рта.

Традиционно Богородице молятся о разрешении семейных конфликтов, о добрых отношениях с близкими. Перед Грузинской иконой Божью Матерь просят:

  • о благополучии детей;
  • об укреплении веры, твердости духа в горе и отчаянии;
  • о помощи в трудных делах.

Перед образом каются в грехах, просят прощения. Освященную икону следует приобрести в храме.

Православные тексты

Торжественные богослужения в честь святыни проводятся в православных храмах. Молитву можно читать дома перед иконой Богородицы Грузинская.

Тропарь

Днесь светло красуется обитель Красногорская, и с нею ликовствует Раифская пусьтыня, яко зарю солнечную, от востока возсиявшую, восприимши, Владычице, чудотворную Твою икону, еюже разгоняеши мглу искушений и бед от вопиющих верно: избави обительнашу и вся страны Христианския от всех навет вражиих, и спаси душа наши, яко милосердная заступница рода Христианского.

грузинская икона божией матери

Кондак

Тебе, избранней от всех родов Божией Матери, / благодарственная пения приносим, пришествием честныя Твоея иконы, раби Твоя, // да зовем Ти: радуйся, Невесто Неневестная.

Молитва

Приими, Всеблагомощная Пречистая Госпоже, Владычице Богородительнице, сия честныя дары от нас, недостойных рабов Твоих, к Твоему цельбоносному образу пение возсылающих со умилением, яко Тебе Самой сущей ту и послушающей моления наша, подающи с верою просящим по коемуждо прошению исполнение: скорбящим скорби облегчаеши, немощным здравие даруеши, разслабленных и недужных исцеляеши, и от бесных бесы прогоняеши, обидимыя от обид избавляеши, и насилуемых спасаеши, грешных прощаеши, прокаженных очищаеши, и малых детей милуеши, и неплодныя от неплодства разрешаеши. Еще, Госпоже Владычице, от уз и темниц свобождаеши, и всякия многоразличныя страсти исцеляеши, и очныя болезни уврачуеши, и от смертоносныя язвы избавляеши: вся бо возможна суть ходатайством Твоим к Сыну Твоему, Христу Богу нашему. О Всепетая Мати, Пречистая Богородице! Не престай молити о нас, недостойных рабех Твоих, славящих Тя и почитающих, и покланяющихся пречистому образу Твоему, и надежду имущих невозвратну и веру несумненну к Тебе, Приснодевей, Преславней и Непорочней, славящих, и чтущих, и поющих Тя во веки веков. Аминь.

Акафист

Кондак 1

Избранней от всех родов Божией Матери и Царице пред пречистым Ея образом со умилением хвалебная пения приносим. Ты же, яко имущая к роду христианскому милосердие неизреченное, от бед и скорбей избави всех нас, Тебе зовущих:

Радуйся, Невесто Неневестная.

грузинская икона божией матери

Икос 1

Архангелов и ангелов чини благоговейно Тебе служат, и вся небесныя силы немолчными гласы Тя, Богородице Дево, воспевают, яко рождшую небесных воинств Царя; мы же, земнороднии, трепетно предстоящии чудотворному Твоему лику, бренными усты вопием Ти сице:

Радуйся, от всех родов ко искуплению рода нашего избранная;

радуйся, Духа Святаго дарований преисполненная.

Радуйся, херувимов и серафимов превозшедшая;

радуйся, таинству спасения рода человеческаго послужившая.

Радуйся, святое вместилище Слова Божия;

радуйся, неописанное Слово Отчее в ложеснах Своих носившая.

Радуйся, пророческих глаголов неложное исполнение;

радуйся, прародителей рода нашего от клятвы рождеством Твоим свободившая.

Радуйся, предстательство роду христианскому, от Бога дарованное;

радуйся, спасения рода человеческаго начало.

Радуйся, лествице Божественнаго снисхождения;

радуйся, мосте, от земли к небеси земнородных возводяй.

Радуйся, Невесто Неневестная.

Кондак 2

Видящи, Пречистая, с высоты небеснаго жилища Своего, идеже с Сыном Своим во славе пребываеши, озлобление противу святынь христианских во стране Грузинстей, попущением Божиим во дни оны бывшее от персскаго царя Аббаса, Грузинскую страну разорившаго и храмы ея христианския осквернившаго, и, хранящи святую икону от таковаго поругания, страны Российския мужу верну и благоговейну Стефану благопромыслительно вдати ю вспомоществовала еси, Владычице. Стяжав убо сей верный раб святыню Твою, во умилении сердца возопи Богу: Аллилуиа.

грузинская икона божией матери

Икос 2

Разумети хотя благоговейный муж Георгий недоуменную тайну откровения Твоего, Владычице, о некоем безценном бисере, приставником имения его во стране Персидстей приобретеннем, с патриархом Филаретом совещавашеся. Мы же, таинственному вразумлению Преблагословенныя, свыше верным рабом подаваемому, дивящеся, благоговейно вопием к Ней:

Радуйся, сокровенныя тайны благодати Божия верным открывающая;

радуйся, устнами православных хвалу Богови совершающая.

Радуйся, неверных агарян, святыню Твою презревших, посрамляющая;

радуйся, славою чудес Твоих верным смыслы озаряющая.

Радуйся, почитанию святых икон нас наставляющая;

радуйся, Христову веру во стране утверждающая.

Радуйся, иноков обителей Красныя горы святым Твоим образом освящающая;

радуйся, день принесения честныя Твоея иконы исцелением инока знаменовавшая.

Радуйся, безценный бисер, святую Твою икону, якоже рекла еси, нам даровавшая;

радуйся, безценный Бисер, Христа, на спасение наше рождшая.

Радуйся, честным Твоим образом страну нашу посетившая;

радуйся, мирную обитель неотъемлемым богатством обогатившая.

Радуйся, Невесто Неневестная.

Кондак 3

Сила Вышняго осеняет выну с верою притекающих к державному покрову Твоему, Владычице, и благоговейно чтущих чудотворную икону Твою, Богомати, той бо дадеся благодать от Бога всяк недуг и язю в людех врачевати, темже благодарственно вопием Богу: Аллилуиа.

Икос 3

Имущи промышление теплое о людех зимния полунощи, гору Красную под кров Твой, Богомати, прияла еси, и обители иноков тоя честный образ Твой милостивно даровала еси, да зряще токи чудес, преизобильно на молящихся Тебе с верою изливаемыя, во умилении вопиют Тебе, Владычице:

Радуйся, смиренную обитель иноков Красныя горы державным покровом Твоим осеняющая;

радуйся, чудесы от святыя Твоея иконы гору Красную прославляющая.

Радуйся, подобие благодатнаго Афона на зимней полунощи явившая;

радуйся, гору Красную житию иноческому чудно указавшая.

Радуйся, в щит и ограждение места того цельбоносную икону Твою даровавшая;

радуйся, поселившимся на сей святей горе иноком обитель тихую создавшая.

Радуйся, житие чина иноческаго во спасение душ устрояющая;

радуйся, всем хотящим улучити спасение споборствующая.

Радуйся, Красную гору и обитающих на ней благодатным омофором покрывающая;

радуйся, притекающих к Твоему покрову и заступлению не оставляющая.

Радуйся, слабых на пути добродетели укрепляющая;

радуйся, заблуждших на путь истинный наставляющая.

Радуйся, Невесто Неневестная.

грузинская икона божией матери

Кондак 4

Бурю внутрь имея помышлений сумнительных, слепец Питирим, егда озарен бе сиянием света, яко солнечным, смятеся, и страхом одержим бе, мняше о сем, яко о наваждении бесовстем, многа бо лета слеп бе; с молитвою же знамение крестное сотвори, обращься ко храму, и, узрев чудную Твою, Владычице, икону, светозарными лучами во храме блиставшую, абие уразуме, яко отверзостася очи его и слух его открыся, сего ради благодарственное принес Богу, дивному в делех, пение: Аллилуиа.

Икос 4

Слышав благоверный царь всея России Алексий, яко от святыя иконы Твоея, Владычице, яже на горе Красней, цельбы многоразличных недуг обильно подаются, даде повеление игумену обители по градом и весем великия державы своея с честию подобающею ю обносити, да приемлют страждущии врачевство недугов телесных и душевных и во умилении сердец взывают Тебе, Владычице:

Радуйся, Христа Бога нашего освященный храме;

радуйся, неизреченныя Его славы вместилище.

Радуйся, Царя царствующих одушевленный граде;

радуйся, палато и чертоже небесный.

Радуйся, Церкве Православныя похвало;

радуйся, державы Российския крепосте и утверждение.

Радуйся, градов и весей наших благодатное охранение;

радуйся, всех христиан, к Тебе притекающих, непостыдное упование.

Радуйся, от всех родов достойно ублажаемая;

радуйся, всех нас от бед и скорбей пришествием честнаго Твоего образа избавляющая.

Радуйся, сущих в странствии ко взысканию горняго града направляющая;

радуйся, путеводительнице наша к вечным обителем.

Радуйся, Невесто Неневестная.

Кондак 5

Боготечней звезде подобная явися Твоя, Богомати, икона, по воле Твоей святей от востока на самую полнощь принесенная, юже, яко дар небесный, восприимше иноцы красногорстии, поставиша в соборную церковь обители, и в веселии пояху благих подателю Богу: Аллилуиа.

грузинская икона божией матери

Икос 5

Видящи среброковача Гавриила, зельне плачуща пред Твоим чудотворным образом, Владычице, тогда умилосердилася еси, сына его на одре болезни лежаща воздвигла и здрава сотворила еси; сице и о мне умилосердися, преблагословенная Богородице, и грехми умерщвленную мою душу воскреси, зовущую:

Радуйся, благоволение Сына Твоего, Христа Бога нашего, нам стяжавшая;

радуйся, Мати Царя живота и Победителя смерти.

Радуйся, светлыми лучами чудес от святыя Твоея иконы страну Российскую озаряющая;

радуйся, богатыя дары исцелений и милостей просящим Тя пред чудною Твоею иконою источающая.

Радуйся, моления наша, приносимая Тебе с верою и любовию, милостивно приемлющая;

радуйся, телесныя недуги верно почитающих Тя скоро исцеляющая.

Радуйся, печаль нашу в радость претворяющая;

радуйся, от слез и скорбей нас избавляющая.

Радуйся, скорбных о чадех родителей утешение;

радуйся, чад их благодатное охранение и спасение.

Радуйся, покрове нам в животе и по смерти;

радуйся, спасение наше на праведнем Суде Божием.

Радуйся, Невесто Неневестная.

Кондак 6

Проповедника творящи купца Георгия воли Своея, рекла еси к нему, Владычице: Приставник имения твоего Стефан, сый в Персиде, купи тебе безценный бисер; егда же принесет к тебе, посли оный в Двинскую землю, на Чермную гору. Познав убо о сем Георгий Твое, Пречистая, к месту тому особое благоволение, воспряну воспети к рождшемуся от Тебе Богу: Аллилуиа.

Икос 6

Возсияла есть слава Божия на святей горе Красней от пречудныя Твоея иконы, Богомати, пред неюже предстояще, со умилением молимся Ти: услыши нас, вопиющих Тебе усердно:

Радуйся, гору полунощную пришествием чудотворнаго Твоего образа осенившая;

радуйся, чудес неоскудевающий источник на ней явившая.

Радуйся, милосердие и любовь Твою к обители иноков показавшая;

радуйся, благое о ней промышление Свое явившая.

Радуйся, телесныя недуги наша врачующая;

радуйся, в душевных скорбех нас утешающая.

Радуйся, благочестия наставнице;

радуйся, иноческаго жития руководительнице.

Радуйся, добрыя ко спасению обеты приемлющая;

радуйся, благим намерением и начинанием нашим способствующая.

Радуйся, злыя от наваждения врага бываемыя помыслы от нас отгоняющая;

радуйся, вражия козни яко паучину расторгающая.

Радуйся, Невесто Неневестная.

грузинская икона божией матери

Кондак 7

Хотя дати благословение новоустроенней обители иноков, Раифскою нареченней, архипастырь казанский Лаврентий лик Твой, Владычице, от чудотворнаго Твоего Красногорскаго образа тождественно списав, торжественно с молебным пением во обитель Раифскую внесе. Свидетелем же быв совершившихся от сея святыя Твоея, Владычице, иконы знамений и чудес, радостно возопи Богу: Аллилуиа.

Икос 7

Новую купель Силоамскую зрим, Пречистая Богородице, храм Твой, иже в Раифе. Всяк бо недуг и всяку язю душевную и телесную врачуеши с верою и любовию к Тебе притекающих и благоговейно чтущих и лобызающих святый образ Твой. Сего ради, имуще новое неизреченное сокровище Твоих милостей, радостно вопием Ти, Пречистая:

Радуйся, купеле, в нейже душевныя недуги наша врачуются;

радуйся, источниче, жаждущим воду жизни источивый.

Радуйся, слепым телесныма очима зрение подавающая;

радуйся, глухим слух отверзающая.

Радуйся, разслабленныя телом укрепляющая;

радуйся, лежащия на одре болезни возставляющая.

Радуйся, плавающия по водам от бурь и потопления спасающая;

радуйся, влающияся в пучине житейскаго моря к тихому пристанищу спасения направляющая.

Радуйся, оружие, имже устрашаются полцы демонския;

радуйся, щите, имже покрываются обители иноков.

Радуйся, тихое пустынножителей веселие;

радуйся, тихое обуреваемых в сем веце пристанище.

Радуйся, Невесто Неневестная.

Кондак 8

Странно слышати и неудобно разумети злым неверием омраченным, како от святых икон Твоих, Владычице, знамения и чудеса бывают. Нам же, тепле верующим словеси, Тобою к первоначертанней благовестником евангельских таин святей иконе реченному: Благодать Рождшагося от Мене и Моя с сим образом да будет, удобно есть разумети и праведно уповати, яко и с сею иконою Твоею Грузинскою благодать Твоя и сила пребывают выну. Сего ради с благоговейным страхом предстояще, с тем и воздаем ей честь, яко Тебе Самой, нам присущей, радостно поюще Богу: Аллилуиа.

грузинская икона божией матери

Икос 8

Вся присно горе сущи и с небесными силами выну пребывающи, нас земнородных не оставляеши, Богомати, теплым предстательством пред Сыном и Богом Твоим, Матернее бо дерзновение к Нему имаши. Сего ради, предстояще пречистому Твоему образу, со слезами покаяния вопием Ти, Богородительнице:

Радуйся, путеводительнице верная, к небесному отечеству добре нас направляющая;

радуйся, Мати Царя небесе и земли, врата райская нам отверзающая.

Радуйся, домостроительнице, житие наше к небесному устрояющая;

радуйся, вечная благая Сына Твоего нам являющая.

Радуйся, от скорбей и бед зде нас спасающая;

радуйся, вечных мук и огня геенскаго по смерти нас избавляющая.

Радуйся, всех притекающих с верою и любовию к Тебе сугубо милующая;

радуйся, молитвы наша, приносимыя Тебе пред чудотворным Твоим образом, ко престолу Сына Твоего и Бога нашего возносящая.

Радуйся, благая наша помощнице;

радуйся, непостыдное наше упование.

Радуйся, Невесто Неневестная.

Кондак 9

Всякаго естества архангельскаго и ангельскаго превысши, херувим же и серафим честнейши еси, Пресвятая Дево. Бога бо, Царя небесных сил, плотию родила еси, Невместимаго во утробе Своей вместила еси, Носящаго весь мир дланию на руках носила еси, и всякое естество Питающаго млеком питала еси. Темже воистину Матерь Божию и ходатаицу рода христианскаго Тя ведуще, со дерзновением вопием Богу: Аллилуиа.

Икос 9

Витии многовещаннии не ведят, киими словесы благохвальными подобает величати Тя, Богородице, обаче, благая сущи, приими милостивно, аще и немощными смыслы сложенная, но от чистаго сердца приносимая Тебе в похвалу сицевая пения:

Радуйся, пренепорочная Отроковице, Превечным советом ко спасению рода нашего избранная;

радуйся, Жено, Еяже Семя сокруши главу древняго змия.

Радуйся, в женах преблагословенная;

радуйся, благодать у Бога обретшая.

Радуйся, архангельское вещание о воплощении Единаго от Святыя Троицы смиренно приявшая;

радуйся, кроткая рабо Господня.

Радуйся, сосуде, Духом Божиим освященный;

радуйся, силою Всевышняго осененная.

Радуйся, Спасителя наших душ рождшая;

радуйся, падший род наш с правосудием Божиим примирившая.

Радуйся, Эдем затворенный рождеством Твоим миру отверзшая;

радуйся, от пленения адова нас рождеством Твоим свободившая.

Радуйся, Невесто Неневестная.

грузинская икона божией матери

Кондак 10

Спасти хотящи многия люди от бед и скорбей, всюду являеши, Богомати, роду нашему неоскудеваемый от Своея иконы Грузинския источник милости. Красногорскую бо обитель от запаления огненнаго во дни оны неврежденну сохранила еси, угасивши свирепеющую окрест ея силу огненную, в царствующем же граде Москве и в пустыни Раифстей благодати струи от иконы Твоея источаеши всем с верою поклоняющимся Тебе, и во иных градех и весех наших чтущим Тя полезное подаеши. Темже, прославляюще Бога, даровавшаго нам о Тебе благодать таковую, присно вопием Ему: Аллилуиа.

Икос 10

Стена еси крепкая, Богородице Дево, обители Красногорския и пустыни Раифския ограда несокрушимая, чину же иноческому украшение и слава. Сего ради, молящеся, вопием Ти, Пречистая: покрый с верою поклоняющихся Тебе пред Твоим чудотворным образом от бед и скорбей, с любовию Тебе вопиющих:

Радуйся, крепкая от находящих на ны напастей и бед хранительнице;

радуйся, обителей иноческих неусыпная блюстительнице.

Радуйся, от свирепеющаго пламене во дни оны обитель Красногорскую по теплому молению иноков дивно сохранившая;

радуйся, благорастворение воздухов и спасительный дождь благовременно той низпосылающая.

Радуйся, жития чина иноческаго украшение и доброто;

радуйся, в бурю искушений и бед нас спасающая.

Радуйся, помышления наша освящающая;

радуйся, сердца наша очищающая.

Радуйся, душегубительный пламень страстей наших угашающая;

радуйся, мрак сатанинских искушений разсевающая.

Радуйся, житию нашему благословение Божие низводящая;

радуйся, мысленная очеса наша к горним обителем направляющая.

Радуйся, Невесто Неневестная.

Кондак 11

Пение хвалебное приносят Ти, Владычице, людие богоспасаемаго града Архангельска, егда град их единою в лето освящается пришествием Твоего чудотворнаго образа, и со светильники и кадильницы грядуще во сретение его, радостно вопиют Богу: Аллилуиа.

грузинская икона божией матери

Икос 11

Светозарными лучами чудес икона Твоя, Владычице, на святей горе Красней немерцаемо сияет и Российскую страну нашу православную благодатно озаряет, прогоняющи всякое темное действо вражие силою Божиею, побуждающи нас пред нею Тебе, богоизбранная Отроковице, хвалебная пения возносити:

Радуйся, на пути нашего спасения неугасимый светильниче веры и благочестия;

радуйся, луче незаходимаго Солнца.

Радуйся, немерцающая во стране нашей православия звездо;

радуйся, добродетели путь освящающая.

Радуйся, заре, Солнце правды являющая;

радуйся, свете, мрак неведения отгоняющая.

Радуйся, купино неопалимая, Бога явившая;

радуйся, престоле огненный Вседержителя.

Радуйся, чистоты сокровище;

радуйся, цвете неувядаемый славы.

Радуйся, Вышняго освященное божественное селение;

радуйся, яко Тобою дадеся радость всем Тя, Богородице, призывающим.

Радуйся, Невесто Неневестная.

Кондак 12

Благодати Твоея никогдаже оскудевающия неизсякаемый источник явила еси, Богородительнице, чудотворную икону Твою, от неяже вси скорбящии и обремененнии грехми многими спасение и цельбы во вся времена приемлют и радостно о Тебе воспевают всеблагому Богу: Аллилуиа.

Икос 12

Поюще Твоя преславная чудеса, Богомати, от святыя Твоея иконы неоскудно нам подаваемая, и все упование наше на Тя, Заступнице, возлагающе, со умилением вопием Ти:

Радуйся, непостыдное христиан упование в будущем веце;

радуйся, в делании заповедей Сына Твоего пребывающих спасающая.

Радуйся, в животе сем нас во здравии сохраняющая;

радуйся, в страшный час смерти нас не оставляющая.

Радуйся, верным рабом Твоим христианскую кончину устрояющая;

радуйся, на Суде праведнем Сына Твоего верных слуг Твоих вожделенный глас Его слышати сподобляющая.

Радуйся, всем хотящим спастися и в разум истины приити благая Одигитрие;

радуйся, всех в сокрушении сердечнем кающихся грешников несумненное спасение.

Радуйся, рождеством Твоим двери рая миру отверзшая;

радуйся, земнородных с небесными к вечному веселию сочетавшая.

Радуйся, от ангел присно воспеваемая;

радуйся, и от земнородных достойно ублажаемая.

Радуйся, Невесто Неневестная.

грузинская икона божией матери

Кондак 13

О всепетая Мати, Пресвятая Госпоже Дево Богородице, не отрини смиренно приносимое Тебе ныне пред чудотворным Твоим образом сие малое моление наше, презирающи бездну грехов наших, избави всех нас от бед и скорбей в животе сем и грядущия вечныя изми муки, нелицемерно о Тебе вопиющих Богу: Аллилуиа.

Этот кондак читается трижды, затем 1-й икос «Архангелов и ангелов…» и 1-й кондак «Избранней от всех родов…».

Молитва 1-я

Приими, Всеблагомощная Пречистая Госпоже, Владычице Богородительнице, сия честныя дары от нас, недостойных рабов Твоих, к Твоему цельбоносному образу пение возсылающих со умилением, яко Тебе Самой сущей ту и послушающей моления наша, подающи с верою просящим по коемуждо прошению исполнение: скорбящим скорби облегчаеши, немощным здравие даруеши, разслабленных и недужных исцеляеши, и от бесных бесы прогоняеши, обидимыя от обид избавляеши, и насилуемых спасаеши, грешных прощаеши, прокаженных очищаеши, и малых детей милуеши, и неплодныя от неплодства разрешаеши. Еще, Госпоже Владычице, от уз и темниц свобождаеши, и всякия многоразличныя страсти исцеляеши, и очныя болезни уврачуеши, и от смертоносныя язвы избавляеши: вся бо возможна суть ходатайством Твоим к Сыну Твоему, Христу Богу нашему. О Всепетая Мати, Пречистая Богородице! Не престай молити о нас, недостойных рабех Твоих, славящих Тя и почитающих, и покланяющихся пречистому образу Твоему, и надежду имущих невозвратну и веру несумненну к Тебе, Приснодевей, Преславней и Непорочней, славящих, и чтущих, и поющих Тя во веки веков. Аминь.

Молитва 2-я

К Тебе, Богоизбранная Отроковице, Пресвятая Дево Богородице, Небесе и земли Царице, припадающе, вопием: услыши молений наших глас и не отврати лица Твоего от нас, недостойных. Приими, Всеблагая, от недостойных раб Твоих, чтущих всечестное имя Твое и с верою покланяющихся Тебе пред чудотворным Твоим образом, приносимое ныне теплое моление наше, вознеси е к Престолу Сына Твоего, Христа Бога нашего, да милостив будет к неправдам нашим и не воздаст нам по делом нашим, но да пробавит щедроты Своя. Вемы, яко несмы достойни, по грехом нашим, от Него помиловани быти, аще не Ты, Владычице, умолиши Его о нас, вся бо можеши испросити у Него, Матернее бо к Нему имаши дерзновение. Сего ради к Тебе, яко всемощней и всеблагой Заступнице нашей, прибегаем, усердно молящеся: испроси у рождшагося от Тебе Единороднаго Сына Божия, Христа Бога нашего, всем нам в святоотечестей Православней вере твердое до конца дней наших пребывание и во всех заповедех Господних неуклонное хождение, да, прочее время живота нашего поживше во всяком благочестии и чистоте, сподобимся мирныя христианския кончины и добраго ответа на страшнем Суде Сына Твоего и Бога нашего и тако достигнем, под кровом Твоея помощи, живота вечнаго во Царствии Отца светов, Емуже, купно со Единородным Его Сыном и Святым Духом, подобает слава, честь и поклонение, ныне, и присно, и во веки веков. Аминь.

грузинская икона божией матери

Канон

Песнь 1

Ирмос: Коня и всадника в море Чермное сокрушаяй брани мышцею высокою Христос истрясе, Израиля же спасе, победную песнь поюща.

Взятся кивот Божественный почити в Горе Божии, яко одушевлен, Безсмертнаго Бога Родительницы образ в честнем храме пребыти, егоже торжество светло праздновати стецемся, вернии.

Гласы, яко трубы, возшумите, благочестивых мужей множества, и воззовите вельми, священных уста, и приимите икону Царицыну, пришедшую во спасение наше.

К горе, Девы Пренепорочныя приимшей икону, приступим, вернии, и благоухания Божественнаго прияти потщимся, в сей бо излияся миродыхающее и души облагоухающее благовоние.

Гора явленнейшая Ты бысть, Пречистая Владычице, на Нюже Господь возшед, явися, к Нейже прибегающе, спасаемся.

Песнь 3

Ирмос: Водрузивый на ничесомже землю повелением Твоим и повесивый неодержимо тяготеющую на недвижимем, Христе, камени заповедей Твоих, Церковь Твою утверди, Едине Блаже и Человеколюбче.

В песнех тимпанских ныне воспоем Чистей Богородительнице и со освященных соборы чудотворный Той образ окружим, радующеся, яко Престол есть Божий Святый.

Живоподательный Божественный источник видяще, приидите, верными сердцы слезы точаще, Чистыя Богоматере иконе прикоснемся, исцеления точащей.

Якоже цвет прекрасный и воня пищная, икона Твоя, Владычице, и спасает всех притекающих к ней, и от различных недуг избавляет с верою призывающих Тя.

Божественное и благородное Жилище, подаждь согрешением нашим оставление памятию Твоею, Владычице, и от бед спаси ны, Мати Божия.

грузинская икона божией матери

Кондак, глас 6

Аще попущением Божественным от рук неверных честная Твоя, Владычице, икона поруганию подвержеся и копием варвар прободена бысть, обаче во стране нашей Православней любочестно всеми прославляется и благоговейно почитается, сего ради Тобою являет слепым зрение, глухим слышание, немым глаголание, хромым хождение, разслабленным укрепление, скорбным утешение и отраду. Сих ради молим Тя, Милосердная Мати, до конца пробави милости Твоя на нас, яко Благая.

Седален

Хотящих всех с верою входити в храм Твой святый, Владычице, присно спасай и сохраняй, в нем Тя славящих, от всяких напастей и бед свобождай и на противныя победы даруй, ко спасению прошения присно нам подающи.

Песнь 4

Ирмос: Божественное Твое разумев истощание прозорливо, Аввакум, Христе, со трепетом вопияше Тебе: во спасение людей Твоих спасти помазанныя Твоя пришел еси.

Гора, добродетельми присенная, из Неяже Владыка раболепно прииде, человеки от работы вражия избавляя, явилася еси, Пречистая Владычице.

Гора, юже виде Божественный Аввакум, присенная и чистая Ты явися, Пречистая Богородице.

Гору превелию, юже Даниил виде, именуем Тя, Владычице, от Неяже Камень отсечеся Нерукосечный и вся соблазны истни, верныя же просвети.

Гору Тя усырену и тучну именует Давид, праотец Твой, от Неяже Бог явися, спасая всех поющих Тя и покланяющихся Тебе.

грузинская икона божией матери

Песнь 5

Ирмос: Одеяйся светом, яко ризою, к Тебе утренюю и Тебе зову: душу мою просвети омраченную, Христе, яко Един Благоутробен.

Небеснии лицы веселятся с человеки днесь и уготовляются прияти честную икону Чистыя Богоматере, яко воистину Царицы тварем, преподобно владычествующия.

Да уклонятся днесь воздушнии дуси, да отступит же и самый миродержец и да падет посрамлен, покланяему видя икону Богоматере.

Не якоже ктому образно в гаданиих священный ковчег Завета носим есть, икона бо Божия Матере священными руками днесь честно в церковь вносима есть.

Голубице Соломоня, яко воистину добра же, и красна, и всечестна, помяни нас в Небесных селениих Сына Твоего, празднующих день пришествия честныя иконы Твоея.

Песнь 6

Ирмос: Неистовствующееся бурею душетленною, Владыко Христе, страстей море укроти и от тли возведи мя, яко Благоутробен.

Воистину безценный есть бисер, Владычице, икона Твоя, нам даровася, якоже Сама рекла еси, обогащая вся верою приходящия к Тебе.

Светится днесь православных собор, еретический же полк да посрамится, видя икону Богоматере покланяему, плотию нам Избавителя рождшия.

Слепым свет уже пришествова, и немощным люте врачевство отверзеся, и всем спасение днесь приближися пришествием честнаго образа Богоматере.

Гора, яже прежде бяше мрачна, ныне же честна и свята есть, на нейже дом Твой, Богородице, верху ея уведехом, Владычице, истинное сбытие Твоея честныя иконы пришествием. Тем верою и любовию вопием Ти: избави от бед рабы Своя.

Кондак, глас 8

Тебе, Избранней от всех родов, Божией Матери, благодарственная пения приносим, пришествием честныя Твоея иконы, раби Твои, Богородице, озаряеми, но, яко имущая державу непобедимую, от всяких нас бед свободи, да зовем Ти: радуйся, Невесто Неневестная.

грузинская икона божией матери

Икос

Архангельский глас приносим Ти, Богородице, недостойнии раби Твои, умильно стояще пред честною иконою Твоею, сице зовем Ти: радуйся, Обрадованная Мати Царева; радуйся, Небесная Царице, Мати Христа, Бога Небеси и земли; радуйся, предпочтенная величеством чистоты пришествием Сына Твоего и Бога; радуйся, возвеличенная Ангеловым сошествием к Тебе; радуйся, от всех родов избранная Богом; радуйся, святое Вместилище Божия Слова; радуйся, пророческаго проповедания и проречения сбытие; радуйся, апостолом пречестный венче; радуйся, мучеником увязение и благоверным державо; радуйся, святителем украшение и священником доброто; радуйся, любомудрецем иноческаго лика возведение к Горнему Царствию; радуйся, отверзающая рая двери, христианскому роду, присно блажащему Тя, Помощнице; радуйся, Невесто Неневестная.

Песнь 7

Ирмос: Превозносимый отцев Господь пламень угаси, отроки ороси, согласно поющия: Боже, благословен еси.

Священничестии собори и людей составления, отроковицы вся и девицы, воспойте Девы честнаго образа пришествие, веселящеся.

Светится днесь Божия Церковь, славы бо свет в ней возсиял есть, плоти подобозрачное обличие Божия Матере, на спасение людей христоименитых.

Яко пресветлое солнце от незаходимых, икона Твоя, Богомати, от земли поганския преславно предстала есть на спасение людем верным.

Свет Невечерний рождши, Владычице, просвети нас светом лица Твоего и светлости святых сподоби молитвами Твоими.

Песнь 8

Ирмос: Тебе, Вседетелю, в пещи отроцы, всемирный лик сплетше, пояху: дела всякая, Господа пойте и превозносите во вся веки.

Царице всем женам, Дево, мольбу принеси Христу в памяти пришествия иконы Твоея о иже тоя совершающих торжество и превозносящих Тя во вся веки.

Яко световидно и освященно добротою Божества лице Твое, Пренепорочная, славою сияюще Божественнаго девства, преукрашеннаго во вся веки.

Давидски воспеваем Ти песнь, гору Божию именующе Тя, Владычице, источник бо приснотекущий нам источи, чудную икону Твою, тем чтим Тя во веки.

Глаголати не могу, изнемогаю же, и трепещу, и весь преклоняюся к Твоим превеликим чудесем, но любовь, Дево, зрящи, Божественными возмезди даровании непрестанно.

грузинская икона божией матери

Песнь 9

Ирмос: Исаие, ликуй, Дева име во чреве и роди Сына Еммануила, Бога же и Человека, Восток имя Ему, Егоже величающе, Деву ублажаем.

Вернии елицы, свещи вжегше, светом обложенную икону Чистыя Богоматере, приидите, усрящем сию, с песньми проводим, веселищеся.

Се убо вопияше Давид древле, глаголя: лицу Твоему помолятся богатии людие, воистину ныне мы обогатихомся, Владычице, пришествием честнаго образа Твоего.

Победы подаждь на сопротивныя иже честное пришествие святыя иконы Твоея почитающим, Богомати, Ты бо враги побеждаеши.

Славу по достоянию Тебе, яко Бог, подаде воплотивыйся из Тебе без семене, Владычице, мы же, худии, что Ти принесем, но точию приими усердие иже Тя любовию чтущих, яко Богородица, сохраняй и спаси нас.

Светилен

О пресветлый облаче, Мати Божия, нас побеждающия победи державною Твоею и всесильною десницею, и сущим в скорбех предстани, обидимыя заступи, и грехи очисти молитвенник Твоих, можеши бо, елико хощеши.

Величание

Величаем Тя, Пресвятая Дево, Мати Христа Бога нашего, и чтим образ Твой святый, от негоже источаеши исцеления всем, с верою к Тебе притекающим.

Утрата святынь православной церкви оставляет в сердцах горечь, сожаление, скорбь. Богородица явила христианам милость, одарив чудотворной иконой. Возвращения святыни с молитвами и надеждой ждут все верующие.

Поделиться
Отправить
Класснуть
Вотсапнуть
Запинить
Помогла статья? Оцените её
(1 оценок, среднее: 1,00 из 5)
Загрузка...
 рассчитывает на Вашу помощь!
Комментарии
  1. Аватар
    Тамара

    Считаю, что просить Богородицу помощи о выздоровлении можно при любой болезни и хоть моего заболевания в вышеперечисленном списке нет, икона тем не менее мне помогла избавиться от него.

Добавить комментарий

Adblock
detector