Житие преподобного Никандра Псковского и где находятся его мощи, молитвы

Псковская земля издавна славилась святынями, пропитанными Божьей благодатью. Одной из таких святынь является обитель, созданная во имя Псковского святого – отца Никандра. Не один год понадобился для возрождения пустыни. Многочисленные паломники получили возможность поклониться святому угоднику и получить как телесное, так и духовное исцеление. Но мало кто из них знаком с жизнью преподобного и его духовным подвигом.

Поиск молитв на все случаи жизни

Житие святого Никандра Псковского

24 июля 1507 года в крестьянской семье Филиппа и Анастасии псковского села Виделебье родился мальчик, названный Никоном. Кроме Никона в семье рос еще один сын – Арсений, позже принявший монашество.

Отец семейства прожил недолго, мальчики остались на попечении матери. Никон с детства рос благочестивым, боголюбивым ребенком, мечтая о служении Господу по примеру святого Евфросина. Отрок часто уединялся, молясь и размышляя о спасении. Когда юноше исполнилось 17 лет, он уговорил свою мать отречься от мира, уйдя в монастырь.

После этого Никон отправляется на поклонение псковским святыням. Вернувшись с богомолья, юноша нанимается на работу к местному купцу Филиппу. Из-за бедности Никон не имел возможности учиться в школе. Но юноша мечтал научиться грамоте, чтобы читать Священное Писание. Видя трудолюбие и смирение Никона, купец решает помочь юноше, определив его на обучение к диакону.

Научившись читать и изучив божественные книги, юный подвижник задался целью принять монашество. Юноша усердно молился Господу, прося указать ему место послушания. Молитвы Никона не остались без ответа. Однажды будущий святой услышал глас, возвестивший о том, что место уединения Никону укажет некий крестьянин Феодор. Так и произошло. Никон познакомился с Феодором Ситником, который рассказал подвижнику об уединенном месте, расположенном в густой чаще леса, вдали от людских глаз. Место это находилось возле речки Демьянка, между Псковом и Порховом.

Проведя в уединении около 15 лет, отшельник пришел в Крыпецкую обитель. Суровый многолетний подвиг вдали от людей, преодоление множества искушений, трудностей подорвали здоровье пустынника. Увидев иссушенную плоть, настоятель монастыря с опаской отнесся к желанию святого принять монашество. Но мольбы подвижника смягчили игумена, он совершил постриг, дав святому имя Никандр.

Новый инок смиренно выполнял все послушания, повинуясь воле игумена и братии. Боголюбие, крепость, милосердие инока вызывали уважение у насельников. Но тоска по отшельнической жизни не оставляла Никандра, он вновь удалился в пустыню.

никандр псковский

Пустынная жизнь была полна опасностей. Однажды на жилище святого напали разбойники. Но в убогой хижине преподобного взять было нечего. Бандиты, избив Никандра, отобрали единственно ценное для пустынножителя – иконы, священные книги.

Отшельник после ухода грабителей стал молиться Господу за бандитов, прося простить их. Но, несмотря на молитвы преподобного, разбойники понесли наказание. Господь скрыл от них выход из леса, запутав следы и сбив с пути. Долгие блуждания по лесам, голод, жажда, постигли разбойников. Двое из них не выдержали, погибли. Оставшихся в живых бандитов охватило раскаяние. Они вернулись к Никандру, вернув награбленное и моля о прощении.

Через время отшельник решил вновь вернуться в монастырь, где был поставлен пономарем. Кроме того, одним из послушаний святого было выпекание просфор. Преподобный любую работу выполнял с усердием и радостью. За кроткий нрав, доброту братья полюбили пустынника. Они обратились к игумену с просьбой назначить преподобного келарем.

Но общение с людьми святому давалось с трудом, душа его стремилась к безмолвному уединению, преподобный окончательно покинул обитель.

Слава о благочестивом отшельнике разнеслась по окрестностям. Множество людей шли к Никандру за советом и назиданием. Верующие просили у преподобного помощи, заступничества перед Господом. Пустынножитель внимательно выслушивал всех посетителей, но старался скрыть от них свои дарования, тайно рыдая и молясь у себя в келье. Чтобы паломникам было где переночевать, святой обустроил небольшую хижину.

За несколько лет до смерти пустынник наложил на себя схиму. Святой предсказал день своей смерти. По его словам, это должно было произойти во время нападения польских войск на Псков. При этом преподобный предрек поражение вражеских войск.

Слова пустынника сбылись. Пустынножитель Никандр скончался 24 сентября 1581 года, завещав возвести на его могиле храм, куда поместить образ Благовещения Пресвятой Богородицы.

Почитание Псковского чудотворца в православии

Имя святого Никандра не было забыто. Через 4 года после его смерти на место погребения преподобного пришел инок Исаия. Долгое время монаха мучила болезнь ног, он пришел к могиле преподобного, чтобы помолиться об исцелении. По молитвам к святому Исаия избавился от своей болезни. В благодарность инок решил построить на месте подвигов святого обитель, которую позже назвали Никандровой пустынью.

никандр псковский

В середине XVII века дворянином Яковым Матвеевичем Муравьевым, с благословения митрополита Никона, на территории монастыря был возведен храм во имя святого пустынножителя. Обитель благополучно существовала и развивалась до 1665 года, но после набегов поляков монастырь был разорен. Но церковной братии удалось быстро восстановить обитель. Однако в 1673 году монастырь был уничтожен большим пожаром. Не уцелело ни церковное, ни братское имущество.

По просьбе игумена монастыря – отца Иллариона – царь Алексей Михайлович выделил помощь и земли для восстановления пустыни. Помогли также многочисленные прихожане. Так, всем миром были возведены каменные храмы, пополнившиеся новыми иконами, богословскими книгами, другим имуществом.

Чудотворное действие мощей святого влекло в пустынь множество паломников. Монастырская братия обратилась к патриарху с прошением о канонизации пустынника. В 1687 году была созвана комиссия для освидетельствования мощей. Удостоверившись в их нетленности, собрав сведения о происходивших от них чудесах, Святой Синод принял решение причислить преподобного к лику святых и установить день памяти преподобного.

Чествования святого Никандра выпадают на три дня в году:

  • 24 сентября – день кончины пустынножителя;
  • 29 июня – день обретения мощей;
  • переходящую дату – день собора Псковских и Новгородских святых.

Никандровская пустынь благополучно существовала до 1917 года. Но с приходом советской власти обитель закрыли, а все монастырское имущество вывезли в Петроград. Исчезла и рака преподобного вместе с чудотворными мощами.

Восстановление монастыря началось лишь после 2000 года. На данный момент на территории пустыни находятся: часовня, каменный храм во имя Благовещения Пресвятой Богородицы, три возрожденных силами церковнослужителей и прихожан целебных источника.

Где находятся мощи святого Никандра Пустынножителя

Мощи чудотворца долгое время были скрыты в стене монастырского собора. Священные останки обнаружили во время перестройки храма. Поклониться чудотворным мощам пустынножителя можно в Свято-Благовещенском храме Никандровой пустыни.

никандр псковский

Иконография

В Никандровой пустыни хранится одна из древних икон чудотворца. Святой образ был приобретен неким российским бизнесменом на зарубежном аукционе и подарен старцу Николаю Гурьянову. Старец передал икону архиерею, который поместил ее в храм Никандровой обители.

На иконах пустынник чаще всего изображается по пояс. Иконописцы традиционно представляют чудотворца седовласым старцем. На некоторых иконах Никандр изображен с округлой бородой, на других – с длинной, сужающейся книзу.

Облачен святой в монашескую одежду, говорящую об отречении от мира:

  • хитон, символизирующий терпение и скорбь;
  • длинный плащ, застегнутый на вороте;
  • на голове куколь – символ смирения и Божьей благодати.

В руках преподобный держит развернутый свиток, на котором написаны слова из Священного Писания. Встречаются ростовые иконы Пустынножителя, на которых святой изображается на фоне собора.

Православные тексты

После канонизации преподобного была составлена служба, состоящая из тропарей, кондаков. Во время праздничных богослужений, посвященных Пустынножителю, исполняются также акафист и величание. К святому Никандру можно обращаться и с молитвой, читая ее перед иконой преподобного.

Тропарь

Свети́ло незаходи́маго све́та/ стране́ на́шей яви́лся еси́, богоблаже́нне,/ до́блественне претерпе́в вра́жия озлобле́ния,/ бие́ние и ра́ны я́ко оде́жда нетле́ния вмени́шася тебе́,/ со зверьми́ бо бра́вся,/ и от челове́к злых прободе́ния прия́в,/ о тех моли́лся еси́:/ не поста́ви им греха́ сего́, глаго́ля;/ те́мже Влады́це Христу́ уподо́бился еси́,/ достохва́льне Ника́ндре, о́тче наш,/ моли́ся о душа́х на́ших.

Ин тропарь

Глас Боже́ственный, и́же во Ева́нгелии, услы́шав,/ преподо́бне о́тче Ника́ндре:/ прииди́те ко Мне, вси тружда́ющиеся и обремене́ннии,/ и Аз упоко́ю вы,/ и прие́м крест, после́довал еси́ Христу́,/ мир оста́вль, в пусты́ню всели́лся еси́,/ поще́нием же и бде́нием Небе́сный дар восприи́м,/ и ду́ши неду́жных приходя́щих к тебе́ с ве́рою исцеля́еши:/ те́мже и со А́нгелы сра́дуется, преподо́бне, дух твой.

никандр псковский

Акафист

Кондак 1

Возбранный от Начальника и Совершителя веры, Господа Иисуса, данный во образ последования Православныя Церкве сословию, доблественный подвижниче и чудотворче предивный, преподобне отче Никандре! Похвальная со благодарением приносим ти молитвенницы твои: ибо теплым твоим предстательством у Царя Небеснаго вся полезная и спасительная ходатайствуеши нам. Яко имея дерзновение ко Престолу Благодати, от всяких нас злоключений свободи, да зовем ти:

Радуйся, преблаженне Никандре, преподобне отче наш.

Икос 1

Ангельскими девяточисленными силами окружаемый славы Господь, предъуведев неуклонное сердца твоего изволение, яко хощеши быти покоривым учеником и тщаливым исполнителем заповедей Его, вдохну тебе, якоже древле пророчице Анне, еже прибегати ко храму Господню, да научишися тамо началом премудрости, яже есть страх Господень: темже и научи нас со удивлением воспевати тебе таковая:

Радуйся, благочестиваго корене благое прозябение.

Радуйся, чудное всех христианских добродетелей плодоприношение.

Радуйся, младенче, при купели обновления посвятивый себе Господу на служения верная.

Радуйся, помазанниче, восприемый свыше всеоружия духовная.

Радуйся, теми от юности на тело свое, на мир сей и диавола себе ополчивый.

Радуйся, разум свой ко свету боговедения восперивый.

Радуйся, очима твоима всюду Господа искавый и в нем намерение полагавый.

Радуйся, слухи твоя на восприятие глаголов Божиих, имиже возраждается вера, обративый.

Радуйся, уста твоя на славословие Божие и псалмопение, на назидание искреннему твоему в душеполезнем отверзаяй.

Радуйся, руце твои на творение благодеяния требующым устрояяй.

Радуйся, нозе твои шествовати по путем оправданий Господних управляяй.

Радуйся, вся твоя душевная и телесная чувства на благоугождение Подателю всех благ устремляяй.

Радуйся, преблаженне Никандре, преподобне отче наш.

никандр псковский

Кондак 2

Видя преподобный Никандр душевныма очима, яко в мире сем всяческая суета, и яко недостойны суть страсти нынешняго века, имущей славе явитися на небесех, потщался, отвергся себе, мира и яже в нем, наставляемь преподобным Евфросином и Саввою, тесным и прискорбным шествовати путем в горний Небесный Иерусалим, егоже достигнув ныне, предстоя Престолу Агнчу, достойно веселится с ними и со всеми избранными, поя Всесильному Богу: Аллилуиа.

Икос 2

Разумев Господь, напоивый тя, преподобне, словесным и нелестным млеком благочестия, сподоби тя преспевати в мужа, в меру возраста совершенна, возрастающа во спасение, да вкусиши, яко благ Господь: к Немуже приходя, сам яко камение живо зиждешися в храм духовен, в святительство свято, возносити жертвы духовныя благоприятны Богови; и да благоуспееши в сем. Удалився от дому твоего, вдал еси себе мужу богобоязливу, навыкнути от него, яже суть на потребу: уведети Писания, в нихже сокровен есть живот вечный, и да научиши нас приглашати тебе таковая:

Радуйся, юноше, вся детская игралища, яко поползновение ко злу, презревый.

Радуйся, мудрованием горних, а не земных, яко многоценным бисером, сиявый.

Радуйся, оным лице твое и сердце украсивый.

Радуйся, Господа от всея души и всея крепости твоея возлюбивый.

Радуйся, не точию день субботный, но и вся дни живота Господу Богу святивый.

Радуйся, николиже имене Господа Бога твоего всуе приемый.

Радуйся, родителей твоих любовию, послушанием и воздаянием должным почтивый.

Радуйся, ближняго твоего, яко себе самаго возлюбивый.

Радуйся, юность твою в целомудрии обучивый.

Радуйся, яко деву чисту, Жениху Христу себе обручивый.

Радуйся, писанная в законе благодатию Божиею сотворивый, и в усовершение сего еще едино докончавый.

Радуйся, вся имения твоя продавый, и да живот вечный наследиши, нищым раздавый.

Радуйся, преблаженне Никандре, преподобне отче наш.

Кондак 3

Сила божественнаго евангельскаго слова: «Приидите ко Мне вси труждающиися и обремененнии, и Аз упокою вы», подобно мечу обоюду остру, проникну твое, преблаженне, ревностное сердце, бывшу тебе со благоговением во святем храме: егоже действия толико исполнен был еси, яко ничесому запинающу, паче же путь тебе показующему Божиим изволением мужу Феодору, прострый дух твой, яко горлица в пустыню непроходимую водворился еси, и тамо воздвигнув некое жилище, себе самаго представил еси селение Богу Вышнему, поя Ему в подвизех молитвы и пощения всегда: Аллилуиа.

никандр псковский

Икос 3

Имея основание богоугоднаго жития твоего, преблаженне отче наш, смирение, кротость и нетщеславие, да отец твой, видя в тайне, воздаст тебе яве, мнил еси места пустынная быти сокровение твоея добродетели. Но якоже речеся: «Несть глас, иже не услышится»; тако и святое житие твое прославися во окрестных странах. И да не како пакостник плоти, аггел сатанин, препнет твоему шествию, и да не искусит тя похвалитися о сем: сего ради оставив место пребывания твоего, Богу лучшее что о тебе предзревшу, притекл еси во обитель святаго Иоанна Богослова, и откровенным гласом пред церковию и ангелами изрек священныя обеты, вдал еси себе во служение иноческое. Темже воспеваем ти таковая:

Радуйся, воине, не двема господинома работати, но Единому точию, Живущему на Небесех, восхотевый.

Радуйся, вся повеленная чрез начальников поставленных от Него с радостию, а не с воздыханием творивый.

Радуйся, понесый терпеливодушно и самая великая озлобления.

Радуйся, плоть твою воюющую на духа умертвивый чрез молитву и суровая пощения.

Радуйся, уединенно в богомыслии и слезах нощи проводивый.

Радуйся, тело твое, во умерщвление страстей, на снедение летающым животным обнаживый.

Радуйся, кровьми мученическими во свидетельство непреложныя веры обагренный.

Радуйся, по распятии ветхаго Адама, новым, Иже есть Христос, в преподобии и правде оживотворенный.

Радуйся, крестивыйся во Христа.

Радуйся, облекийся во вся велелепоты Его.

Радуйся, хлеба ангельскаго во дворех Вышняго Сиона вкушаяй.

Радуйся, глаголом Божиим на труды многоразличныя себе укрепляяй.

Радуйся, преблаженне Никандре, преподобне отче наш.

Кондак 4

Буря смущения, воздвизаемая ветры многоразличных о преподобнем житии твоем помышлений, пребывающих с тобою во общежительстве, колеблет корабль смирения твоего. Ты же, смирения рачителю, паче и паче исполняяся оным, грядеши паки в пустыню, юже ти указа глас Невидимаго от олтаря исходяй, да тамо на вящшыя подвиги, препоясався силою свыше, обратишися, попирая силою Креста вся сопротивнаго козни, да тако соплет победоносный венец, удостоишися прияти на главу твою от руки Господа, всегда победители нас Творящаго, поя Ему: Аллилуиа.

Икос 4

Сущу ти на месте, великий подвижниче, идеже бе устроено жилище твое, Богу тако действующу, течение твое совершал еси в теплых молитвах, во уповании несомнительнем, яко не изнеможет от Бога всяк глагол, и в любви, от неяже ни ранами, ни прещением, ни гладом, ни иною коею нуждею отвлечен быти возмогл еси: обаче диавол, яко лев, иский кого поглотити, наусти безчеловечныя разбойники, еже предати тя гублению, но ничтоже возможе. Паче же прославися твое неизреченное терпение: егда бо от язвы копием в ребра весь обагрен был еси кровию, тогда возопил еси в души твоей, якоже Стефан: «Отче, отпусти им!» Мы же зряще твое крепкое благодушие, со удивлением вопием ти таковая:

Радуйся, страдальче, посвятивый в жертву приятну Богови себе самаго.

Радуйся, не убоявыйся от убивающих тело, души же не могущих убити.

Радуйся, каменю непоколебимый, от негоже вся волны свирепствующыя сокрушаются.

Радуйся, яко в тебе вера, любы, смирение и незлобие являются.

Радуйся, мужу скорбей, радуяйся со святым Павлом во страданиих своих.

Радуйся, приемляй радость, веселие и мзду многу на небесех.

Радуйся, кровию твоею, яко гласом вопиющим на небо, овых ослеплением очес и потоплением поразивый.

Радуйся, тоюжде кровию овых на путь истинный раскаяния обративый.

Радуйся, пришедшым им к тебе не грозныя и местныя взоры явивый.

Радуйся, яко отец сердоболный развращенных чад не оскорбивый.

Радуйся, излиянием крове твоея венчавыйся с мученики и страстотерпцы.

Радуйся, не точию всех притекающих к тебе с верою, но и о вразех твоих теплый молитвенниче.

Радуйся, преблаженне Никандре, преподобне отче наш.

никандр псковский

Кондак 5

Боготечная звезда, заимствующая свет свой от истиннаго солнца правды, Господа Иисуса, явился еси нам, богоблаженне Никандре, во мрачней нощи многострадальнаго жития сего спящым и заблуждающым, показуяй нам первее время востания от сна греховнаго: таже благовидным образом своим, словом, житием, любовию, духом, верою, чистотою, кротостию и терпением, ведый по пути спасения к горнему Небесному Отечеству всех прибегающих к тебе и вопиющих Богу: Аллилуиа.

Икос 5

Видевше Православныя Церкве благочестивая чада, паче же окрестнии, ревностное твое по заповедем Господним житие, и благодать Духа Святаго обитающую в сердцы твоем, еюже умудрився во спасение, преподавал еси послушающым тя отеческая наказания, и еюже врачевал еси не токмо недуги душевныя, но и телесныя, притекаху к тебе с верою не возвращающеся тщы, но якоже облацы поднебеснии исполнени влаги, орошаху нивы сердец своих, возвращающе благия плоды веры и вопиюще таковая:

Радуйся, источниче, посреде безводных мест источаяй сладкия воды полезных учений.

Радуйся, наставниче предобрый в надежди требующих о Божии милосердии уверений.

Радуйся, древо благосеннолиственное, успокояющее прохладою и утешением во юдоли сей странствующих.

Радуйся, совершенными плодами онаго насыщающее правды Христовы алчущих.

Радуйся, мироварнице, на вся недуги врачевания содержащая.

Радуйся, оная, яко врач скоромилостивый, безмездно недугующым подаваяй.

Радуйся, милости превеликия и скорбящым скоропредстательнаго сострадания хранилище.

Радуйся, неповинных разрешение и осужденных праведное судилище.

Радуйся, потщавыйся о нищете духовней и тою вселивый внутрь тебе Царствие Божие.

Радуйся, прилежавый неослабно чистоте душевней и телесней, и тою же зряй Бога.

Радуйся, светильниче, елеем дарований Духа Святаго возжженный.

Радуйся, на высоко место славы небесныя вознесенный.

Радуйся, преблаженне Никандре, преподобне отче наш.

Кондак 6

Проповедуют безмолвныя пустыни, обители, гради и веси безстрастное житие твое, еже стяжал еси, богомудре, первее умертвив плоть твою бдением, пощением, стоянием на молитвословиих, ниже возлеганием на ребра, точию преклонением главы и малым дреманием. Противу же диавольских наваждений и полчищ его, овогда во всадники на конех, с тимпаны и кличами, овогда в лютых волков и дивиих зверей преображавшихся, вооружался еси: овых поражением жезла, овых силою Креста, и сим, яко великий Константин, побеждал еси. О Немже хваляся, яко оружии непобедимем, поеши Распятому на Нем всегда: Аллилуиа.

никандр псковский

Икос 6

Возсиял еси царству Православно-Российскому под леты великий светильник, поставленный не под спудом, но на свещнице, исполнен елеа чиста веры, надежды и любве к Сотворшему тя, паче же христианскаго терпения, незлобия и чуднаго воздержания от брашен, да явиши всем любовию чтущым тя, яко не о хлебе единем жив будет человек, но о всяком глаголе, исходящем из уст Божиих. Темже и мы, покрываемии тмою грехопадений, алчущии и жаждущии духом, взирающе на тя, радостная приглашаем ти тако:

Радуйся, воине Христа Бога нашего избранный, пребываяй Ему верен даже до смерти.

Радуйся, во брани жития невидимых врагов мужественне победивый.

Радуйся, во служении твоем, яко течец скорый, не возвративыйся вспять.

Радуйся, семя слова Божия не на сердце каменно, но на сердце плотяно приимый.

Радуйся, произрастивый благия плоды, с нимиже явился мирови.

Радуйся, яко теми мир прославляет Отца, Иже есть на Небесех.

Радуйся, надежду твою и в жизни и в смерти возложивый на Господа Едина.

Радуйся, тою покоривый вся тебе сопротивная.

Радуйся, оною, яко непобедимым щитом, себе оградивый.

Радуйся, любовию твоею неразлучно себе Жениху Христу уневестивый.

Радуйся, тою всех блаженств, ихже стяжа кровию своею, присно наслаждаяйся.

Радуйся, яко седением Христа одесную Бога и ходатайством Его вопил еси в сердцы твоем: «Авва Отче!»

Радуйся, преблаженне Никандре, преподобне отче наш.

Кондак 7

Хотящу некоему богобоязливу мужу Симеону приити поклонитися тебе и насытитися сладостных учений твоих, имиже возмогл бы укрепити душу свою, яковая и улучил есть. Но ты, прозорливче, предрекл еси ему скороприближающуюся кончину и предуготовал еси его к мирному отшествию из сея плачевныя юдоли в вечную нескончаемую жизнь: чесо ради приим иноческий образ, устреми душу свою горе, и добре пожив, скончася и преселися во блаженная недра Авраамова; о чесом ты прославляя Бога, поеши благодарственная: Аллилуиа.

никандр псковский

Икос 7

Новаго тя пророка яви дивный в высоких Господь, разделяяй коемуждо дарования Святаго Духа, даровав тебе силу прозорливости: благородну бо некоему мужу Петру, заматоревшу во днех своих с женою и безчадну, чудесно приведенному к тебе, предрекл еси, яко имать родитися сын ему, и яко воздвигнется на месте безмолвия твоего храм Пресвятыя Богоматере, и распространится место сие и прославится, еже и сбыстся, чесовому удивляющеся, вопием ти:

Радуйся, мужу проречений, исполнением дела увенчанных.

Радуйся, будущая яко настоящая благодатию Божиею созерцаяй.

Радуйся, благогласная труба, еюже воздвизаются сердца земнородных унылая.

Радуйся, духовная скрижаль, на нейже изображена суть предсказания неложная.

Радуйся, иноков пустынножительных наставниче и основателю.

Радуйся, молитвами твоими обители чудныя распространителю.

Радуйся, оскудения монастырская обильне исполнивый и от хищников чудесне защитивый.

Радуйся, добре стадо тобою собранное ко спасению наставляяй.

Радуйся, образе нищеты духовныя благовидный.

Радуйся, вся мира сего красная, яко скороисчезающая, Бога ради презревый.

Радуйся, многия люди от пути греховнаго ко Господу обративый и спасый.

Радуйся, призывающих тя утешений духовных исполняяй.

Радуйся, преблаженне Никандре, преподобне отче наш.

Кондак 8

Странное видение и слышание не пленяющым разума в послушании веры и не покаряющымся истине является быти сие, яко овогда чрез сонное видение, простертием руки твоея, овогда чрез глагол приветлив, овогда чрез различная знамения, разслабленным, болящым, недугующым совершенное подаеши исцеление: мы же верою пленяеми, яко Богу вся возможна суть, и «веруяй в Мя, дела, — якоже рече Христос, — яже Аз творю, больша сих сотворит», прославляем в тебе Чудотворящаго Бога. Тебе же исповедающе достойным всемогущества Его орудием быти, велегласно вопием: Аллилуиа.

Икос 8

Весь быв предан Богу: разумом — яко помышляти о Нем, волею — яко творити угодная Ему, памятию — приводя себе необъемлемое присносущие Его, вся назирающее и вся ведущее, представил еси Тому и тело твое, измождив и очистив е бдением, пощением и чудным воздержанием, да сподобишися быти селение Богу Вышнему, да пребудеши во Христе, и Той в тебе. Сего ради во время Святаго Поста притекал еси в Демянскую обитель, и в совершение всех твоих добродетелей, наслаждался еси трапезы Господни, вкушая со благоговением и веселием Тело и Кровь Иисуса Христа. Мы же взирающе на тя, любезно вопием ти:

Радуйся, истинный учениче Христов, Егоже желанием возжелел еси исполнити волю.

Радуйся, шествовавый от веры в веру, от славы в славу.

Радуйся, приснотекущаго живодательнаго источника сладостей насладивыйся.

Радуйся, вкушением брашна негиблющаго, вечнаго, предвкусивый небесная блаженства.

Радуйся, удостоивыйся непостижимаго таинства, на неже приникнути ангели желают, общник быти.

Радуйся, чрез соединение сие призванный со Христом в Царстве Славы жити.

Радуйся, человече исполненный богомыслия и презревый вся земная.

Радуйся, во отвращение еже не видети суеты, главу и лице схимою покрывый.

Радуйся, о времени кончины твоея, еже от человек никтоже весть, предвозвестивый.

Радуйся, по некоем недузе малем крестообразно руце к персем сложивый.

Радуйся, дух твой с веселием в руце Господни предавый.

Радуйся, житие земное божественным гласом: «Благословен Бог, сице благоволивый, слава Тебе», запечатлевый.

Радуйся, преблаженне Никандре, преподобне отче наш.

никандр псковский

Кондак 9

Всякому естеству человеческому и ангельскому достоит дивитися великим от страны твоея подвигом и чудному свыше тебе дарованию: толико бо поработил еси плоть духови, яко на земли невещественное, равноангельное житие показал еси, и живя духом, духом и ходил еси, и во плоти аки безплотен явился еси. Сего ради многих чудес творения от Господа прием, чистою и богоприятною душею, благодатию того, ко избранным причтен еси небесным силам в нескончаемем Царствии, идеже поеши Всесильному Богу: Аллилуиа.

Икос 9

Витий многовещанных язык недоумеет тя, достойный всякия славы, славне преподобне отче Никандре, по достоянию восхвалити и благолепно прославити паче-естественная дела твоя, яже творил еси на земли во плоти сущу ти. Но и по преставлении твоем в вечное Царство Славы, идеже ныне по трудех и подвизех сладостно почиваеши, многая и преславная чудеса творити нам не престаеши: честная бо рака, идеже почивают святыя твоя мощи, есть подобна Силоаму, отнудуже хромии, слепии, недужнии и разслабленнии здравие улучают. Мы же, имуще таковое безценное сокровище, благодарствием убеждаеми, воспеваем тако:

Радуйся, земный ангеле и небесный человече.

Радуйся, во плоти живый духовно, в мире премирно.

Радуйся, честное носило и похваление Святыя Троицы.

Радуйся, тричастное души твоея посвятивый Единому Господу.

Радуйся, крилома разума возлетевый к Трисолнечному Свету.

Радуйся, волею твоею потщавыйся святити себе, якоже свят Господь Бог наш.

Радуйся, имеяй попечение не себе точию, но и всем блаженства достигнути.

Радуйся, исполненный мира и любве Божия, имиже ко всем миролюбив и братолюбив был еси.

Радуйся, осеняемый духом благодатей, и притекающих к тебе во спасение умудряяй.

Радуйся, в раскаяние пришедших милосердием Божиим утешаяй.

Радуйся, пред лицем Божиим, яко раб пред Господем, ходивый.

Радуйся, подвижниче, тако текий, яко достигл еси венца твоего, егоже и нас улучити сподоби.

Радуйся, преблаженне Никандре, преподобне отче наш.

Кондак 10

Спасение хотя улучити души твоей, преподобне, от юности твоея, даже до кончины, шествовал еси путем узким и прискорбным, взем крест на рамо, ведый, яко широкий и пространный путь есть вводяй в пагубу. Темже аще и терние, и непроходимая места, и злая приключения запинаху тебе: обаче, предшествующу тебе верному Вождю и Поборнику Иисусу, достигл еси во дворы небесныя, идеже радостей неизглаголанных, яже око не виде, и ухо не слыша, и на сердце человеку не взыдоша, наслаждаяся, вопиеши Богу: Аллилуиа.

никандр псковский

Икос 10

Стена необоримая еси всем земнородным, ко скорому твоему заступлению и предстательству притекающым, преблаженне отче Никандре! Темже и нам ко святым мощам твоим, невидимыми ангелами стрегомым, с верою приходящым, и милостивыя коемуждо по потребе помощи просящым, буди стена крепкая и оплот нерушимый, от всяких нас бед застеняя и ограждая, за еже мы вопием тебе таковая:

Радуйся, быстрый предстателю, приемляй прошения наша и на жертвенник благоутробия Божия возносяй.

Радуйся, коегождо прошения в их пользу исполняяй.

Радуйся, скорое услышание нищих.

Радуйся, сердобольный судие вдовиц и отче сирых.

Радуйся, озлобляемых неповинно ревностный защитителю.

Радуйся, болящих душею и телом безмездный исцелителю.

Радуйся, пище и отрадо алчущих и жаждущих.

Радуйся, согреяние во мразех сущих.

Радуйся, обуреваемых немятежное пристанище.

Радуйся, добрый кормчию, жития сего корабль управляяй.

Радуйся, оскудения обители твоея богатне исполнивый.

Радуйся, храмы святыя и здания, снеденныя огнем, согреянием сердец благоговеющих благолепне обновивый.

Радуйся, преблаженне Никандре, преподобне отче наш.

Кондак 11

Пению всякому земнородных достоит умолкнути в прославлении превышающих силы человеческия трудов твоих, имиже добре потрудился еси в пустыни, возделывая ниву сердца твоего ко духовному плодоношению. Кто бо от человек возвеличит суровое житие твое, кто прославит мужественныя подвиги твоя, безмолвие совершенное, смирение, незлобие, нищету духовную, пост многодневный, молитву непрестанную, чистоту по внутреннему и внешнему человеку, за няже сподобился еси со всеми без порока последующими Агнцу, во преподобии и правде пожившими, пети: Аллилуиа.

Икос 11

Светозарное светило явился еси не точию во странах Новаграда и Пскова, но и всю богоспасаемую Россию освещаеши златовидными лучами твоего пустыннаго и богоугоднаго жития, преподобне, и обильными водами, от цельбоносных мощей твоих, напаяеши всех верных, вопиющих к тебе таковая:

Радуйся, исповедавый Христа Иисуса словом и делом пред человеки.

Радуйся, яко в воздаяние за сия, исповедан еси от Него пред ангелы Божиими во веки.

Радуйся, благий делателю винограда Христова, понесый тяготу дне и вар.

Радуйся, плоды трудов твоих, яко первородное, принесый Господу в дар.

Радуйся, миром слез твоих в вере помазавый нозе Иисуса.

Радуйся, яко, идеже глас Евангелский проницает, возвещается имя твое.

Радуйся, тело твое уготовавый в жилище Духу Святому.

Радуйся, и по смерти, действовати Емуже в нем людем на пользу, удостоивыйся.

Радуйся, яко мощей твоих демонския силы трепещут.

Радуйся, яко мощи твоя коемуждо в приключившихся печалех увеселение источают.

Радуйся, востекий на небеса душею, яко Илия Елиссееви же оставивый милоть, ты же нам мощи твоя.

Радуйся, яко силою их, якоже той милотию разделяше воды, мы, лобызающе я, разделяем воды скорбей и шествуем по суши исполнения желаний во благих.

Радуйся, преблаженне Никандре, преподобне отче наш.

никандр псковский

Кондак 12

Благодать, данную преподобному Сергию, проповедаше иногда великий князь Димитрий с вои своими, егда той молитвою его и помощию двух монахов, данных ему от него, нечестивых агарян победил есть. Равно и мы благодать твою проповедуем, егда, облежащу Псков злочестивому Баторию с полчищи своими, провел еси молитвою твоею жителей страны сея безвредных посреде огня и меча, шедших со освященным собором на погребение твоего тела: отунудуже почерпающе надежду, избавлятися и всякой стране чтущей тя от нашествия иноплеменных твоим заступлением, вопием Богу: Аллилуиа.

Икос 12

Поюще благоговейно пустынническия подвиги твоя, угодниче Божий Никандре, имиже достигл еси безсмертныя славы на небесех, и вечное твое успение в смерти, прославляем сердцем и устнами Бога всякаго утешения и щедрот, Даровавшаго нам тебе, таковаго мужественнаго подвижника на невидимых врагов в последование, и таковаго милостиваго отца, иже и по преставлении своем нас не оставляеши, но обильными чудес водами всегда напаяеши, очищаеши и прохлаждаеши. Темже надгробную совершающе песнь, ублажаем достопамятное житие твое любезным воспоминанием и усердным целованием:

Радуйся, человече Божий, девятию блаженствы евангельскими украшенный.

Радуйся, во светение чудесное Церкви Православней на высоте поставленный.

Радуйся, уподобивыйся Онуфрию и Сергию великим, подражая житием в пустыни.

Радуйся, Александру Свирскому, явльшемуся ти сугубо на укрепление противу нападений бесовских, последовавый во святыни.

Радуйся, Моисею Боговидцу поревновавый в презрении временных сладостей.

Радуйся, поношение Христово вменивый болшее богатство, паче всех сокровищ, взирая на мздовоздаяние небесных радостей.

Радуйся, мир имевый и святыню со всеми, ихже ради зриши Бога.

Радуйся, по степенем добродетелей приступивый ко граду Бога Живаго, ко Иерусалиму Небесному.

Радуйся, оттуду ходатайством твоим ниспосылаяй вся нам благая временная и вечная.

Радуйся, победителю видимых и невидимых врагов, сотворенный столпом в Церкви, на немже написано имя Божие.

Радуйся, умерый мирови жив же Богови, мертвым душею даруяй жити.

Радуйся, живый во веки во Царствии Небеснем со Христом, с Нимже и нам моли быти.

Радуйся, преблаженне Никандре, преподобне отче наш.

много людей

Кондак 13

О преблаженне, преподобне, великий чудотворче Никандре, милостивейший во днех наших покровителю и отче! Нынешнее приими от сердца, подобающее тебе, приносимое моление, и твоим непостыдным ходатайством у Небеснаго Царя испроси: страждущую страну Российскую Христос Бог от лютых безбожник и власти их да свободит, и да возставит престол православных правителей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш, от враг видимых и невидимых, от всяких бед, напастей и скорбей, и исходатайствуй всем, усердно призывающым тя, прочее время живота в мире и истиннем покаянии скончавше, в Небеснем Царствии с тобою пети во веки: Аллилуиа.

Этот кондак читается трижды, затем икос 1-й и кондак 1-й

Кондак

Я́ко лучу́ тя со́лнечную Христо́с показа́, преподо́бне,/ сия́еши бо в земли́ Росси́йстей чуде́с благода́тию,/ и отгоня́еши тьму страсте́й же и скорбе́й, от приходя́щих к тебе́ с ве́рою./ Те́мже почита́ем твою́ па́мять, Ника́ндре о́тче наш, и вопие́м ти:/ ра́дуйся пустынножи́телей красото́,// и стране́ на́шей похвало́ и утвержде́ние.

Ин кондак

Богосия́нная звездо́ ве́ры, я́же возсия́ в Ру́сстей земли́,/ о́тче преблаже́нне Ника́ндре,/ слеза́ми и посто́м и бде́нием и моли́твами удруча́л еси́ те́ло свое́,/ те́мже и обре́л еси́ Небе́сную жизнь, и ра́достно та́мо со А́нгелы ликовству́еши, да зове́м ти:// ра́дуйся, о́тче преподо́бне Ника́ндре пусты́нный жи́телю.

Величание

Ублажаем тя, преподобне отче Никандре, и чтим святую память твою, наставниче монахов и собеседниче ангелов.

люди в храме

Молитва

О преподобне и достоблаженне отче наш Никандре, постниче терпеливодушный, безмолвия рачителю предоблий, учителю духовный спастися хотящим, наказателю претихий ленивым, разрешителю тлетворных страстей незлобивый, мужу желаний, прозорливства пророческаго исполнение, предвозгласная цевнице будущих, адаманте веры во Христа несекомый, незыблемый столпе терпения, совершителю заповедий Творца твоего благопослушливый, плотоносный ангеле и Духа Святаго вместилище благовонное, жителю пустынный и бесов прогонителю, исполнителю всех добродетелей смиренномудрый. Небесный человече и сожителю горним чиноначалием, земный ангеле, кротостию духа кротких землю наследовавый, друже Христов и угодниче Пресвятыя Богородицы, яже и раку цельбоносных мощей твоих во храме своем прославити благоизволи. Яко Мати сущи Творца и Зиждителя всея твари и Хранительница всех труждающихся и обремененных, Тая бо независтно и от раки твоея, преподобне, чудесному дождю на верных изливатися повеле. К нейже припадающе любезно молим тя, досточудне: не престай молити Пресвятую и Живоначальную Троицу, низпослати державе нашей здравие, тишину и долгоденствие, на враги же победу и одоление, и от навет вражиих воинству сохранитися в мире; церквам согласие, и всем людем тишину, и изобилие благих даровати. И угаси, блаженне, молитвами твоими, парящыя на ны разжженныя бесовския стрелы, да не прикоснется нам злоба греховная, и всем вся милостивне даруя, призри и на мя смиреннаго своего раба: связан бо есмь люте пленицами прегрешений, и влеком, увы мне! в пучину страстнаго моря неодержанно. Сего ради прилежно молю святыню твою, пребогате, и припадаю любезно к раце мощей твоих со слезами, предстани мне на пути бедственнаго жития сего: расторгни узы, отжени страсти, ослаби от греховных вериг, избави мя от належащия скорби и всякаго зла, разреши мя от болезненных уз и спасение даруй, яко да спасся молитвами твоими, воспою и прославлю в Троице славимаго Единаго Бога, Отца и Сына и Святаго Духа, ныне и в безконечные веки веков. Аминь.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector