В чем помогает икона чудотворцев Сергия и Германа Валаамских и тексты молитв

Жизнеописание Сергия и Германа Валаамских неразрывно связано с монастырем, который преподобные основали на Ладожском озере. Обитель несколько раз разрушали: во время захвата шведов, в период революции и Великой Отечественной войны. Но святое место возрождалось вновь. Монахи и паломники верят, что святые братья хранят монастырь. Их мощи пребывают в главном монастырском соборе по сей день. Поклониться святым приезжал сам император Александр Первый.

Поиск молитв на все случаи жизни

Что известно про житие валаамских чудотворцев

По происхождению преподобные Сергий и Герман предположительно греки. Они прибыли в Новгородские земли в 10-м веке с проповеднической миссией. О житии основателей Валаамского монастыря почти не осталось рукописных свидетельств. Обитель неоднократно разоряли, а святыни и книги уничтожали. Не осталось и записей о преподобных. Историкам и религиоведам удалось почерпнуть скудные сведения из монастырского поминальника. Также братьям посвящены строки в Новгородских летописях.

Преподобные Сергий и Герман вместе прибыли на остров Валаам. Иногда встречается расхождение в свидетельствах, согласно которым первенство принадлежит Сергию. Позже в скит приехал Герман и поступил в ученики к преподобному. Иная легенда гласит, что отец Сергий был последователем Андрея Первозванного и приехал на остров вместе с апостолом. А Герману досталась честь стать преемником Сергия и после его кончины основать монастырь.

Спасо-Преображенский Валаамский монастырь

Точная дата основания обители неизвестна, приходится на период с 9-го по 14-й век. Согласно житиям других святых, монастырь заложен в 960-м году. Финно-угры и славяне поклонялись идолам на Ладожском острове.

Конец идолопоклонству положил апостол Андрей Первозванный. Первый ученик Христа посещал Новгородские земли, а после отправился на Ладогу. Апостол разрушил валаамский жертвенник и установил большой крест — знак воцарения христианства.

Андрей Первозванный предрек великое будущее острову. Предсказание осуществилось трудами преподобных братьев Сергия и Германа.

Жизнь в обители

Митрополит Новгородский Варлаам оставил записи об укладе жизни в монастыре при благочестивых греческих основателях, датированные 1592-м годом:

  • монахи традиционно жили общиной в смирении;
  • по правилам преподобных братьев полагалось соблюдать законы, установленные с начала основания обители, уважать друг друга, жить в послушании и согласии;
  • монастырские дела обсуждались и утверждались на совете, без всеобщего одобрения ничего не делали;
  • монахи получали новую одежду и обувь после износа старой, из монастырской казны.

В 15-м веке монастырь процветал и держал под контролем:

  • 12 скитов на северном берегу Ладожского озера;
  • 1919 хозяйственных дворов;
  • пасеки;
  • солеварни;
  • рыболовные артели.

сергий и герман валаамские

На территории обители также находилась типография. История Валаама отображена в гимне, написанном монахом Петром Михайловым. Прославленный житель обители — преподобный Александр Свирский.

Падение

В начале 17-го века остров захватили шведы и уничтожили монастырское хозяйство. Осталось только четыре двора и часовня на месте погребения греческих монахов-основателей. Но в начале 18-го века остров вернулся в состав России. Постепенно обитель снова превратилась в маленькую державу.

В начале 20-го века в Валаамском мужском монастыре собирались паломники со всех российских губерний. В годы революции остров перешел к Финляндии, но обитель оставалась центром православия, местом для съездов духовенства и издания религиозной литературы. Монастырь выдержал бомбардировки во время советско-финской войны.

В 1940-м году остров Валаам присоединили к Советскому Союзу. Но монахи покинули обитель, спасаясь от противников религии, и основали Ново-Валаамский монастырь в Финляндии.

Почти 50 лет остров и православные святыни подвергались разрушению: были уничтожены иконы, в церкви располагался солдатский клуб, под бомбежками сравнялись с землей хозяйские постройки. После Великой Отечественной войны на острове располагалась школа мореходства, сельскохозяйственное предприятие, Дом ветеранов и турбаза.

Новый расцвет

В 1989-м году началась третья эпоха возрождения православия на Валааме. В день апостола Андрея Первозванного на Ладожское озеро приехали шестеро монахов. Их поселили во флигеле, бывшем морге. Несмотря на нерадушный прием, братья не усомнились в намерении восстановить былую славу острова. Монастырь вновь стал местом паломничества и получил прозвище Северного Афона.

сергий и герман валаамские

Перенесение мощей святых

В 12-м веке шведы совершили первый набег на остров. Чтобы уберечь святыню от богохульников, останки монахов-основателей перенести в новгородский монастырь. В 1182-м году шведских захватчиков изгнали. По распоряжению архиепископа Григория мощи вернули на Ладогу.

В новгородской епархии отмечали день прибытия мощей как праздник, и каждый год прославляли прп. Сергия и Германа. Затем останки вернули в собор на Валааме.

После захвата Валаамского острова в 17-м веке шведские колонисты хотели осквернить останки основателей монастыря. Они хранились под спудом, и шведы собирались их выкопать. Но после молитв монахов святотатцев охватила немощь. Шведы испугались и поставили над мощами часовню.

Об обретении мощей рассказывали старцы Валаамской обители. Игумен Ионофан хотел намеренно поднять останки чудотворцев. Настоятель собрал братию, и они уже хотели поднимать плиту, скрывавшую гробницу. Но из могилы вырвался огненный столп, преградив путь инокам.

Искушение поднять мощи святых испытал и последующий игумен Назарий. Он обнаружил отверстие в гробнице. Вспомнив о неудачном опыте предшественника, Назарий распорядился заделать отверстие, дабы не тревожить покой святых основателей. Местонахождение мощей св. Сергия и Германа — Спасо-Преображенский собор на острове Валаам.

Значение святых в православии

Подвиг служения греческих братьев-миссионеров заключается в искоренении язычества среди северных русских племен. Христианство только зарождалось на Руси, но монахам удалось основать в Карелии Валаамскую обитель, и превратить ее в центр православия.

Благочестивые монахи обладали авторитетом среди православных деятелей и духовенства. Они вошли в историю как приверженцы нестяжательства. Преподобные до сих пор незримо помогают братьям в обители и всем нуждающимся в защите и исцелении.

сергий и герман валаамские

В архиве старого карельского монастыря остались свидетельства о чудесах монахов-основателей. Они являлись инокам, сомневавшимся в подлинности могилы и мощей. Также, по чудесному вмешательству братьев, спасались утопающие. Сергию и Герману Валаамским молятся об укреплении веры, духа, об исцелении от недугов.

Почитание

Преподобных величают на празднестве в честь Новгородских святых. Монахи упоминаются в старославянской службе, посвященной русским святым. Источником сведений о монастырской жизни, работе и пребывании мощей преподобных в новгородской обители стали «Валаамские беседы» — литературная памятка церковной мысли 17-18-го века.

Игумен Валаамского монастыря Ефрем построил придел при соборе в честь преподобных братьев, а казначей и монахи — новый храм. Постройки появились во второй половине 18-го века. 

Преподобных почитали в царской семье. Александр Первый однажды приехал помолиться без свиты, как обычный паломник. Государь с ночи ждал начала утренней службы. Семейство Романовых щедро жертвовало средства на нужды обители.

Общецерковное почитание утверждено в 1819-м году. День памяти святых отмечают 11 июля (28 июня). Дата перенесения мощей в Новгород — 24 сентября (11 сентября). Также монахов прославляют 3 июня (21 мая) как Карельских и 22 августа (9 августа) как Валаамских святых. В 1999-м году Патриарх Алексей Второй приурочил визит в обитель к памятному дню основателей Сергия и Германа. Праздник ознаменовался чудом — на иконе монахов проступило миро.

Иконография

В руководстве для иконописцев 18-го века приведено описание святых. Монахи запечатлены бородатыми седовласыми старцами в ризах и схимах. Бороду Сергия сравнивают с бородой святого новгородского игумена Александра Свирского. Герман бородой напоминал преподобного Кирилла Белозерского.

Лики преподобных изображены на общей иконе новгородских святых. На рисунках и литографиях старцев изображали на фоне обители и природы острова, со свитками в руках. В правой руке преподобный Герман держит четки или указывает десницей на храм. Старец Сергий стоит, благоговейно приложив левую руку к груди. На старинной мозаике монахи вдвоем держат белую обитель на руках.

сергий и герман валаамские

Современная икона изображает преподобных Сергия и Германа в полный рост. Святые держат образ Богородицы с Младенцем Иисусом. Они стоят на берегу озера, а на другом берегу возвышается Валаамская обитель. Вверху над ними изображен Спаситель в белом одеянии. Преподобных изображали также по отдельности: Сергия со свитком, Германа с четками.

Также в современной иконописи есть сюжет, по которому монахи предстают перед Спасителем. Христос восседает на престоле в окружении двух ангелов, Девы Марии и Андрея Первозванного и держит открытое Святое Писание. Перед Ним преклонили колени святые монахи, они указывают на Валаамскую обитель, простирающуюся внизу.

Тексты

В 19-м веке в честь преподобных монахов Сергия и Германа проводили службу. Автор текста чинопоследования — настоятель Илларион из Коневского монастыря, что на западном берегу Ладоги. В праздничные дни святых прославляют тропарем и акафистом.

Тропарь

Ева́нгелия Христо́ва и́стиннии послу́шницы/ яви́стеся, преподо́бнии,/ мир и вся я́же в нем, я́ко не су́щая,/ преоби́девше любве́ ра́ди Христо́вы/ и в морски́й о́стров всели́стеся,/ и трудолю́бно в нем проти́ву ко́зней неви́димых враго́в подвиза́стеся,/ посто́м, бде́нием же и всено́щным стоя́нием/ пло́ти своя́ ду́ху му́дру повину́ли есте́./ Сего́ ра́ди от Вседержи́тельныя десни́цы досто́йныя венцы́ прия́ли есте́./ И ны́не Пресвяте́й Тро́ице предстоя́ще,/ моли́теся, всеблаже́ннии отцы́, Се́ргие и Ге́рмане,/ сохрани́тися в ми́ре оте́честву на́шему// и спасти́ся душа́м на́шим.

Ин тропарь

От мирски́я молвы́ бе́гающе,/ безмо́лвия и благоче́стия рачи́тели,/ в ти́хое приста́нище Валаа́ма/ от восто́ка приидо́сте/ и в нем, ева́нгельски Христу́ доброде́тельми после́довавше,/ на верх соверше́нства востекли́ есте́./ И ны́не в торжестве́ преми́рнем богозре́нием наслажда́ющеся,/ всеблаже́ннии отцы́ Се́ргие и Ге́рмане,/ Человеколю́бца Бо́га моли́те,// е́же спасти́ всех нас, благоче́стно вас почита́ющих.

сергий и герман валаамские

Акафист

Кондак 1

Возбранным нашего спасения поборником и теплым к Богу молитвенником похвальное Вам, преподобнии, приносим пение. Вы же, яко имущии дерзновение ко Господу, от всяких нас бед свободите, зовущих:

Радуйтеся, Сергие и Германе, отцы преблаженнии.

Икос 1

Ангельски на земли поживше, со ангелы ныне на Небеси водворяетеся, отцы преподобнии, светом трисолнечным осияваеми и божественныя доброты лицезрения наслаждающеся. Темже и нас, чад ваших, память вашу любовию празднующих и с верою под отчий кров ваш прибегающих, у Престола Царя Славы Христа не забудите, вопиющих вам таковая:

Радуйтеся, в радость Господа своего вшедшии: радуйтеся, венцы нетленныя от Него приемшии.

Радуйтеся, Небеснаго Сиона прекраснаго граждане: радуйтеся, вечнаго Царствия Христова наследницы.

Радуйтеся, в жизни земней единаго Христа всем сердцем возлюбившии и Того единаго взыскавшии: радуйтеся, любве ради Его вся преобидевшии и мира красная презревшии.

Радуйтеся, непрестанным божественным рачением превыше видимых воспарившии: радуйтеся, деянием видение стяжавшии.

Радуйтеся, уми зрящии Бога: радуйтеся, неусыпныя молитвы источницы.

Радуйтеся, Валааму изрядная похвало: радуйтеся, миру светильницы.

Радуйтеся, Сергие и Германе, отцы преблаженнии.

Кондак 2

Видяще преподобнии земныя доброты непостоянное и славы жития сего суету, Отечество свое и сродники и други оставиша, и от полуденныя страны к чуждему и хладному северу устремишася. Христови бо тщахуся невозбранно послужити, поюще Ему: Аллилуиа.

сергий и герман валаамские

Икос 2

Разума духовнаго и земли безстрастия обетованныя взыскующе, Авраамлю произволению подражасте, преподобнии, землю Отечества своего оставльше и в пустыни сей бывше пришельцы. Темже даже и доднесь святая обитель Валаамская, на пажити вашей вселящися, неустанно вопиет вам сердцем и усты:

Радуйтеся, семя святое, земли сея стояние: радуйтеся, людей, окрест живущих, Христови присвоение.

Радуйтеся, безплодную пустыню сию слез своих теченьми вспоившии: радуйтеся, хладную страну сию молитв теплотою согреявшии.

Радуйтеся, славии доброгласнии, райскую весну от полудня нам принесшии: радуйтеся, греческаго кедра отрасли избранныя, иночества сад в горе сей прорастшыя.

Радуйтеся, яко Христа стяжасте в сердцы своем: радуйтеся, яко Троицы явистеся чистое жилище.

Радуйтеся, привременными вечная купившии: радуйтеся, тленными нетленная наследовавшии.

Радуйтеся, богатства неиждиваемаго блазии рачители: радуйтеся, бисера добраго велицыи купцы.

Радуйтеся, Сергие и Германе, отцы преблаженнии.

Кондак 3

Силе от Вышняго предложению вашему приложшейся, не всуе труждастеся, преподобнии: Той бо бе вам стена крепка от лица вражия, камень терпения и мужества сподвижник. Духом же Его услаждаеми и от силы в силу восходяще, сподобистеся и части избранных Его, с нимиже зовете: Аллилуиа.

Икос 3

Имуще ум богоприятен и ангеловидное свое обещание непоколебимо на краесекомом камени веры во Христа, не разслабеша в подвизех своих преподобнии, ни возвратишася вспять к памяти прежняго жития мирскаго, но подъятый на ся крест даже до смерти понесоша и вся Христа ради сладце претерпеша. Сего ради и Бог я облагодати и ангельски зрети Его чистым сердцем сподоби, да и мы, житию их подражающе, усердно зовем к ним:

Радуйтеся, гласа Евангелскаго истиннии послушницы: радуйтеся, Закона Христова усерднии творцы.

Радуйтеся, Господу своему до смерти послужившии: радуйтеся, язвы Его выну на теле своем носившии.

Радуйтеся, яко Царствия ради Небеснаго ни в чесом же самих себе пощадили есте: радуйтеся, яко ангельским образом облекшеся, до конца брань свою совершили есте.

Радуйтеся, Христови оружницы вернии: радуйтеся, врага неустаннии запинатели.

Радуйтеся, пустыни сладкое прозябение: радуйтеся, воздержания неувядаемый цвете.

Радуйтеся, благодати сосуди избраннии: радуйтеся, веры подвижницы.

Радуйтеся, Сергие и Германе, отцы преблаженнии.

горят свечи

Кондак 4

Бурю противных ветров аще и воздвиже на преподобныя диавол, обаче потопити их не возможе, ниже града душевнаго их разорити. Тии бо щитом веры ограждшеся и мечь молитвы вращающе, вся стрелы лукаваго нетрудно угашаху, Христу поюще: Аллилуиа.

Икос 4

Слышана бысть, преподобнии, духовных подвигов ваших молва и молитвы непрестанное горение и жития вольное озлобление: не может бо град укрытися, вверху горы стояй. Сего ради, яко елени на источники водныя, вси алчущии покаяния и жаждущии правды, о Господе ревнующе, к вам притекоша, и се обитель святая создася и пустыня Валаамская аки град благоцветущь показася. Темже о множестве спасаемых веселящеся, воспеваем вам сице:

Радуйтеся, обители вашея первоначальницы: радуйтеся, великаго иноков сонма отцы.

Радуйтеся, покаяния от жизни своея проповедницы: радуйтеся, люботруднаго жития законоположницы.

Радуйтеся, яко на пажити спасительныя многи овцы изведосте: радуйтеся, яко Христа о множестве кающихся возрадовасте.

Радуйтеся, дух правый спасения в людех обновившии: радуйтеся, ревность о Бозе в сердцах унылых возжегшии.

Радуйтеся, душ христианских возстание: радуйтеся, спящих зле пробуждение.

Радуйтеся, к Небесному Царствию кормчии: радуйтеся, пестуни во Христа.

Радуйтеся, Сергие и Германе, отцы преблаженнии.

Кондак 5

Боготечныя яко звезды, на севере неба возшли есте, преподобнии, и светом веры и подвиг ваших страну Карельскую просветили есте, учаще приходящыя к вам люди суеверия и бесовския обычаи отложити и единаго точию Бога боятися и Ему единому служити, поюще Ему: Аллилуиа.

люди в храме

Икос 5

Видевше окрест себе чада своя, носящая ветви благодеяния, возвеселишася преподобнии и, яко венец жития, блаженную кончину улучивше, радующеся к небеси преидоша, обаче союза любве не расторгоша, ниже чада своя оставиша сира: не оскудеша бо и по смерти за ня Христу выну молящеся и во искушениих и бедах я назирающе и спасающе. Сего ради слышаху от них таковая:

Радуйтеся, в нуждах наших помощницы: радуйтеся, в скорбех утешители.

Радуйтеся, язв греховных целители: радуйтеся, бесовских наваждений отгнатели.

Радуйтеся, вы бо колена, унынием разслабленная, скоро укрепляете: радуйтеся, вы бо угасающыя светильники наша елеем молитв ваших исполняете.

Радуйтеся, страстьми порабощенных скории свободители: радуйтеся, подвижников ко спасению нелестнии вожди.

Радуйтеся, целомудрия нашего блюстители: радуйтеся, нестяжания известное правило.

Радуйтеся, крепкое наше ограждение: радуйтеся, непостыдное наше упование.

Радуйтеся, Сергие и Германе, отцы преблаженнии.

Кондак 6

Проповедницы Славы Божия и по смерти явистеся, преподобнии, от раки честных мощей ваших неоскудныя струи исцелений источающе и всем требующым различная дарования подающе, яже видевше чада ваша благодарно воспеша прославльшему вас Богу: Аллилуиа.

Икос 6

Возсиявше паки и паки слава ваша, преподобнии, и обитель ваша возрасташе и множашеся, аще и многаши нечестивии воеваху ю, храмы ея разоряюще и иноки избивающе и изгоняюще: от жива бо суща, аще и посечена, корене паки и паки леторасль восхождаше и многи добродетелей подвижники под сень свою собираше, да злостраждуще за Христа, в терпении стяжавают душы своя, вам же, яко первоначальником своим, воспевают сице:

Радуйтеся, светила веры, присно возсиявающая: радуйтеся, источницы молитвы, николиже оскудевшии.

Радуйтеся, хлебе сладкий ищущым покаяния: радуйтеся, питие безсмертное подвижником пощения.

Радуйтеся, вы бо бысте благодатное всем смиренным прибежище: радуйтеся, вы бо показастеся недвижное послушным утверждение.

Радуйтеся, изгнанным правды ради готовии спутницы: радуйтеся, обидимых за Христа сопричастницы.

Радуйтеся, нищих духом сожители: радуйтеся, кротких сердцем собеседницы.

Радуйтеся, злострадания живии образи: радуйтеся, терпения независтнии датели.

Радуйтеся, Сергие и Германе, отцы преблаженнии.

много людей в храме

Кондак 7

Хотяще нечестивии свеи в конец веру православную истребити, обитель Валаамскую до основания истощиша, обаче светильника вашего угасити не возмогоша: инуде бо преставленный, паче возсия на свещнице высоце, да и тамо веселит чада церковная и пети Богу подвизает: Аллилуиа.

Икос 7

Новый Исраиль явишася духовная чада ваша, яже, многоцелебную раку мощей ваших на рамена восприимше, от губительства избегоша: ревноваху бо святыни не быти поруганней от поганых. Темже и в Новград притекоша, идеже всельшеся и мощем вас, отцев своих, приседяще, не престаша заповеди ваша хранити и воспевати вам сице:

Радуйтеся, сокровище наше некрадомое: радуйтеся, светильницы наши неугасимии.

Радуйтеся, вожди, николиже нас оставляющии: радуйтеся, наставницы, выну с нами сущии.

Радуйтеся, столпи света, путь к небеси нам указующии: радуйтеся, облацы благодати, от лести нас покрывающии.

Радуйтеся, Амалика всегубителя победнии борители: радуйтеся, фараона мысленнаго правиии обличители.

Радуйтеся, сланое море суеты добре прешедшии: радуйтеся, в пустыню страстей мужественно всельшиися.

Радуйтеся, небесныя манны причастницы: радуйтеся, нас грешных пред Богом споручницы.

Радуйтеся, Сергие и Германе, отцы преблаженнии.

Кондак 8

Странноприемый раку мощей ваших божественне возвеселися Великий Новград, собор святых своих две звезде приложивый, дивным светом чудес сияющыя и благодать исцелений неоскудно всем подающыя. Сего ради возопи: Аллилуиа.

горит свеча

Икос 8

Всецелою мыслию у Господа водворяющеся и зрением нетленныя славы Его наслаждаеми, не небрегли есте, преподобнии, о разорении святыя обители вашея, ниже потерпесте, да угаснет светильник, возжженный на Валааме: но неемииною печалию поболесте и молитвою помолистеся, да поруган будет диавол, зле совещавый на страну сию. Темже молитвою вашею воста от пепла обитель святая сия и ликующи честныя мощи ваша от Новаграда грядущыя сретает, вам же вопиет сицевая:

Радуйтеся, радости небесныя вестницы: радуйтеся, милости Божия посли.

Радуйтеся, славо наша, паки воставшая: радуйтеся, венче наш, нам паки возданный.

Радуйтеся, яко пришествием вашым вера правая паки зде утвердися: радуйтеся, яко светильник вечныя жизни паки во обители вашей возсия.

Радуйтеся, злаго на страну сию совета диаволя разрушение: радуйтеся, народа окрестнаго от рова ереси избавление.

Радуйтеся, Церкве Православныя новое торжество: радуйтеся, врат адовых вящшее посрамление.

Радуйтеся, ангелов горних высокая песнь: радуйтеся, земных человек ликование.

Радуйтеся, Сергие и Германе, отцы преблаженнии.

Кондак 9

Вся строяй о спасении человечестем, вдал еси, Христе, стража Дому Твоего во стране сей святую обитель нашу. Не попусти убо ю унынием воздремати, ни куплями житейскими отяготитися, ниже путь добрейший Креста Твоего оставити, но купно с преподобными Твоими да выну поет Ти: Аллилуиа.

девушка в храме

Икос 9

Ветиям многовещанным века сего юродство есть еже мир возненавидети и плоть свою умертвити: недоумеют бо духовная духовными востязовати, ниже жизни сокровенныя во Христе постигнути, яже утаи Бог от премудрых и разумных и откры младенцем. Темже, преподобнии, яко Царствия Небеснаго наследницы и благодатныя радости общницы, молитвою вашею выну наставите нас, да тщетныя прелести жития сего избывше, невозвратным помыслом поприще наше течем, поюще вам таковая:

Радуйтеся, духовнаго любомудрия податели: радуйтеся, безстрастия сосуди.

Радуйтеся, чистоты сердечныя сокровища: радуйтеся, смирения зерцало.

Радуйтеся, вы бо мудрых мира сего явистеся посрамление: радуйтеся, вы бо юродивых о Христе бысте похвала.

Радуйтеся, яко вами врага низлагаем хотения: радуйтеся, яко вами суеты отреваем прилоги.

Радуйтеся, во бранех духовных нам пособницы: радуйтеся, во искушениих всемощнии заступницы.

Радуйтеся, обуреваемых пристанище: радуйтеся, немощных исцеление.

Радуйтеся, Сергие и Германе, отцы преблаженнии.

Кондак 10

Спасительный путь поста возлюбившии и ярем Христов на ся волею вземшии, приидите вси к сему тихому от бури греховныя пристанищу, в покаянии припадем к неослабным молитвенником нашым и отцем, яко молитвою их присно воздвизаеми, обрящем славу и воспоем: Аллилуиа.

Икос 10

Стена есте обители вашей и всем с верою к вам притекающым, преподобнии: вашим бо бодренным заступлением соблазны мира отгоняются и страстей взыграния угашаются. Темже молим вас: не отрините нас в немощех наших, во искушениих и скорбех. Внегда оскудевати духовней крепости нашей, не оставите нас, но будите нам присное защищение, покров же и отрада, да воспоем вам благодаряще:

Радуйтеся, пустынных тихое утешение: радуйтеся, уединенных тайное радование.

Радуйтеся, в молитве пребывающих незримии сомолитвенницы: радуйтеся, во благоговении сущих благодатни сподвижницы.

Радуйтеся, наставницы наши, имиже к совершенству призываемся: радуйтеся, отцы наши, имиже постничества желаннаго конца доспети уповаем.

Радуйтеся, крепосте наша, еюже стену греха нашего прейдем: радуйтеся, утверждение наше, имже тяготу злобы нашея отлагаем.

Радуйтеся, грехми обремененных любвеобильнии восприемницы: радуйтеся, кающихся тепле блазии ходатаи.

Радуйтеся, юноши к целомудрию возводящии: радуйтеся, старцем терпение подающии.

Радуйтеся, Сергие и Германе, отцы преблаженнии.

горит свеча

Кондак 11

Пению немолчному безплотных подражающе и на жестокое житие отцев наших взирающе, не обленимся, о братие: возлюбим в молитвах всенощное бдение, не устрашимся тленныя плоти утеснения, да преподобным нашым сопричастницы будем и со ангелы воспоем: Аллилуиа.

Икос 11

Светозарныя светильники, светом истиннаго благочестия северную страну сию просвещающыя, зрим вы, преподобнии: в земнем бо житии вашем многи от лести бесовския ко Христу приведосте, и по смерти токи благодатных дарований изливающе и обитель свою во благоговении и трудолюбии содержаще, православную веру зде утверждаете, и вся окрестныя люди духовным хлебом питаете, и от Люторова пагубнаго нечестия и тмы неведения избавляете. Сего ради приимите от нас сицевая:

Радуйтеся, истины нелестнии свидетелие: радуйтеся, мрачных суеверий отгнатели.

Радуйтеся, Силы Божия дивное явление: радуйтеся, благодати Христовы чудное знамение.

Радуйтеся, вами бо Царствие Божие в сердца многих прииде: радуйтеся, вами бо Денница истиннаго света во омраченных грехом возсия.

Радуйтеся, врачеве святии, сумнящихся душы благодатно исцеляющии: радуйтеся, пастырие добрии, овцы своя от челюстей звериных изимающии.

Радуйтеся, православным Христово благоухание: радуйтеся, еретичествующым смертная воня.

Радуйтеся, Карелии славнии апостоли: радуйтеся, Российския земли украшение.

Радуйтеся, Сергие и Германе, отцы преблаженнии.

Кондак 12

Благодатию Твоею божественною раздрав грех наших рукописание, благодать Твоего сыноположения обнови в нас, Слове Божий, и даждь нам прочее в покаянии благоугодити Тебе, да с преподобными Твоими воспоем Тебе: Аллилуиа.

горит свеча

Икос 12

Поюще пресланую память вашу, елико по силе нашей, восхваляем вас, преподобнии: вы бо, жертву чисту себе Христови принесше, всем вся бысте и всем просящым туне вся потребная подаете, да вси, благодарению поучившеся, в покаяние и исправление приидем, вас же воспоем сице:

Радуйтеся, смиренных мольбам вниматели: радуйтеся, убогих воздыхания послушатели.

Радуйтеся, вдов и сирот наказатели и кормители: радуйтеся, обидимых отрадо и утешение.

Радуйтеся, в нуждах и обстояниих сущих скорое и известное избавление: радуйтеся, всех к раце мощей ваших с верою притекающих независтное исцеление и спасение.

Радуйтеся, предстатели наши, умиленныя слезы наша приемлющии: радуйтеся, молитвенницы наши, во благих прошения верных исполняющии.

Радуйтеся, монашествующих всегда готовое прибежище: радуйтеся, мирских человек упование.

Радуйтеся, государства нашего крепосте: радуйтеся, Церкве Православныя удобрение.

Радуйтеся, Сергие и Германе, отцы преблаженнии.

Кондак 13

О всепетии и преславнии чудотворцы наши и молитвенницы, Сергие и Германе преподобнии! Нынешнее смиренное приношение от недостойных чад ваших приемше, от всяких напастей, скорбей и болезней, наветов вражиих и обстояний избавите нас, и в страшный час смертный будите нам крепцыи предстатели, яко да вечныя смерти избавльшеся, воспоем прославльшему вас Богу: Аллилуиа.

(Этот кондак читается трижды, затем икос 1-й и кондак 1-й)

Молитва преподобным Сергию и Герману, Валаамским чудотворцем

О велицыи отцы наши Христови угодницы, и теплии предстатели ко Спасу о душах наших, Сергие и Германе: вы бо в недузех целители явистеся, по морю плавающым кормчии, и утопающым благонадежное избавление, и от всякаго смертоноснаго нашествия хранители, паче же от духов нечистых свобождение и всяких наветов противу нас содержимых очищение и помощь. О преблаженнии отцы и чудотворцы преславнии, Сергие и Германе, молитеся к Владыце Христу о нас грешных: яко да вашими молитвами сподобимся в день Судный деснаго предстояния, и наслаждения во Царствии Божии во веки веков. Аминь.

книга и свеча

Молитва иная

О преподобнии, богоноснии, всеблаженнии отцы наши, Сергие и Германе, зрителие Славы Божия в Небесном Царствии, не презрите нас грешных в нуждах и скорбех наших, но ускорите в помощь к вам прибегающым: приимите воздыхание и слезы, и вонмите смиренному молению нашему. Предстояще убо Небесному Царю, о всеблаженнии! Молите благость Его, еже ущедрити место селения вашего и всякому граду и стране ниспосылати обилие благ земных. Страждущую страну Российскую от лютых безбожник и власти их Господь да свободит, и да возставит престол православных правителей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. Молите Его, еже нас всех в вере и добродетелех утвердити, избавляя присно от вожделений греховных, и от нападения видимых и невидимых врагов: обидимыя защитити, болящыя уврачевати, от томительства злых духов свободити, на мори плавающих спасати, путешествующым спутешествовати, и всякому верному в нуждах способствовати; яко Того вси есмы творение и Того есть Царство, и Сила и Слава во веки веков. Аминь.

горят свечи

Молитва третья

О преподобнии и богоноснии отцы наши Сергие и Германе! С верою и любовию припадающе к святей иконе вашей, умиленно молим вас: не забудите нас, недостойных и грешных (имена), но предстательством вашим оградите нас от злых козней вражиих, утолите возстание страстей, укрепите немощь нашу в духовных бранех и подвизех, предлежащих нам, отжените всякое уныние и печаль греховную от сердец нашых, и небесное утешение низпослите нам во трудех и скорбех наших. В страшный же час смертный предстаните всем нам, яко же блазии ходатаи и темных зраков демонских прогонителие: да в мире и покаянии скончавше земное поприще наше, достигнем и вечных благ наслаждения, и купно с вами да воспоем и прославим всесвятое имя Отца, и Сына и Святаго Духа, ныне и присно и во веки веков. Аминь.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий