Житие и икона святого Феодосия Черниговского, о чем просят и тексты молитв

Конец XVII века ознаменовался слиянием Русской Православной церкви с Киевской митрополией. Значительный вклад в это историческое событие внес один из самых известнейших святых – черниговский архиепископ Феодосий. Знакомство с его жизнью поможет лучше понять, чем прославился святитель и какую помощь он оказывает православным христианам, обращающимся к нему с молитвой.

Житие святого Феодосия Черниговского

Точная дата рождения Феодосия Черниговского неизвестна. Предполагается, что родился он в 30 годах XVII века в семье священника Никиты и его жены Марии. Родители будущего архиепископа были выходцами из старинной дворянской семьи Полоницких-Углицких и проживали в Подольской губернии. Имя, которым нарекли Феодосия при крещении, осталось неизвестным.

Благодаря благочестивым родителям тихий, послушный мальчик с детских лет тянулся к познанию Слова Божия. Поэтому юношу отдали на обучение в Киево-Братскую школу, функционирующую на Подоле при Богоявленской обители. Руководил школой архиепископ Чернигова Лазарь Баранович, ставший духовным наставником и покровителем Феодосия.

Во время обучения святой принял окончательное решение посвятить себя иноческому подвигу, с усердием изучая Священное Писание и другие богословские книги. Сведений о месте и дате принятия святым пострига под именем Феодосий не сохранилось. Предполагается, что произошло это в Киево-Печерской лавре до 1651 года. После принятия монашества Феодосий покидает Киев, отправившись в Крутицкую обитель, где позже становится иеромонахом.

Молодой подвижник, обладающий блестящими способностями, вскоре был замечен высшим духовенством. В 1662 году святителя назначают игуменом Корсунского монастыря. Через 2 года он получает должность настоятеля Киевской Выдубицкой обители.

Состояние монастыря на тот момент было довольно плачевным. Польские униаты, хозяйничающие на Подольщине, полностью разорили обитель. Но со временем святой Феодосий смог восстановить былую славу древней обители.

Настоятель заботился не только о внешнем благополучии монастыря, но и о духовном состоянии насельников. Возрожденная обитель стала пополняться как старыми монахами, покинувшими когда-то монастырь, так и новыми иноками. Монахи, склонные к уединению, могли жить в сооруженном недалеко от обители скиту.

Управление монастырем длилось на протяжении 24 лет. За это время святому пришлось пережить немало тяжелых дней из-за зависти и наветов недоброжелателей. Клеветники обвинили святителя в тайном сговоре с врагами российского государства, но Феодосию удалось доказать свою невиновность.

С 1679 года святой управление Выдубицким монастырем совмещал с должностью наместника архиепископа Лазаря, помогая ему управлять Киевской митрополией. В 1688 году состоялось рукоположение святого в сан архимандрита и назначение настоятелем Черниговской Елецкой обители вместо скончавшегося Иоанникия (Галятовского).

27 июля 1692 года Феодосия Углицкого призвали в Москву для возведения в архиепископский сан. Рукоположение состоялось 11 сентября в Успенском храме Кремля. 28 сентября новоиспеченному архиепископу вручили грамоту, согласно которой он мог проводить богослужения в патриаршем облачении – саккосе.

До самой смерти архиепископа Лазаря Феодосий оставался его верным помощником. Перед кончиной преосвященного Лазаря святой добился закрепления за собой прав на черниговские вотчины.

За время управления черниговской епархией Феодосий Углицкий сделал немало для развития православной церкви. С благословения черниговского архиепископа было создано несколько церквей и монастырей:

• Печеникская женская обитель;
• Любецкий скит;
• церковь Рождества Пресвятой Богородицы при Домницком мужском монастыре;
• Троицкий храм, возведенный на вершине Болдинской горы возле Ильинской обители.

Без внимания святого не оставались и духовные школы Черниговщины. Благодаря миролюбивому характеру, любвеобильному сердцу, доброте, состраданию ко всем страждущим Феодосий Черниговский завоевал сердца многих прихожан черниговской епархии.

Немалую помощь архиепископу оказывал один из ученых иноков – Иоанн (Максимович), впоследствии возглавивший Тобольскую и Сибирскую митрополии. Именно его святой видел своим преемником после смерти, для чего призвал Иоанна к себе перед кончиной для возведения в сан архимандрита Елецкой обители. Земная жизнь святителя Феодосия оборвалась 6 февраля 1696 года.

Почитание в православии

После смерти Феодосия преподобный Иоанн (Максимович) распорядился о возведении кирпичного свода над склепом святителя. Первое обретение нетленных мощей Черниговского мученика датируется 14 февраля 1772 года – через 76 лет после погребения праведника. Для хранения останков святого из дерева изготовили новый гроб.

 

На протяжении многих лет возле гроба святителя происходили различные чудотворения, убедившие народ в святости Феодосия. Первое время записи о происходящих чудесах велись изредка, но с 1850 года священнослужители Черниговского собора стали регулярно вести летописи о чудесах, происходящих по молитвам к святому.

Слава о чудотворце распространялась все шире, выйдя далеко за пределы Чернигова. К месту погребения святого стекалось множество людей из разных уголков русской земли. Количество богомольцев было столь велико, что к пещере с гробом святого пришлось пристроить придел, расширив также и саму пещеру.

Священнослужители Борисоглебского собора не раз обращались к Священному Синоду с просьбой о канонизации святого. Но причисление Феодосия Черниговского к лику святых состоялось лишь в 1896 году. Перед тем, как принять такое решение, члены Синода проверили данные о более чем 50 случаях чудотворений и установили нетление мощей архиепископа. 9 сентября 1896 года нетленные останки чудотворца перенесли в Кафедральный храм Чернигова, где они находятся до настоящего времени.

Чествование черниговского святителя проходят трижды в году:

• 18 февраля – день кончины;
• 22 сентября – обретение мощей;
• 3 октября – прославление святых священников, служивших на Брянской земле.

Именем черниговского святого названо несколько украинских храмов. Также один из приделов Санкт-Петербургского Николо-Богоявленского собора освящен в честь святителя Феодосия.

Иконография

Старинных икон с изображением святого Феодосия существует не очень много. Поэтому большинство из них считаются раритетными и являются собственностью частных коллекций состоятельных людей.

Один из самых ранних иконописных образов святого хранится в Киевской Черниговской обители. Икона считается чудотворной, поэтому множество паломников едут в монастырь, чтобы помолиться перед ликом святого мученика.

Образ Углицкого чудотворца отличается следующими признаками:

• темными волосами до плеч и пышной черной бородой;
• богослужебным облачением;
• митрой на голове.

Правой рукой святитель держит крест – символ мученичества, а левой – посох, указывающий на епископский сан. На большинстве икон мученик представлен в полный рост, но встречаются и поясные изображения. На некоторых образах левой рукой Феодосий держит не посох, а книгу.

О чем молятся святителю Феодосию Черниговскому

Святой Феодосий продолжает служить людям даже после прекращения земного существования. Множественными чудесами прославились мощи святителя. Но чтобы попросить помощи у святого угодника, не обязательно прикладываться к чудотворным мощам, можно молиться и перед иконой праведника.

К черниговскому святому обращаются с просьбами:

• об исцелении различных заболеваний, особенно онкологических;
• о защите от клеветы, коварства, ненависти;
• о разрешении сложных семейных ситуаций, особенно связанных с детьми.

Особым покровительством святого пользовались воспитанники духовных школ. Поэтому Феодосия Черниговского просят об укреплении ума детей. Святитель помогает не только православным христианам, но и людям, исповедующим другую веру. Главное, чтобы у человека были чистые помыслы и искренняя вера в Господа.

Тексты молитв

К святому Феодосию обращаются с помощью коротких молитвенных текстов – тропаря, кондака. Можно посетить службу во время чествования святого и прочитать канон либо акафист. Православные христиане, готовые к дополнительному молитвенному подвигу, могут читать церковные гимны келейно – дома перед иконостасом.

Тропарь

Преудобре́н во архиере́ех, святи́телю Феодо́сие,/ был еси́ свети́ло своему́ ста́ду,/ та́же преста́вился еси́ в ве́чныя оби́тели,/ умоли́ у Престо́ла Царя́ Сла́вы изба́витися нам от находя́щих на ны зол,// и спасти́ся душа́м на́шим, свя́те, моли́твами твои́ми.

Кондак

Па́стырей Нача́льнику Христу́ труди́лся еси́,/ святи́телю Феодо́сие,/ на па́жити духо́вней слове́сныя твоя́ о́вцы пита́я,/ и целе́бен дар от Христа́ Спа́са прия́л еси́,/ во е́же не́мощи душе́вныя и теле́сныя цели́ти всех,/ с ве́рою к тебе приходя́щих./ Те́мже и ны́не, свя́те, моли́ся,/всем и́мя твое́ призыва́ющим,/ от наве́тов вра́жиих спасти́ся// и поми́ловатися душа́м на́шим.

Канон

Пе́снь 1

Ирмо́с: Во́ду проше́д, я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м.

Приими́ хвале́ние, от у́ст недосто́йных тебе́ приноси́мое, и возда́ждь те́плыми твои́ми моли́твами к Бо́гу чту́щим святу́ю па́мять твою́, о́тче на́ш Феодо́сие.

От ю́ности Го́спода возлюби́л еси́, чистоту́ непоро́чну сохраня́я, от де́тства Тому́ прилепи́лся еси́ чи́стою твое́ю душе́ю, в простоте́ и незло́бии се́рдце твое́ соблюда́я. Те́мже и ча́до Бо́жие вои́стинну бы́л еси́, свя́те Феодо́сие.

Бла́го е́сть му́жу, егда́ во́зьмет яре́м в ю́ности свое́й, глаго́лет Писа́ние. Сему́ глаго́лу после́дуя, с ра́достию и́го Госпо́дне от ю́ности восприя́л еси́ и бы́л еси́ и́нок преизря́дный, блаже́нне Феодо́сие.

Богоро́дичен: Пресвята́я Де́во, Ма́ти Бо́жия, Засту́пнице на́ша непосты́дная, спаси́, услы́ши на́с, страстьми́ лю́те одержи́мых, и да́ждь ру́ку по́мощи моли́твами Твои́ми.

Пе́снь 3

Ирмо́с: Небе́снаго кру́га Верхотво́рче, Го́споди, и Це́ркве Зижди́телю, Ты́ мене́ утверди́ в любви́ Твое́й, жела́ний кра́ю, ве́рных утвержде́ние, еди́не Человеколю́бче.

Блаже́ни ни́щии ду́хом, глаго́лет Госпо́дь; сему́ спаси́тельному глаго́лу внима́я, па́че все́х доброде́телей нищету́ духо́вную потща́лся еси́ стяжа́ти, преподо́бне, возлюби́в ту́ю, я́ко огра́ду кре́пку от вся́каго искуше́ния и я́ко боголюбе́зную ма́терь все́х доброде́телей.

Позна́в, я́ко от послуша́ния ражда́ется смире́ние, от смире́ния же безстра́стие, все́м се́рдцем возлюби́л еси́ послуша́ние, во все́м во́лю свою́ и злы́я по́мыслы отсека́я. Те́мже и безстра́стия дости́гл еси́, угото́вав ду́шу твою́ в чи́стую оби́тель Ду́ха Пресвята́го.

Кро́тость ве́лию стяжа́л еси́, богому́дре Феодо́сие, вся́ ско́рбная благоду́шне претерпева́я, вся́кую оби́ду и уничиже́ние в молча́нии любо́вию покрыва́я. Сего́ ра́ди и прия́л еси́ насле́дие на земли́ живы́х, иде́же пра́веднии во ве́ки пребыва́ют, сла́вяще Го́спода Иису́са.

Богоро́дичен: Не и́мамы дерзнове́ния к Сы́ну и Бо́гу Твоему́, Пресвята́я Влады́чице, не и́мамы дерзнове́ния и к Тебе́, Пренепоро́чная, грехми́ при́сно оскверня́еми, а́ще не Сама́ Ты́, Премилосе́рдая Ма́ти, воззове́ши на́с, заблу́ждших, к покая́нию, наде́ждею спасе́ния отрева́ющи от на́с вся́кое уны́ние и разлене́ние.

Седа́лен, гла́с 4

Яви́лся еси́ свети́льник благода́тный, о́тче на́ш Феодо́сие, ти́хим све́том смире́ния и любве́ сия́яй и на́с любо́вию твое́ю озаря́яй. Те́мже и мы́, любо́вию чту́ще па́мять твою́, вопие́м ти́: моли́ о на́с, святи́телю Бо́жий, новоявле́нный чудотво́рче.

Богоро́дичен: Мно́гими прегреше́нии у́м помраче́н иму́ще, вопие́м ко Твоему́ кре́пкому заступле́нию, Богоро́дице Де́во: просвети́ о́чи ду́ш на́ших и возсия́й на́м покая́ния зарю́, моли́твами уго́дника твоего́ святи́теля Феодо́сия, еди́на Чи́стая и Благослове́нная.

Пе́снь 4

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти́: си́ле Твое́й сла́ва, Человеколю́бче.

Не́мощию отягче́н и ста́ростию претружде́н бы́в, архипа́стырь Ла́зарь пе́рвее у́бо сослужи́теля, последи́ же и насле́дника себе́ устроя́ет тя́, святи́телю Феодо́сие, и це́ркви Черни́говстей свети́льника, ю́же моли́твами твои́ми просвеща́й во вся́ ве́ки.

Вои́стинну че́сти и вла́сти святи́тельския досто́ин яви́лся еси́, о́тче Феодо́сие, сло́вом прему́др бы́в, житие́м же доброде́телен, в Боже́ственных Писа́ниих иску́сен и слове́сныя о́вцы наставля́ти зело́ дово́лен.

Благоче́стием украша́яся и в духо́внем жи́тельстве все́м лю́дем страны́ Черни́говския изве́стен бы́в, единоду́шне те́ми избра́н бы́л еси́ в вели́кое служе́ние Це́ркви Бо́жией, о́тче Феодо́сие, ю́же и ны́не назира́й твои́ми моли́твами.

Богоро́дичен: Мно́го мо́жет моли́тва пра́веднаго поспешеству́ема, глаго́лет Иа́ков, бра́т Госпо́день. Мно́го мо́жет и моли́тва святи́теля Феодо́сия, споспешеству́ема Твое́ю Ма́тернею моли́твою, Пресвята́я Влады́чице Богоро́дице: еси́ бо предста́тельство, и покро́в, и заступле́ние на́ше, Благода́тная.

Пе́снь 5

Ирмо́с: Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тьма́ окая́ннаго? Но обрати́ мя́, и к све́ту за́поведей Твои́х пути́ моя́ напра́ви, молю́ся.

Ра́довахуся лю́дие гра́да Черни́гова, зря́ще тебе́ све́тлостию са́на святи́тельскаго облече́на, и ку́пно со архипа́стырем Ла́зарем престо́лу благода́ти Бо́жия предстоя́ща, и преподо́бныя своя́ ру́це о па́стве возде́юща, и, Христа́ благодаря́ще, сердцы́ свои́ми умиля́хуся.

О́браз бы́л еси́ все́й богода́нней па́стве твое́й, сло́вом и житие́м, любо́вию и ду́хом, ве́рою и чистото́ю. Сего́ ра́ди не то́чию о́вцы твоя́ любо́вию к тебе́ прилепля́хуся, но и иносла́внии тя́ я́ко челове́ка Бо́жия, о́тче на́ш Феодо́сие, почита́ху.

Па́стырь вои́стинну до́брый слове́сному ста́ду твоему́, святи́телю Феодо́сие, бы́л еси́, ду́шу твою́ за о́вцы твоя́ положи́ти гото́вый. Те́мже и яви́лся еси́ оби́димым у́бо засту́пник непреобори́мый, пра́вды же ревни́тель неустраши́мый, си́льных ми́ра сего́ с любо́вию облича́я и пасо́мых свои́х оте́чески вразумля́я, заблу́ждшия же на пу́ть пра́вый прему́дре наставля́я.

Богоро́дичен: Умерщвле́нную ду́шу мою́ оживи́, па́дшую возста́ви, уязвле́нную исцели́, у́м мо́й просвети́, искуше́ний во́лны укроти́, Ма́ти Бо́жия, Де́во Пресвята́я, и спаси́ мя́ моли́твами Твои́ми, Пречи́стая.

Пе́снь 6

Ирмо́с: Моли́тву пролию́ ко Го́споду и Тому́ возвещу́ печа́ли моя́, я́ко зо́л душа́ моя́ испо́лнися и живо́т мо́й а́ду прибли́жися, и молю́ся, я́ко Ио́на: от тли́, Бо́же, возведи́ мя́.

От ю́ности и́нок преизря́дный бы́в, и́ноческия оби́тели с любо́вию созида́л еси́ и вся́ на по́льзу жития́ и́ноческаго в те́х благоустроя́л еси́, все́х при́сно к Бо́гу наставля́я оте́ческими твои́ми поуче́ньми, о́тче на́ш, Феодо́сие богому́дре.

Благоле́пне ду́шу твою́ во хра́м Ду́ха Бо́жия доброде́тельми устроя́я, благоле́пие до́му Бо́жия возлюби́л еси́ и, всеусе́рдное попече́ние о то́м име́я, еще́ и хра́мы но́вы созида́л еси́ во сла́ву Творца́ и Бо́га, ми́р ве́сь несказа́нною красото́ю благоукраси́вшаго.

Ра́достию а́нгельскою, святи́телю Бо́жий, ра́довался еси́, егда́ ча́да твоя́ во и́стине ходя́ща ви́дел еси́, и, я́коже оте́ц чадолюби́вый, се́рдцем твои́м о заблужда́ющихся скорбе́л еси́ и о спасе́нии все́х моли́тву твори́л еси́, вся́ любо́вию объе́мля и о все́х предста́тельствуя, о́тче на́ш, святи́телю Феодо́сие.

Богоро́дичен: Прииди́те, вси́ ве́рнии, припаде́м к те́плей Засту́пнице ро́да на́шего, Ма́тери Бо́жией, и во умиле́нии се́рдца воззове́м: Пресвята́я Влады́чице Богоро́дице, покры́й на́с благода́тным покро́вом Твои́м и моли́твами Твои́ми изба́ви на́с от вся́каго зла́.

Конда́к, гла́с 4

Па́стырей Нача́льнику Христу́ труди́лся еси́, святи́телю Феодо́сие, на па́жити духо́вней слове́сныя твоя́ о́вцы пита́я, и целе́бен да́р от Христа́ Спа́са прия́л еси́, во е́же не́мощи душе́вныя и теле́сныя цели́ти все́х, с ве́рою к целе́бным твои́м моще́м приходя́щих. Те́мже и ны́не, свя́те, моли́ся все́м и́мя твое́ призыва́ющим от наве́тов вра́жиих спасти́ся и поми́ловатися душа́м на́шим.

И́кос

Да́р Бо́жий вои́стину яви́лся еси́ земли́ Росси́йстей, свя́те Феодо́сие, от ю́ности бо себе́ Бо́гу возложи́в, по́двигом до́брым до конца́ подвиза́лся еси́ и дарова́ния ве́лия прия́л еси́, благода́ти сосу́д бы́в избра́нный. Те́мже, я́ко в житии́ твое́м, та́ко наипа́че по блаже́ннем успе́нии, предстоя́ престо́лу Пресвяты́я Тро́ицы, со дерзнове́нием возде́еши преподо́бныя твоя́ ру́це, о па́стве твое́й и о Благочести́вейшем Импера́торе на́шем и о все́й земли́ Росси́йстей те́пле моля́ся. Сего́ ра́ди, с ве́рою и любо́вию к тебе́ притека́юще, вси́ скорбя́щии неоску́дно утеше́ние прие́млют и боля́щии исцеле́ний сподобля́ются. С ни́миже и мы́ тебе́, я́ко чадолюби́вому отцу́, взыва́ем: моли́, свя́те, о призыва́ющих и́мя твое́, от наве́тов вра́жиих спасти́ся душа́м на́шим.

Пе́снь 7

Ирмо́с: О́троцы евре́йстии в пещи́ попра́ша пла́мень дерзнове́нно и на ро́су о́гнь преложи́ша, вопию́ще: благослове́н еси́, Го́споди Бо́же, во ве́ки.

При́сно поуча́яся па́мяти сме́ртней, непреста́нно жела́л еси́ кре́ст Госпо́день пред очесы́ твои́ми держа́ти, его́же воображе́ние и в пути́ неразлу́чно пред тобо́ю пребыва́ше, во е́же всегда́ от се́рдца взыва́ти ко Го́споду: благослове́н еси́, Го́споди Бо́же, во ве́ки.

И по сме́рти, я́ко жи́в сы́й, благода́тию Бо́жиею с ча́ды твои́ми пребыва́еши и по преставле́нии твое́м па́стырь до́брый те́м явля́ешися, о́тче Феодо́сие, в со́нных виде́ниих неве́дущия в ве́ре наставля́я и все́х вопи́ти науча́я: благослове́н еси́, Го́споди Бо́же, во ве́ки.

В це́рковь Бо́жию ходи́ти и моли́тися боля́щему и́ноку повеле́л еси́, о́тче Феодо́сие, во сне́ тому́ предста́в, и, оте́чески того́ вразумля́я, грехи́ его́ воспомяну́л еси́, к покая́нию призыва́я, и исцеле́ние тому́ по́дал еси́, да вы́ну сла́вит Го́спода: благослове́н еси́, Го́споди Бо́же, во ве́ки.

Богоро́дичен: Разсе́яся у́м мо́й, одебеле́ се́рдце, немоществу́ет мое́ произволе́ние. Влады́чице Богоро́дице, умилосе́рдися о мне́, гре́шнем, исцели́ ду́шу мою́ и, я́ко Блага́го Спа́са моего́ Блага́я Ма́ти, спаси́ мя́, да вы́ну вопию́ Ему́: благослове́н еси́, Го́споди Бо́же, во ве́ки.

Пе́снь 8

Ирмо́с: А́нгели и небеса́, на престо́ле сла́вы седя́щаго, и я́ко Бо́га непреста́нно сла́вимаго, благослови́те, по́йте, и превозноси́те Его́ во ве́ки.

Кто́ по достоя́нию мо́жет пове́дати вся́ чудеса́ твоя́, святи́телю Феодо́сие? И неи́щущим тебе́ боля́щим явля́ешися вра́чь преизря́дный, все́х призыва́я испове́дати сла́ву Бо́га, прославля́ющаго святы́я Своя́ и превозноси́маго во ве́ки.

Стужа́емым от духо́в нечи́стых засту́пник и прибе́жище яви́лся еси́, святи́телю Феодо́сие, прогоня́я си́лою Бо́жиею вся́кое де́йство бесо́вское от и́же с ве́рою к моще́м твои́м притека́ющих, да сла́вится и́мя Бо́жие во ве́ки.

И́мя твое́, святи́телю Феодо́сие, я́ко ми́ро излия́нное, я́коже благоуха́ние рая́ Бо́жия, по лицу́ всея́ земли́ Росси́йския обно́сится, услажда́я сердца́ ве́рующих и призыва́я в ра́дости духо́вней воспева́ти Го́спода, превозноси́маго во вся́ ве́ки.

Богоро́дичен: Не пре́зри моле́ний ра́б Твои́х, Ма́ти Бо́жия, приими́ моли́твы на́ша ра́ди уго́дника Твоего́, святи́теля Феодо́сия, и принеси́ ко престо́лу Сы́на и Бо́га Твоего́, да сла́вится и́мя Его́ от всея́ тва́ри во ве́ки.

Пе́снь 9

Ирмо́с: Тя́, неискусобра́чную Ма́терь Бо́га Вы́шняго, Тя́, па́че ума́ ро́ждшую сло́вом вои́стинну Бо́га, вы́шшую пречи́стых Си́л, немо́лчными славословле́нии велича́ем.

Я́ко цели́тель преми́лостивый, свя́те Феодо́сие, не то́чию призыва́ющим тя́ боля́щим ми́лостивне вне́млеши, но и при́сных и́х послу́шаеши и по ве́ре те́х ско́рый вра́чь боля́щим явля́ешися, все́х ми́луя и утеша́я, на все́х щедро́ты твоя́ преизоби́льне излива́я.

Вои́стинну ди́вна и па́че сло́ва чудеса́ твоя́, Феодо́сие, о́тче на́ш, яви́л бо ся́ еси́ сла́ва Це́ркве Росси́йския, Правосла́вныя ве́ры небе́сный пропове́дник, и́стины же свиде́тель непрело́жный.

Свя́тче Бо́жий, уго́дниче Христо́в, ми́лости неистощи́мое сокро́вище, при́зри на не́мощи моя́, исцели́ ду́шу мою́, страстьми́ зле́ обурева́емую, исцели́ и те́ло мое́, не́мощьми обложе́нное, да просла́влю в тебе́ благода́ть и милосе́рдие Христа́ Бо́га, ди́внаго во святы́х Свои́х.

Богоро́дичен: К Тебе́, Премилосе́рдая Ма́ти, возношу́ мое́ гре́шное се́рдце, пред Тобо́ю, Благода́тная, поверга́ю не́мощи души́ и те́ла моего́: моли́твами Твои́ми заступи́ и поми́луй мя́.

Свети́лен

Не́бо звезда́ми Украси́вый но́вую звезду́ пресве́тлую яви́ тя́, святи́телю Феодо́сие, не́бо церко́вное украша́ющую и мра́к нечести́вых мудрова́ний разгоня́ющую. Те́мже и на́ша сердца́, грехо́м омраче́нная, просвети́ и к покая́нию моли́твами твои́ми, преподо́бне, наста́ви.

Богоро́дичен: Зарю́ пресве́тлую, явля́ющую на́м Со́лнце незаходи́мое, ве́мы Тя́, Пресвята́я Де́во Богоро́дице. Сего́ ра́ди мо́лим Тя́: я́ко Ма́ти Све́та су́щи, просвети́ на́с све́том Сы́на Твоего́, Христа́ Бо́га на́шего.

Акафист

Конда́к 1

Избра́нный чудотво́рче, вели́кий уго́дниче Христо́в, святи́телю о́тче Феодо́сие, нетле́нием моще́й твои́х и мно́жеством чуде́с от Бо́га просла́вленный, в пе́снех ра́достных ублажа́ем тя́, засту́пника на́шего. Ты́ же, я́ко име́яй дерзнове́ние ко Го́споду, от вся́ких на́с бе́д свобожда́й, да зове́м ти́:

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

И́кос 1

А́нгел во пло́ти яви́лся еси́, богому́дре Феодо́сие, а́нгельскими нра́вы измла́да себе́ украша́я; те́мже и А́нгел це́ркве Черни́говския досто́йне поста́влен бы́л еси́ от Бо́га, все́х наставля́я ко спасе́нию и все́м явля́я в себе́ пра́вило ве́ры и о́браз кро́тости, воздержа́ния же и любве́. Сего́ ра́ди, ча́да твоя́ су́ще, любо́вию вопие́м ти́ си́це:

Ра́дуйся, А́нгеле земны́й и челове́че небе́сный; ра́дуйся, небе́сных си́л собесе́дниче и сослужи́телю.

Ра́дуйся, в житии́ твое́м безпло́тным поревнова́вый; ра́дуйся, и по сме́рти с ни́ми водвори́выйся.

Ра́дуйся, от ю́ности Христа́ все́м се́рдцем твои́м возлюби́вый; ра́дуйся, от у́тра жи́зни твоея́ Тому́ еди́ному порабо́тавый.

Ра́дуйся, вся́ за́поведи Госпо́дни ве́рно и непоро́чно сохрани́вый; ра́дуйся, мно́г пло́д духо́вный о Христе́ сотвори́вый.

Ра́дуйся, усе́рдною моли́твою ду́х тво́й окрили́вый; ра́дуйся, чту́щих любо́вию па́мять твою́ от бе́д покрыва́ющий.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 2

Ви́дев суету́ ми́ра сего́ скороги́бнущую, все́м се́рдцем возжела́л еси́, о́тче Феодо́сие, ми́р се́й оста́вити и во и́ночестве Бо́гу послужи́ти. Те́мже и́го Христо́во благо́е и ле́гкое усе́рдне восприя́в, и́нок святы́я оби́тели Киево-Пече́рския смире́н и послушли́в бы́л еси́, воспева́я все́х Творцу́ а́нгельскую пе́снь: Аллилу́иа.

И́кос 2

Ра́зум богопросвеще́нный тво́й ви́дев, святи́тель Ки́евский Диони́сий поста́ви тя́, Феодо́сие, архидиа́кона собо́рныя це́ркве Софи́и Прему́дрости Бо́жией, да слу́жиши олтарю́ Госпо́дню при соверше́нии Та́ин Бо́жиих. Мы́ же, в тебе́ избра́нный сосу́д Ду́ха Свята́го ве́дуще, со умиле́нием зове́м ти́ сицева́я:

Ра́дуйся, под кро́вом чудотво́рцев Пече́рских нача́ло по́двигов твои́х положи́вый; ра́дуйся, от ю́ности доброде́тельми мона́шескаго жития́ преизря́дно себе́ украси́вый.

Ра́дуйся, и́ноков пресве́тлая красото́; ра́дуйся, по́стников пресла́вная похвало́.

Ра́дуйся, святи́телей благогове́йных люби́мый собесе́дниче; ра́дуйся, послуша́ния нелицеме́рный рачи́телю.

Ра́дуйся, подви́жниче смире́нный, на Го́спода все́ упова́ние возложи́вый; ра́дуйся, уедине́ннаго жития́ до́брый ревни́телю.

Ра́дуйся, избра́нниче Христо́в преблаже́нный; ра́дуйся, Бо́гом да́нный на́м засту́пниче непреобори́мый.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 3

Си́ла Бо́жия осени́ тя́, о́тче Феодо́сие, егда́ во иере́я посвяще́н бы́л еси́ от святи́теля Диони́сия и во игу́мена оби́тели Корсу́нския от него́ поста́влен, да пасе́ши Христо́во ста́до и руково́диши и́ноки ко спасе́нию, воспева́я ку́пно с ни́ми хвале́бную пе́снь в Тро́ице сла́вимому Бо́гу: Аллилу́иа.

И́кос 3

Име́я смире́ние нелицеме́рное, пра́х и пе́пел себе́ именова́л еси́, преблаже́нне Феодо́сие, и запреще́ние от архиере́я, непови́нен сы́й, безро́потно поне́сл еси́; те́мже и мы́, ублажа́юще таково́е, вои́стину христоподража́тельное, незло́бие твое́, воспева́ем тебе́ си́це:

Ра́дуйся, а́гнче незло́бивый, никому́же зла́ за зло́ возда́вый; ра́дуйся, я́ко запреще́ние архиере́йское нося́, послуша́ние вели́кое яви́л еси́.

Ра́дуйся, я́ко тогда́ и епитрахи́ли косну́тися не дерза́л еси́; ра́дуйся, смире́нием и преда́нием себе́ в во́лю Бо́жию врага́ победи́вый.

Ра́дуйся, и́ноче боголюбе́зный, преподо́бием и кро́тостию благоукраше́нный; ра́дуйся, по́стническим житие́м, я́ко безкро́вным му́ченичеством увенча́нный.

Ра́дуйся, мона́шествующим оте́ц и наста́вник богому́дрый; ра́дуйся, оби́телей и́ноческих многоо́пытный руководи́телю.

Ра́дуйся, Престо́ла Бо́жия ве́рный и благогове́йный служи́телю; ра́дуйся, пред Бо́гом те́плый о на́с хода́таю.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 4

Бу́рю гоне́ний на Це́рковь Бо́жию во гра́де Ки́еве воздви́же мудрова́ние лати́нское; ты́ же, богому́дре Феодо́сие, во игу́мена оби́тели Вы́дубецкия тогда́ поста́влен бы́в, сию́ от лжеуче́ния огради́л еси́, утвержда́я бра́тию свою́ в правосла́вней ве́ре непоро́чно воспева́ти Бо́гу: Аллилу́иа.

И́кос 4

Слы́шав богоуго́дное житие́ твое́, о́тче Феодо́сие, святи́тель Бо́жий Ла́зарь, призва́ тя́ от Ки́ева в Черни́гов и, поста́вив во архимандри́та пречестны́я оби́тели Еле́цкия, сотвори́ помо́щника себе́ во управле́нии церко́внем; ты́ же с любо́вию сыно́внею послужи́л еси́ ему́ и вои́стину досто́ин яви́лся еси́, да воспева́ем ти́ сицева́я:

Ра́дуйся, ста́рцу святи́телю с любо́вию послужи́вый; ра́дуйся, я́ко сы́н отцу́ во все́м ему́ послу́шен бы́вый.

Ра́дуйся, ста́рость его́ упоко́ивый; ра́дуйся, труды́ святи́тельския ему́ облегчи́вый.

Ра́дуйся, благоле́пия церко́внаго усе́рдный рачи́телю; ра́дуйся, преда́ний апо́стольских ве́рный храни́телю.

Ра́дуйся, пра́вды ре́вностный блюсти́телю; ра́дуйся, до́лга па́стырскаго непоколеби́мый исполни́телю.

Ра́дуйся, олтаря́ Госпо́дня служи́телю непоро́чный; ра́дуйся, па́стырем све́тлый о́бразе.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 5

Боготе́чную звезду́, к го́рнему Иерусали́му путеводя́щую и доброде́тельми све́тло сия́ющую, зря́ще тя́, преди́вный Феодо́сие, и́ноцы же и мирсти́и с любо́вию после́доваху тебе́, внима́юще твоему́ уче́нию душеполе́зному и взира́юще на о́браз чи́стаго жития́ твоего́, поуча́хуся взыва́ти с тобо́ю Бо́гу, ди́вному во святы́х Свои́х: Аллилу́иа.

И́кос 5

Ви́дев себе́ святи́тель Ла́зарь ста́ростию преутружде́на и в си́лах теле́сных изнемо́гша, возжела́ име́ти тя́, Феодо́сие, прее́мника по себе́ во святи́тельстве и проси́ Святе́йшаго Патриа́рха Моско́вскаго посвяти́ти тя́ во архиепи́скопа. Мы́ же в се́м Бо́жие зва́ние, е́же на тебе́, уразумева́юще, любо́вию прославля́ем тя́ си́це:

Ра́дуйся, архиере́ю Бо́жий, от Предве́чнаго Архиере́я ди́вно предызбра́нный; ра́дуйся, Апо́столов досто́йный прее́мниче и усе́рдный ревни́телю.

Ра́дуйся, святи́телю Христо́в, от собо́ра святи́телей росси́йских освяще́нный; ра́дуйся, иера́рше благи́й и нищелюби́вый.

Ра́дуйся, архипа́стырю ми́лостивый и сострада́тельный; ра́дуйся, святи́телем Митрофа́ну и Дими́трию собесе́дниче и сопресто́льниче.

Ра́дуйся, архиере́ев правосла́вных красото́; ра́дуйся, па́стырю до́брый, ду́шу твою́ за о́вцы положи́ти гото́вый.

Ра́дуйся, учи́телю златослове́сный; ра́дуйся, богосве́тлый свети́льниче Це́ркве Христо́вы, во тьме́ ве́ка сего́ возсия́вший.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 6

Пропове́дник не сло́вом то́чию, но и де́лом яви́лся еси́ Христо́ва уче́ния, святи́телю Феодо́сие, я́ко па́стырь до́брый, по о́бразу Пастыренача́льника Христа́ все́х с любо́вию наставля́я ко спасе́нию, все́м о́браз жития́ по за́поведем Христо́вым подава́я и все́х поуча́я взыва́ти при́сно Бо́гу: Аллилу́иа.

И́кос 6

Возсия́л еси́, я́ко у́тро светоза́рное, стране́ Черни́говстей, святи́телю Бо́жий Феодо́сие, и па́ству, тебе́ вве́ренную, све́том доброде́телей твои́х озари́л еси́, смире́нием высо́кая стяжава́я и нищету́ и́ноческую соблюда́я; вся́ бо, я́же име́л еси́, неиму́щим усе́рдне раздава́л еси́. О се́м дивя́щеся, я́ко нищелю́бца соверше́ннаго ублажа́ем тя́, зову́ще:

Ра́дуйся, милосе́рдия исто́чниче неисчерпа́емый; ра́дуйся, си́рым прибе́жище благонаде́жное.

Ра́дуйся, вдови́цам ми́лостивый покрови́телю; ра́дуйся, а́лчущих неоску́дный пита́телю.

Ра́дуйся, оби́димым ско́рый засту́пниче; ра́дуйся, скорбя́щим благонаде́жный уте́шителю.

Ра́дуйся, су́щим в беда́х гото́вый помо́щниче; ра́дуйся, младе́нцем до́брый воспита́телю.

Ра́дуйся, ю́ношам и де́вам в целому́дрии наста́вниче; ра́дуйся, ста́рцем и немощны́м тве́рдое укрепле́ние.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 7

Хотя́ все́м се́рдцем твои́м еди́ному Го́споду благоугожда́ти, по́двигом до́брым до конца́ подвиза́лся еси́, Феодо́сие, труды́ к трудо́м во смире́нии прилага́я, посто́м и бде́нием с моли́твою пло́ть твою́ умерщвля́я и любо́вию все́х согрева́я. Те́мже и сподо́бился еси́ еще́ на земли́ досто́йно и пра́ведно воспева́ти а́нгельскую пе́снь Бо́гу: Аллилу́иа.

И́кос 7

Но́ваго тя́ моли́твенника и чудотво́рца преди́внаго яви́ Госпо́дь в стране́ Росси́йстей, святи́телю о́тче Феодо́сие; те́мже и све́тло красу́ется тобо́ю Це́рковь Правосла́вная, я́ко дерзнове́ние ве́лие ко Христу́ и́маши, Ему́же моли́ся, святи́телю, о на́с гре́шных, любо́вию тебе́ вопию́щих сицева́я:

Ра́дуйся, пресве́тлый свети́льниче ве́ры правосла́вныя; ра́дуйся, правосла́вия стра́же неусыпа́ющий.

Ра́дуйся, благоче́стия ре́вностный побо́рниче; ра́дуйся, Це́ркве Бо́жия сто́лпе непоколеби́мый.

Ра́дуйся, хра́мино доброде́телей приукраше́нная; ра́дуйся, безстра́стия и чистоты́ ревни́телю преизря́дный.

Ра́дуйся, моли́твы сокро́вище неистощи́мое; ра́дуйся, та́ин Бо́жиих ве́рный строи́телю.

Ра́дуйся, па́ству твою́ в ве́ре и благоче́стии соблюда́яй; ра́дуйся, со святы́ми сликова́ния в Небе́сном Ца́рствии сподо́бивыйся.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 8

Стра́нствие земно́е богоуго́дне соверши́в, святи́телю о́тче Феодо́сие, свя́то и пра́ведно почи́л еси́ о Го́споде сно́м сме́рти, я́же бы́сть тебе́ прохожде́ние от трудо́в на поко́й ве́чный; прия́л бо еси́ от Христа́ Бо́га вене́ц сла́вы нетле́нный и водвори́лся еси́ со святы́ми воспева́ти Ему́ ве́чно хвале́бную пе́снь: Аллилу́иа.

И́кос 8

Ве́сь еси́ любо́вь неоскудева́ющая, святи́телю Бо́жий Феодо́сие; я́коже бо в житии́ се́м, та́ко и по преставле́нии к Бо́гу ча́д твои́х не оставля́еши; на все́х, к тебе́ ве́рою притека́ющих, ми́лостивне призира́еши, боля́щим исцеле́ние подава́я, скорбя́щих утеша́я, от бе́д избавля́я. Сего́ ра́ди, благода́рни су́ще, воспева́ем ти́ си́це:

Ра́дуйся, нищету́ духо́вную от ю́ности возлюби́вый; ра́дуйся, Христу́ в ме́ньших бра́тиях Его́ ве́рно послужи́вый.

Ра́дуйся, две́ри милосе́рдия Бо́жия на́м отверза́ющий; ра́дуйся, гне́в Бо́жий, пра́ведно на ны́ дви́жимый, на ми́лость прелага́ющий.

Ра́дуйся, по отше́ствии твое́м к Бо́гу с на́ми пребыва́ющий; ра́дуйся, умерщвле́нныя греха́ми ду́ши благода́тию Христо́вою оживля́ющий.

Ра́дуйся, исто́чниче сострада́ния к лю́дем приснотеку́щий; ра́дуйся, омраче́нных заблужде́ниями бла́гостный просвети́телю.

Ра́дуйся, с небе́сных высо́т на ско́рби на́ши призира́ющий; ра́дуйся, все́х на́с любо́вию твое́ю объе́млющий.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 9

Вси́ лю́дие черни́говстии просла́виша Бо́га, егда́ услы́шаша о пресла́вном явле́нии твое́м, святи́телю Феодо́сие, прее́мнику твоему́ архиепи́скопу Иоа́нну, его́же от неду́га тя́жка исцели́л еси́, явля́я дерзнове́ние твое́ ко Го́споду. Сего́ ра́ди и потща́ся гро́б тво́й благоукраси́ти и подо́бие лица́ твоего́ над ни́м поста́вити, зовы́й ди́вному во святы́х Свои́х Бо́гу: Аллилу́иа.

И́кос 9

Вети́и многовеща́ннии не возмо́гут восхвали́ти тя́ по достоя́нию, ве́чныя сла́вы досто́йнаго, святи́телю о́тче Феодо́сие; и кто́ мо́жет пове́дати мно́гая и пресла́вная чудеса́ твоя́, я́же источи́л еси́ от нетле́нных моще́й и ико́н твои́х святы́х; о се́м у́бо ра́дующеся и Бо́га, святы́х Свои́х прославля́ющаго, сла́вяще, вопие́м ти́ си́це:

Ра́дуйся, в пресве́тлых ра́йских черто́зех обита́ющий; ра́дуйся, нетле́нием моще́й твои́х зарю́ о́бщаго воскресе́ния на́м предпоказу́ющий.

Ра́дуйся, в виде́ниих во бла́го ве́рующим явля́ющийся; ра́дуйся, в со́ниях на моли́тву к твоему́ хода́тайству призыва́ющий.

Ра́дуйся, сле́зы и воздыха́ния скорбя́щих с любо́вию утоля́ющий; ра́дуйся, проше́ния тружда́ющихся и обремене́нных ско́ро исполня́ющий.

Ра́дуйся, от внеза́пныя сме́рти ве́рных избавля́ющий; ра́дуйся, да́нныя Бо́гу обе́ты исполня́ти побужда́ющий.

Ра́дуйся, слепы́м прозре́ние, глухи́м слы́шание подаю́щий; ра́дуйся, о́тче чадолюби́вый, я́коже ко́кош под криле́, духо́вная ча́да твоя́ у гро́ба твоего́ собира́ющий.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 10

Спасе́ние ве́чное унасле́довал еси́, святи́телю Феодо́сие, и све́тло ны́не лику́еши со А́нгелы и все́ми святы́ми, при́сно созерца́я пресве́тлое лице́ Христа́ Бо́га на́шего, Его́же моли́ти не преста́й за ны́ гре́шныя, да твои́м заступле́нием сподо́бимся ку́пно с тобо́ю воспева́ти Ему́: Аллилу́иа.

И́кос 10

Стена́ огражде́ния в Це́ркви Правосла́вней явля́ешися, святи́телю Бо́жий, мно́жеством ди́вных чуде́с твои́х ве́рныя утвержда́ющая и явле́нием си́лы Бо́жией вся́ ерети́ческая мудрова́ния отража́ющая; наста́вников бо раско́ла нетле́нием моще́й твои́х зело́ удиви́л еси́ и испове́дати и́стину правосла́вия возбуди́л еси́. Те́мже со стра́хом и благогове́нием вку́пе с ве́рными взыва́ху ти́ си́це:

Ра́дуйся, прославле́нием моще́й твои́х все́х на́с ра́дости испо́лнивый; ра́дуйся, нетле́нием телесе́ твоего́ неве́рие глаго́лемых старообря́дцев в ве́ру претвори́вый.

Ра́дуйся, е́ресь шту́нды чудесы́ пресла́вными посрами́вый; ра́дуйся, жену́ от лю́торовы е́реси кре́стное зна́мение правосла́вне полага́ти научи́вый.

Ра́дуйся, младе́нцу слепо́му у моще́й твои́х внеза́пу прозре́ние дарова́вый; ра́дуйся, немотству́ющий язы́к пома́занием еле́я от лампа́ды твоея́ разреши́вый.

Ра́дуйся, те́м же еле́ем стру́пы неисце́льныя исцеля́яй; ра́дуйся, бли́з сме́рти су́щих боля́щих к жи́зни возвраща́яй.

Ра́дуйся, я́ко лише́ннии ра́зума у моще́й твои́х благода́тию Христо́вою исцеля́ются; ра́дуйся, я́ко и пелены́ от гро́ба твоего́ чудоде́йствуют.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 11

Пе́ние моли́твенное не умолка́ше у моще́й твои́х, святи́телю Феодо́сие, от дне́ погребе́ния да́же до дне́ прославле́ния твоего́ со святы́ми, егда́ собо́р святи́телей Це́ркве Росси́йския со сла́вою из пеще́ры мо́щи твоя́ изнесе́ и в собо́рней це́ркви гра́да Черни́гова на о́бщее поклоне́ние че́стне положи́. Приими́ у́бо и на́ше смире́нное пе́ние хвале́бное и помози́ на́м покая́нием очи́ститися, да во исполне́нии за́поведей Христо́вых преуспева́юще и тобо́ю наставля́еми, с тобо́ю благода́рственне вопие́м Бо́гу: Аллилу́иа.

И́кос 11

Свети́льник благода́тный бы́в в житии́ твое́м, святи́телю Феодо́сие, ти́хим све́том смире́ния и любве́ на све́щнице Це́ркве Христо́вы сия́ющий, и по преставле́нии твое́м возсия́л еси́, я́ко со́лнце, преди́вными чудесы́ мглу́ раско́ла и ересе́й разгоня́я и ве́рных сердца́ к Бо́гу обраща́я. Те́мже, с любо́вию пра́зднующе святу́ю па́мять твою́, вопие́м ти́:

Ра́дуйся, звездо́ лучеза́рная, над земле́ю черни́говскою возсия́вшая; ра́дуйся, и всю́ страну́ Росси́йскую све́том свои́м озари́вшая.

Ра́дуйся, гра́да Черни́гова сла́во и огражде́ние; ра́дуйся, всея́ земли́ на́шея стра́же неусы́пный и те́плый моли́твенниче.

Ра́дуйся, у Престо́ла Царя́ ца́рствующих за царя́ на́шего предста́тельствующий; ра́дуйся, я́ко и́мя твое́ по все́й стране́ на́шей от конца́ в коне́ц прославля́ется.

Ра́дуйся, я́ко явле́нии твои́ми неве́рныя в ве́ру правосла́вную обраща́еши; ра́дуйся, я́ко чудесы́ твои́ми иносла́вныя к правосла́вию наставля́еши.

Ра́дуйся, я́ко с небе́сными си́лами при́сно Бо́гу воспева́еши; ра́дуйся, я́ко на небесе́х вы́ну сла́ву Его́ созерца́еши.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 12

Благода́ти Бо́жией сосу́д избра́нный бы́л еси́, святи́телю Феодо́сие; благода́ть Бо́жию и в по́мощь не́мощи на́шей испроси́ у Го́спода, да се́ю благода́тию спаса́еми, присноборю́щия ны́ стра́сти победи́м, и то́ю укрепля́еми, Пода́теля все́х бла́г Го́спода Иису́са всегда́ с тобо́ю прославля́ем, зову́ще Ему́: Аллилу́иа.

И́кос 12

Пою́ще мно́гая и пресла́вная чудеса́ твоя́ и прославля́юще вели́кия по́двиги твоя́, святи́телю о́тче на́ш Феодо́сие, со умиле́нием се́рдца сла́вим, хва́лим и велича́ем возвели́чившаго тя́ Го́спода, в тебе́ я́вльшаго на́м но́вое зна́мение Своего́ благоволе́ния к Це́ркви Правосла́вней, я́ко ве́чному столпу́ и утвержде́нию и́стины; тебе́ же, я́ко те́плому предста́телю на́шему пред Бо́гом, возглаша́ем сицева́я:

Ра́дуйся, в вертогра́де Госпо́дни от у́тра до ве́чера жи́зни твоея́ до́бре потруди́выйся; ра́дуйся, в ра́дость Го́спода своего́, я́ко ра́б благи́й и ве́рный, вше́дый.

Ра́дуйся, житие́м твои́м пу́ть в оби́тели небе́сныя на́м показа́вый; ра́дуйся, венце́м безсме́ртия и сла́вы небе́сныя увенча́нный.

Ра́дуйся, не́ба церко́внаго звездо́ пресве́тлая; ра́дуйся, земли́ Росси́йския похвало́ пречу́дная.

Ра́дуйся, я́ко со все́ми святы́ми в го́рних обита́еши; ра́дуйся, я́ко и на́с гре́шных на земли́ любо́вию посеща́еши.

Ра́дуйся, и́мже Христо́с просла́вися; ра́дуйся, и́мже сатана́ посрами́ся.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 13

О вели́кий уго́дниче Бо́жий и чудотво́рче, святи́телю о́тче на́ш Феодо́сие! Приими́ сие́ ма́лое моле́ние на́ше, в похвалу́ тебе́, а́ще и недосто́йне, оба́че с любо́вию сыно́внею приноси́мое, и умоли́ Го́спода Бо́га изба́витися на́м от вся́ких бе́д, скорбе́й и напа́стей, от междоусо́бныя бра́ни и внеза́пныя сме́рти, и от муче́ний ве́чных в бу́дущем ве́це, и сподо́битися в ве́чней жи́зни с тобо́ю воспева́ти Ему́: Аллилу́иа.

Этот конда́к читается трижды, затем и́кос и 1-й конда́к 1-й.

И́кос 1

А́нгел во пло́ти яви́лся еси́, богому́дре Феодо́сие, а́нгельскими нра́вы измла́да себе́ украша́я; те́мже и А́нгел це́ркве Черни́говския досто́йне поста́влен бы́л еси́ от Бо́га, все́х наставля́я ко спасе́нию и все́м явля́я в себе́ пра́вило ве́ры и о́браз кро́тости, воздержа́ния же и любве́. Сего́ ра́ди, ча́да твоя́ су́ще, любо́вию вопие́м ти́ си́це:

Ра́дуйся, А́нгеле земны́й и челове́че небе́сный; ра́дуйся, небе́сных си́л собесе́дниче и сослужи́телю.

Ра́дуйся, в житии́ твое́м безпло́тным поревнова́вый; ра́дуйся, и по сме́рти с ни́ми водвори́выйся.

Ра́дуйся, от ю́ности Христа́ все́м се́рдцем твои́м возлюби́вый; ра́дуйся, от у́тра жи́зни твоея́ Тому́ еди́ному порабо́тавый.

Ра́дуйся, вся́ за́поведи Госпо́дни ве́рно и непоро́чно сохрани́вый; ра́дуйся, мно́г пло́д духо́вный о Христе́ сотвори́вый.

Ра́дуйся, усе́рдною моли́твою ду́х тво́й окрили́вый; ра́дуйся, чту́щих любо́вию па́мять твою́ от бе́д покрыва́ющий.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 1

Избра́нный чудотво́рче, вели́кий уго́дниче Христо́в, святи́телю о́тче Феодо́сие, нетле́нием моще́й твои́х и мно́жеством чуде́с от Бо́га просла́вленный, в пе́снех ра́достных ублажа́ем тя́, засту́пника на́шего. Ты́ же, я́ко име́яй дерзнове́ние ко Го́споду, от вся́ких на́с бе́д свобожда́й, да зове́м ти́:

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.