Значение иконы Божьей Матери Умиление и тексты молитв, о чем просят

Образ Пресвятой Богородицы благоговейно почитаем среди православных христиан. Великая и милостивая Заступница человечества перед Богом, невинная и благочестивая Мать Спасителя помогает людям в разрешении самых трудных проблем. Чтение торжественных песнопений и молитв перед иконой Божьей Матери «Умиление» имеет важное духовное значение для верующих, прославляющих Небесную Царицу, уповающих на Ее помощь, покровительство и защиту.

История появления образа Божьей Матери «Умиление»

На иконе «Умиление» изображена пречистая Дева Мария, узнавшая благую весть от архангела Гавриила о том, что на нее Богом возложена миссия родить Сына Божия – Спасителя рода человеческого. Образ, передающий тихую радость, кротость и смирение Девы перед уготованной для Сына участью, отличается от других иконописных изображений Богородицы.

Чудотворный образ был обретен в XVIII столетии. Первообразный лик Богоматери «Умиление» написан неизвестным автором на холсте, который изначально был прикреплен к дощатой основе из кипариса. Существует версия о том, что лик был явлен чудесным образом в лесу батюшке Серафиму Саровскому.

Известно, что образ находился в келье святого. Именно этой иконе преподобный Серафим возносил свои молитвы. Маслом из лампады, стоявшей у святыни, и молитвенными речами святой творил чудеса. Больные и страждущие после помазания лампадным маслом и молитвы батюшки выздоравливали и восставали физически и духовно. Образ Божьей Матери «Умиление» был признан чудотворным. Согласно свидетельствам верующих, чудотворным действием обладают и списки с него.

Серафим Саровский отошел к Господу во время молитвы перед святыней. Братия обнаружила тело святого в позе молящегося в его отшельническом ските рядом с иконой. По завету батюшки, «Умиление» передали в Дивеевский монастырь. Так за иконой закрепилось название Серафимо-Дивеевская.

По воле императора Николая II Серафим Саровский был канонизирован Православной церковью, а почитаемый им образ «Умиление» обрел оклад из драгоценных камений. В 1991 году икону передали патриарху Алексию II в ведение московской епархии. Икону разместили в Патриаршей монашеской обители. Ежегодно для почитания и обращения верующих образ выносят в Богоявленский собор.

Существуют также Новгородская и Смоленская иконы «Умиление», история которых началась в XII столетии. На этих чудотворных образах Богородица изображена с младенцем Иисусом на руках, в чем их главное отличие от Серафимо-Дивеевской иконы. Молитвы образам Богоматери «Умиление» даровали молящимся исцеление от болезней, защищали города от войн, разорения, и помогают верующим по сей день.

Значение и смысл изображения пресвятой Богородицы

На иконе «Умиление» запечатлен благовестный момент, когда Пресвятая Дева узнала от посланника Божия Гавриила о таинстве непорочного зачатия. Праведная и благочестивая Мария смиренно приняла великую миссию. Она возрадовалась, узнав о том, что в целомудрии станет матерью. Радостный миг сопряжен с материнской тревогой за предстоящие Ее чаду страдания, но избранница Божия безропотно, со светлой благодатью принимает святое предназначение.

На иконе Богородица изображена по пояс. Голова целомудренной Девы покорно склоняется перед Божественной волей. Ее взгляд смиренно опущен, руки сложены в крестообразном жесте. Голова Богородицы традиционно покрыта мафорием и озарена нимбом, свидетельствующим о святости.

Есть вариант написания иконы с надписью по краю нимба «Радуйся невесто неневестная», вторящая сути изображенного события. На окладе первообраза нимб и накидка украшены каймой из жемчуга. На голове и плечах Богородицы, как признаки Божественности, изображены три вифлиемских звезды.

Молитва перед образом «Умиление» приносит молящимся поддержку, утешение, разрешение конфликтов и благодать, ниспосланную Небесной Царицей.

Почитание иконы в православии

Торжества, приуроченные ко дню чествования иконы Богородицы «Умиление», проводят 1 и 10 августа. Серафимо-Дивеевскую икону почитают также 22 декабря, в день Мельничной девичьей общины, которой положил основу Серафим Саровский по указанию явившейся к нему Божьей Матери.

В праздничные даты у иконы «Умиление» священнослужители проводят торжественные богослужения, поют акафист, прославляя Небесную Царицу.

О чем просят и молятся перед образом

Чудотворной иконе Божьей Матери «Умиление» молятся о здравии, Божественном наставлении. Перед святым ликом просят о помощи в трудных жизненных ситуациях, о Божественном благословении и покровительстве. Образ считают женской святыней, оберегающей благочестие, нравственность, семейное и материнское счастье женщин.

Иконе Богородицы «Умиление» молятся, уповая на:

• исцеление телесных и душевных болезней;
• наставление на праведный и богоугодный путь рабов Божиих, утративших ориентиры в мирском бытии;
• утешение страждущих и отчаявшихся;
• облегчение в горестях и печалях;
• удачное замужество для девушек;
• благополучную беременность и легкие роды;
• семейное счастье.

Пресвятая Богородица покровительствует истинно верующим, честным христианам, ведущим праведный и благочестивый образ жизни. Искренние молитвы перед образом «Умиление» будут услышаны на Небесах. Благословение Божьей Матери дарует усердно молящимся защиту от негативного воздействия, душевное спокойствие и благодать.

Тексты молитв

Просить о помощи Богородицу перед Серафимо-Дивеевским образом «Умиление» можно своими словами, но чтение православных текстов усилит прошение. Через молитву слова верующих прославляют Божественную волю и направлено идут к Пресвятой Деве.

В дни почитания святыни в храмах и обителях поют торжественные песнопения, восхваляющие миссию Царицы Небесной, Ее святую благодать и милость. Читать хвалебные тексты можно и дома самостоятельно. Такой молебен обладает особенной силой.

Тропарь

К Богоpо́дице с умиле́нием пpипаде́м,/ вси, гpехми́ обpемене́ннии,/ чудотво́pную Ея́ ико́ну Умиле́ния облобыза́юще/ и вопию́ще со слеза́ми:/ Влады́чице, пpиими́ моле́ние недосто́йных pаб Твои́х/ и пода́ждь нам, пpося́щим,// ве́лию Твою́ ми́лость.

Кондак

Ю́же подража́я непло́дную смоко́вницу,/ аз, окая́нный, умиле́ния плода́ отню́д не приношу́ и посече́ния страшу́ся,/ но, взира́я к чудотво́рней ико́не Твое́й Умиле́ния, Влады́чице,/ стеню́ от се́рдца и вопию́:/ умили́ся, Благосе́рдая,/ и мне, окамене́нному се́рдцем,// благоволи́ пода́ти душе́вное и серде́чное умиле́ние.

Акафист

Кондак 1

Избранней от всех родов Божией Матери и Царице, умиленно молящейся за ны ко Господу и образ Умиления Своего нам даровавшей милостиво, похвальное пение и моление приносим Ти, Богородице; Ты же, яко всемилостивая наша заступница и всеблагая помощница, от всяких бед нас избави, да зовем Ти:

Радуйся, Владычице, Радосте всех радостей, Умиление и спасение душ наших.

Икос 1

Ангел земный и человек небесный, праведный старец Серафим икону Твою святую, Богородице Дево, яко драгоценное сокровище стяжа в своей келии, пред нею усердныя молитвы Тебе принося, Всепетая, во вся дни подвижническаго жития своего, благоумиленно «Радость всех радостей» Тя именуя и сице Тебе взывая:

Радуйся, обрадовавшая падшее человечество всесвятым Твоим рождеством; радуйся, Спасителя миру нетленно рождшая и девство сохраншая предивно.

Радуйся, Мати Дево преблагословенная; радуйся, Богородице препрославленная.

Радуйся, палато Бога Слова прекрасная; радуйся, светоносная ложнице Царя царей.

Радуйся, пророческих глаголов сбытие принесшая; радуйся, апостольския проповеди основание непоколебимое.

Радуйся, преподобных похвало и дев величание; радуйся, человеческаго рода возвышение.

Радуйся, утешение скорбящим; радуйся, исцеление болящим.

Радуйся, Владычице, Радосте всех радостей, Умиление и спасение душ наших.

Кондак 2

Видев себе болезнию зельною одержима блаженный Серафим, усердно моляше Тя, Богородице Дево, о помощи и исцелении, и се абие предстала еси ему во свете небеснем со апостолы Петром и Иоанном Богословом и, рекши: «Сей от рода нашего есть», исцеление скоро ему даровала еси.

Икос 2

Разумев свое исцеление, Твоим посещением благодатным совершившееся, блаженный Серафим немолчно проповедаше, Богородице, Твою великую к нему милость, икону же Твою святую неземными руками изображенную и дивно свыше ему дарованную, благоговейно почиташе и сию благодати причастною именоваше, ейже и мы ныне поклоняющеся, сице Тебе зовем:

Радуйся, обрадовавшая избранника Божия Твоим посещением; радуйся, в недузе ему исцеление подавшая скоропредстательно.

Радуйся, присным Своего рода милостивно его нарекшая; радуйся, откровении божественными его просветившая.

Радуйся, в течение жизни его святыя многократно ему являвшаяся; радуйся, на подвиги поста и молитвы невидимо его укрепившая.

Радуйся, в пустынножитии и затворе сладкая его собеседнице; радуйся, от враг видимых и невидимых державная его заступнице.

Радуйся, и нам грешным являющая от иконы Твоея многия милости и щедроты; радуйся, и нас недостойных не лишающая Твоих благодеяний благодатных.

Радуйся, яко недуги наша врачуеши безмездно; радуйся, яко печали наша утоляеши радостотворно.

Радуйся, Владычице, Радосте всех радостей, Умиление и спасение душ наших.

Кондак 3

Сила Божия действоваше чрез святую икону Твою, Умиление именуемую, Богородице пречистая, егда сия в келии преподобнаго Серафима исцеления верным источаше, иже прихождаху отвсюду к праведнику Божию и по вере своей, его святыми молитвами, получаху от Тебе многия дары благодатныя, благодарно поюще Богу: Аллилуиа.

Икос 3

Имуще веру и любовь к Тебе, Богородице, преподобный Серафим по Бозе всю надежду на Тя полагаше, икону же Твою святую благоговейно почиташе, свещи и елей пред нею возжигая и тепле моляся Тебе, да будеши ему помощница во спасение. О сем и мы Тя молим, Преблагая, и со усердием поем:

Радуйся, свеще всемирная, мрак языческий просветившая светом Христовым; радуйся, стамно всезлатая, в нейже уготовася Хлеб небесный, от Негоже вкушающии ктому не умирают.

Радуйся, деннице Солнца правды; радуйся, заре невечерняя безсмертныя Жизни.

Радуйся, падшаго человеческаго естества обновление; радуйся, древния вражды разрушение.

Радуйся, радосте, святых созерцание; радуйся, сладосте, усладившая сладость духовную.

Радуйся, облаче, росу спасительную источивый; радуйся, алавастре, мира божественнаго полный.

Радуйся, окаменелых сердец умягчение; радуйся, веры и благочестия возращение.

Радуйся, Владычице, радосте всех радостей, умиление и спасение душ наших.

Кондак 4

Бури греховныя избежати и в тихое пристанище покаяния приити помози нам, пречистая Дево, Искупителя и Спасителя душ наших рождшая и Матернее дерзновение к Нему имущая, простри к Нему богоноснеи Твои руце и умоли Его благость вся ны помиловати и спасти, да благодарне поем Ему о Тебе славословия песнь: Аллилуиа.

Икос 4

Слышавше о премногих чудесех Твоих, Богородице Дево, от иконы Твоея святыя являемых верным, радуемся и мы, грешнии, яко даровала еси нам таковый благодатный залог Твоего к нам благоволения, Всеблагая, и от радостных и благодарных устен сицевое приносим Ти пение:

Радуйся, обитель дев в Матерний Твой покров милостиво приемшая; радуйся, обитель малую и убогую распространившая и духовно обогатившая.

Радуйся, обетование Твое, преподобному Серафиму о ней изреченное, верно исполнившая; радуйся, иконою Твоею в ней пребывати изволившая.

Радуйся, надеждо наша пресвятая; радуйся, Мати наша преблагая.

Радуйся, добрая младопитательнице девам; радуйся, вдов и сирот попечительнице благомилостивая.

Радуйся, заступление наше от врагов невидимых; радуйся, помощнице наша в нечаянных бедах.

Радуйся, стено, ограждающая нас от греховных соблазнов мира; радуйся, покрове, не крыющийся от нашего притекания.

Радуйся, Владычице, радосте всех радостей, умиление и спасение душ наших.

Кондак 5

Боготечная звезда, святая икона Твоя, Богородице Дево, лучи Божия благодати невидимо испущает и души верных озаряет; сию и мы с верою и благоговением лобызающе, в скорбех утешение, в болезнех врачевство безмездное от Тебе, Владычице, приемлем и, славословяще многопетое и преблагословенное имя Твое, радостно поем Богу: Аллилуиа.

Икос 5

Видев праведный старец Серафим в преславный день Благовещения Твоего, Богородице, Тя пришедшую к нему в смиренную его келию со ангелы, Предтечею, Богословом и ликом святых дев, радости премирныя исполнися, и сияше лице его старческою красотою небесною, Ты же, славою Твоею божественною его озаряющи, милостиво беседовала еси с ним, яко с другом присным, обетовании благими обвеселяющи душу его и сими подвизающи нас вопити Тебе:

Радуйся, обрадованная Приснодево; радуйся, Невесто Неневестная.

Радуйся, Царице горних и дольних; радуйся, предводительнице девственных ликостояний.

Радуйся, от небесных высот посещающая земнородных; радуйся, являющая лице Твое пречистое избранником Божиим.

Радуйся, лики святых спутешествующия Тебе имевшая; радуйся, собор святых дев с Собою приведшая.

Радуйся, деве смиренней и трепещущей явления Твоего славу Твою показавшая; радуйся, беседы божественныя ея удостоившая.

Радуйся, преподобнаго Серафима посещением Твоим облагодатствовавшая; радуйся, с ним и вся ны духовно обвеселившая.

Радуйся, Владычице, радосте всех радостей, умиление и спасение душ наших.

Кондак 6

Проповедуемо и везде похваляемо есть от верных посещение Твое, Мати Божия, егоже сподобила еси преподобнаго Серафима в день преславнаго Твоего Благовещения; сие посещение Твое всеблагое и мы днесь благоговейно воспоминающе, благодарственныя песни Тебе приносим, Пречистая, и хвалебно восклицаем Сыну и Богу Твоему: Аллилуиа.

Икос 6

Возсия сияние славы небесныя в смиренней келии праведнаго старца, егда от горних высот пришла еси, Богородице, с ликом святых его посетити, егоже не терпящи зрети дева, сотаинница божественнаго видения, ниц паде на землю, но милостивно ту воздвигла еси, Владычице, и премилостивыя глаголы Твоя ей прорекла еси. Таковому благоснисхождению Твоему дивящеся, с любовию и благоговением Тебе вопием:

Радуйся, Дево всеблагая, девство похвалившая деве земной; радуйся, венец Царствия Небеснаго ей и девам обещавшая за верность Жениху Христу.

Радуйся, Ангелы чтимая и певаемая от Херувим; радуйся, Архангелы окружаемая и прославляемая от Серафим.

Радуйся, Предтечу, Богослова и лик святых дев с Тобою в явлении чудесно ему показавшая; радуйся, сие явление Твое обетовании благими избраннику Божию заключившая.

Радуйся, сбытием обетований Твоих истину явления Твоего засвидетельствовавшая; радуйся, наша похвало и утверждение.

Радуйся, обителей иноческих милостивое попечение и призрение; радуйся, Церкве Христовой божественная лепота.

Радуйся, постников и преподобных тайное утешение; радуйся, христианскаго рода непостыдное упование.

Радуйся, Владычице, радосте всех радостей, умиление и спасение душ наших.

Кондак 7

Хотящим нам, Владычице, лобызати святую всечестную чудотворную икону Твою, не возбрани нам сие грехов ради наших, но, яко многоблагоутробная Мати милостиваго Бога, не возгнушайся наших нечистых устен, но приими нас милостиво, припадающих к Тебе с любовию, дары благодатныя щедро нам подавающи от многочудеснаго Твоего образа, да зовем со умилением Триединому Богу: Аллилуиа.

Икос 7

Дивно и свято скончатися благоволила еси, Владычице, избраннику Твоему, блаженному Серафиму; той бо коленопреклоненный на молитве пред иконою Твоею святою предаде праведную душу свою в руце Божии и отъиде от земли на горняя созерцати славу Твою небесную и выну зрети Тя, Царице ангелов, Юже и мы земнии немолчно ублажаем и поем Ти радостно:

Радуйся, мира горняго первейшее украшение; радуйся, мира дольняго всекрепкое ограждение.

Радуйся, от небеснаго всесветлаго Твоего жилища приникающая к земнородным; радуйся, от обителей горних снисходящая во юдоль нашу многоскорбную и многогреховную.

Радуйся, отирающая слезы от очес плачущих и печальных; радуйся, вливающая отраду и утешение в сердца огорченная.

Радуйся, вдовиц неимущих некрадомое богатство; радуйся, безматерних сирот призрение и покрове.

Радуйся, иноков помощнице всеизрядная; радуйся, инокинь предстательнице всесвятая.

Радуйся, целомудрия христианскаго начало и основание; радуйся, девства пречудная красото.

Радуйся, Владычице, радосте всех радостей, умиление и спасение душ наших.

Кондак 8

Странно есть видети икону святую, Богородице Дево, на плате написанную руками неземными, силою бо Божиею благодати преисполняется и дивная чудеса совершает благоволением Твоим, Всеблагая; сию и мы стяжавше во утешение и цельбу, благодарственно Тя славим, Владычице пречистая, и поем рождшемуся от Тебе Богу Слову ангельскую песнь: Аллилуиа.

Икос 8

Вся добрая и полезная даруеши нам, Богородице, от всечестнаго и многочудеснаго Твоего образа, умиляеши души наша и врачуеши болезни наша, яко воистину многоблагоутробная Мати чад Твоих о Христе Бозе, темже по долгу блажима еси от нас благохвалении таковыми:

Радуйся, от востока и запада славимая и превозносимая; радуйся, от всех христианских родов певаемая и блажимая.

Радуйся, душеполезных даров подательнице независтная; радуйся, душевных и телесных недугов целительнице благодатная.

Радуйся, безнадежных надеждо; радуйся, огорченных отрадо.

Радуйся, гонимых прибежище; радуйся, верных крепкое заступление.

Радуйся, неверных обращение; радуйся, чудесы Твоими всех удивляющая.

Радуйся, верных и неверных посещающая; радуйся, преискренне спасения всем хотящая.

Радуйся, Владычице, радосте всех радостей, умиление и спасение душ наших.

Кондак 9

Вси роди христианстии именуют Тя, Владычице, помощницу изрядную: якоже обетовала еси при всечестнем Твоем успении не оставити нас сирых и безпомощных, тако и доднесь сие обетование всеблагое исполняеши в Церкви Христовой на земли, Богородице Дево, ущедряющи и спасающи люди, верно Тя славящия и православно поющия: Аллилуиа.

Икос 9

Витийство человеческое изнемогает изрещи обилие щедрот и милостей Твоих, Мати Божия, славити же Тя по достоянию изумевают сами уми безплотнии, обаче, Благая сущи, не возгнушайся и наших недовлеющих похвал, имиже, любовию к Тебе подвизаемии, дерзаем воспевати Тя сице:

Радуйся, луно полная, нощь грехов наших просвещающая; радуйся, кротким сиянием Твоим мглу страстей наших разгоняющая.

Радуйся, путеводительнице заблуждших; радуйся, вразумительнице буиих.

Радуйся, юных наставнице целомудрия; радуйся, покрове и ограждение девства.

Радуйся, обитель дев устроившая пречудно; радуйся, явльшая ей благоволение образом Твоим всечестным.

Радуйся, уповающим на Тя благий конец дарующая; радуйся, любящия и чтущия Тя не посрамляющая.

Радуйся, едина добрая и благословенная в женах; радуйся, едина чистая и непорочная Приснодево.

Радуйся, Владычице, радосте всех радостей, умиление и спасение душ наших.

Кондак 10

Спасителю Богу плоть взаимодавшая, истинная и Пречистая Мати Божия, очисти нас, оскверненных грехи многими, иссопом молитв Твоих святых, в чистоте и целомудрии утверди и сподоби благоугодно и праведно препроводити житие сие земное, да, благоугодивше Христу Богу, унаследуем Царствие Его Небесное и со святыми воспоем Ему победную песнь: Аллилуиа.

Икос 10

Стена еси девам, Богородице Дево, и всем душам христианским, уневестившимся Христу Богу, яже в треволнении страстей обретают всегда крепкую Твою помощь. Молим Тя, Всеблагая, не попусти и нам грешным погибнути во блате страстей, но простри нам державную десницу Твою и возстави нас на покаяние и целомудренное житие, да благодарственно зовем:

Радуйся, пристанище тихое пловцем житейскаго моря; радуйся, прибежище благоотишное утомленных бурею страстей.

Радуйся, споручнице покаяния грешным; радуйся, кающихся с Богом примирение.

Радуйся, Судии Праведнаго умоление; радуйся, всежелательное и всесладкое святым утешение.

Радуйся, горних воинств ангельских удивление; радуйся, мученических светлых полков непрестающее величание.

Радуйся, праведных жен всевеселящее радование; радуйся, дев святых венче.

Радуйся, преподобных многопетая славо; радуйся, верных известное упование.

Радуйся, Владычице, радосте всех радостей, умиление и спасение душ наших.

Кондак 11

Пение хвалебное приносят Ти, Богородице, дев лицы, осеняемии святою и многочудесною иконою Твоею, яко невидимыми руками в трапезу к ним дивно принесеся по обетованию и молитвам преподобнаго старца Серафима, скончавшагося пред сею иконою Твоею, Пречистая, и вручившаго сию обитель державному Твоему заступлению, о немже радующеся, поют Богу: Аллилуиа.

Икос 11

Светлыми лучами чудес Твоих, Богомати Владычице, озаряеши мрачныя наша души посреде суеверия и неверия наших дней и вся ны приводиши исповедати Твое всемогущество и силу, зрим бо икону Твою, Всеблагая, источающую нам милости Твоя и щедроты, и, припадающе к ней, сице Тебе вопием:

Радуйся, Православия утверждение; радуйся, веры Христовы распространение.

Радуйся, ересей и расколов посрамление; радуйся, неверия искоренение.

Радуйся, чудесы Твоими верныя утешающая; радуйся, милосердием Твоим и грешныя не оставляющая.

Радуйся, в час кончины уповающим на Тя помогающая; радуйся любящим Тя любовию святою воздающая.

Радуйся, в скорбех и бедах на помощь ускоряющая; радуйся, болезни неисцельныя врачующая.

Радуйся, скоропослушливая к молитвам смиренным; радуйся, прошения благая предваряющая исполнением.

Радуйся, Владычице, радосте всех радостей, умиление и спасение душ наших.

Кондак 12

Благодати Божия сокровище духовное икона Твоя, Богородице Дево, облагодати обитель дев, избранником Твоим преподобным Серафимом собранную и окормленную добре; сию икону Твою, яко залог благоволения Твоего, дивно стяжавше, славим и величаем Тя, Владычице всемилостивая, и рабски вопием всех Творцу: Аллилуиа.

Икос 12

Поюще милосердие Твое неисчетное и многая Твоя чудеса, Дево всепетая, радуемся мы грешнии, зряще на иконе лик Твой святый, умиления преисполненный, иже и в наши души умиление вливает и к молитвам усердным привлекает, да сице Тебе взываем:

Радуйся, Ниво неоранная, Клас спасительный человеком израстившая; радуйся, лествице небесная, Еюже сниде Бог.

Радуйся, горо несекомая, усыренная Духом Святым; радуйся, скиние, селение Всевышняго.

Радуйся святая святых большая; радуйся, пеще таинственная, Угль Божества неопально приемшая.

Радуйся, хладная сердца наша любовию ко Господу воспламеняющая; радуйся, нечистоту душ наших очищающая.

Радуйся, на подвиги духовныя невидимо нас укрепляющая; радуйся, леность и уныние от нас прогоняющая.

Радуйся, исполнити веления Христова нам помогающая; радуйся, душевредныя навыки в нас искореняющая.

Радуйся, Владычице, радосте всех радостей, умиление и спасение душ наших.

Кондак 13

О всепетая Мати! О Царице всемилостивая, Богородице преблагая, умоли Сына Твоего, Христа Бога нашего, избавити нас геенны огненныя и сподобити спасаемых части, да со избранными воспоем Ему во веки: Аллилуиа.

Этот кондак читается трижды, затем 1-й икос «Ангел земный…» и 1-й кондак «Избранней от всех родов».

Молитва

О Пресвятая Дево Богородице, Христа Царя и Бога нашего Мати, умиления сокровище и милости источниче, душеспасительных даров подательнице и скорбящих душ благодатная утешительнице! К Тебе с любовию припадаем и пред святою иконою Твоею молимся: умоли, Владычице, возлюбленнаго Сына Твоего Христа Бога нашего помиловати и спасти нас, погибающих во гресех, вдохни в души наша покаяние искреннее и умиление богоугодное. Слезами очистительными омый нас от скверны греховныя и яви чисты и непорочны рабы Христовы. Вся благопотребная житию временному и вечному спасению нашему милостивно, Госпоже, нам даруй. Мир умири, святую обитель сию добре сохрани, безмятежие и изобилие плодов земных нам низпосли и на кончине живота нашего не лиши нас Матерняго Твоего заступления и помощи, да предстательством Твоим безбедно прейдем мытарства воздушная и сподобимся унаследовати Царство Небесное. Ей, Царице всеблагая, всех радостей Радосте и всего мира христианскаго утешение, помози нам ныне и тогда, егда наипаче помощи Твоея святыя востребуем, и спаси нас Матерними Твоими молитвами ко Христу Богу, Емуже со Отцем и Святым Духом подобает всякая слава, честь и поклонение ныне и присно и во веки веков. Аминь.

Тропарь, глас 4

К Богородице с умилением припадем вси, грехми обремененнии, чудотворную Ея икону Умиления облобызающе и вопиюще со слезами: Владычице, приими моление недостойных раб Твоих и подаждь нам, просящим велию Твою милость.

Кондак, глас 3

Юже подражая неплодную смоковницу, аз, окаянный, умиления плода отнюд не приношу и посечения страшуся, но, взирая к чудотворней иконе Твоей Умиления, Владычице, стеню от сердца и вопию: умилися, Благодатная, и мне, окамененному сердцем, благоволи подати душевное и сердечное умиление.

Величание

Величаем Тя, Пресвятая Дево, богоизбранная Отроковице, и чтим образ Твой святый, имже точиши исцеления всем с верою притекающим.

Канон

Пе́снь 1

Ирмо́с: Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся, све́тло торжеству́я, и воспою́, ра́дуяся, Тоя́ чудеса́.

Умили́ся, уми́лостивися, умилосе́рдися, Влады́чице, на мя́, гре́шнаго и недосто́йнаго раба́ Твоего́, дерза́ющаго воспе́ти Твоя́ чудеса́.

Ма́ти Бо́жия Пречи́стая, не отри́ни мене́, окая́ннаго и нечи́стаго, дерза́ющаго пе́ти Твоя́ чудеса́, Умиле́ние.

Ина́го прибе́жища и те́плаго предста́тельства к Сы́ну Твоему́ и Бо́гу на́шему не и́мам, Всепе́тая, те́мже сподо́би мя́, многогре́шнаго, восхвали́ти Твоя́ чудеса́.

Ле́ностию одержи́мь и страстьми́ обурева́емь е́смь а́з, неключи́мый ра́б Тво́й, Влады́чице, недоуме́ю по достоя́нию восхвали́ти и просла́вити Твоя́ чудеса́.

Пе́снь 3

Ирмо́с: Твоя́ песносло́вцы, Богоро́дице, живы́й и незави́стный Исто́чниче, ли́к себе́ совоку́пльшия, духо́вно утверди́, в Боже́ственней Твое́й сла́ве венце́в сла́вы сподо́би.

Еди́н а́з, окая́нный, житие́м согреши́х па́че все́х челове́к, Пречи́стая, но, на щедро́ты Твоя́ упова́я, зову́: душе́внаго мя́ умиле́ния сподо́би.

Никто́же, прибега́яй с ве́рою под Боже́ственный Покро́в Тво́й, Влады́чице, то́щь от Тебе́ исхо́дит, те́мже и а́з, многогре́шный, дерза́я, зову́: Боже́ственнаго мя́ умиле́ния сподо́би.

Иа́ков, ле́ствицу Боже́ственную ви́дев, рече́: степе́нь Бо́жия сия́, Я́же еси́ Ты́, Препе́тая; те́мже молю́ Тя́: блага́го восхожде́ния к доброде́тели и мене́, лю́те недосто́йнаго, сподо́би.

Ю́же все́м благопослу́шную в ско́рбех и обстоя́ниих душе́вных и теле́сных яви́ Тя́ Госпо́дь, Богоро́дице Блага́я, та́ко и мне́, лю́те обурева́емому страстьми́ безме́стными, сле́зы умиле́ния пода́ждь и Твоего́, Де́во, Ма́терняго заступле́ния сподо́би.

Седа́лен, гла́с 5

Превзыдо́ша главу́ мою́ греси́ мои́, Влады́чице, оскверне́н и́ми е́смь, и не́сть исцеле́ния в пло́ти мое́й, но Ты́, Многоблагоутро́бная, да́руй души́ мое́й сле́зы покая́ния на очище́ние скве́рн грехо́вных и теле́сныя неду́ги уврачу́й, Врача́ вся́ческих и Го́спода ро́ждшая.

Сла́ва, и ны́не: Ра́ны душе́вныя привлеко́ша на мя́ и боле́зни теле́сныя, Влады́чице, но Ты́, я́ко Преми́лостивая, обоя́ исцели́, подава́ющи мне́ неоску́дный да́р духо́внаго умиле́ния, и да непреста́нно сла́влю Твое́ всемо́щное заступле́ние.

Пе́снь 4

Ирмо́с: Седя́й в сла́ве на Престо́ле Божества́ во о́блаце ле́гце, прии́де Иису́с Пребоже́ственный Нетле́нною Дла́нию и спасе́ зову́щия: сла́ва, Христе́, си́ле Твое́й.

Иде́же осени́т благода́ть Твоя́, Влады́чице, та́мо вся́кая ско́рбь потребля́ется, весе́лие же водворя́ется, ея́же и мене́, недосто́йнаго, сподо́би, вопию́ща: ра́дуйся, Богоро́дице, все́х ра́достей Ра́досте.

Сле́з не и́мам, окая́нный а́з, ниже́ душе́внаго умиле́ния, но Сама́, я́ко Милосе́рдая, сия́ ми́ пода́ти благоволи́, да взыва́ю: ра́дуйся, Де́во Пречи́стая, все́х ра́достей Ра́досте.

Не́мощна мя́ су́ща и окая́нна стру́пы грехо́вными, уврачу́й, Пречи́стая, милосе́рдия Твоего́ еле́й излива́ющи, и воздви́гни пе́ти Тебе́: ра́дуйся, Влады́чице, все́х ра́достей Ра́досте.

Омрачи́хся умо́м в жите́йских сласте́х, но Ты́, Влады́чице, све́те помраче́нныя души́ моея́, разгони́ тьму́ страсте́й мои́х, да просве́щся Тобо́ю, вопию́: ра́дуйся, Неве́сто Неневе́стная.

Пе́снь 5

Ирмо́с: Ужасо́шася вся́ческая о Боже́ственней сла́ве Твое́й, Ты́ бо, Неискусобра́чная Де́во, име́ла еси́ во утро́бе над все́ми Бо́га и родила́ еси́ Безле́тнаго Сы́на, все́м воспева́ющим Тя́ ми́р подава́ющая.

Доко́ле поно́сит вра́г и низлага́ет до́лу мя́, немощна́го и разсла́бленнаго лю́те душе́ю и те́лом: умили́ся, Влады́чице, и низложи́ борю́щих мя́ враго́в, Всепе́тая, души́ мое́й ми́р подава́ющи.

Вы́шши все́х А́нгел и Арха́нгел яви́лася еси́, Чи́стая Богоотрокови́це, те́мже молю́ Тя́, стре́лы вра́жия, на мя́ изощре́нныя, сокруши́ти, души́ ми́р подава́ющи.

Доко́ле, душе́ моя́, пребыва́еши в прегреше́ниих, конца́ не иму́щи грехо́вному обы́чаю, возни́кни из глубины́ зо́л, взира́ющи держа́вному заступле́нию Пречи́стыя, всегда́ на по́мощь тебе́ ско́рыя и благода́тию Свое́ю ми́р души́ и те́лу подава́ющия.

Ра́дость, и весе́лие, и ра́дование Боже́ственное, Де́во Неискусому́жная, на́м умно́жися Бо́жие: се́ бо, пла́чущиися лю́те, ра́дуемся моли́твами Твои́ми.

Пе́снь 6

Ирмо́с: Боже́ственное сие́ и всечестно́е соверша́юще пра́зднество, Богому́дрии, Богома́тере, прииди́те, рука́ми воспле́щим, от Нея́ ро́ждшагося Бо́га сла́вим.

Ра́дости Боже́ственнаго вели́чия, я́ко от нача́ла на́м весе́лия, благодаре́ния гла́сы прино́сим, приле́жно почита́юще Ю́, я́ко Предста́тельницу на́шу.

Досто́йно Ти́ пе́снь ра́дования, Чи́стая Де́во, веселя́щеся, прино́сим, изба́вльшеся от бе́д Твои́ми моли́твами.

А́нгельстии язы́цы досто́йно Твоя́ хвалы́ воспе́ти не мо́гут, Чи́стая, мы́ же ны́не, ра́бски взе́мшеся, ра́дование Гаврии́лово прино́сим Ти́.

Я́ко Боже́ственное прибе́жище, мы́ покро́в Тво́й вси́ стяжа́вше к Бо́гу, в напа́стех, и в гоне́ниих, и гресе́х к Тебе́ прибега́ем и Тобо́ю измене́ние прие́млем, Пречи́стая.

Конда́к, гла́с 3

Ю́же подража́я непло́дную смоко́вницу, а́з, окая́нный, умиле́ния плода́ отню́д не приношу́ и посече́ния страшу́ся, но, взира́я к чудотво́рней ико́не Твое́й Умиле́ния, Влады́чице, стеню́ от се́рдца и вопию́: умили́ся, Благосе́рдая, и мне́, окамене́нному се́рдцем, благоволи́ пода́ти душе́вное и серде́чное умиле́ние.

И́кос

Превзыдо́х грехи́ мои́ми блудни́цу, и блу́днаго, и мытаря́, и разбо́йника, и ниневи́тяны, а́з еди́н, окая́нный па́че все́х челове́к, и, лиши́вся благода́ти и дерзнове́ния ко Го́споду, стеню́ от се́рдца и вопию́: Тя́ Хода́таицу и Спору́чницу спасе́ния многогре́шней души́ мое́й благосотвори́, подаю́щи ми́ душе́вное и серде́чное умиле́ние.

Пе́снь 7

Ирмо́с: Не послужи́ша тва́ри Богому́дрии па́че Созда́вшаго, но, о́гненное преще́ние му́жески попра́вше, ра́довахуся, пою́ще: препе́тый отце́в Госпо́дь и Бо́г, благослове́н еси́.

Ре́ку неисчерпа́емую ми́лости Твоея́ к гре́шным все́м, Влады́чице, излива́еши, те́мже молю́: напои́ мою́ жа́ждущую ду́шу и изсо́хшее грехи́ се́рдце мое́ ороси́, да, благословя́, воспою́: препе́тый отце́в Госпо́дь и Бо́г, благослове́н еси́.

И́же все́м благопослу́шная в ско́рбех и обстоя́ниих душе́вных и теле́сных, Влады́чице, не отве́ржи и мене́, недосто́йнаго, но сподо́би пе́ти: отце́в Госпо́дь и Бо́г, благослове́н еси́.

Не отри́ни, Богоро́дице, мене́, уязвле́ннаго сове́том змии́ным, не возгнуша́йся мене́, смра́днаго грехи́ мно́гими, но сподо́би всегда́ пе́ти: отце́в Госпо́дь и Бо́г, благослове́н еси́.

Егда́ престо́ли на Су́д поста́вятся и Суди́щу Христо́ву предста́нут вси́ земноро́днии, тогда́ яви́ мне́, Влады́чице, Ма́тернее Твое́ заступле́ние, неоску́дную по́мощь, вопию́щу: отце́в Госпо́дь и Бо́г, благослове́н еси́.

Пе́снь 8

Ирмо́с: О́троки благочести́выя в пещи́ Рождество́ Богоро́дичо спасло́ е́сть; тогда́ у́бо образу́емое, ны́не же де́йствуемое, вселе́нную всю́ воздвиза́ет пе́ти Тебе́: Го́спода по́йте, дела́, и превозноси́те Его́ во вся́ ве́ки.

Стра́ха мя́ изба́ви, о Влады́чице, зло́бы и возду́шных мыта́рств. Покажи́ на мне́, недосто́йнем, ве́лию ми́лость Твою́, воспева́ющем: Го́спода по́йте, дела́, и превозноси́те Его́ во вся́ ве́ки.

Изба́ви мя́, Пренепоро́чная, озлобле́ния злы́х челове́ков и лука́вых бесо́в, трепе́щут бо и́мене Твоего́ вели́каго, я́ко ды́м исчеза́ют; мене́ же во умиле́нии се́рдца сподо́би пе́ти: Го́спода по́йте, дела́, и превозноси́те Его́ во вся́ ве́ки.

Те́мныя вла́сти кня́зя, всегда́ борю́щаго мя́, немощна́го и уны́лаго, разжже́нныя стре́лы угаси́, Всепе́тая, и сподо́би мя́ благода́рственно воспева́ти: Го́спода по́йте, дела́, и превозноси́те Его́ во ве́ки.

Пе́ние мое́ приими́ убо́гое, Всеми́лостивая Госпоже́ Де́во, Влады́чице Богоро́дице, Ма́терним Твои́м милосе́рдием покрыва́ющи пою́щия: Го́спода по́йте, дела́, и превозноси́те Его́ во вся́ ве́ки.

Пе́снь 9

Ирмо́с: Вся́к земноро́дный да взыгра́ется, Ду́хом просвеща́емь, да торжеству́ет же Безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, Всеблаже́нная Богоро́дице, Чи́стая Присноде́во.

Егда́ изнемога́ти кре́пости мое́й во исхо́де души́ мое́й гре́шней от окая́ннаго и скве́рнаго сего́ телесе́, тогда́ наипа́че яви́ на мне́, недосто́йнем, кре́пкую мы́шцу Твою́, Всеблага́я, да́ждь в ча́с сме́рти моея́ ра́достно взыва́ти Тебе́: ра́дуйся, Всеблаже́нная Богоро́дице, Чи́стая Присноде́во.

Ни́щ и убо́г е́смь от де́л благи́х, не имы́й умиле́ния душе́внаго, Преми́лостивая, Ты́ Сама́ да́рствуй ми́, да благода́рственно вопию́: ра́дуйся, Всеблаже́нная Богоро́дице, Чи́стая Присноде́во.

Иссо́пом милосе́рдия Твоего́ окропи́ мя́, Пречи́стая, да очи́щуся от тя́жких и лю́тых беззако́ний мои́х и во умиле́нии души́ да взыва́ю от се́рдца: ра́дуйся, Всеблаже́нная, Чи́стая Присноде́во.

Е́же помы́слих в души́ мое́й, по си́ле принесо́х пе́ние Тебе́, Влады́чице, не отри́ни у́бо обы́чным Твои́м милосе́рдием и не омерзи́ мно́ю, многогре́шным и нечи́стым, но сподо́би всегда́ во умиле́нии пе́ти Тебе́: ра́дуйся, Всеблаже́нная Богоро́дице, Чи́стая Присноде́во.

Свети́лен

Те́плое заступле́ние в беда́х, и Помо́щницу, и к Бо́гу примире́ние, Е́юже тли́ изба́вихомся, Богоро́дицу, ве́рнии, ублажи́м.

Сла́ва, и ны́не: Тя́ Предста́тельницу и́мамы, гре́шнии, о Пречи́стая Де́во, Ты́ благопремене́нна сотвори́ Сы́на Твоего́ и Бо́га на́шего Ма́терними Твои́ми моли́твами.

Молитва первая

О, Пресвята́я Госпоже́ Влады́чице, Богоро́дице Де́во! Приими́ недосто́йныя моли́твы на́ша, сохрани́ нас от наве́тов злых челове́к и от напра́сныя сме́рти, пода́ждь нам пре́жде конца́ покая́ние, на моле́ния на́ша умилосе́рдися и ра́дость в печа́ли ме́сто да́руй. И изба́ви нас, о Госпоже́ Влады́чице Богоро́дице, от вся́кия беды́, напа́сти, ско́рби, боле́зни и вся́каго зла, и сподо́би нас, гре́шных рабо́в Твои́х, одесну́ю ста́ти во второ́м прише́ствии Сы́на Твоего́, Христа́ Бо́га на́шего, и насле́дники нас бы́ти сподо́би Ца́рствия Небе́снаго и жи́зни ве́чныя со все́ми святы́ми в безконе́чныя ве́ки. Ами́нь.

Молитва вторая

Приими́, всеблагомо́щная, Пречи́стая Госпоже́, Влады́чице Богороди́тельнице, сия́ честны́я да́ры, Тебе́ еди́ней прикла́дныя, от нас, недосто́йных рабо́в Твои́х: от всех родо́в избра́нная, всех тва́рей небе́сных и земны́х вы́сшая я́вльшаяся, поне́же бо Тебе́ ра́ди бысть Госпо́дь Сил с на́ми, и Тобо́ю Сы́на Бо́жия позна́хом и сподо́бихомся свята́го Те́ла Его́ и пречи́стыя Кро́ве Его́; те́мже блаже́нна еси́ в ро́дех родо́в, Богоблаже́нная, Херуви́мов светле́йши и Серафи́мов честне́йши су́щая. И ны́не, всепе́тая Пресвята́я Богоро́дице, не преста́й моля́щися о нас, недосто́йных рабе́х Твои́х, е́же изба́витися нам от вся́каго сове́та лука́ваго и вся́каго обстоя́ния и сохрани́тися нам неврежде́нным от вся́каго ядови́таго прило́га диа́вольскаго; но да́же до конца́ моли́твами Твои́ми неосужде́нных нас соблюди́, я́ко да Твои́м заступле́нием и по́мощию спаса́еми, сла́ву, хвалу́, благодаре́ние и поклоне́ние за вся в Тро́ице Еди́ному Бо́гу и всех Созда́телю возсыла́ем, ны́не и при́сно, и во ве́ки веко́в. Ами́нь.

Молитва третья

О, Пресвята́я Де́во Богоро́дице, Христа́ Царя́ и Бо́га на́шего Ма́ти, умиле́ния Сокро́вище и ми́лости Исто́чниче, душеспаси́тельных даро́в блага́я Пода́тельнице и скорбя́щих душ благода́тная Уте́шительнице! К Тебе́ с любо́вию припа́даем и пред свято́ю ико́ною Твое́ю смире́нно мо́лимся: умоли́, Влады́чице, возлю́бленнаго Сы́на Твоего́, Христа́ Бо́га на́шего, поми́ловати и спасти́ нас, погиба́ющих во гресе́х; вдохни́ в ду́ши на́ша покая́ние и́скреннее и умиле́ние богоуго́дное, подаждь моли́твам на́шим сле́зы очисти́тельныя; благопотре́бная житию́ вре́менному и ве́чному спасе́нию ми́лостиво, Госпоже́, нам да́руй; мир умири́, святы́й храм сей [или́: святу́ю оби́тель сию́] до́бре сохрани́, безмяте́жие и изоби́лие плодо́в земны́х нам низпосли́, и при кончи́не живота́ на́шего не ли́ши нас Ма́терняго Твоего́ заступле́ния и по́мощи, да предста́тельством Твои́м безбе́дно пре́йдем мыта́рства возду́шная и сподо́бимся унасле́довати Ца́рствие Небе́сное. Ей, Цари́це Всеблага́я, всех ра́достей Ра́досте и всего́ ми́ра христиа́нскаго утеше́ние! Помози́ нам и ны́не, и егда́ наипа́че по́мощи Твоея́ святы́я востре́буем, и спаси́ нас Ма́терними мо́литвами Твои́ми ко Христу́ Бо́гу, Ему́же со Отце́м и Святы́м Ду́хом подоба́ет вся́кая сла́ва, честь и поклоне́ние ны́не и при́сно, и во ве́ки веко́в. Ами́нь.