Особенности совершения Литургии преждеосвященных Даров с пояснениями

Литургия Григория Двоеслова, или преждеосвященных Даров, свершается в храмах в будние дни на протяжении Великого Поста. Это церковное богослужение пропитано печалью и покаянием. Ведь в великопостные дни верующие не радуются, а сокрушаются в своих грехах. Однако, благодаря милости Божьей и согласно церковным правилам, христиане даже в момент скорби могут причащаться Святыми Дарами, освященными ранее на полной Литургии, совершенной в предыдущее воскресенье.

Поиск молитв на все случаи жизни

Что представляет собой

Дни Великого Поста для верующих всегда считались особенными. В этот период принято каяться за прегрешения. В будние великопостные дни в церквях не проводят полной торжественной литургии. Это запрещение содержится в Правиле 49 святейшего Лаодикийского Собора. Однако священнослужителям разрешено по средам и пятницам, а также в великопостные праздники, проводить Литургию преждеосвященных Даров. Это разрешение отображено в Правиле 52 святейшего Трулльского Собора.

На великопостном богослужении нет приношения и праздничного освящения Святых Даров. Ведь в будние дни поста запрещается проводить полную торжественную литургию. Однако лишать христиан причастия и Божьей благодати церковными правилами тоже запрещено. Верующих даже в дни Поста причащают телом и кровью Господа. Святые Дары освящаются ранее на полной воскресной службе (по чину Иоанна Златоуста или Василия Великого) и сохраняются в каждом храме на святейшем престоле в дарохранительнице.

Преждеосвященная Литургия — это, как правило, утреннее богослужение, на котором читаются священные молитвы, псалмы и происходит причащение верующих.

История происхождения и значение в православии

Правило свершать в храмах в великопостные дни Литургию преждеосвященных Даров зародилось на заре христианства. Такое богослужение было установлено самими апостолами, но вскоре забыто. Восстановил Преждеосвященную службу Григорий Двоеслов, живший в конце 6 века Папа Римский. Позже Шестой Вселенский Собор, пошедший в 80-81 годах 7 столетия, утвердил повсеместное совершение Преждеосвященной Литургии в дни Великого Поста. Это правило было принято, чтобы не лишать верующих таинственного общения с Господом.

Василий Великий, составивший правила проведения Литургии византийского обряда, изменил и сократил богослужение, читаемое в скорбные дни. Его вариант великопостной службы был принят Константинопольской церковью. Раньше Преждеосвященная Литургия совершалась во все будние дни Великого Поста. Начиная с 15 века, великопостное богослужение читается только по средам, пятницам и в церковные праздники. В древности верующие в пост причащались вечером, поэтому литургия называется вечерней. В настоящее время Преждеосвященную службу проводят в храмах по утрам.

горит свеча

Дни Великого Поста проходят в строгости, покаянии и ряде ограничений. Однако верующие даже в такой период не лишены святейшего причастия. Причащение позволяет христианам мысленно воссоединиться с Богом и получить Божью благодать. Великопостная Преждеосвященная служба и святейшее причастие поддерживают верующих в их духовном подвиге и укрепляют веру в Христа.

Как проходит Последование — особенности службы с пояснениями

Перед проведением Преждеосвященной Литургии совершается служба Третьего, Шестого и Девятого часа. В самом начале прославляется Спаситель, читается «Трисвятое», «Отче наш». Служба Третьего часа состоит из чтения Псалмов 16, 24, 50. Это обращение к Господу и моление о защите, спасении и помиловании. Читается кафизма.

Богослужение Шестого часа состоит из Псалмов 53, 54, 90. Читается кафизма. Служба Девятого часа — это Псалмы 83, 84, 85. Читается кафизма. После этого идет Последование Изобразительных (восхваление Спасителя). Поются Псалмы 102, 145. Главная особенность этой великопостной службы — отсутствие проскомидии, то есть первой части полной литургии.

Богослужение Преждеосвященных Даров (первая часть) начинается с Псалма 103. Это благословение и прославление Господа. После него сразу читается Ектения Великая. Священнослужитель и верующие молятся Господу и просят Спасителя о заступничестве, прощении грехов и Божьей милости.

После Ектении Великой поются Псалмы 119, 120, 121, 122, 123. Верующие обращаются к Спасителю и просят его о помиловании и спасении. После чего читается Малая Ектения (молитва к Богу и просьба о помиловании). Затем поются Псалмы 124-128. После чего опять идет Малая Ектения. После слова «Аминь» поются Псалмы 129-133. Опять произносятся слова Малой Ектении. Христиане молятся Спасителю и просят о помиловании. Псалмы со 119 по 133 называются «Псалмами восхождения». Их во время службы должно быть 15. В древности пятнадцать святейших текстов пелись на ступенях Иерусалимского храма.

Священнослужитель извлекает из священной чаши Святые Дары и помещает их на специальное блюдо (дискос), затем их переносит на жертвенник. В этот момент верующие встают на колени. После поется отрывок из Псалма 141 (молитва к Богу). Верующие просят Спасителя вывести их души из темницы, взывают к Господу, уповают на Его милость и восхваляют Его.

После этого происходит вход с кадилом или Евангелием. Верующие прославляют Бога, даровавшего им жизнь. Затем произносятся слова молитвы «Да исправится молитва моя». Христиане взывают к Господу и просят о милости. Читается молитва святого Ефрема Сирина. Господа просят избавить душу от праздности и уныния и даровать целомудрие, терпение, любовь.

литургия преждеосвященных даров

Вторая часть богослужения начинается с Сугубой Ектении. Христиане обращаются к Господу и просят о помиловании. Далее следует Ектения об Оглашенных. Все верующие молятся об оглашенных, просят у Спасителя помилования.

После идет Великий Вход со Святыми Дарами (ранее освященными). Читается молитва святого Ефрема Сирина, затем — Ектения Просительная. Верующие молятся Богу и просят Его исполнить их молитвы, избавить от скорби, гнева, спасти и заступиться.

После моления идет Причастен. Священнослужитель восхваляет Бога, присягает Ему в своей вере, просит прощения за грехи и позволения причаститься. После чего происходит причащение мирян. Затем читаются молитвы по причащении. Спасителя прославляют, благодарят и просят о помиловании. В самом конце читается Псалом 33. Христиане прославляют и возвеличивают Спасителя, призывают грешников покаяться за грехи. Священнослужитель просит Бога помиловать людей и спасти их души.

Полный текст

Литургия преждеосвященных Даров — красивая великопостная служба. Во время богослужения верующие прославляют Спасителя и причащаются Святыми Дарами. Христиане во время святейшего Великого Поста могут воссоединиться с Богом душой и получить его защиту и благодать через причастие.

Час третий

Священник : Благословен Бог наш…
Чтец: Аминь. Слава Тебе, Боже наш, слава Тебе. Царю Небесный… Трисвятое по «Отче наш».
Священник: Яко Твое есть Царство, и сила, и слава, Отца, и Сына, и Святаго Духа, ныне и присно, и во веки веков.
Чтец: Аминь. Господи, помилуй (12 раз). Слава, и ныне. Приидите, поклонимся… (трижды).

Псалом 16

Услыши, Господи, правду мою, вонми молению моему, внуши молитву мою не во устнах льстивых. От лица Твоего судьба моя изыдет, oчи мои да видита правоты. Искусил eси сердце мое, посетил eси нощию, искусил мя eси, и не обретеся во мне неправда. Яко да не возглаголют уста моя дел человеческих, за словеса устен Твоих аз сохраних пути жестоки. Соверши стопы моя во стезях Твоих, да не подвижутся стопы моя. Аз воззвах, яко услышал мя eси, Боже, приклони ухо Твое мне и услыши глаголы моя. Удиви милости Твоя, спасаяй уповающыя на Тя от противящихся деснице Твоей. Сохрани мя, Господи, яко зеницу oка, в крове крилу Твоeю покрыеши мя. От лица нечестивых острастших мя, врази мои душу мою одержаша. Тук свой затвориша, уста их глаголаша гордыню. Изгонящии мя ныне обыдоша мя, oчи свои возложиша уклонити на землю. Объяша мя яко лев готов на лов и яко скимен обитаяй в тайных. Воскресни, Господи, предвари я и запни им, избави душу мою от нечестиваго, oружие Твое от враг руки Твоея. Господи, от малых от земли, раздели я в животе их, и сокровенных Твоих исполнися чрево их, насытишася сынов, и оставиша останки младенцeм своим. Аз же правдою явлюся лицу Твоему, насыщуся, внегда явити ми ся славе Твоей.

Псалом 24

К Тебе, Господи, воздвигох душу мою, Боже мой, на Тя уповах, да не постыжуся во век, ниже да посмеют ми ся врази мои, ибо вси терпящии Тя не постыдятся. Да постыдятся беззаконнующии вотще. Пути Твоя, Господи, скажи ми, и стезям Твоим научи мя. Настави мя на истину Твою, и научи мя, яко Ты еси Бог Спас мой, и Тебе терпех весь день. Помяни щедроты Твоя, Господи, и милости Твоя, яко от века суть. Грех юности моея, и неведения моего не помяни, по милости Твоей помяни мя Ты, ради благости Твоея, Господи. Благ и прав Господь, сего ради законоположит согрешающым на пути. Наставит кроткия на суд, научит кроткия путем Своим. Вси путие Господни милость и истина, взыскающым завета Его, и свидения Его. Ради имене Твоего, Господи, и очисти грех мой, мног бо есть. Кто есть человек бояйся Господа? Законоположит eму на пути, eгоже изволи. Душа eго во благих водворится, и семя eго наследит землю. Держава Господь боящихся Его, и завет Его явит им. Очи мои выну ко Господу, яко Той исторгнет от сети нозе мои. Призри на мя и помилуй мя, яко единород и нищ есмь аз. Скорби сердца моего умножишася, от нужд моих изведи мя. Виждь смирение мое, и труд мой, и остави вся грехи моя. Виждь враги моя, яко умножишася, и ненавидением неправедным возненавидеша мя. Сохрани душу мою, и избави мя, да не постыжуся, яко уповах на Тя. Незлобивии и правии прилепляхуся мне, яко потерпех Тя, Господи. Избави, Боже, Израиля от всех скорбей eго.

священие в храме

Псалом 50

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.

Читается кафизма

Час шестой

Приидите, поклонимся: трижды.

Псалом 53

Боже, во имя Твое спаси мя, и в силе Твоей суди ми. Боже, услыши молитву мою, внуши глаголы уст моих. Яко чуждии восташа на мя и крепцыи взыскаша душу мою, и не предложиша Бога пред собою. Се бо Бог помогает ми, и Господь Заступник души моей. Отвратит злая врагом моим, истиною Твоею потреби их. Волею пожру Тебе, исповемся имени Твоему, Господи, яко благо, яко от всякия печали избавил мя еси, и на враги моя воззре око мое.

литургия преждеосвященных даров

Псалом 54

Внуши, Боже, молитву мою и не презри моления моего. Вонми ми и услыши мя: возскорбех печалию моею и смятохся. От гласа вражия и от стужения грешнича, яко уклониша на мя беззаконие и во гневе враждоваху ми. Сердце мое смятеся во мне и боязнь смерти нападе на мя. Страх и трепет прииде на мя и покры мя тьма. И рех: кто даст ми криле, яко голубине, и полещу, и почию? Се удалихся бегая и водворихся в пустыни. Чаях Бога, спасающаго мя от малодушия и от бури. Потопи, Господи, и раздели языки их: яко видех беззаконие и пререкание во граде. Днем и нощию обыдет и по стенам eго. Беззаконие и труд посреде eго и неправда. И не оскуде от стогн eго лихва и лесть. Яко аще бы враг поносил ми, претерпел бых убо, и аще бы ненавидяй мя на мя велеречевал, укрыл бых ся от него. Ты же, человече равнодушне, владыко мой и знаемый мой, иже купно наслаждался еси со мною брашен, в дому Божии ходихом единомышлением. Да приидет же смерть на ня, и да снидут во ад живи, яко лукавство в жилищах их, посреде их. Аз к Богу воззвах, и Господь услыша мя. Вечер и заутра, и полудне повем, и возвещу, и услышит глас мой. Избавит миром душу мою от приближающихся мне, яко во мнозе бяху со мною. Услышит Бог и смирит я, Сый прежде век. Несть бо им изменения, яко не убояшася Бога. Простре руку свою на воздаяние, оскверниша завет Его. Разделишася от гнева лица Его, и приближишася сердца их, умякнуша словеса их паче елеа, и та суть стрелы. Возверзи на Господа печаль твою, и Той тя препитает, не даст в век молвы праведнику. Ты же, Боже, низведеши их во студенец истления, мужие кровей и льсти не преполовят дней своих. Аз же, Господи, уповаю на Тя.

Псалом 90

Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходящия, от сряща и беса полуденнаго. Падет от страны твоея тысяща, и тма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова и избавлю и, покрыю и, яко позна имя Мое. Воззовет ко Мне и услышу eго, с ним есмь в скорби, изму eго и прославлю eго, долготою дний исполню eго и явлю eму спасение Мое.

Читается кафизма

Час девятый

«Приидите, поклонимся…» (трижды)

литургия преждеосвященных даров

Псалом 83

Коль возлюбленна селения Твоя, Господи сил! Желает и скончавается душа моя во дворы Господни, сердце мое и плоть моя возрадовастася о Бозе живе. Ибо птица обрете себе храмину, и горлица гнездо себе, идеже положит птенцы своя, олтари Твоя, Господи сил, Царю мой и Боже мой. Блажени живущии в дому Твоем, в веки веков восхвалят Тя. Блажен муж, eмуже есть заступление eго у Тебе; восхождения в сердце своем положи, во юдоль плачевную, в место еже положи, ибо благословение даст законополагаяй. Пойдут от силы в силу: явится Бог богов в Сионе. Господи Боже сил, услыши молитву мою, внуши, Боже Иаковль. Защитниче наш, виждь, Боже, и призри на лице христа Твоего. Яко лучше день един во дворех Твоих паче тысящ: изволих приметатися в дому Бога моего паче, неже жити ми в селениих грешничих. Яко милость и истину любит Господь, Бог благодать и славу даст, Господь не лишит благих ходящих незлобием. Господи Боже сил, Блажен человек уповаяй на Тя.

Псалом 84

Благоволил еси, Господи, землю Твою, возвратил еси плен Иаковль: оставил еси беззакония людей Твоих, покрыл еси вся грехи их. Укротил еси весь гнев Твой, возвратился еси от гнева ярости Твоея. Возврати нас, Боже спасений наших, и отврати ярость Твою от нас. Еда во веки прогневаешися на ны? Или простреши гнев Твой от рода в род? Боже, Ты обращься оживиши ны, и людие Твои возвеселятся о Тебе. Яви нам, Господи, милость Твою, и спасение Твое даждь нам. Услышу, что речет о мне Господь Бог: яко речет мир на люди Своя, и на преподобныя Своя, и на обращающыя сердца к Нему. Обаче близ боящихся Его спасение Его, вселити славу в землю нашу. Милость и истина сретостеся, правда и мир облобызастася. Истина от земли возсия, и правда с Небесе приниче, ибо Господь даст благость, и земля наша даст плод свой. Правда пред Ним предъидет, и положит в путь стопы своя.

литургия преждеосвященных даров

Псалом 85

Приклони, Господи, ухо Твое, и услыши мя, яко нищ и убог есмь аз. Сохрани душу мою, яко преподобен есмь: спаси раба Твоего, Боже мой, уповающаго на Тя. Помилуй мя, Господи, яко к Тебе воззову весь день. Возвесели душу раба Твоего, яко к Тебе взях душу мою. Яко Ты, Господи, Благ и Кроток, и Многомилостив всем призывающым Тя. Внуши, Господи, молитву мою, и вонми гласу моления моего. В день скорби моея воззвах к Тебе, яко услышал мя еси. Несть подобен Тебе в бозех, Господи, и несть по делом Твоим. Вси языцы, елики сотворил еси, приидут и поклонятся пред Тобою, Господи, и прославят имя Твое, яко Велий еси Ты, и творяй чудеса, Ты еси Бог един. Настави мя, Господи, на путь Твой, и пойду во истине Твоей; да возвеселится сердце мое боятися имене Твоего. Исповемся Тебе, Господи Боже мой, всем сердцем моим, и прославлю имя Твое в век: яко милость Твоя велия на мне, и избавил еси душу мою от ада преисподнейшаго. Боже, законопреступницы восташа на мя, и сонм державных взыскаша душу мою, и не предложиша Тебе пред собою. И Ты, Господи Боже мой, Щедрый и Милостивый, Долготерпеливый, и Многомилостивый и истинный, призри на мя и помилуй мя, даждь державу Твою отроку Твоему, и спаси сына рабы Твоея. Сотвори со мною знамение во благо, и да видят ненавидящии мя, и постыдятся, яко Ты, Господи, помогл ми и утешил мя еси.

Читается кафизма

Последование Изобразительных

Благослови, душе моя, Господа, благословен еси Господи.

Псалом 102

Благослови, душе моя, Господа, и вся внутренняя моя имя святое Его. Благослови, душе моя, Господа, и не забывай всех воздаяний Его, очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя. Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя: Щедр и Милостив Господь, Долготерпелив и Многомилостив. Не до конца прогневается, ниже во век враждует, не по беззаконием нашим сотворил есть нам, ниже по грехом нашым воздал есть нам. Яко по высоте небесней от земли, утвердил есть Господь милость Свою на боящихся Его. Елико отстоят востоцы от запад, удалил есть от нас беззакония наша. Якоже щедрит отец сыны, ущедри Господь боящихся Его. Яко Той позна создание наше, помяну, яко персть есмы. Человек, яко трава дние eго, яко цвет сельный, тако оцветет, яко дух пройде в нем, и не будет, и не познает ктому места своего. Милость же Господня от века и до века на боящихся Его, и правда Его на сынех сынов, хранящих завет Его, и помнящих заповеди Его творити я. Господь на Небеси уготова Престол Свой, и Царство Его всеми обладает. Благословите Господа вси Ангели Его, сильнии крепостию, творящии слово Его, услышати глас словес Его. Благословите Господа вся Силы Его, слуги Его, творящии волю Его. Благословите Господа вся дела Его, на всяком месте владычества Его.

литургия преждеосвященных даров

Псалом 145

Хвали, душе моя, Господа. Восхвалю Господа в животе моем, пою Богу моему, дондеже есмь. Не надейтеся на князи, на сыны человеческия, в нихже несть спасения. Изыдет дух eго и возвратится в землю свою. В той день погибнут вся помышления eго. Блажен, eмуже Бог Иаковль Помощник его, упование eго на Господа Бога своего, сотворшаго небо и землю, море и вся, яже в них, хранящаго истину в век, творящаго суд обидимым, дающаго пищу алчущим. Господь решит окованныя. Господь умудряет слепцы. Господь возводит низверженныя. Господь любит праведники. Господь хранит пришельцы, сира и вдову приимет и путь грешных погубит. Воцарится Господь во век, Бог твой, Сионе, в род и род.

Хор: Во Царствии Твоем помяни нас, Господи, егдá прии΄деши во Царствии Твоем.
Блажени нищии духом, яко тех есть Царство Небесное. Помяни нас, Господи, егда приидеши во Царствии Твоем.
Блажени плачущии, яко тии утешатся. Помяни нас, Господи, егда…
Блажени кротции, яко тии наследят землю. Помяни нас, Господи, егда…
Блажени áлчущии и жаждущии правды, яко тии насытятся. Помяни нас, Господи, егда…
Блажени милостивии, яко тии помиловани будут. Помяни нас, Господи, егда…
Блажени чистии сердцем, яко тии Бога узрят. Помяни нас, Господи, егда…
Блажени миротворцы, яко тии сы΄нове Божии нарекутся. Помяни нас, Господи, егда…
Блажени изгнáни правды ради, яко тех есть Царство Небесное. Помяни нас, Господи, егда…
Блажени естé, егда поно́сят вам, и иждену́т, и реку́т всяк зол глагол на вы лжуще Мене ради. Помяни нас, Господи, егда…
Радуйтеся и веселитеся, яко мзда ваша многа на небесех. Помяни нас, Господи, егда…
Слава Отцу, и Сыну, и Святому Духу. Помяни нас, Господи, егда…
И ныне, и присно, и во веки веков. Аминь. Помяни нас, Господи, егда…
И далее высоким гласом:
Помяни нас, Господи, егда приидеши во Царствии Твоем.
Помяни нас, Владыко, егда приидеши во Царствии Твоем.
Помяни нас, Святый, егда приидеши во Царствии Твоем.

Священник: Премудрость.
Хор: Достойно есть, яко воистину, блажити Тя, Богородицу, Присноблаженную и Пренепорочную и Матерь Бога нашего.
Священник: Пресвятая Богородице, спаси нас.
Хор: Честнейшую Херувим и слáвнейшую без сравнения Серафим, без истления Бога Слова рождшую, сущую Богородицу Тя величаем.
Священник: Слава Тебе, Христе Боже, Упование наше, слава Тебе.
Хор: Слава, и ныне… Господи, помилуй (трижды).
В заключение Последования изобразительных священник произносит малый отпуст.
Хор: Господи, помилуй (трижды).

Последование вечерни на литургии преждеосвященных даров

Диакон: Благослови Владыко.
Священник: Благословено Царство Отца и Сына, и Святаго Духа, ныне и присно, и во веки веков.
Лик: Аминь.
Чтец: Приидите, поклонимся: трижды.

литургия преждеосвященных даров

Псалом 103

Благослови, душе моя, Господа. Господи, Боже мой, возвеличился еси зело. Во исповедание и в велелепоту облеклся еси. Одеяйся светом, яко ризою, простираяй небо, яко кожу. Покрываяй водами превыспренняя Своя, полагаяй облаки на восхождение Свое, ходяй на крилу ветреню. Творяй Ангелы Своя духи и слуги Своя пламень огненный. Основаяй землю на тверди ея, не преклонится в век века. Бездна, яко риза, одеяние ея, на горах станут воды, от запрещения Твоего побегнут, от гласа грома Твоего убоятся. Восходят горы и нисходят поля в место, еже основал еси им. Предел положил еси, eгоже не прейдут, ниже обратятся покрыти землю. Посылаяй источники в дебрех, посреде гор пройдут воды. Напаяют вся звери сельныя, ждут онагри в жажду свою. На тых птицы небесныя привитают, от среды камения дадят глас. Напаяяй горы от превыспренних Своих, от плода дел Твоих насытится земля. Прозябаяй траву скотом, и злак на службу человеком, извести хлеб от земли. И вино веселит сердце человека, умастити лице елеем, и хлеб сердце человека укрепит. Насытятся древа польская, кедри Ливанстии, ихже еси насадил. Тамо птицы вогнездятся, еродиево жилище предводительствует ими. Горы высокия еленем, камень прибежище заяцем. Сотворил есть луну во времена, солнце позна запад свой. Положил еси тму, и бысть нощь, в нейже пройдут вси зверие дубравнии. Скимни рыкающии, восхитити и взыскати от Бога пищу себе. Возсия солнце и собрашася и в ложах своих лягут. Изыдет человек на дело свое и на делание свое до вечера. Яко возвеличишася дела Твоя, Господи, вся премудростию сотворил еси, исполнися земля твари Твоея. Сие море великое и пространное, тамо гади, имже несть числа, животная малая с великими, тамо корабли преплавают, змий сей, eгоже создал еси ругатися eму. Вся к Тебе чают, дати пищу им во благо время. Давшу Тебе им соберут, отверзшу Тебе руку всяческая исполнятся благости, отвращшу же Тебе лице, возмятутся, отъимеши дух их, и исчезнут, и в персть свою возвратятся. Послеши Духа Твоего, и созиждутся, и обновиши лице земли. Буди слава Господня во веки, возвеселится Господь о делех Своих, призираяй на землю, и творяй ю трястися, прикасаяйся горам, и дымятся. Воспою Господеви в животе моем, пою Богу моему, дондеже есмь, да усладится Ему беседа моя, аз же возвеселюся о Господе. Да исчезнут грешницы от земли, и беззаконницы, якоже не быти им. Благослови, душе моя, Господа.

Солнце позна запад свой. Положил еси тму, и бысть нощь. Яко возвеличишася дела Твоя, Господи, вся премудростию сотворил еси.

Слава, и ныне: Аллилуиа, аллилуиа, аллилуиа, слава Тебе Боже. Трижды.

Ектения великая

Диакон: Миром Господу помолимся.

Хор: Господи, помилуй. (На каждое прошение.)

О Свышнем мире и спасении душ наших. Господу помолимся.

О мире всего мира, благостоянии Святых Божиих Церквей и соединении всех. Господу помолимся.

О святем храме сем и с верою, благоговением и страхом Божиим входящих в онь. Господу помолимся.

О Великом Господине и Отце нашем Святейшем Патриархе Кирилле, и о Господине нашем, Высокопреосвященнейшем митрополите (или: архиепископе, или: епископе) (имярек), честном пресвитерстве, во Христе Диаконстве, о всем причте и людех, Господу помолимся.

О Богохранимей стране нашей, властех и воинстве ея. Господу помолимся.

О граде сем (или: о веси сей; если в монастыре, то. о святей обители сей), всяком граде, стране и верою живущих в них. Господу помолимся.

О благорастворении воздухов, о изобилии плодов земных и временех мирных. Господу помолимся.

О плавающих, путешествующих, недугующих, страждущих, плененных и о спасении их. Господу помолимся.

О избавитися нам от всякия скорби, гнева и нужды. Господу помолимся.

Заступи, спаси, помилуй и сохрани нас. Боже, Твоею благодатию.

Пресвятую, Пречистую, Преблагословенную. Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу предадим.

Хор: Тебе, Господи.

Священник: Яко подобает Тебе всякая слава, честь и поклонение. Отцу и Сыну и Святому Духу, ныне и присно и во веки веков.

Хор: Аминь.

литургия преждеосвященных даров

Псалом 119

Ко Господу, внегда скорбети ми, воззвах, и услыша мя. Господи, избави душу мою от устен неправедных и от языка льстива. Что дастся тебе, или что приложится тебе к языку льстиву? Стрелы сильнаго изощрены, со угльми пустынными. Увы мне, яко пришельствие мое продолжися, вселихся с селении Кидарскими. Много пришельствова душа моя, с ненавидящими мира бех мирен: егда глаголах им, боряху мя туне.

Псалом 120

Возведох очи мои в горы, отнюдуже приидет помощь моя. Помощь моя от Господа, сотворшаго небо и землю. Не даждь во смятение ноги твоея, ниже воздремлет храняй тя, се не воздремлет, ниже уснет храняй Израиля. Господь сохранит тя, Господь покров твой на руку десную твою. Во дни солнце не ожжет тебе, ниже луна нощию. Господь сохранит тя от всякаго зла, сохранит душу твою Господь. Господь сохранит вхождение твое и исхождение твое, отныне и до века.

Псалом 121

Возвеселихся о рекших мне: в дом Господень пойдем. Стояще бяху ноги наша во дворех твоих, Иерусалиме. Иерусалим зиждемый яко град, eмуже причастие eго вкупе. Тамо бо взыдоша колена, колена Господня, свидение Израилево, исповедатися имени Господню, яко тамо седоша престоли на суд, престоли в дому Давидове. Вопросите же яже о мире Иерусалима: и обилие любящым тя. Буди же мир в силе твоей и обилие в столпостенах твоих. Ради братий моих и ближних моих глаголах убо мир о тебе. Дому ради Господа Бога нашего взысках благая тебе.

Псалом 122

К Тебе возведох очи мои, живущему на Небеси. Се яко очи раб в руку господий своих, яко очи рабыни в руку госпожи своея, тако очи наши ко Господу Богу нашему, дондеже ущедрит ны. Помилуй нас, Господи, помилуй нас, яко по многу исполнихомся уничижения, наипаче наполнися душа наша поношения гобзующих и уничижения гордых.

Псалом 123

Яко аще не Господь бы был в нас, да речет убо Израиль, яко аще не Господь бы был в нас, внегда востати человеком на ны, убо живых пожерли быша нас, внегда прогневатися ярости их на ны, убо вода потопила бы нас. Поток прейде душа наша, убо прейде душа наша воду непостоянную. Благословен Господь, Иже не даде нас в ловитву зубом их. Душа наша, яко птица избавися от сети ловящих: сеть сокрушися, и мы избавлени быхом. Помощь наша во имя Господа, сотворшаго небо и землю.

Слава, и ныне: Аллилуиа, аллилуиа, аллилуиа, слава Тебе Боже. Трижды.

литургия преждеосвященных даров

Малая ектения

Диакон: Паки и паки миром Господу помолимся.

Хор: Господи, помилуй.

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Премудрость.

Иерей: Яко да под державою Твоею всегда храними, Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь

Псалом 124

Надеющиися на Господа, яко гора Сион: не подвижится в век живый во Иерусалиме. Горы окрест eго, и Господь окрест людей Своих отныне и до века. Яко не оставит Господь жезла грешных на жребий праведных, яко да не прострут праведнии в беззакония рук своих. Ублажи, Господи, благия и правыя сердцем. Уклоняющыяся же в развращения отведет Господь с делающими беззаконие. Мир на Израиля.

Псалом 125

Всегда возвратити Господу плен Сионь, быхом яко утешени. Тогда исполнишася радости уста наша и язык наш веселия, тогда рекут во языцех: возвеличил есть Господь сотворити с ними. Возвеличил есть Господь сотворити с нами: быхом веселящеся. Возврати, Господи, пленение наше, яко потоки югом. Сеющии слезами, радостию пожнут. Ходящии хождаху и плакахуся, метающе семена своя, грядуще же приидут радостию, вземлюше рукояти своя.

Псалом 126

Аще не Господь созиждет дом, всуе трудишася зиждущии. Аще не Господь сохранит град, всуе бде стрегий. Всуе вам есть утреневати, востанете по седении, ядущии хлеб болезни, егда даст возлюбленным Своим сон. Се достояние Господне сынове, мзда плода чревняго. Яко стрелы в руце сильнаго, тако сынове оттрясенных. Блажен, иже исполнит желание свое от них. Не постыдятся, егда глаголют врагом своим во вратех

Псалом 127

Блажени вси боящиися Господа, ходящии в путех Eгo. Труды плодов Твоих снеси: блажен еси, и добро тебе будет. Жена твоя, яко лоза, плодовита в странах дому твоего, сынове твои, яко новосаждения масличная, окрест трапезы твоея. Се тако благословится человек бояйся Господа. Благословит тя Господь от Сиона, и узриши благая Иерусалима вся дни живота твоего, и узриши сыны сынов твоих. Мир на Израиля.

литургия преждеосвященных даров

Псалом 128

Множицею брашася со мною от юности моея, да речет убо Израиль: множицею брашася со мною от юности моея, ибо не премогоша мя. На хребте моем делаша грешницы, продолжиша беззаконие свое. Господь Праведен ссече выя грешников. Да постыдятся и возвратятся вспять вси ненавидящии Сиона. Да будут, яко трава на здех, яже прежде восторжения изсше, еюже не исполни руки своея жняй, и недра своего рукояти собираяй, и не реша мимоходящии: благословение Господне на вы, благословихом вы во имя Господне.

Слава, и ныне: Аллилуиа, аллилуиа, аллилуиа, слава Тебе Боже. Трижды.

Малая ектения

Диакон: Паки и паки миром Господу помолимся.

Хор: Господи, помилуй.

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Премудрость.

Иерей: Яко да под державою Твоею всегда храними, Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь

Псалом 129

Из глубины воззвах к Тебе, Господи, Господи, услыши глас мой. Да будут уши Твои внемлюще гласу моления моего. Аще беззакония назриши, Господи, Господи, кто постоит? яко у Тебе очищение есть. имене ради Твоего потерпех Тя, Господи, потерпе душамоя в слово Твое, уповадушамоя на Господа. От стражи утренния до нощи, от стражи утренния да уповает Израиль на Господа. яко у Господа милость, и многое у Него избавление, и Той избавит Израиля от всех беззаконий eго.

Псалом 130

Господи, не вознесеся сердце мое, ниже вознесостеся очи мои, ниже ходих в великих, ниже в дивных паче мене. аще не смиреномудрствовах, но вознесох душу мою, яко отдоеное на матерь свою, тако воздаси на душу мою. Да уповает Израиль на Господа, отныне и до века.

литургия преждеосвященных даров

Псалом 131

Помяни, Господи, Давида и всю кротость его: яко клятся Господеви, обещася Богу Иаковлю: аще вниду в селение дому моего, или взыду на одр постели моея, аще дам сон очима моима и веждома моима дремание, и покой скраниама моима, дондеже обрящу место Господеви, селение Богу Иаковлю. Се слышахом я во Евфрафе, обретохом я в полях дубравы. Внидем в селения Его, поклонимся на место, идеже стоясте нозе Его. Воскресни, Господи, в покой Твой, Ты и кивот святыни Твоея. Священницы Твои облекутся правдою, и преподобнии Твои возрадуются. Давида ради рабаТвоего не отврати лице помазаннаго Твоего. Клятся Господь Давиду истиною и не отвержется ея: от плодачрева твоего посажду на престоле твоем. аще сохранят сынове твои завет Мой, и свидения Моя сия, имже научу я, и сынове их до века сядут на престоле твоем. яко избраГосподь Сиона, изволи и в жилище Себе. Сей покой Мой во век века, зде вселюся, яко изволих и. Ловитву его благословляяй благословлю, нищыя его насыщу хлебы, священники его облеку во спасение, и преподобнии его радостию возрадуются. Тамо возращу рог Давидови, уготовах светильник помазанному Моему. Враги его облеку студом, на немже процветет святыня Моя.

Псалом 132

Се что добро, или что красно? Но еже жити братии вкупе. яко миро на главе, сходящее на браду, браду Аароню, сходящее на ометы одежды eго, яко росаАермонская сходящая на горы Сионския, яко тамо заповеда Господь благословение и живот до века.

Псалом 133

Се ныне благословите Господа вси раби Господни, стоящии в храме Господни, во дворех дому Бога нашего, В нощех воздежите руки ваша во святая, и благословите Господа. Благословит тя Господь от Сиона, сотворивый небо и землю.

Слава, и ныне: Аллилуиа, аллилуиа, аллилуиа, слава Тебе Боже. Трижды.

Малая ектения

Диакон: Паки и паки миром Господу помолимся.

Хор: Господи, помилуй.

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Премудрость.

Иерей: Яко да под державою Твоею всегда храними, Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь

Хор: Господи, воззвах к Тебе, услыши мя: / вонми гласу моления моего, / внегдавоззвати ми к Тебе. // Услыши мя, Господи.

Да исправится молитва моя, / яко кадило пред Тобою, / воздеяние руку моею / – жертва вечерняя. // Услыши мя, Господи.

Положи, Господи, хранение устом моим, и дверь ограждения о устнах моих. Не уклони сердце мое в словесалукавствия, непщевати вины о гресех, с человеки делающими беззаконие, и не сочтуся со избранными их. Накажет мя праведник милостию и обличит мя, елей же грешнаго да не намастит главы моея, яко еще и молитва моя во благоволениих их. Пожерты быша при камени судии их: услышатся глаголи мои, яко возмогоша. яко толща земли проседеся на земли, расточишася кости их при аде. яко к Тебе, Господи, Господи, очи мои: на Тя уповах, не отыми душу мою. Сохрани мя от сети, юже составиша ми, и от соблазн делающих беззаконие. Падут во мрежу свою грешницы: един есмь аз, дондеже прейду.

(из псалма 141):
Гласом моим ко Господу воззвах, гласом моим ко Господу помолихся. Пролию пред Ним моление мое, печаль мою пред Ним возвещу. Внегдаисчезати от мене духу моему: и Ты познал еси стези моя: на пути сем, по немуже хождах, скрыша сеть мне. Смотрях одесную и возглядах, и не бе знаяй мене: погибе бегство от мене, и несть взыскаяй душу мою. Воззвах к Тебе, Господи, рех: Ты еси упование мое, часть моя еси на земли живых. Вонми молению моему, яко смирихся зело, избави мя от гонящих мя, яко укрепишася паче мене.

На 10, стихир: Изведи из темницы душу мою,/ исповедатися имени Твоему.
Мене ждут праведницы,/ дондеже воздаси мне.
На 8: Из глубины воззвах к Тебе, Господи,/ Господи, услыши глас мой.
Да будут уши Твои / внемлюще гласу моления моего.
На 6: аще беззакония назриши, Господи, Господи, кто постоит?/ яко у Тебе очищение есть.
имене ради Твоего потерпех Тя, Господи, потерпе душамоя в слово Твое,/ уповадушамоя на Господа.
На 4: От стражи утренния/ до нощи, от стражи утренния да уповает Израиль на Господа.
яко у Господа милость, и многое у Него избавление,/ и Той избавит Израиля от всех беззаконий eго.
На 2: Хвалите Господа вси языцы,/ похвалите Его вси людие.
яко утвердися милость Его на нас,/ и истина Господня пребывает во век.

Слава и ныне:

литургия преждеосвященных даров

Вход с кадилом или с Евангелием.

Хор: Свете тихий святыя славы, / Безсмертнаго, Отца Небеснаго, / Святаго Блаженнаго, Иисусе Христе. / Пришедше на запад солнца, / видевше свет вечерний, / поем Отца, Сына и Святаго Духа, Бога. / Достоин еси во вся времена / пет быти гласы преподобными, / Сыне Божий, живот даяй, / темже мир Тя славит.

Диакон: Вонмем.

Иерей: Мир всем.

Чтец И духови твоему. Прокимен.

Чтение паремий.

Да исправится молитва моя

Чтец и хор: Да исправится молитва моя, яко кадило, пред Тобою: воздеяние руку моею — жертва вечерняя.

Господи, воззвах к Тебе, услыши мя, / вонми гласу моления моего, / внегда воззвати ми к Тебе.

Положи, Господи, хранение устом моим, / и дверь ограждения о устнах моих.

Не уклони сердце мое в словеса лукавствия, / непщевати вины о гресех.

Да исправится молитва моя, / яко кадило пред Тобою.

Молитва св. Ефрема Сирина

Иерей: Господи и Владыко животамоего, дух праздности, уныния, любоначалия, и празднословия не даждь ми (поклон).

Дух же целомудрия, смиренномудрия, терпения, и любве, даруй ми рабу Твоему (поклон).

ей, Господи Царю, даруй ми зрети моя прегрешения, и не осуждати брата моего, яко благословен еси во веки веков, аминь (поклон).

Сугубая ектения

Дьякон: Рцем вси от всея души, и от всего помышления нашего рцем.

Хор: Господи помилуй (На каждое прошение)

Дьякон:Господи Вседержителю, Боже отец наших, молим Ти ся, услыши и помилуй.
Помилуй нас, Боже, по велицей милости Твоей, молим Ти ся, услыши и помилуй.
Еще молимся о всем Христолюбивом воинстве.
Еще молимся о братиях наших, священницех, священномонасех, и всем во Христе братстве нашем.
Еще молимся о блаженных и приснопамятных святейших Патриарсех православных, и благочестивых царех, и благоверных царицех, и создателех святого храма сего, и о всех преждепочивших отцех и братиях, зде лежащих и повсюду, православных.
Еще молимся о милости, жизни, мира, здравии, спасении, посещении, прошении и оставлении грехов рабов Божиих братии Святого храма сего.
Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.

литургия преждеосвященных даров

Ектения об оглашенных

Диакон: Помолитеся, оглашеннии, Господеви.

Хор: Господи, помилуй, (На каждое прошение,).

Вернии, о оглашенных помолимся, да Господь помилует их.

Огласит их словом истины.

Открыет им Евангелие правды.

Соединит их Святей Своей, Соборней и Апостольстей Церкви.

Спаси, помилуй, заступи и сохрани их, Боже, Твоею благодатию.

Оглашеннии, главы ваша Господеви приклоните.

Хор: Тебе, Господи.

Да и тии с нами славят пречестное и великолепое Имя Твое, Отца и Сына и Святаго Духа, ныне и присно и во веки веков.

Хор: Аминь.

Диакон: Елицы оглашеннии, изыдите, оглашеннии, изыдитс; елицы оглашеннии, изыдите. Да никто от оглашенных, елицы вернии, паки и паки миром Господу помолимся.

Хор: Господи, помилуй.

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Премудрость.

Иерей: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Хор: Аминь.

Диакон: Елицы ко Просвещению, изыдите. Помолитеся, иже ко Просвещению.

Хор:Господи, помилуй (на каждое прошение).

Диакон: Вернии, о иже ко святому Просвещению готовящихся братиях и спасении их господу помолимся.

Яко да Господь Бог наш утвердит их и укрепит.

Просветит их Просвещением разума и благочестия.

Сподобит их во время благопотребно бани пакибытия, оставления грехов и одежди нетления.

Породит их водою и Духом.

Дарует им совершение веры.

Сопричтет их святому Своему и избранному стаду.

Спаси, помилуй, заступи и сохрани их, Боже, Твоею благодатию. Иже ко Просвещению, главы ваша Господеви приклоните.

Хор: Тебе, Господи.

Священник: Яко Ты еси Просвещение наше:

Хор: Аминь.

Диакон: Елицы ко Просвещению, изыдите, иже ко Просвещению, изыдите, елицы оглашеннии, изыдите. Да никто от оглашенных, елицы вернии, паки и паки миром Господу помолимся.

Диакон: Заступи, спаси, помилуй и сохрани нас, Боже, Твоею благодатию. …

литургия преждеосвященных даров

Великий вход

Хор: Ныне Силы Небесныя с нами невидимо служат, / се бо входит Царь Славы, се жертва тайная совершена дориносится. Верою и любовию приступим, / да причастницы жизни вечныя будем. / Аллилуиа, аллилуиа, аллилуиа.

Молитва св. Ефрема Сирина

Иерей: Господи и Владыко животамоего, дух праздности, уныния, любоначалия, и празднословия не даждь ми (поклон).

Дух же целомудрия, смиренномудрия, терпения, и любве, даруй ми рабу Твоему (поклон).

ей, Господи Царю, даруй ми зрети моя прегрешения, и не осуждати брата моего, яко благословен еси во веки веков, аминь (поклон).

Ектения просительная

Диакон: Исполним молитву нашу Господеви.

Хор: Господи, помилуй. (На каждое прошение).

О предложенных честных Дарех Господу помолимся.

О святем храме сем и с верою, благоговением и страхом Божиим входящих в онь, Господу помолимся.

О избавитися нам от всякия скорби, гнева и нужды, Господу помолимся.

Заступи, спаси, помилуй и сохрани нас, Боже, Твоею благодатию.

Дне всего совершенна, свята, мирна и безгрешна, у Господа просим.

Хор: Подай, Господи. (На каждое прошение).

Ангела мирна, верна наставника, хранителя душ и телес наших, у Господа просим.

Прощения и оставления грехов и прегрсшений наших, у Господа просим.

Добрых и полезных душам нашим и мира мирови, у Господа просим.

Прочее время живота нашего в мире и покаянии скончати, у Господа просим.

Христианския кончины живота нашего, безболезнены, непостыдны, мирны, и добраго ответа на Страшном Судищи Христове, просим.

Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.

Хор: Тебе, Господи.

И сподоби нас, Владыко, со дерзновением, неосужденно смети призывати Тебе, Небеснаго Бога Отца, и глаголати:

Хор (или все молящиеся): Отче наш, Иже еси на Небесех! Да святится Имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь, и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Иерей: Яко Твое есть Царство, и сила, и слава. Отца и Сына и Святаго Духа, ныне и присно и во веки веков.

Хор: Аминь.

Иерей: Мир всем.

Хор: И духови твоему.

Диакон: Главы ваша Господеви приклоните,

Хор: Тебе, Господи.

Диакон: Вонмем.

Иерей: Преждеосвященная Святая святым.

Хор:Един свят, / един Господь / Иисус Христос, / во славу Бога Отца. / Аминь.

Причастен

Хор: Вкусите и видите, яко благ Господь. Аллилуиа, аллилуиа, аллилуиа.

Диакон:Со страхом Божиим и верою приступите.

Хор: Благословлю Господа на всякое время, / хвала Его во устех моих.

Священник: Верую, Господи, и исповедую, яко Ты еси воистинну Христос, Сын Бога живаго, пришедый в мир грешныя спасти, от нихже первый есмь аз. Еще верую, яко сие есть самое пречистое Тело Твое, и сия есть самая честная Кровь Твоя. Молюся убо Тебе: помилуй мя и прости ми прегрешения моя, вольная и невольная, яже словом, яже делом, яже ведением и неведением, и сподоби мя неосужденно причаститися пречистых Твоих Таинств, во оставление грехов и в жизнь вечную. Аминь.

Вечери Твоея тайныя днесь, Сыне Божий, / причастника мя приими; / не бо врагом Твоим тайну повем, ни лобзания Ти дам, яко Иуда, / но яко разбойник исповедаю Тя: / помяни мя, Господи, во Царствии Твоем.

Да не в суд или во осуждение будет мне причащение Святых Твоих Таин, Господи, но во исцеление души и тела.

Причащение мирян

По причащении

Священник: Спаси, Боже, люди Твоя и благослови достояние Твое.

Хор:Хлеб Небесный и Чашу Жизни вкусите / и видите, яко благ Господь. / Аллилуиа, аллилуиа, аллилуиа.

Перенос Святых Даров с Престола на жертвенник

Хор:Да исполнятся уста наша / хваления Твоего Господи, / яко да поем славу Твою, / яко сподобил еси нас причаститися / святым Твоим, Божественным, безсмертным и животворящим Тайнам, / соблюди нас во Твоей святыни / весь день поучатися правде Твоей. / Аллилуиа, аллилуиа, аллилуиа.

Диакон: Прости приимше Божественных, Святых, Пречистых, Безсмертных, Небесных и Животворящих, Страшных Христовых Тайн, достойно благодарим Господа.

Хор:Господи, помилуй.

Диакон: Заступи, спаси, помилуй и сохрани нас, Боже, Твоею благодатию.

Диакон: Вечера всего совершенна, свята, мирна и безгрешна испросивше, сами себе и друг друга, и весь живот наш Христу Богу предадим.

Хор: Тебе, Господи.

Священник: Яко Ты еси Освящение наше, и Тебе славу возсылаем, Отцу и Сыну и Святому Духу, ныне и присно и во веки веков.

Иерей: С миром изыдем,

Хор: О имени Господни.

Диакон: Господу помолимся.

Хор: Господи, помилуй.

Хор: Аминь. Буди Имя Господне благословено отныне и до века.

литургия преждеосвященных даров

Псалом 33

Хор: Благословлю Господа на всякое время,/ выну хвала Его во устех моих. О Господе похвалится душа моя./да услышат кротции, и возвеселятся. Возвеличите Господа со мною,/ и вознесем Имя Его вкупе. Взысках Господа, и услыша мя,/ и от всех скорбей моих избави мя. Приступите к Нему и просветитеся,/ и лица ваша не постыдятся. Сей нищий воззва, и Господь услыша и,/ и от всех скорбей его спасе и. Ополчится ангел Господень окрест боящихся Его,/ и избавит их. Вкусите, и видите, яко благ Господь;/ блажен муж, иже уповает Нань. Бойтеся Господа вси святии Его,/ яко несть лишения боящимся Его. Богатии обнищаша и взалкаша:/ взыскающии же Господа не лишатся всякаго блага. Приидйте, чада, послушайте мене,/ страху Господню научу вас. Кто есть человек хотяй живот,/ любяй дни видети благи? Удержи язык твой от зла,/ и устне твои, еже не глаголати льсти. Уклонися от зла, и сотвори благо,/ взыщи мира, и пожени и. Очи Господни на праведныя/ и уши Его в молитву их. Лице же Господне на творящия злая,/ еже потребити от земли память их. Воззваша праведнии, и Господь услыша их,/ и от всех скорбей их избави их. Близ Господь сокрушенных сердцем,/ и смиренныя духом спасет. Многи.скорби праведным,/ и от всех их избавит я Господь. Хранит Господь вся кости их, ни едина от них сокрушится. Смерть грешников люта,/ и ненавидящии праведнаго прегрешат. Избавит Господь души раб Своих,/ и не прегрешат вси уповающий на Него.

Священник: Благословение Господне на вас. Того благодатию и человеколюбием, всегда, ныне и присно и во веки веков.

Хор: Аминь.

Священник: Слава Тебе, Христе Боже, Упование наше, слава Тебе.

Хор: Слава, и ныне. Господи, помилуй (Трижды). Благослови.

Священник: Христос, истинный Бог наш, молитвами Пречистыя Своея Матере, святых славных и всехвальных Апостол, (и прочая по дни: и святаго имярек, егоже есть храм, и егоже есть день), иже во святых отца нашего Григория Двоеслова, Папы Римскаго, и всех святых, помилует и спасет нас, яко благ и человеколюбец.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector