Житие преподобного Антония Дымского и в чем помогает святой, тексты молитв

Источник описания жизненного пути преподобного Антония Дымского – рукописи, составленные в Дымском монастыре в XVII-XIX веках. Период деяний святого – конец XII, начало XIII века, место служения Господу – Новгородская земля. Нетленность мощей и чудесные исцеления по молитвам над могилой и от возложения железной шапки стали веским поводом для причисления игумена Дымской обители к лику святых.

Поиск молитв на все случаи жизни

Житие преподобного Антония Дымского

Монахи, составлявшие рассказ о жизни первого игумена Дымского монастыря, основывались на местных преданиях и легендах.

Скудность сведений (отсутствие достоверных данных о дате, месте рождения, детских годах) объясняется двумя причинами:

  • Святой Антоний Дымский не желал человеческой славы, посвятив свою жизнь Богу. Он не ценил свои земные добродетели, а также сохранение у потомков памяти о себе.
  • Пожары, разорение, запустение обители во время и после вражеских нашествий.

В конце 1156 года в селении под Новгородом в богобоязненной семье родился мальчик, нареченный Антонием. С малых лет он был приверженцем молитвословия в Божьем храме. Ему чужды были детские шалости и забавы. Уже будучи отроком, он однажды услышал слова из Священного Писания, которые запали ему в душу и определили будущий жизненный путь: «Если кто хочет ко Мне прийти, да отречется от себя и возьмет крест свой и ко Мне придет».

Юный Антоний принял решение уйти в монастырь и посвятить себя служению Господу. Он оставил семью и отправился в монастырь в окрестностях Новгорода. Игумен Хутынской Спасо-Преображенской обители, Варлаам, совершил ему монашеский постриг и стал духовным наставником. Антоний отличался особым рвением в исполнении монашеского устава.

В 1187 году он, с благословения игумена, отправился в Константинополь по делам монастырским и поклониться святым местам. Его возвращение в конце 1192 года совпало с кончиной преподобного Варлаама, по желанию и благословению которого Антоний стал настоятелем Хутынского монастыря. В управлении обителью преподобный сохранил правила жития братии, установленные Варлаамом. Его деятельность и праведная жизнь вызвали любовь верующих и насельников.

Преподобный Антоний тяготился почитанием паломников и монашеской братии и молил Господа и Божью Матерь указать место для уединенного подвига. Спустя несколько лет он оставил монастырь и удалился в глухие леса под Тихвином. На берегу Дымного озера он построил келлию, выкопал пещеру для зимовки и стал вести отшельнический образ жизни.

Мужественно перенося зной, холод, голод, Антоний днем трудился, а ночью молился Господу. Для изнурения плоти святой, не снимая, носил тяжелую железную шапку. В скором времени к отшельнику стали приходить иноки, желавшие стать такими же подвижниками, как Антоний. По общему решению братии и с благословения Новгородского архиепископа Исайи, был основан Дымский монастырь, пожизненным игуменом которого стал Антоний.

24 июня 1224 года преподобный отец преставился. Ему был открыт день встречи души с Господом. Накануне кончины святой простился с иноками, благословил их и причастился Святых Таинств. Останки преподобного были погребены в монастырском храме. После смерти святого стали наблюдаться чудесные исцеления по молитвам над его гробницей и после наложения на голову железной шапки.

антоний дымский икона

Спустя 146 лет иноки вскрыли захоронение Антония и обнаружили, что мощи его не тронуты тлением. Рака со святыми мощами была поставлена в приделе храма для поклонения верующими и монастырской братией. В 1409 году, опасаясь татарского нашествия и глумления над святыми мощами, по велению игумена, они были преданы земле. В 1655 году над захоронением был возведен Свято-Троицкий собор. В 1744 году над могилой преподобного была установлена позолоченная деревянная рака. У раки хранилась железная шапка, вес которой составлял 3 килограмма.

Преподобный Антоний оставался хранителем основанной им обители. Он дважды являлся во сне настоятелю монастыря и предупреждал о возгорании. В 1611 году шведы сожгли обитель, но она возродилась снова не без молитвы святого.

В чем помогает святой

Перед ракой святого молятся:

  • об укреплении в вере;
  • о терпимом отношении к людям, особенно к близким;
  • исцелении от головных болей.

Наложение на голову железной шапки преподобного Антония Дымского помогает избавиться от мигрени, восстановиться после инсульта.

Иконография

Иконография Антония Дымского содержит иконы, прориси и гравюры, датируемые XVII-XIX веками и выполненные новгородскими православными иконописцами или старообрядческими авторами. На иконописных образах преподобный Антоний Дымский изображается в рост или по пояс.

В зависимости от периода написания извода святой представлен:

  • В начале XVII века: в одежде схимника, с куколем на голове, благословляющим правой рукой и со свитком в левой руке, на котором можно прочесть: «Се удалихся, бегая, и водворихся в пустыне, чая Бога, спасающего меня»; «Не скорбите, братия моя».
  • Вторая половина XVII века, после появления жития святого: схимнический наряд, с куколем на голове, в молении Господу в небесной сфере, на фоне лесной чащи, озера и обнесенного высокой оградой монастыря.
  • Конец XVII века: ростовое изображение с обращенной к Спасу правой рукой и развернутым свитком в левой.

На всех изводах святой представлен старцем с русой, клиновидной бородой.

антоний дымский икона

Почитание в православии

Дни поминовения святого Антония Дымского – 17 января и 24 июня в Соборе Новгородских святых, Соборе С-Петербургских святых. В день успения святого (24 июня) монастырские служители вместе с верующими совершают крестный ход к Дымскому озеру.

Тексты молитв

Содержание молитвенных обращений можно узнать ниже, а также из православного молитвослова или акафистников.

Тропарь

Добродетелей ревнителю, / пустынный житель, / подвижник веры Христа Бога нашего, / пощением и труды умертвивый плотская вожделения, / тезоимените великому Антонию, / егоже житию поревновал еси / и во егоже имя Божественный храм воздвигл еси, / купно с ним, преподобне Антоние, моли Спасителя всех, / да и нас сотворит победители плотских похотей / и храмы Духа Святаго, / по велицей Его милости.

Кондак

Сверстник и подражатель преподобному Варлааму,/ послушание к нему истинное стяжав,/ достоин явился ему преемник,/ упасши до времене стадо его,/ добродетелем же его поревновав,/ в туюжде меру возраста достигл еси,/ безмолвие пустынное возлюбив,/ и угоден Господеви показался еси,/ первоначальный быв пустыни при езере Дымском,/ тем ти вопием:/ с преподобным Варлаамом, отче Антоние, моли о нас Бога,/ да даст нам такожде угодити Ему, якоже и ты,/ образе послушания и безмолвия тихий рачителю.

антоний дымский икона фото

Молитва

О пастырю добрый, учителю и наставниче наш и святыя обители Дымския начальниче, преподобный отче Антоние! Молим тя усердно: ты, яко имея дерзновение ко Владыце Христу и ко Пречистей Его Матери, буди о нас, недостойных, иже с верою притекающих к тебе, ходатай и молитвенник теплый, заступая нас от всяких бед и напастей, да твоими молитвами и предстательством пребудем невредимы от врагов наших видимых и невидимых. Моли милосердие Его, еже спасти нас от прегрешений наших, имиже весть судьбами. Моли благость Его, еже милостивно подавати нам и всему миру потребная. Молися Дающему всем мир ниспослати мир Церквам, собирая расточенный во едино, сохранити страну нашу в мире и тишине и всякому верному в доме и на пути и повсюду дни благи и безмятежны даровати, умирити жизнь нашу, помиловати нас, предстоящих зде и за благословною виною отшедших отец и братии наших, и весь мир и спасти души наша, да выну славим, хвалим, поем и величаем пречестное и великолепое Имя Отца, и Сына, и Святаго Духа ныне, и присно, и во веки веков. Аминь.

Акафист

Кондак 1

Избраннаго воина Христа Бога нашего преподобнаго Антония песньми почтим, яко победителя мирских соблазнов и плотских похотей и ухищрений диавольских, во стране нашей дивно явльшагося, зовуще ему:

Радуйся, Антоние, подвижниче Христов всечестне.

антоний дымский икона

Икос 1

Ангел нравом явился еси, преподобне отче Антоние, во днех жития своего на земли: темже ныне блаженствуеши на небесех с лики ангельскими, от бренных же уст наших приемлеши песнь хвалебную:

Радуйся, ангелов ревностный подражателю.

Радуйся, ангельский достойно носивый образ.

Радуйся, ангелов сомолитвенниче неусыпаемый.

Радуйся, со ангелы непрестанно Господа славословивый.

Радуйся, ангельский нрав стяжавый.

Радуйся, на земли ангельски поживый.

Радуйся, чистотою ангельскую облекийся.

Радуйся, ангельскую кротость ко всем показавый.

Радуйся, ангелов собеседниче.

Радуйся, монахом наставниче ангельскаго жития.

Радуйся, гражданине небесный.

Радуйся, Антоние, подвижниче Христов всечестне.

Кондак 2

Видевше дивное житие твое сожившии тебе братия прославляху о тебе Господа, и мы, слышаще подвиги твоя, видяще же чудеса, имиже прослави Бог нетленное тело твое, воспеваем дивному во святых Богови: Аллилуиа.

Икос 2

Разум вещей божественных стяжал еси труды многими, преподобне отче Антоние, в сладость души твоея и во спасение вечное твоего стада, с нимже вопием ти:

Радуйся, воине Христов, многи труды подъявый.

Радуйся, в подвизе тяжцем потрудивыйся.

Радуйся, в бдении и посте искусивыйся.

Радуйся, в подвизе молитвы преуспевый.

Радуйся, труды рук своих тело укрепивый на служение Богу.

Радуйся, нозе свои освятивый путешествием долгим по спасительному послушанию.

Радуйся, главе твоей подвигом венец славы исходатайствовавый.

Радуйся, очи свои к лицезрению Божию слезами чистыми омывый.

Радуйся, душу твою страхом Божиим украсивый.

Радуйся, ум твой в небесная вперивый.

Радуйся, сердце твое от всякаго злаго помышления очистивый.

Радуйся, Антоние, подвижниче Христов всечестне.

Кондак 3

Силою благодати Божия облекаемь, терпеливо подъял еси благое иго Христово и очистив себе в сосуд Божий благоизбранен, неуклонно взирал еси к обителем небесным и горняя мудрствовал еси, вопия в веселии сердца Богу: Аллилуиа.

Икос 3

Имея неусыпное попечение о спасении ввереннаго тебе от Бога стада, преподобне отче Антоние, непрестанно учил еси е пути спасительному, подавая собою пример благочестия; сего ради вопием ти:

Радуйся, вместилище добродетелей, путь спасения многим показавый.

Радуйся, святыни жилище, многи ко Господу приведый.

Радуйся, мечу Божий грехи посекий, погубляющыя душы.

Радуйся, светильниче, путь правый стаду твоему предъуказавый.

Радуйся, кормчию, многи к пристанищу вечнаго блаженства управивый.

Радуйся, споборниче благодати Божия, мнози из уст адовых исхитивый.

Радуйся, наставниче монахов, спасительным добродетелем их научивый.

Радуйся, незлобию их наставивый.

Радуйся, воздержания учителю.

Радуйся, незлобия наставниче.

Радуйся, смирения показавый образ.

Радуйся, Антоние, подвижниче Христов всечестне.

антоний дымский икона

Кондак 4

Буря помышлений лукавых не смути тебе, преподобне отче Антоние, волны мирских соблазнов не поколебаша храмины твоея, противу же козней диавольских устоял еси, утвержден на незыблемом камени, всегда поя в сердцы твоем Богу: Аллилуиа.

Икос 4

Слышавше иноцы обители преподобнаго Варлаама внезапное изшествие твое, преподобне отче, зело печалию объяти быша, но и их ради любве не оставил еси твоего намерения, образ ревности Божия и пустыннолюбия во спасение всем показуя; темже вопием ти:

Радуйся, ревнителю жития богоугоднаго.

Радуйся, истинный поклонниче Господень, вся ради Христа тщету вменивый.

Радуйся, верный служителю Господа всяческих, Ему Единому послуживый.

Радуйся, блаженнейший последователю Господа Иисуса, Его Единаго возлюбивый.

Радуйся, пустынных жителю, пустыню паче всего предъизбравый.

Радуйся, блаженство пустынножития уразумевый.

Радуйся, яко в пустыни весь разум твой к Единому Богу вперил еси.

Радуйся, яко навыкл еси богоприятной молитве, непрестанно в ней Богу собеседовав.

Радуйся, пустыни украшение доброе.

Радуйся, древних пустынников верный подражателю.

Радуйся, истиннаго духа пустынножительства наставниче всем.

Радуйся, Антоние, подвижниче Христов всечестне.

Кондак 5

Боготечная звезда явился еси преподобне отче, протекши путь жития твоего, приведший тя к Богу, Егоже заповедем верно последовал еси, руководя купно с собою стадо твое к обителем небесным, идеже песнь воспеваеши Богу: Аллилуиа.

Икос 5

Видевше тя отходяща в путь дальний по послушанию старчу, собратия твои тебе дивляхуся; мы же воспоминающе твое послушание, благословением Божиим осененное, воспеваем ти:

Радуйся, истинный трудниче Божий, вся обеты твоя всецело совершивый.

Радуйся, совершенства подвижническаго достигнувый благодатию Божиею.

Радуйся, волю свою смиривый до конца.

Радуйся, в истинную свободу чад Божиих послушанием твоим предъуспевый.

Радуйся, совершенную власть над помыслы своими стяжавый.

Радуйся, всякое сомнение от души твоея отгнавый.

Радуйся, ради послушания Божия труда великаго не устрашивыйся.

Радуйся, в путь твой дальний потекий.

Радуйся, терпение твое до конца соблюдый.

Радуйся, вся скорби долгаго путьшествия благодушно подъявый.

Радуйся, послушниче истинный, волю настоятеля своего верно совершивый.

Радуйся, Антоние, подвижниче Христов всечестне.

Кондак 6

Проповедник явился еси добродетелей жития христианскаго, благоподражательным примером твоим, во еже всем ведущым Бога и подвизающымся во всем житии, достойно возсылати Ему честь и хвалу: Аллилуиа.

антоний дымский икона

Икос 6

Возсия в души твоей свет истиннаго боговедения, озаряя душы твоих, преподобне отче, почитателей и возбуждая пети тебе:

Радуйся, Единаго Истиннаго Бога верный поклонниче.

Радуйся, Отца нашего, иже на Небесех, в житии твоем прославивый.

Радуйся, Единароднаго Сына Божия, нас ради воплощеннаго, верно исповедавый.

Радуйся, Святому Духу верно покланявыйся.

Радуйся, к истинной лозе прилепивыйся верою.

Радуйся, божественнаго смирения и терпения подражателю.

Радуйся, язв и болезней искупительных причастниче.

Радуйся, крестнаго подвига Христова последователю.

Радуйся, обитель дарований благодати Духа Святаго явивыйся.

Радуйся, живый храм Духа Божия бывый.

Радуйся, Антоние, подвижниче Христов всечестне.

Кондак 7

Хотя принести себе жертву живу, святу, благоугодну Господеви, всего себе закону Божию повинул еси и от всякия скверны плоти и духа постом и молитвою очистил еси, от чистых устен и сердца воспевая Богу: Аллилуиа.

Икос 7

Новаго, достойне древних подвизавшагося, подражателя видим тя преподобне отче, Пречистыя Девы: темже, чтя подвиг девства твоего, воспеваем ти:

Радуйся, Пренепорочныя Девы последователю.

Радуйся, подвижниче совершеннаго целомудрия.

Радуйся, друже Христов, Ему единому прилепивыйся.

Радуйся, подобниче Павлу, чистоту души и тела паче всего возлюбивый.

Радуйся, от юности победивый страсти.

Радуйся, неосквернены прочее соблюдый чувства душевная же и телесная.

Радуйся, во плоти яко безплотный поживый.

Радуйся, плоть твою смиривый.

Радуйся, трудом богомыслия непрестающаго уцеломудривый душу.

Радуйся, телесным изнурением обуздавый вожделения.

Радуйся, сотрудниче и сонаследниче возлюбленнаго ученика Христова.

Радуйся, Антоние, подвижниче Христов всечестне.

Кондак 8

Странное неверующым трудническое житие твое, преподобне Антоние, чудно является во очию нашею: зрим бо в тебе истиннаго раба страдавшаго Владыки твари, Емуже с тобою вопием: Аллилуиа.

Икос 8

Всего себе предав Богу, всякое попечение житейское отложил еси в житии твоем, преподобне отче Антоние; темже Господь, на Негоже всю печаль свою возвергл еси, препита тя, мы же нищету твою чтуще, зовем ти:

Радуйся, нищеты спасительныя ревнителю.

Радуйся, нестяжания образе.

Радуйся, человече Божий, ради любве Божия всякое земное пристрастие отсекнувый.

Радуйся, обителе мудрости христианския, тщету благ мирских рано уразумевый.

Радуйся, подвижниче истинный, всякаго любовещнаго желания уклонивыйся.

Радуйся, от лести богатства ограждей себе нищетою вольною.

Радуйся, от благ мирских ни единым же наслаждейся в житии твоем.

Радуйся, вместо земных сокровищ нищетою собравый себе на небеси вечное сокровище.

Радуйся, и в богатстве добрых дел соблюдый себе нища духом.

Радуйся, нищеты Христовы подражателю.

Радуйся, нищеты Предтечевой и Павловой и Антониевой соучастниче.

Радуйся, Антоние, подвижниче Христов всечестне.

Кондак 9

Всеми добродетельми иноческими украсился еси, преподобне отче Антоние, усердно послужив в житии Христу Богу, Емуже ныне с лики небесными радостно вопиеши: Аллилуиа.

антоний дымский икона

Икос 9

Ветия богомудрый явился еси, преподобне отче Антоние, не словесы красноглаголивыми, но беседою кроткою, паче же своим преподобным житием поучил еси стадо твое житию постинческому, темже вопием ти:

Радуйся, подвижниче Божий, постничество возлюбивый.

Радуйся, от юности труд жития постническаго подъемый.

Радуйся, в постничестве всегда твердо подвизавыйся.

Радуйся, Предтечеву постничеству истинно поревновавый.

Радуйся, всякую земную сладость ради небесных презревый.

Радуйся, истинным воздержанием плоть к служению духу приучивый.

Радуйся, духовным воздержанием обуздавый своевольная чувства.

Радуйся, постоянным бодрствованием смиривый воображение.

Радуйся, всегдашним попечением ослабивый кичения разума.

Радуйся, поучением в заповедех Господних в Господе утвердивый весь свой помысл.

Радуйся, спасительнаго постничества верный тружниче и наставниче.

Радуйся, Антоние, подвижниче Христов всечестне.

Кондак 10

Спасти хотя душу твою, презрел еси суетное попечение о плотстем покои, но умерщвляя тело свое и порабощая, духом выну работал еси Господеви, в молитве не изнемогая и всегда вопия Ему: Аллилуиа.

Икос 10

Стена был еси крепкая стаду твоему, еже упасл еси, богомудре, преподобне отче Антоние; темже воспеваем ти, глаголюще:

Радуйся, угодниче Божий, к себе и своему стаду привлекий благодать Божию.

Радуйся, молитвенниче теплый к Богу.

Радуйся, смирения учителю.

Радуйся, самоотвержения наставниче.

Радуйся, бдения и молитвы образе.

Радуйся, воине Христов, к миру и духовом поднебесным брань благоуспешно совершивый и других наставивый.

Радуйся, смиренномудрия обителе.

Радуйся, незлобия жилище.

Радуйся, мудрости христианския вместилище.

Радуйся, кротости пастырския правило.

Радуйся, верный слуго Божий, ревностию Божиею распаливыйся.

Радуйся, Антоние, подвижниче Христов всечестне.

Кондак 11

Пение неумолкаемое приносил еси Троице в земнем житии твоем, темже сподобился еси по успении твоем счислитися лику ангельскому, выну вопиющему Богу: Аллилуиа.

Икос 11

Светозарно житие твое, преподобне отче, блаженно успение и светла память твоя, юже ублажающе, вопием ти:

Рaдуйся, во всeм житии твоeм Бога прослaвивый.

Радуйся, подвигом добрым славу вечную себе исходатайствовавый.

Радуйся, со апостолом смерть себе приобретение вменивый.

Радуйся, ради Христа по вся дни умиравый.

Радуйся, кончину мирную молитвами себе испросивый.

Радуйся, к преселению в обители небесныя всецело себе уготовивый.

Радуйся, и успением твоим мирным Бога прославивый.

Радуйся, до конца верно претерпевый и конец достоин получивый.

Радуйся, вечную память себе стяжавый.

Радуйся, на Небеси прославляемый.

Радуйся, на земли достойно ублажаемый.

Радуйся, Антоние, подвижниче Христов всечестне.

антоний дымский икона

Кондак 12

Благодать дадеся тебе, преподобне отче, недуги исцеляти и от скорбей свобождати: темже ублажающе память твою, вопием Богу: Аллилуиа.

Икос 12

Поюще твоя чудеса, ублажаем память твою, преподобне отче Антоние, воспевающе ти:

Радуйся, яко Богу совершенно угодил еси.

Радуйся, яко венец безсмертия и нетления стяжал еси.

Радуйся, наслаждения райския жизни сподобивыйся.

Радуйся, сонаследниче Христов по Апостолу, светлых обителей в дому Отца Небеснаго достигнувый.

Радуйся, дарование чудес приемый.

Радуйся, верных заступник верный явивыйся.

Радуйся, больных целителю.

Радуйся, скорбных утешителю.

Радуйся, немощных помощниче.

Радуйся, страждущих защитниче.

Радуйся, о всех нас ходатаю теплый.

Радуйся, Антоние, подвижниче Христов всечестне.

антоний дымский икона

Кондак 13

О великий чудотворче, подвижниче Христов всечестне, преподобне отче Антоние, приими убогое пение от нас недостойных, чтущих память твою, и избави нас молитвами твоими от бед настоящих, паче же от вечныя смерти, да достигнув обителей небесных и мы с тобою и всеми святыми воспевати будем Богу вечно: Аллилуиа.

Этот кондак читается трижды, затем икос 1-й и кондак 1-й.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector