Значение иконы Божией Матери Благоуханный цвет, о чем просят и тексты молитв

Богородичные иконы особенно любимы и почитаемы верующими. Милосердная Царица Небесная – самая лучшая молитвенница и просительница за раскаявшихся грешников перед Сыном. У иконы Пресвятой Богородицы «Благоуханный цвет» молятся, когда желают очистить душу от греха, избавиться от депрессии, укрепить веру, излечиться от тяжелой болезни, бесплодия.

Поиск молитв на все случаи жизни

История иконы «Благоуханный цвет»

Православное изображение Божьей Матери «Благоуханный цвет» относится к типу «Одигитрия», имеет большое сходство с иконой «Неувядаемый цвет». Отличие заключается в цветке, который держит в руке Богородица. На иконе «Благоуханный цвет» – это всегда белая лилия. По этой причине обе иконы считают одним и тем же образом Пресвятой Девы Марии.

Традиционная иконопись отображает фигуру Царицы Небесной до пояса. Одной рукой она держит благословляющего Младенца Иисуса Христа, в другой – ветвь с распустившимися лилиями. Белая лилия на иконе – это символ девственности, непорочности Пречистой Девы.

Первообраз иконы связывают с Грецией, святым Афоном. Монахи-иконописцы сотворили икону в XVI-XVII веке. С паломниками изводы попадают в Россию в XVII-XVIII веке. Русские иконописцы редко обращались к этому образу. Сохранившиеся списки чаще всего греческого письма. Самая известная икона «Благоуханный цвет» находится в Воронеже.

Сюжет иконы связан молитвословиями, прославляющими Богородицу, где Пречистую Деву Марию сравнивают с «неувядаемым, благоуханным цветом».

Значение и почитание в православии

В изображении Богородицы с цветком-символом чистоты передан один из основополагающих догматов христианства: Дева Мария была и осталась девственной и непорочной. Богомладенец также чист и безгрешен и благословляет православных христиан на праведные дела.

Официально установленный день для почитания и поминовения всех благих деяний Пречистой Девы Марии – 28 ноября.

икона благоуханный цвет

О чем просят перед святым образом

Не в каждом храме имеется икона «Благоуханный цвет». Перед этим образом Богородицы чаще всего молятся замужние женщины и девушки.

У Пресвятой Девы они просят:

  • вразумить в разрешении семейных конфликтов;
  • даровать счастье материнства;
  • сохранить здоровье, красоту и привлекательность;
  • встретить достойного человека и удачно выйти замуж.

Верующие могут молиться перед образом:

  • об очищении души от греховных мыслей и желаний;
  • о пробуждении и сохранении доброжелательного отношения к людям; чтобы совершать богоугодные поступки;
  • обретении цели в жизни, когда невезение, неприятности лишают воли и желания добиться успеха;
  • смирения перед неизбежным при неизлечимых болезнях;
  • даровании покаяния и смирения;
  • исцеления от физических и психических недугов.

Обращаются к иконе, когда теряют близких людей, чтобы найти в себе силы преодолеть выпавшие на долю жизненные испытания и продолжить жить, исполняя христианские заповеди.

икона благоуханный цвет

Православные тексты

Молитвы к святому образу проникнуты глубокой любовью к Пресвятой Божьей Матери.

Молитва

О, Пресвята́я Госпоже́ Влады́чице Богоро́дице! Вы́шши еси́ все́х А́нгел и Арха́нгел, и всея́ тва́ри честне́йшая, Помо́щница еси́ оби́димых, ненаде́ющихся наде́яние, убо́гих Засту́пнице, печа́льных утеше́ние, а́лчущих корми́тельнице, наги́х одея́ние, больны́х исцеле́ние, гре́шных спасе́ние, христиа́н все́х поможе́ние и заступле́ние! О, Всеми́лостивая Госпоже́, Де́во Богоро́дице Влады́чице, ми́лостию Твое́ю спаси́ и поми́луй богохрани́мую страну́ на́шу, вла́сти и во́инство ея́, и вся́ правосла́вныя христиа́ны, ри́зою Твое́ю честно́ю защити́: и умоли́, Госпоже́, из Тебе́ без се́мене воплоти́вшагося Христа́ Бо́га на́шего, да препоя́шет на́с си́лою Свое́ю свы́ше на неви́димые и ви́димые враги́ на́ша. О, Всеми́лостивая Госпоже́, Влады́чице Богоро́дице, воздви́гни на́с из глубины́ грехо́вныя и изба́ви на́с от гла́да, губи́тельства, от тру́са и пото́па, от огня́ и меча́, от нахожде́ния иноплеме́нных и междоусо́бныя бра́ни, и от напра́сныя сме́рти, и от нападе́ния вра́жия, и от тлетво́рных ве́тр, и от смертоно́сныя я́звы, и от вся́каго зла́. Пода́ждь, Госпоже́, ми́р и здра́вие рабо́м Твои́м, все́м правосла́вным христиа́ном, и просвети́ и́м у́м и о́чи серде́чнии, е́же ко спасе́нию: и сподо́би ны́, гре́шныя рабы́ Твоя́, ца́рствия Сы́на Твоего́, Христа́ Бо́га на́шего: я́ко держа́ва Его́ благослове́нна, и препросла́влена, со Безнача́льным Его́ Отце́м, и с Пресвяты́м, и Благи́м, и Животворя́щим Его́ Ду́хом, ны́не и при́сно, и во ве́ки веко́в, Ами́нь.

Акафист

Кондак 1

Взбранной Воеводе и Заступнице Всемилостивой, заступающей нас от враг видимых и невидимых; ведущей вся тайныя души нашей и покрывающей немощи наша благоуханием милосердия Сына Своего, благодарственное приносим пение. Ты же, о Мати Света, не остави нас, погибающих, из глубины греховней зовущих: Радуйся, Мати Божия, Цвете Благоуханный!

икона благоуханный цвет

Икос 1

Архангел Гавриил послан бысть к праведней Анне, егда та в скорби неплодства своего возопи ко Господу из глубины сердечныя, и благовести ей радость велию, глаголюще: «Ус­лышана молитва твоя, слезы же твои пред Богом внидоша, и се родиши Дщерь, о Нейже возблагословятся вся колена земная. Сему радостному обетованию чудящеся, возопием Преблагословенней:

Радуйся, благоуханием чудеснаго рождества Твоего осененная;

Радуйся, от царскаго корене Иоакимом произращенная;

Радуйся, от архиерейскаго рода Анною рожденная;

Радуйся, прародителей наших от тли смертныя свободившая;

Радуйся, поношение безчадства разрешившая;

Радуйся, слезы матери Твоея в радость претворившая;

Радуйся, рождеством Своим отраду в дом отчий принесшая;

Радуйся, великое рождшим Тя утешение;

Радуйся, всему миру наслаждение;

Радуйся, исполнительница Отцева обетования;

Радуйся, падшаго Адама воззвание;

Радуйся, слез Евиных избавление;

Радуйся, Мати Божия, Цвете Благоуханный.

Кондак 2

Видяще праведнии родители Твоя, яко три лета исполнишася от рождества Твоего, восхотеста совершити делом обетование свое Богу, да принесут Тя в дар Ему. Сего ради созваша в Назарет вся сродницы своя от царскаго и архиерейскаго рода, пригласиша же и лик чистых дев, да со свещи горящими провождают Тя, яко же предрече Писание: «Приведутся Царю девы в след Ея, приведутся в веселии и радовании, введутся в храм Царев». И тако молишеся вси о Тебе Богу, воспеша Ему: Аллилуиа.

Икос 2

Разум Небесный открывая, Богоотроковице, благоволила еси, преодеяна быти еси со славою и красотою многою, да исполнится на Тебе Давида праотца Твоего предречение: «Предста Царица одесную Тебе, в ризах позлащенных одеяна, приукрашена «. Егда же, яко Невеста Божия одеяна была еси и вся ко всечестному введению Твоему достойно устроишася, поведоста Тя родители Твоя, яко трехлетнюю агницу, во Иерусалим, воспевши Тебе тако:

Радуйся, Пречистый храм Спасов, ко храму законному стопы Своя направившая;

Радуйся, преодеянная в рясны златыя девства и чистоты;

Радуйся, преукрашенная во вся доброты небесныя ;

Радуйся, дщи Царева, всю славу девственную внутрь Себе имущая;

Радуйся, дочернюю радость всему миру несущая;

Радуйся, сосуде, Богом избранный и освященный;

Радуйся, чистоту смиреннаго сердца к горнему устремившая;

Радуйся, вместилище и храме духа Божия;

Радуйся, невесто Божия, предстати одесную Небесному Жениху грядущая;

Радуйся, с девственными лики ко Господу приведенная;

Радуйся, с горящими светильники ко храму препровожденная;

Радуйся, благодатная, Господь с тобою;

Радуйся, Мати Божия, Цвете Благоуханный.

Кондак 3

Силою Божественною укрепляемый, с небесных высот великий архангел во град Назарет прииде, и обрете Святую Деву в молитве и чтении книжнем пребывающую, со страхом велиим рече: «Радуйся, Благодатная, Господь с Тобою! … и се зачнеши и родиши Сына, наречеши имя ему – Иисус! И будет Великий и Сын Всевышнего наречется!». Ты же, смиренная рабо Господня, прием с кротостию обетование Божие, рекла к бесплотному: «Да будет ми по глаголу твоему!». Мы же, недостойнии, зрящие велие таинство совершаемое, во умилении взываем о Тебе Богу нашему: Аллилуиа.

Икос 3

Имущи богоприятную Дева утробу, востече во град Иудов к южице своей. Елисавет же исполнися Духа Свята, возопи гласом велиим, глаголя: «Откуда мне сие, да прииде мати Господа моего ко мне?». О, Пречистая, Духом Святым освященная, посети и нас немощных и убогих, вознеси молитвы наша, яко дым кадильный ко престолу Бога-Сына твоего, да преисполнены благодати Его речем Ти:

Радуйся, благоухание Христова смирения;

Радуйся, Пречистая Дево, всех дев чистейшая;

Радуйся, чистото недосягаемая и кротосте неизреченная;

Радуйся, во смирении Своем возвеличенная;

Радуйся, яко призре Господь на смирение твое;

Радуйся, благодатная, ликуй ныне и веселися, яко Господь с Тобою;

Радуйся, благословенная, слыши ныне и приклони ухо Твое;

Радуйся, обрадованная, яко благословенна Ты в женах;

Радуйся, препрославленная, яко велия слава Твоя на небесах;

Радуйся, кроткая агнице, яко возве­селится о Тебе весь собор ангельский;

Радуйся, богоизбранная отроковице, яко спасется Тобою весь род человеческий;

Радуйся, боготканную порфиру от пречистыя плоти Твоея Слову Божию исткавшая;

Радуйся, Мати Божия, Цвете Благоуханный.

икона благоуханный цвет

Кондак 4

Буря суетных помышлений людских не возможет поколебати тишины душевней Чистой Девы, в вертепе, посреде твари безсловесной ожидающей явления обетованного Богомладенца. Мы же, сорадуяся с Нею имеющему быти и зрящи таковое исполнение предреченнаго, в умилении сердечнем поем Богу: Аллилуиа.

Икос 4

Слышаша пастырие ангелов, поющих плотское Христово пришествие, и текше, яко к Пастырю, видят Сего, яко агнца непорочна, и поклонишася Ему, и принесоша дары своя яко Владыце и Богу. Пренепорочней же поюще, реша:

Радуйся, благоуханием рождества Сына Божия осиянная;

Радуйся, храме Бога Живаго;

Радуйся, жилище Духа Святаго;

Радуйся, Спасителя мира рождшая;

Радуйся, вскормившая Силу Божию, во плоти явленную;

Радуйся, Агнца и Пастыря Мати;

Радуйся, видимых врагов устрашение;

Радуйся, неви­димых врагов мучение;

Радуйся, райских дверей отверзение;

Радуйся, твердое веры утверж­дение;

Радуйся, светлое благодати познание;

Радуйся, от всех бед скорое избавление;

Радуйся, Мати Божия, Цвете Благоуханный.

Кондак 5

Богосветлая звезда возсия, егда прииде Духом в Церковь святый старец Симеон, и исполнися духа пророческаго, многая рече о Божественнем Младенце. И, обратив взор к Марии, Матери Его, рече: «Се, лежит Сей на падение и на возстание многим во Израиле, и в знамение пререкаемое. И Тебе Самой оружие печали пройдет душу, егда узриши Сына Твоего на Кресте пригвождена». Мы же, с трепетом взирая на кротость и смирение Божией Матери, зовем о ней Богу: Аллилуиа.

Икос 5

Видя Тя Сын Твой и Бог, при Кресте стоящу с воз­любленным учеником Своим, глаголаше: «Жено, се сын Твой», и ученику: «се, Мати твоя», всыновляя Тебе вся верующия в Него. Мы же, яко общницы скорби и страданий Сына Твоего, имуще в Тебе благую заступницу, на Тя все упо­вание возлагающе, вопием Ти:

Радуйся, благодатная Дево, у креста Сына Своего страдавшая;

Радуйся, агнице, рождшая Агнца, вземшаго грехи мира;

Радуйся, Мати Бога нашего, величайшую скорбь о Сыне претерпевшая;

Радуйся, кроткая, се Сын Твой возстанет тридневен, поправ жало смерти;

Радуйся, подательнице Божественной благодати верующим в Сына Твоего;

Радуйся, душ наших спасение и телес наших исцеление;

Радуйся, усыновившая нас при Кресте Сына Своего по слову Его;

Радуйся, нежности матерния вечный кладезю;

Радуйся, возлюбившая искупленных Кровию рожденнаго от крови Твоей;

Радуйся, Твоим предстательством вся благая желания наша скоро исполняющая;

Радуйся, Твоими молитвами пред Богом нас заступающая;

Радуйся, грешных споручнице, неотступно о них пред Богом предстательствующая;

Радуйся, Мати Божия, Цвете Благоуханный.

Кондак 6

Проповеданный пророками Крест Господень явися яко лествица, небес достигающая, возводя всех от земли на высоту небесную, да тамо обитати нам вкупе с лики ангельскими. О Тебе же, Владычица, сей Страшной Тайне послужившей, благодарным сердцем вопием Богу: Аллилуиа.

икона благоуханный цвет

Икос 6

Возсиял еси свет Воскресшего Сына Твоего, о Пресветлая Мати, и во мрачных удолиах ада, и на грешней земле, и по всей вселенней, прощение, и избавление благовествуя, подавая надежду спасаемым, благодарно взывающим тако:

Радуйся, благоухание Божественныя Тайны;

Радуйся, вместившая Невместимаго;

Радуйся, родившая плоть Богом рожденнаго;

Радуйся, Богородице, о восстании Рождества Твоего;

Радуйся, молитвами Своими преклоняющая волю Его к прошениям нашим;

Радуйся, радость всему миру приносящая;

Радуйся, крепкое восстание падшим;

Радуйся, матернею Своею любовью покрывающая немощи наша;

Радуйся, молитвами Твоими нас спасающая и от скорбей избавляющая;

Радуйся, козни бесовские противу нас разрушающая;

Радуйся, хранительнице верным и утверждение;

Радуйся, помощнице наша и похвало;

Радуйся, Мати Божия, Цвете Благоуханный.

Кондак 7

Хотя прославити образ Твой, Богородице Дево, Сын Твой и Бог наш, воочию всех излил от него неисчерпаемое чудес море, в нем же вси, погружающиися с верою и упованием, приемлют благодать исцелений и, благодарящее Господа, со страхом и любовию умиленно вопиют Ему: Аллилуиа.

Икос 7

Дивна показа Господь дела Своя в Пречистей Матери Своей. Сего ради, хотя прославити святую икону Твою «Благоуханный Цвет» во граде Измаиле, благоволи в день Царственных страстотерпцев возвратити вспять чудодейственный образ Твой, сохраненный верными в суровые дни гонений на святую Церковь, да вси зрящие чудо сие благодарным сердцем вопиют Ти таковая:

Радуйся, благоухание заступления Твоего чрез икону Свою нам явившая;

Радуйся, тою паче надеяния милосердие Свое нам подающая;

Радуйся, образом Твоим чудеса преизобильно источающая;

Радуйся, явлением Твоея иконы вся люди просвещающая;

Радуйся, тою новое знамение благодати в Церкви Христовой являющая;

Радуйся, яко на икону Твою взирающее, истинней Бого­родице покланяемся;

Радуйся, гонимых и обидимых скорая заступнице;

Радуйся, печали наша утоляющая и от всякой болезни нас исцеляющая;

Радуйся, миро благовонное, от иконы Твоея излиянное;

Радуйся, вретище скорби нашея растерзающая;

Радуйся, вечною радостию нас одевающая;

Радуйся, яко сохра­няемся Твоим благоволением;

Радуйся, Мати Божия, Цвете Благоуханный.

Кондак 8

Странно и сумнительно неверующим слышати, о преславная Мати Царя Небесного, како на Твой образ вернии людие очима своима взирающе, от скорбей избавляются и от бед сохраняются. Буди же нам Всеблагая Ходатаица о спасении нашем, да вечно славим Тя со всеми святыми, вопиюще Богу: Аллилуиа.

Икос 8

Весь путь наш житейский слезами горести исполненый, искушений несть числа. Изнемогаем, Владычице, под грузом грехов наших. Ты же умилосердись над нами, Дево Пренепорочная, от пути тяжкого изнемогающими и упокоения в тихой пристани чающими, да славословим Тя, Всемилостивую Заступницу нашу, зовуще:

Радуйся, мира Христова благоухание;

Радуйся, Дево, сияющая светом Божественным;

Радуйся, радосте, просвещающая благодатию души верных;

Радуйся, утолительнице печалей;

Радуйся, утешение скорбящих;

Радуйся, питательнице алчущих;

Радуйся, нагих одеяние;

Радуйся, земли нашей освящение;

Радуйся, вдов защитительнице;

Радуйся, сирот покровительнице;

Радуйся, бедствующим помощнице;

Радуйся, болящих целительнице;

Радуйся, Мати Божия, Цвете Благоуханный.

икона благоуханный цвет

Кондак 9

Всякое естество ангельское восхваляет Тя, Богородице, у престола Бога Сына Твоего предстоящую и за вся христианы молящуюся. Мы же, людие Твои, молитв действо разумеюще, к чудотворному образу Твоему с любовию притекаем и Богу прилежно вопием: Аллилуиа.

Икос 9

Ветии многовещании недоумевают познати Божественную тайну Твоего Приснодевства, Богородице, ниже могут изъяснити силу чудотворную, от икон святых Твоих проистекающую во исцеление недужных и на всякую пользу душевную и телесную человеком изрядную. Мы же, благочестно Приснодеву Тя исповедающе, достойно хвалим славный, Владычице, иконы Твоея праздник, верно покланяемся образу Твоему святому и с любовию вопием:

Радуйся, благоухание целомудрия нам показавшая;

Радуйся, богоневесто, Свет рождшая божественный и превечный;

Радуйся, Мати и Дево Преблагословенная;

Радуйся, сиянием пречистыя души Твоея всю землю просветившая;

Радуйся, чистотою телесе Твоего вся небеса возвеселившая;

Радуйся, матерей присное радование;

Радуйся, едина Преблагословенная в женах;

Радуйся, ангелов славо, столп и утверждение православия;

Радуйся, небесных непрестанное удивление;

Радуйся, земных всерадостное поклонение;

Радуйся, неувядаемый цвете духовныя чистоты и святости;

Радуйся, заступнице наша всемилостивая ;

Радуйся, Мати Божия, Цвете Благоуханный.

Кондак 10

Спасения залог даровася нам святая и всечестная икона Твоя, ибо издревле и доныне, яко прорекла еси евангелисту Луце, со всяким образом Твоим сила Божия благодатно пребывает, чудесы преславными веру в нас утверждает, недужныя безмездно врачует и на путь спасения души наша приводит; да зовем прославльшему имя Твое во всей вселенней Царю Небесе и земли: Аллилуиа.

Икос 10

Стена необоримая и покров буди нам, о всепетая Мати, сопротив ополчений враг видимых и невидимых, ризою Твоею нас защити от всяких бед и болезней. Сего ради, припадающе к чудотворному образу Твоему, на тебе едину по Бозе надежду спасения возлагаем и зовем Ти сице:

Радуйся, благоуханием молитв Твоих нас осеняющая;

Радуйся, от путей погибельных нас удаляющая;

Радуйся, на всякую истину верных наставляющая;

Радуйся, духа болезни и уныния отгнание;

Радуйся, духа разума и крепости стяжание;

Радуйся, врагов силою Божиею посрамляющая;

Радуйся, советы нечестивых разоряющая;

Радуйся, вся лютыя недуги врачующая;

Радуйся, от смерти духовныя нас избавляющая;

Радуйся, слезами Твоими грехи наша омывающая;

Радуйся, радостию духовною нас дивно насыщающая;

Радуйся, милости неиссякаемый источниче;

Радуйся, Мати Божия, Цвете Благоуханный.

Кондак 11

Пение наше смиренное, от полноты любви и усердия Тебе приносимое, не презри, Чистая, и не отврати от нас лика Твоего, но помози, заступи и помилуй искупленных кровию Сына Твоего, да зовем спасающему нас Тобою Богу: Аллилуйа.

икона благоуханный цвет

Икос 11

Светозарною лучею благодатного упования явися в земли Бессарабии честный образ Твой, именуемый верными «Благоуханный Цвет». Егда же времена смутныя и безбожныя наста в стране нашей, и отступиша мнози от Бога и Церкви Его, верни же в напасти сей сущии, молящиися пред иконою Твоею, Владычице, велие утешение и отраду светлую обретаху, в надежде укрепляемии, яко привременнии дни сии лукавии. Егда же чаяние сие исполнишася, людие с веселием воспеша Ти хвалу сицевую:

Радуйся, Церкви Христовой пресветлое украшение;

Радуйся, православия в стране нашей утверждение;

Радуйся, верных отрадо и всему миру утешение;

Радуйся, неверных вразумление и просвещение;

Радуйся, отчаянных надеждо и всех скорбящих радосте;

Радуйся, печалей наших утоление и болезней наших исцеление;

Радуйся, иноков наставнице и в миру живущим путиводительнице;

Радуйся, всеблагая о нас пред Богом заступнице;

Радуйся, яко молитвами Твоими спасаемся;

Радуйся, яко покровом Твоим от всякой напасти избавляемся;

Радуйся, молитвы наша во благо исполняющая;

Радуйся, скорби наша в радость претворяющая;

Радуйся, Мати Божия, Цвете Благоуханный.

Кондак 12

Благодать Божия, присуще иконе Твоей, Благоуханным Цветом нареченной, влечет к ней всех скорбящих и обремененных, яко не тщетны отходят от сего источника Твоих милостей и щедрот, в скорбех отраду, в напастех защиту и в болезнях цельбу неоскудно обретающе от Чудотворного Образа Твоего, вопиют благих подателю Богу : Аллилуиа.

Икос 12

Поюще чудеса Твоя, Богородице, проповедуем милости , прославляем щедроты Твоя неисчетныя и, припадая к чудотворному образу Твоему, молим Тя, Владычице, лика Своего от страны нашея не отврати и всем приходящим к чудотворному образу и милости от Тебе ожидающим во благое вся прошения исполни, да вси воспоем Ти сице:

Радуйся, благоухание Божиих щедрот и милости;

Радуйся, радосте наша Пресвятая;

Радуйся, Царице наша Преблагая;

Радуйся, купино неопалимая;

Радуйся, лествице небесная;

Радуйся, Царица горних и дольних;

Радуйся, Владычице ангелов и человеков;

Радуйся, Мати Света Невечерняго;

Радуйся, свеще неугасимая;

Радуйся, звездо незаходимая;

Радуйся, сияющая Божественною Славою;

Радуйся, грешных споручнице;

Радуйся, Мати Божия, Цвете Благоуханный.

Кондак 13

О Всепетая Мати, Божественная славо и красото небесе и земли, неисчерпаемое чудес море, заступнице рода христианского и покрове обители нашея. Прими недостойное, от сокрушенного сердца возносимое к Тебе моление; яви нам до конца Твое милосердие: в скорби и напасти не остави нас сирых, и в час смертный Твоим теплым предстательством причастники вечного блаженства сотвори, да спасении Тобою, с лики ангельскими вопием Богу: Аллилуиа.

(Сей кондак читается трижды, затем икос 1 и кондак 1)

Тропарь

К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний,/ не отврати́ Твоя́ рабы́ тщи,// Тя бо и Еди́ну наде́жду и́мамы.

икона благоуханный цвет

Кондак

Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.

Величание

Величаем Тя, Пресвятая Дево, и чтим образ Твой святый, имже болезни наша врачуеши и души наша к Богу возводиши.

Правила моления

Прежде, чем начать молиться, надо мысленно попросить у Господа прощения за свои грехи и простить всех, кто причинил зло. Дурные мысли, беспокойство, негодование на кого-либо закрывают «канал» общения с любым Небесным покровителем, включая Богородицу. Умиротворение в душе и мыслях – это необходимый подготовительный этап, о котором не должен забывать ни один православный верующий.

В храме следует зажечь перед образом свечку, перекреститься, поклониться и начать произносить слова молитвы, глядя прямо на лик Пресвятой Богородицы. По окончании моления снова осеняют себя крестным знамением и кланяются.

икона благоуханный цвет

Чтение акафиста имеет свои особенности. Его читают келейно (в домашних условиях). Акафист полагается читать сорок дней подряд. Для свершения этого духовного подвига надо взять благословение у батюшки. Бросать читать хвалебный гимн нельзя. Длинный текст сложно выучить наизусть, поэтому молятся по акафистнику.

Читают акафист только стоя (за исключением больных и немощных людей). Перед иконой, освященной в храме, зажигают свечу. После утреннего и вечернего правила молебен начинается до слов «Достойно есть…».

В остальные часы акафисту должны предшествовать молитвенные обращения:

  • «Трисвятое»;
  • «Отче наш»;
  • псалом 50;
  • «Символ веры».

После чтения акафиста завершают молебен «Достойно есть…».

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий