Житие и иконография святого Мины, в чем помогает мученик и тексты молитв

Во времена правления нечестивых римских императоров все христиане подвергались гонениям за исповедание своей веры. Святой мученик Мина претерпел пытки и был обезглавлен за то, что отказался поклоняться языческим идолам. После смерти блаженного многие верующие получили исцеление, помолившись у его мощей, и прославили за это Господа. И сегодня к святому христиане обращаются с молитвами, когда сталкиваются с проблемами в своей жизни.

Кто такой святой мученик Мина Котуанский

Мученик Мина Котуанский был родом из Египта. Когда именно он уверовал во Христа, в житии не указано, известно только, что он был воином и служил в Котуанской области, его тысяченачальником был Фирмилиан.

В те времена, когда жил Мина, в Риме одновременно у власти находились два императора — Максимиан и Диоклетиан. Оба правителя отличались нетерпимостью к христианам и отдали приказ своим подчиненным заключать их под стражу и требовать, чтобы они отреклись от своей веры. Тех, кто не соглашался поклониться языческим идолам, сжигали на кострах или бросали на растерзание диким зверям.

Будущий мученик Мина, услышав о таком распоряжении императоров и не желая приносить жертвы языческим божествам, оставил воинскую службу и удалился в пустынное место, предпочитая жить рядом с животными, чем подчиняться римским правителям. Долгое время святой провел в полном одиночестве, скитаясь по горам и проводя все время в молитвах и познании Священного Писания.

Услышав, что в главном городе Котуанской области язычники собрались на пир, совершая жертвоприношения своим божествам, Мина принял решение отправиться туда и засвидетельствовать им об истинном Боге. Придя на место, он стал на возвышении, чтобы его хорошо было видно пирующим, и прокричал стих из Послания к Римлянам. Князь, который устроил этот пир, сильно удивился смелости пришедшего и стал спрашивать, чужестранец он или местный. Нашлись те, кто знал Мину, и они рассказали князю, что раньше он был воином, но потом бросил службу. Не желая прерывать продолжающееся зрелище, Пирр приказал бросить святого в темницу, чтобы позже решить, что с ним делать.

Поутру Мину, по приказу князя, привели на судилище. Разными способами пытались склонить святого к идолопоклонству, угрожая страшными мучениями и обещая богатые дары, однако Мина стоял на своем и не желал уподобляться нечестивым. Даже страшные пытки и избиение не смогли сломить волю мученика и заставить его отречься от Господа. Очень удивился князь, видя, как покорно и смиренно принимает святой мучения и пытки, на что Мина отвечал ему, что Небесные воины дают ему силы перенести все и остаться верным единому Господу.

Поняв, что ему не удастся заставить христианина поклониться языческим идолам, князь отдал приказ умертвить Мину. Его отвели за пределы города и там отрубили ему голову, а тело сожгли на костре. Когда огонь погас, и воины ушли, несколько верующих пришли на место казни, достали из пепла останки мученика, завернули их в ткань и пропитали благовониями. Христиане отнесли мощи святого в Александрию, где и захоронили в укромном месте. Позже на месте погребения Мины возвели церковь в его честь, и многие приходящие туда получали исцеление по молитвам.

В чем помогает святой

К святому мученику Мине Котуанскому обращаются с просьбами об укреплении веры, когда приходят дни испытаний, начинаются гонения на христиан. Также блаженный, по искренним молитвам верующих, посылает исцеления от тяжелых болезней.

Иконография

На иконах Мина Котуанский изображается с мученическим венцом, в левой руке святой держит крест.

Почитание

Днем почитания мученика в православной религии считается 24 ноября.

Тексты молитв

Чтобы помолиться святому в домашних условиях, используют короткие тексты молитв. В храмах в честь мученика читается акафист.

Тропарь

Я́ко Безпло́тным собесе́дника/ и страстоте́рпцем единовсе́льника,/ соше́дшеся ве́рою, Ми́но, восхваля́ем тя,/ ми́ра ми́рови испроси́// и душа́м на́шим ве́лия ми́лости.

Перевод: Как Бесплотных собеседника и поселившегося вместе с мучениками, собравшиеся с верой, Мина, прославляем тебя, мира испроси миру и душам нашим великую милость.

Кондак

Во́инства исхити́ привре́меннаго/ и нетле́ннаго показа́ тя Небе́снаго о́бщника,/ страстоте́рпче Ми́но, Христо́с, Бог наш,// И́же му́чеников нетле́нный вене́ц.

Перевод: Из временного земного воинства изъял и явил тебя частью нетленного Небесного, мученик Мина, Христос, Бог наш, Который для всех мучеников нетленный Венец.

Акафист

Кондак 1

Возбранный чудотворче и в скорбех скорый помощниче, святый великомучениче Мино: хвалебныя песни от сердца приносим ти недостойнии; ты же, яко имеяй дерзновение ко Господу, от всяких бед сохрани зовущия Ти:

Радуйся, Мино, мучениче многострадальный.

Икос 1

Ангел во плоти на земли явился еси, Мино преславне, слово бо Христово душею чистою прием в пустыню, идольскаго нечестия бегая, удалился еси, идеже яко бесплотен Богови послужил еси: мы же чудное житие твое поминающе, с радостию поем Ти:

Радуйся, Церкви Христовы звездо пресветлая;

Радуйся, солнца Правды луче благодатный.

Радуйся, светильниче святый, житием твоим верныя просвещающий;

Радуйся, заповедей Божиих исполнению научающий.

Радуйся, правоверным, благочестия христианскаго образ являющий;

Радуйся, к свету Христову заблудшия наставляющий.

Радуйся, неправомыслящих вразумление;

Радуйся, сребролюбивых сердец исправление.

Радуйся, миром духовным, души наша услаждающий;

Радуйся, в печалех присно нас утешающий.

Радуйся, скорое от бед избавление;

Радуйся, злых помыслов наших отгнание.

Радуйся, Мино, мучениче многострадальный.

Кондак 2

Видяще господство многобожия языческаго, во граде твоем, Мино всеславне, душею праведною томился еси; посреде же тьмы греховныя, яко светило, житием добродетельным сияюще, пел еси непрестанно Господеви: Аллилуиа.

Икос 2

Разум просвещен, заповедей Божиих исполнением имея, страстотерпче Христов, непорочно житие твое, посреде людей беззаконных проводил еси, день и нощь Господеви служаще любовию, мы же укрепльшаго тя Бога славяще от сердца зовем ти сицевая:

Радуйся, упованию христианскому верныя научающий;

Радуйся, козни вражия предстательством твоим разрушающий.

Радуйся, сладостию молитв твоих скорбн наша растворяющий;

Радуйся, в дивнем житии твоем унылыя мужества питием напаяющий.

Радуйся, заповедей Господних блюстителю верный;

Радуйся, благочестия и веры православныя ревнителю твердый.

Радуйся, чтущия тя любовию, покрывающий;

Радуйся, во искушениях, присно нам помогающий.

Радуйся, мира духовнаго мироварнице славная;

Радуйся, сосуде честный, благодатию преисполненный.

Радуйся, токами чудес твоих правоверныя напаяющий;

Радуйся, язвы душ наших, елеем молитв твоих умащающий.

Радуйся, Мино, мучениче многострадальный.

Кондак 3

Силою Божиею наставляем, славу мирскую и честь воинскую, Христа ради оставил еси и в пустынях, и горах Господеви служити изволил еси, яко Ангел непрестанно Богови зовя: Аллилуиа.

Икос 3

Имуще сердце ревностию о славе Божественней распаляемо, со дерзновением пред нечестивым князем предстал еси, многострадальниче Христов, безумие идольское обличающе; он же яростию распаляем и не терпяще слов благодати, из уст твоих исходящих на муки многия предаде тя, мы же поминающе подвиг исповедания твоего с любовию зовем ти таковая:

Радуйся, тернием от рук беззаконных израненный;

Радуйся, исповедания ради огнем опаляемый.

Радуйся, рассечение удов твоих претерпевый;

Радуйся, тело твое иглами острыми исколотое имевый.

Радуйся, млатом во главу люте ударяемый;

Радуйся, многия раны Христа ради приемый.

Радуйся, от трапезы подвиг твоих, мужеством верныя насыщающий;

Радуйся, во искушениях терпению нас научающий.

Радуйся, страданьми твоими многия ко Христу обративый;

Радуйся, мучителей твердостию веры твоея победивый.

Радуйся, в подвизе твоем образ крепости духовныя явивый;

Радуйся, суету идольскаго нечестия посрамивый.

Радуйся, Мино, мучениче многострадальный.

Кондак 4

Бури гонения на Церковь Христову прошедше во дни Константина Великаго, воздвигоша христиане во Александрии церковь в честь славнаго имени твоего, Мино всечестне, идеже и положиша честныя мощи твоя, имже и мы ныне поклоняющеся поем дивному во святых Богу: Аллилуиа.

Икос 4

Слыша о подвизе исповедания твоего, мучениче славне, любовию теплою воспеваем тя и прославляюще дивное терпение твое, со умилением песни приносим ти сицевыя:

Радуйся, нищету нашу верою обогащающий;

Радуйся, милостивое предстательство твое верным являющий.

Радуйся, сокровище мира духовнаго нам открывающий;

Радуйся, грады и веси в них же имя твое почитается, покрывающий.

Радуйся, домов христианских от огненнаго запаления охранителю;

Радуйся, неправедно страждущих утешителю.

Радуйся, путешествующих добрый путеводителю;

Радуйся, в море плавающих безбедное провождение.

Радуйся, от внезапныя смерти верныя избавляющий;

Радуйся, скорбящих предстателю благодатный.

Радуйся, присно в печалех нам помагающий;

Радуйся, молитвами твоими скорби наша на радость прелагающий.

Радуйся, Мино, мучениче многострадальный.

Кондак 5

Боготечною звездою прошел еси житие твое, Мино всехвальне, день и нощь Господеви любовию пламенною работающе; темже и на конец подвигом мученическим веру твою запечатлел еси и венец нетленныя славы от Бога прием, на небесех с лики святых поеши Ему: Аллилуиа.

Икос 5

Видяще скорби и болезни наша, Мино блаженне, о нас, пред Престолом Господним предстоя ходатайствуешь и молитвами присными от многих бед и напастей чтущих имя твое сохраняеши. Темже и ныне к предстательству твоему притекающих сохрани, да выну зовем ти сицевая:

Радуйся, предстательство верных непостыдное;

Радуйся, страждущих изрядный помощниче.

Радуйся, милостивый о нас пред Богом ходатаю;

Радуйся, Закона Божия твердый ревнителю.

Радуйся, молитвы к Богу кадило благовонное;

Радуйся, сосуде избранный Святыя Троицы.

Радуйся, во вражде сущия, молитвами твоими, премиряющий;

Радуйся, правоверныя миром и любовию ограждающий.

Радуйся, праведным житием твоим благочестному жительству научающий;

Радуйся, добрых дел присный споспешниче.

Радуйся, покаяния добрый учителю;

Радуйся, неусыпный о нас молитвенниче.

Радуйся, Мино, мучениче многострадальный.

Кондак 6

Проповедник правды Божия, еврей некий, тобою облагодетельствованный явися, Мино преславне; той бо видев чудо, имже христианина, сокровища его утаити беззаконно восхотевшаго, обличил еси, отвержеся нечестия своего и веру Христову прием, воспе Богу: Аллилуиа.

Икос 6

Возсия в сердце евреянина онаго свет веры христианския, егда чудно возвратил еси, Мино добропобедне, сокровища его, беззаконно христианином, другом его утаенное: предстательством бо твоим зло во благо обратися; еврей убо крещение христианин же греха прощение получиша. Мы же дивное сие премененне поминающе, от сердца глаголем ти:

Радуйся, зло во благо, молитвами твоими, претворяющий;

Радуйся, и злотворящих к покаянию обращающий.

Радуйся, страстьми ослепленных просветителю;

Радуйся, правды Божия твердый ревнителю.

Радуйся, пути неблаги предстательством твоим исправляющий;

Радуйся, стопы наша к пристанищу закона Господня наставляющий.

Радуйся, Церкви Христовы изрядное украшение;

Радуйся, рабов Божиих присное поможение.

Радуйся, неусыпный о нас молитвенниче;

Радуйся, Богоданный в скорбех защитителю.

Радуйся, чудес источниче неоскудеваемый;

Радуйся, чтущих память твою утешителю благодатный.

Радуйся, Мино, мучениче многострадальный.

Кондак 7

Хотяще явити миру источники милости своея неоскудевающия, Христе Боже наш, даровал еси нам предстателей и молитвенников к тебе дерзновенных святых твоих мучеников, иже твердость веры своея, даже до крове пострадавши засвидетельствоваша; В нихже Тя, Единаго Благаго Бога славяще, умильно зовем Тебе: Аллилуиа.

Икос 7

Новаго Завета благодатию Евангельскою сердце твое насыщая, Мино великомучениче, огнем любве Божественныя Господеви всесожжеглся еси и ликом святых мучеников сочетался еси, с ними же Престолу Вседержителя престоя, молися о чтущих верою память твою, ублажающих песньми тя таковыми:

Радуйся, мучениче Господень преславный;

Радуйся, воине Христов добропобедный.

Радуйся, милостивый христианам заступниче;

Радуйся, присный о нас молитвенниче.

Радуйся, недугов наших целителю милосердый;

Радуйся, от напастей многообразных избавителю святый.

Радуйся, в борьбе со страстьми и прилоги вражьими помощниче сильный;

Радуйся, молитвами твоими от падений греховных нас сохраняющий.

Радуйся, сокровищнице Даров Божиих Всебогатая;

Радуйся, чаше, утешение духовнаго преисполненная.

Радуйся, скорби наша молением твоим растворяющий;

Радуйся, любовию к Богу сердца наша запаляющий.

Радуйся, Мино, мучениче многострадальный.

Кондак 8

Странник на земли явился еси, Мино преславне, сердцем чистым Господа выну взыскующе; темже венец мученический прием, житие твое славно скончал еси; ныне же в Царствии Небеснем водворяяся со Ангелы песнь вопиеши Богови: Аллилуиа.

Икос 8

Весь Богови покорився, Мино добропобедне, безвредно море искушения земнаго прошел еси и в пристанище Божественнаго покоя достиг во Обителех Отца Небеснаго водворяешися. Темже и нас, чтущих память твою, у Престола Божия поминай хвалящих песньми тя сицевымн:

Радуйся, образ непорочного служения Богу явивый;

Радуйся, многих к подвигу исповедания укрепивый.

Радуйся, и ныне терпению, житием твоим нас научающий;

Радуйся, коегождо к безропотному несению креста его наставляющий.

Радуйся, нищеты духовныя учителю совершенный;

Радуйся, светом смирения сердца наша просвещающий;

Радуйся, православных христиан изрядный поборниче;

Радуйся, верным людем от напастей и зол ограждение.

Радуйся, присное страждущим поможение;

Радуйся, болящим милостивое исцеление.

Радуйся, страдальче Христов пречестный;

Радуйся, заступниче, от Господа нам дарованный.

Радуйся, Мино, мучениче многострадальный.

Кондак 9

Всякую сладость мирскую от души твоея отринул еси, Мучениче Пребогате, темже и честь воинскую оставив, воин Царя Небеснаго явился еси твердостию веры и мужеством праведным просияв. Ныне же на Небесех, Подвигоположник Христу предстоя, вопиеши со Ангелы: Аллилуиа.

Икос 9

Ветия многовещанныя не возмогут познати силу Христову, еюже яко оружием облеклся еси, Мино преславне, и мучителей беззаконных в терпении твоем победил еси. Мы же сердцем смиренным и душею сокрушенною, подвиг твой восхваляюще, со умилением песни ти зовем таковыя:

Радуйся, неправедно страждущих утешение;

Радуйся, обидящих вседейственное вразумление.

Радуйся, земле благая, плод добродетелей возрастившая;

Радуйся, честными твоими страданьми землю Сирийскую осветивший.

Радуйся, многая преславная чудеса по смерти твоей явивший;

Радуйся, крине святый, посреде идольскаго нечестия процветший.

Радуйся, яко злато в горниле скорбей искусивыйся;

Радуйся, светом правды Евангельския просиявший.

Радуйся, теплыми лучами молитв твоих, притекающия к тебе, согревающий;

Радуйся, от нечаемых зол, чтущия тя покрывающий.

Радуйся, Святыя Горы Афонския похваление;

Радуйся, православным людем присное защищение.

Радуйся, Мино, мучениче многострадальный.

Кондак 10

Спасение дивно даровал еси купцу на поклонение к местным твоим мощем идущему; той бо от сребролюбца беззаконнаго смерть претерпе, тобою же воскрешенный, Богу воспе: Аллилуиа.

Икос 10

Стена и заступник теплый явился еси купцу оному, Мино Святе; того бо за злато убиеннаго воскресив, убийцу неправеднаго обличил еси; мы же чудо сие поминающе умильно поем ти:

Радуйся, чудотворче преславный;

Радуйся, предстателю благодатный.

Радуйся, злотворящих грозное обличение;

Радуйся, чтущих тя, присное защищение.

Радуйся, купца убиеннаго воскресивший;

Радуйся, сребролюбца и убийцу к покаянию обративший.

Радуйся, жертводателей благий споспешниче;

Радуйся, от сердца дающих теплый предстателю.

Радуйся, пред иконою твоею смиренно молящихся скорый послушателю;

Радуйся, от козней лукаваго и людей злых, верным хранителю.

Радуйся, напасти житейския, молением твоим разрушающий;

Радуйся, скорби наша, миром духовным растворяющий.

Радуйся, Мино, мучениче многострадальный.

Кондак 11

Пение похвальное приносим ти, мучениче доброхвальне, устне сердца смиреннаго любовию отверзающе: прославляем дивное житие твое и славим мученическую кончину твою, Богу укрепляющему тя зовя: Аллилуиа.

Икос 11

Светом явления чудесе славнаго, сердце Евтропия, сребролюбием омраченное просветил еси, Святе, той бо блюдо сребряное со именем твоим в дар тебе уготованное помыслив себе оставити, раба возлюбленнаго и блюдо оное, в пучине морстей потопляема узре; но обаче предстательством твоим спасена раба паки восприим, благодарная ти воспе пения; мы же чудо сие восхваляюще, умильно зовем тебе таковая:

Радуйся, сердце Евтропия к покаянию применивший;

Радуйся, того раба в пучине морстей сохранивший.

Радуйся, явлением чудесе твоего печаль в радость претворивший;

Радуйся, слугу вернаго от потопления спасший.

Радуйся, правых сердцем присный споспешниче;

Радуйся, о чтущих имя твое к Богу ходатаю.

Радуйся, от злых напастей нас сохраняющий;

Радуйся, помощь твою, православным людем являющий.

Радуйся, правдивому и честному житию научающий;

Радуйся, благих начинаний исполнению помогающий.

Радуйся, от соблазнов греховных нас ограждающий;

Радуйся, прошения наша во благо, ко спасению исполняющий.

Радуйся, Мино, мучениче многострадальный.

Кондак 12

Благодать милостиваго твоего заступления, Мино преславне, жена некая, именем София, позна, та бо шедши в церковь твою на поклонение, тобою от бесчестия воина беззаконнаго спасшеся, благодарно Богови возопи: Аллилуиа.

Икос 12

Поюще многая чудеса твоя, всехвальне великомучениче, поминаем хромого и немую, иже в церкви твоей усердно молишася; тем бо явився, дивным образом исцелил еси; мы же чудо сие поминающе усердно молим тя: и наша, беззаконьми многими расслабленныя, нози укрепи и устне сердечныя отверзи достойно пети песньми тя сицевыми:

Радуйся, нози расслабленнаго укрепивый;

Радуйся, узы немаго языка разрешивый.

Радуйся, благосердый врачебник многими явивыйся;

Радуйся, неверных множество чудесами преславными к вере приведый;

Радуйся, боголюбцев веселие и похвале;

Радуйся, странных пристанище и утешение.

Радуйся, нищих питателю благодатный;

Радуйся, вдов и сирот заступлениче непостыдный.

Радуйся, правоверным от напастей и зол избавление;

Радуйся, чтущим тя твердое ограждение.

Радуйся, в бедах сущих утешителю благий;

Радуйся, в скорбех житейских помощниче святый.

Радуйся, Мино, мучениче многострадальный.

Кондак 13

О, святый и преславный великомучениче Христов Мино, приими ныне малое сие, от усердия приносимое ти пение, и покрый молитвами твоими притекающих ко святей иконе твоей и любовию почитающих честную память твою, да предстательством твоим выну от злых покрываеми в мире и благочестии прочее время живота нашего поживем, хваляще дивнаго во святых своих Бога, песнь поюще Ангельскую: Аллилуиа.

(Этот кондак читается трижды, затем икос 1 и кондак 1)

Молитва

О, страстоте́рпче святы́й му́чениче Ми́но! Взира́юще на ико́ну твою́ и помина́юще цельбы́, тобо́ю подава́емые всем, с ве́рою и благогове́инством к тебе́ притека́ющих, припа́даем ти и, прекло́нше коле́на серде́ц на́ших, от всея́ души́ на́шея мо́лим тя, бу́ди нам хода́тай пред Го́сподом и Спа́сом на́шим Иису́сом Христо́м о не́мощех на́ших, сопу́тствуй и утеша́й нас во вре́мя скорбе́й на́ших, да́руя нам па́мять о гресе́х на́ших, помога́й в напа́стех и треволне́ниях ми́ра сего́, и во всех бедах, в сей юдо́ли плаче́вней нас постига́ющих. Ами́нь.