Житие святого Юрия Всеволодовича, икона благоверного и тексты молитв

Юрий или Григорий Благоверный – это святой владимирский князь, который был убит войсками татаро-монгольского хана Батыя. Он был причислен к лику святых мучеников во второй половине XVII века. Это произошло после того, как монахи обнаружили святые неистлевшие мощи. Князь при жизни был добросердечным, несмотря на то, что ему пришлось много воевать и убивать людей.

Святой Юрий Всеволодович

В XII-XIII веках на Руси началась кровавая междоусобица. На этот период также приходится появление святых среди княжеского рода. Первыми святыми на Руси стали Борис и Глеб, которые были убиты собственным братом ради престола.

Будущий святой мученик родился в семье великого князя Всеволода Большое Гнездо. Всеволод правил во Владимире, но сумел захватить киевский престол, на котором удерживался на протяжении 35 дней.

Князь был канонизирован Русской Православной церковью через несколько веков после кончины. О нем принято вспоминать как о добросердечном князе, которому выпала нелегкая смерть.

Житие благоверного князя Юрия Всеволодовича

Юрий был третьим сыном в семье великого Всеволода Большое Гнездо. Усобицы пришлись на период правления потомков Мономаха. Отец благоволил третьему сыну, поэтому отдал Владимирский престол именно ему, но обошел при этом старшего сына Константина. Когда отец умер, между братьями наступила настоящая вражда.

Некоторые историки считают, что именно Григорию святому принадлежит решение разрознить земли. Во время борьбы с братьями произошло самое масштабное деление земель со времен начала земли русской.

Наконец, поползли слухи о том, что на Русь собирается хан Батый. Об успехах татаро-монголов уже слышали везде, поэтому угрозу посчитали серьезной. Сначала бежали и были убиты младшие братья. Затем стало ясно, что Батый собирается на Владимир. Тогда правитель выехал из города, чтобы собрать рать. Внутри крепости осталась вся его семья. Стены не спасли никого. Батый ворвался в город, затем сжег его. Семья князя сына Всеволодовича полностью погибла, за что впоследствии получила статус Владимирских мучеников.

Юрий встретил врага на поле боя, но все его войска были разбиты.

Позднее князя нашли с отсеченной головой. Сначала захоронили тело, затем нашли и приложили голову. По сообщениям монахов, голова сразу приросла к телу, что стало первым свидетельством святости князя.

Православная икона святого Юрия

Зимой 1645 года нетленные мощи князя были обретены, затем началось распространение икон с его изображением. Юрия почитали как воина, павшего во время защиты Родины и народа.

Значение иконы Юрия

Образ защитника традиционен для русских православных. Поэтому икона со святым Юрием имеет особое значение. Его просят о том, чтобы получить защиту от врагов, добиться справедливости, помочь близким людям в решении проблем.

День ангела Юрия по церковному православному и католическому календарю

Имя Юрий традиционно переводят, как «созидатель», «землепашец». По церковному календарю о святом поминают 17 февраля.

Традиции празднования именин

Именины часто празднуют так, чтобы напомнить о святом покровителе. Тогда имениннику дарят икону с образом святого, фигурку ангела или духовную литературу. В церкви этот день отмечают подачей записки о здравии или заказом сорокоуста.

Тропарь, кондак и канон благоверному князю Юрию Всеволодовичу

Князю посвящены тексты, которые заказывают на службе во время поминания.

Тропарь

На высоте́ вели́каго княже́ния седя́,/ яви́лся еси́, благоче́стием и ве́рою сия́я оте́честву своему́, я́ко со́лнце;/ по Святе́й Тро́ице ре́вностию разже́гся/ и за ве́ру кре́пко пострада́в, кровь твою́ пролия́л еси́./ Тем и отсе́ченая твоя́ за Христа́ глава́ свиде́тельствует я́ве о тебе́,/ приле́пшая по сме́рти к телеси́ твоему́,/ с не́юже и до днесь нетле́нны пребыва́ют мо́щи твоя́,/ от ни́хже источа́еши исцеле́ния душа́м и телесе́м на́шим./ Но я́ко дерзнове́ние име́я ко Христу́, страстоте́рпче Гео́ргие,/ непреста́нно моли́ держа́ву твою́ и сро́дник твои́х// безвре́дну сохрани́ти моли́твами твои́ми.

Кондак

Христо́ве сме́рти подо́бяся/ и Того́ испи́ти ча́шу возжеле́в, я́ко Живота́,/ за Него́же му́жески подвиза́лся еси́, презре́в земно́е ца́рство,/ от безбо́жных ва́рвар пострада́в до сме́рти,/ Гео́ргие Богому́дре.// Тем моли́, спасти́ся ве́рным лю́дем моли́твами твои́ми.

Канон

Ирмос: Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся, све́тло торжеству́я, и воспою́, ра́дуяся, Тоя́ чудеса́.

Припев: Святый благоверный княже Георгие, моли Бога о нас.

Новоявле́н му́ченик, блаже́нне Гео́ргие, вселе́нней напосле́док яви́ся, те́мже ми́ пода́ждь сло́во твое́ Бо́жиею благода́тию, твоя́ по́двиги воспе́ти по достоя́нию.

Во́инством досточу́дным твоего́ сопротивле́ния побе́дная прия́хом на мучи́теля естеству́: соверше́нне бо посра́млен бы́в, не ктому́ мучи́тельская дерза́ти начина́ет.

Оде́явся во броня́ испове́данием ве́ры и шле́м возложи́в благода́ти светле́йший, и язы́ком же, Гео́ргие, благовеща́нным, я́коже мече́м, ссече́ окая́ннаго Баты́я.

Богородичен: Гора́ превысо́кая, ю́же ви́де Дании́л, ка́мень горы́ отсече́ся, кроме́ ру́к му́жеских, Тебе́ прообразова́, Богоро́дице: без му́жа бо на́м пло́тию родила́ еси́ Емману́ила.

Пе́снь 3

Ирмос: Твоя́ песносло́вцы, Богоро́дице, живы́й и незави́стный Исто́чниче, ли́к Себе́ совоку́пльшия, духо́вно утверди́, в боже́ственней Твое́й сла́ве, венце́в сла́вы сподо́би.

Му́ками, я́ко зла́то честно́е, искуси́лся еси́, страда́льче сла́вне, и Царе́ви си́л прине́слся еси́, всепло́дие словеси́ и́стинно вме́сто огня́ олта́рнаго мече́м истне́емо.

С ва́рваром бра́вся, сего́ победи́л еси́ и, от Христа́ дерзнове́ние прии́м, мно́гу печа́ль бесо́м сотвори́л еси́, святы́м же Ангелом весе́лие и ра́дость, с ни́ми же водворя́ешися.

Ма́слина плодови́тая в Це́ркви Жива́го Бо́га, твои́х моще́й ра́ка ны́не яви́ся, от нея́же прие́млем разли́чная неду́гов исцеле́ния, и́же тобо́ю обога́щшиися и чудесы́ твои́ми крася́щиися.

Богородичен: Рече́ боже́ственный Иезеки́иль: и бу́дет две́рь затворе́на. И сие́ на Тебе́ испо́лнися, Влады́чице: вни́де бо несказа́нно в Тя́ Отчее Сло́во, и ми́ру яви́ся Плотоно́сец из Тебе́, Де́во, сохрани́в Тя́ во обои́х.

Седа́лен, гла́с 8

Прему́дрости рачи́тель бы́в, сокро́вище доброде́телей, отону́дуже и почерпе́ Боже́ственная разуме́ния, те́мже и вре́мени прише́дшу, к подвиго́м усе́рдно подви́гся, прие́мля му́ченическия ра́ны: главе́ усече́ние, и кро́ви истече́ние. И ны́не живе́ши в неизрече́нне све́те с му́ченики. Те́мже вопие́м ти́: моли́ Христа́ Бо́га грехо́в оставле́ние дарова́ти покланя́ющимся ве́рою святы́м моще́м твои́м.

Сла́ва, и ны́не, Богородичен:

Помышля́ю су́д и испыта́ния стра́шная, трепе́щу и ужаса́юся му́к, и огня́ боле́зни, и тму́ же, и та́ртар. Увы́, что́ сотворю́? Сту́д ка́ко претерплю́, егда́ кни́ги разгну́тся, и дея́ния облича́тся? Сего́ ра́ди припа́даю Ти́, Богоро́дице Пречи́стая, тогда́ предста́ни ми́, ну́жды о́ныя изыма́ющи: Тебе́ бо и́мам прибе́жище, Влады́чице.

Пе́снь 4

Ирмос: Седя́й в сла́ве на Престо́ле Божества́ во о́блаце ле́гце, при́иде Иису́с Пребоже́ственный, Нетле́нною Дла́нию и спасе́ зову́щия: сла́ва, Христе́, си́ле Твое́й.

Наступи́в на ва́рварское стремле́ние и попра́в сего́, му́чениче, росо́ю с небе́с Боже́ственно обогати́ся, взыва́я Христу́: сла́ва си́ле Твое́й, Го́споди.

Па́че смы́сла страстоте́рпца Твоего́ любы́ превосхо́дит вся́ помышле́ния, Сло́ве, боре́ния, и му́жественныя по́двиги, и натрижне́ния, я́же по́дал еси́ зако́нно ему́ пострада́ти.

Яко до́бр во́ин, я́ко непобеди́мь му́ченик, я́ко Христо́в храбо́рник и я́ко благоче́стия побо́рник, небе́сная селе́ния насле́довал еси́, лико́м Ангельским всегда́ свеселя́ся.

Богородичен: Изобразова́ше в Чермне́м проше́ствие дре́вле Изра́илево безму́жное Твое́ Рождество́, Всецари́це: я́коже бо о́н тогда́ пре́йде немо́кренно, та́ко и Христо́с безсе́менно от Твои́х пречи́стых крове́й произы́де, Де́во.

Пе́снь 5

Ирмос: Ужасо́шася вся́ческая о Боже́ственней сла́ве Твое́й: Ты́ бо, неискусобра́чная Де́во, име́ла еси́ во утро́бе над все́ми Бо́га, и родила́ еси́ Безле́тнаго Сы́на, все́м, воспева́ющим Тя́, ми́р подава́ющая.

Ра́нам те́ло твое́, вели́кий кня́же Гео́ргие, примеси́ся, и у́зами многообра́зных му́к, мѵ́ро благово́нно те́м источа́ет на́м, благоуха́ющи ду́ши ве́рою несумне́нною тя́ почита́ющим всегда́.

Кропле́нием кро́ве твоея́ погаси́л еси́ у́глие суровства́ Баты́ева, страстоте́рпче, Боже́ственных чуде́с огне́м, прему́дре, ти́ну страстну́ю лю́тых пожига́я, вели́кою благода́тию Спа́совою, Гео́ргие.

Ко́ль стра́шно же и сла́вно о Христе́ сопротивле́ние твое́, Ему́же почуди́шася племена́, обре́тшаяся на по́двизе, и похвали́ша терпе́ние; ва́рвари же посрами́шася, студо́м обле́кшеся.

Богородичен: Горе́ бя́ше, Соприсносу́щен Отцу́ и Бо́гу Бо́г Сло́во и с на́ми Бо́г и Челове́к, Богоро́дице, Тобо́ю сше́д к на́шему смире́нию, свобожда́я от кля́твы пра́дедния. Тебе́ бо ви́де патриа́рх Иа́ков Ле́ствицу небе́сную.

Пе́снь 6

Ирмос: Боже́ственное сие́ и всечестно́е соверша́юще пра́зднество, богому́дрии, Богома́тере, прииди́те, рука́ми воспле́щим, от Нея́ ро́ждшагося Бо́га сла́вим.

Ника́коже поколеба́ столпа́ благоче́стия свире́пство ва́рварское, ниже́ преще́ние Баты́ево, ниже́ ме́чное усече́ние, ни ра́ны, ни сме́рть ну́жнейшая.

Взыгра́шася све́тло му́ченичестии тогда́ ли́кове, ви́девше твое́ дерзнове́ние, и, прини́кше совоку́пленно со Ангелы, неви́димо укрепля́ху тя́ в по́двизе.

Теле́с стра́сти неисце́льныя Бо́жиею благода́тию исцели́л еси́, вели́кий кня́же Гео́ргие, мѵ́ро благоуха́ющее источа́я у́бо твои́м честны́м моще́м прикаса́ющимся.

Богородичен: Обра́зне руно́ Гедео́н прия́т ороше́но, Твое́ предвозвеща́я чу́до: сни́де бо, я́ко до́ждь на руно́, Богоро́дице, Еди́ный от Тро́ицы во утро́бу Твою́, воплоща́емь.

Кондак, глас 8

Христо́ве сме́рти подо́бяся и Того́ испи́ти ча́шу возжеле́в, я́ко Живота́, за Него́же му́жески подвиза́вся, презре́в земно́е ца́рство, от безбо́жных ва́рвар пострада́в до сме́рти, Гео́ргие богому́дре. Те́м моли́, спасти́ся нам моли́твами твои́ми.

Икос

Кто́ изглаго́лет си́лы Госпо́дня? Или́ кто́ испове́сть страда́ния твоя́ и доброде́тели, му́чениче? Или́ ки́й язы́к воспе́ти возмо́жет по досто́инству? Те́мже и а́з, недосто́йный, покуша́юся хвали́ти же и сла́вити Влады́ку Жизнода́вца, да́вшаго тебе́ на ва́рвары де́рзость, злочести́ваго Баты́я не убоя́тися, испове́дающу тебе́ и́стиннаго Бо́га. Сего́ ра́ди тя́ чти́м ве́рою и любо́вию, страстоте́рпче Гео́ргие, те́м моли́ спасти́ся нам моли́твами твои́ми.

Пе́снь 7

Ирмос: Не послужи́ша тва́ри богому́дрии, па́че Созда́вшаго, но, о́гненное преще́ние му́жески попра́вше, ра́довахуся, пою́ще: препе́тый отце́в Госпо́дь и Бо́г, благослове́н еси́.

На ка́мени Боже́ственнаго ра́зума утверди́в се́рдца своего́ стопы́, сла́вне, враго́в же ухищре́ния не преврати́ша тя́, воспева́юща: оте́ц на́ших Бо́же, благослове́н еси́.

Све́т невече́рний страда́вшу кро́вию возсия́ тебе́, и весе́лие я́ве тебе́ прия́т, великому́чениче, воспева́юща: оте́ц на́ших Бо́же, благослове́н еси́.

Истинен му́ченик, и́стиннаго Христа́ Бо́га на́шего страда́лец взыва́ше: муче́ния бо цве́ты благово́ния вменя́ю и кро́вныя струи́ ба́нею креще́ния.

Богородичен: Ри́торствующий язы́к, безгла́сен же и недви́жимь о Тебе́ зри́м, Богора́дованная: не и́мать бо пости́гнути непостижи́маго зача́тия неизрече́нное Рожде́ние.

Пе́снь 8

Ирмос: Отроки благочести́выя в пещи́ Рождество́ Богоро́дичо спасло́ е́сть, тогда́ у́бо образу́емое, ны́не же де́йствуемое, вселе́нную всю́ воздвиза́ет пе́ти Тебе́: Го́спода по́йте, дела́, и превозноси́те Его́ во вся́ ве́ки.

Ублажи́ша тя́ ца́рие, благослови́ша святи́телие, слы́шаще твое́ му́жественное терпе́ние и ко Христу́ хода́тая стяжа́вше тя́, и ны́не, приходя́ще честны́м твои́м моще́м, покланя́ются.

Боже́ственный Гео́ргий источа́ет мѵ́ро благода́ти, повелева́я ве́рным почерпа́ти на просвеще́ние и чистоту́, взыва́я: Го́спода по́йте дела́ и превозноси́те Его́ во ве́ки.

Хваля́ся я́звами Христо́выми, к ве́чным оби́телем восте́кл еси́, от кро́ве твоея́ обагри́в пло́ть, и све́тло Царе́ви си́л предстои́ши, с му́ченики лику́я.

Богородичен: Иса́ии у́гль дре́вле по́слан бы́сть, клеща́ми носи́мь от серафи́ма и, каса́яся тому́, грехи́ оставля́ет. Клеща́ же — Ты́ еси́, Де́во, Боже́ственный у́гль носи́вшая во оставле́ние грехо́в челове́честву.

Песнь 9

Ирмос: Вся́к земноро́дный да взыгра́ется, Ду́хом просвеща́емь, да торжеству́ет же безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, Всеблаже́нная Богоро́дице, Чи́стая Присноде́во.

Во́ин и́стинный Христо́ва пропове́дания бы́л еси́, Гео́ргие, и ле́сти потреби́тель безбо́жия. Те́мже и ны́не моли́твами твои́ми потреби́ ва́рварское воста́ние, нам под но́зе, сла́вне, те́х низложи́.

Аще и отсе́чена бы́сть глава́ твоя́ и кро́вь излия́ся, но прильпе́ ве́рно, и победи́тельная тобо́ю соверши́шася. Те́мже и на на́с востаю́щих си́лою твое́ю посрами́ и яви́ победи́телей.

Лу́к сокруши́ нечести́вых, страстоте́рпче непобеди́ме, непра́ведно дви́жимый на твое́ достоя́ние, е́же себе́ избра́л еси́, возлюби́в, да и мы́ ти́хо препрово́дим жи́тельство.

Богородичен: Его́же проро́цы провозвести́ша вси́ многообра́зне и вопло́щшася на́с ра́ди от Тебе́ ви́дехом, Богоро́дице, Бо́га и Челове́ка соверше́нна, избавля́юща челове́ки от кля́твы пра́дедния Твои́ми моли́твами и ве́чныя му́ки свобожда́юща.

Свети́лен

Све́ту Невече́рнему предстоя́, страстоте́рпче, с му́ченическими ли́ки, воспева́ющия тя́ в па́мяти твое́й от искуше́ния спаса́й моли́твами твои́ми.

Сла́ва, и ны́не, Богородичен:

Незаходи́маго Све́та носи́ло, Присноде́во, просве́щшаго седя́щих во тме́ неве́дения пре́лести, озари́ и на́м, гре́шным, све́т Сы́на Твоего́.