Текст акафиста и молитв Харлампию Магнезийскому, о чем просят святого

Акафист, посвященный Харлампию Магнезийскому, написан через много сотен лет после его кончины. Подвиг старца воспет христианскими священнослужителями, которые посвятили старцу не только канон, акафист, тропарь, кондак, но и сильные молитвы, где каждый христианин может от души поблагодарить святого за его вклад в развитие религии. Преподобный был замучен до смерти в возрасте 113 лет.

Святой Харлампий

Это особая фигура. Сегодня имя Харлампия тесно связывают со священной землей Афона. Именно там нашли упокоение его мощи, которые по сей день помогают верующим. 

Житие святого Харлампия

Харлампий известен как святой епископ, мученик, пострадавший за веру. Святой Харлампий родился в Малой Азии. Это римская провинция, которая носила название Магнисии. «Харлампий» означает «озарение радостью» – это греческий перевод имени, который полостью отражает суть священнослужителя. Мученик жил во времена Септия Севера.

По сопоставлению дат жизни правителя и мученика эксперты выяснили, что на момент смерти Харлампию было 113 лет. Даже несмотря на то, что старцу уже исполнилось более 100 лет, его подвергли ужасным истязаниям. Тело старца избивали железными прутьями, которыми затем срывали с него, живого, кожу.

Если верить жизнеописанию Харлампия, то наблюдавшие за его казнью уверовали. Каждого, кто последовал за Христом, также умучили до смерти. Это были воины и женщины, которые остановились посмотреть на казнь, но после нее стали последовательницами учения Христа Спасителя. Сам старец, как передает предание, сказал своим мучителям слова благодарности. Харлампий обратился со словами: «Спасибо, что обновили мое тело и душу для дальнейшей жизни на небесах».

По преданию, сам правитель города взял инструменты для пыток. Внезапно его предплечье пронзила острая боль так, как будто рассекли мечом. Это было знамением Господа. Затем правитель плюнул в лицо старца. Тогда его голову пронзила огненная боль, которая в ту же секунду ослепила его. После этого мучители сами стали молить об исцелении. На помощь им пришел Харлампий. Он исцелил палачей собственным даром исцеления и обратил к христианской вере.

Но старца уже приговорили к казни. Когда его вели к тому месту, где должна была пасть его голова, он истово молился только о том, чтобы никто из тех, кто живет поблизости, не страдал от голода или болезней. Дочь императора была потрясена смертью старца. После казни она стала православной христианкой, а затем сама взяла на себя хлопоты по захоронению старца.

Харлампий захоронен под стенами монастыря святого Стефана, который находится на территории Греции.

Иконы со святым известны с давних пор, но встречаются довольно редко.  Чаще всего его изображают в облачении, как будто он ведет службу. Старец традиционно держит в руках свиток и Евангелие, что говорит о его приверженности каноническим учениям. Есть несколько иконописных изображений, где старец молится Христу. Помимо фигуры мученика часто изображают рядом образы ангелов. Они как бы передают душу мученика в руки Господа. Это византийское иконописание, которое почти утрачено на сегодняшний день.

Особого внимания традиционно заслуживает икона, которая написана на Святой горе Афон. Она датирована XIX веком. Там хранится частица мощей святого Харлампия, которая привезена с места его захоронения.

Чудеса святого Харлампия

Известно, что после захоронения мощей святого стали происходить различные чудеса. Они начали случаться со второго дня обретения останков. Первая чудодейственная история связана с эпидемией тифа, которая пришлась на 1908 год. Тогда болезнь остановилась после совершения всеобщей молитвы, обращенной к святому лику.

Известен случай, датированный 1897 годом, когда турки хотели захватить раку с мощами и осквернить ее. Сам Господь наслал на турецкие войска эпидемию холеры, предотвратив хищение.

Когда и как молиться святому Харлампию Магнезийскому

Магнезийского епископа афонцы считают одним из самых почитаемых святых. Он занимает второе место по упоминаниям после Девы Марии. Известно, что голова чудотворца до сих пор хранится во дворе храма святого Стефана. Частицы мощей были розданы и размещены по разным православным частям церквей на всей Земле.

Жители Афона считают, что именно мощи уберегали святую землю от эпидемий или вражеских нашествий.

Харлампия традиционно считают покровителем земледельцев.

Кроме того, он помогает в других случаях:

• излечиться от тяжелой болезни;
• избежать смерти или травм;
• защитить дом от вражеского нападения;
• воспользоваться удачей и стать богатым.

Известно, что мученику молятся о том, чтобы укрепить веру и найти в себе силы жить дальше после тяжелого потрясения.

Акафист священномученику Харлампию

Во имя святого мученика, ставшего символом веры, написаны разные православные тексты. Акафист принято читать тогда, когда вспоминают святого. Этот день начинают со службы в его честь.

Кондак 1

Избранному страстотерпцу и угоднику Божию, оросившему землю честною своею кровию и плодородие земли от Бога испросившему, похвальная из глубины души возглашаем пения. Ты же имеяй велие дерзновение ко Господу, от всяких нас бед свободи, зовущих:

Радуйся, священномучениче Харалампие, милосердый наш пред Богом заступниче и предивный чудотворче.

Икос 1

Ангели на небеси радовахуся непорочному житию твоему, священномучениче Харалампие, ты бо последовал еси святым пророком и Апостолом, наставляя люди на путь спасения. Сего ради вопием ти:

Радуйся, великий светильниче Церкве; радуйся, проповедниче правды.

Радуйся, словес жизни вечныя учителю; радуйся, идолослужения обличителю.

Радуйся, имже сатана посрамляется; радуйся, имже вера Христова прославляется.

Радуйся, яко именем Христовым вражию силу низложил еси; радуйся, яко силою Божиею козни бесовския разрушил еси.

Радуйся, священномучениче Харалампие, милосердый наш пред Богом заступниче и предивный чудотворче.

Кондак 2

Видяще житие твое, благочестия и чистоты исполненное, и слышаще пламенную проповедь твою, служителие Господа Иисуса Христа, укреплени бывше в вере и благочестии, возрадовашася, поюще всех Творцу: Аллилуиа.

Икос 2

Разумом, просвещенным от Господа, исполнен быв и долголетия мудростию украшен, не восхотел еси послушати совета Лукиана игемона, еже приступити с жертвами к богом бездушным, и велиих мучений не убоялся еси. Темже вопием ти:

Радуйся, угрозы Лукиана презревый; радуйся, постом и молитвою долголетие стяжавый.

Радуйся, благ невидимых взыскателю; радуйся, креста Христова победный носителю.

Радуйся, мучители твоя возлюбивый; радуйся, сердца их ко Христу обративый.

Радуйся, имже истинная вера утвердися; радуйся, имже прелесть бесовская посрамися.

Радуйся, священномучениче Харалампие, милосердый наш пред Богом заступниче и предивный чудотворче.

Кондак 3

Силою Вышняго укреплен быв, победил еси велия мучения, и стружем ногтьми железными, молился еси ко Господу, исцеляя болезни твоих мучителей и воспевая Богу песнь: Аллилуиа.

Икос 3

Имеяй велию милость Господню, удостоился еси, священномучениче Харалампие, гласа Божия, от облака исходяща, Емуже внемлюще, благоговейно рцем:

Радуйся, светильниче земный; радуйся, в небесныя обители преселивыйся.

Радуйся, собеседниче Ангелом; радуйся, сожителю пророком.

Радуйся, Апостолом сопрестольниче; радуйся, совоинственниче мучеником.

Радуйся, беседы Господни удостоивыйся; радуйся, яко услыша Господь молитвы твоя.

Радуйся, священномучениче Харалампие, милосердый наш пред Богом заступниче и предивный чудотворче.

Кондак 4

Буря велия грады, веси и всяк злак сельный разрушает; горшия бури житейския злобы, неверия и злодеяний человеческих души наша смущают и житие наше мраком покрывают. Но помози нам, преславный священномучениче, почитающим подвиги и страдания твоя и поющим о тебе дивному во святых Своих Богу: Аллилуиа.

Икос 4

Слышав нечестивый царь римский Севир, яко в мучениих неодолен явился еси, исполнися гнева; ты же, долготерпеливе, егда острое железное гвоздие вбито бысть в честное тело твое, ничтоже глаголя вопреки мучителем твоим, вся сия в веселии и радости претерпел еси. Сего ради ублажаем долготерпение твое звании сими:

Радуйся, образе кротости духовныя; радуйся, долготерпением Господу Иисусу Христу подражавый.

Радуйся, яко и безсловесная тварь предивному терпению твоему ужасашеся; радуйся, яко Господь Бог с тобою в мучениих твоих пребыл есть.

Радуйся, множество людей долготерпением твоим приведый ко Господу; радуйся, от Господа прославленный.

Радуйся, исцелений источниче; радуйся, человеком помощниче.

Радуйся, Харалампие, милосердый наш пред Богом заступниче и предивный чудотворче.

Кондак 5

Боготечная звезда был еси жене некоей, яже, видящи страдания твоя и умилившися сердцем, велегласно возгласи: человече Божий, честна есть старость твоя, и Бог с тобою есть, в Негоже веровати имам, поюще Ему: Аллилуиа.

Икос 5

Видя царь Севир во исцелении некоего человека, бесом одержима, чудодейственную силу Христову, в тебе, досточудный священномучениче, обитающую, зело удивися и рече: воистину велик есть Бог христианский! Сего ради и мы, восхваляюще страдания и чудеса твоя, преславный исповедниче Христов, взываем ти радостно:

Радуйся, чудотворче предивный; радуйся, веры поборниче победоносный.

Радуйся, от огненнаго жжения невредим пребывый; радуйся, чудесы твоими неверующия люди светом богопознания озаривый.

Радуйся, житием твоим имя Божие прославивый; радуйся, егоже, яко добраго воина Христова, диавол трепещет.

Радуйся, егоже молитвою недузи врачуются; радуйся, егоже предстательством вернии жизнь вечную наследствуют.

Радуйся, Харалампие, милосердый наш пред Богом заступниче и предивный чудотворче.

Кондак 6

Проповедник мужественный был еси, всехвальный Харалампие, егда глаголал еси цареви: много мя пользуют муки; елико бо тело мое ранами раздробляется, толико радуется во мне дух мой. Внемлюще словесем сим, многое множество людей исповедаху Господа Иисуса Христа и венец мученический прияша, поюще Богу: Аллилуиа.

Икос 6

Возсия Божие всемогущество и явися страшное Божие прещение, егда нечестивии твои мучителие хулы на Христа Господа глаголаша безстудно: земля, яко лист, колебашеся, и слышахуся свыше от облак страшнии гласи, и бяху блистания и громи; молитву же тебе сотворшу, преста Божие страшное прещение. Темже вопием ти:

Радуйся, гордых обличителю; радуйся, нищеты духовныя учителю.

Радуйся, хульников имене Господня низложителю; радуйся, от гнева Господня человеки избавляяй.

Радуйся, блистания и громы небесныя молитвою утишаяй; радуйся, омертвевшия от страха человеки воскресивый.

Радуйся, велие незлобие к мучителем твоим явивый; радуйся, егоже ради Господь Бог возгреме во облацех воздушных.

Радуйся, Харалампие, милосердый наш пред Богом заступниче и предивный чудотворче.

Кондак 7

Хотя спасти чистую душу дщере царевы Галины, той яви тя Господь, о Харалампие, яко Ангела светла, мудра учителя и Апостола веры Христовы. И внемлющи словесем твоим, блаженная Галина умилися сердцем и Богу возгласи: Аллилуиа.

Икос 7

Новаго тя Иосифа показа Господь Бог, егда вразуми тя известити, премудре, сказание бывшаго блаженней Галине соннаго видения. Виде бо множество водное, еже есть дарование Духа Святаго, виде сад велик при водах многих, рай Господень, и в нем виде виноград красен, праведных водворение, и Стража места того, Христа Бога, вземлюща овцу на рамена Своя. Темже зовем ти:

Радуйся, старцев украшение; радуйся, приятелище даров Духа Святаго.

Радуйся, яко с лики ангельскими славословиши Господа; радуйся, яко рай Господень и жизнь вечную стяжал еси.

Радуйся, Пастыреначальника Христа Бога нашего служителю; радуйся, добрый стада Христова пастырю и всего мира молитвенниче.

Радуйся, винограда Господня украшение; радуйся, Церкве Христовы утверждение.

Радуйся, Харалампие, милосердый наш пред Богом заступниче и предивный чудотворче.

Кондак 8

Странствия земнаго течение совершая, не восхотел еси волю нечестивых идолослужителей сотворити и от веры истинныя отступити, но вразумляяй мучители твоя Богомудрыми словесы твоими, страдания за Христа восприял еси лютая, поя Господу Богу песнь победную: Аллилуиа.

Икос 8

Все сердце свое яростию исполнив, вдаде тя царь нечестивый некоей жене вдовице на поругание. Ты же, святе Харалампие, входя в дом ея, восклонился еси на некий при храмине столп, и абие сухий той столп прозябе; тогда жена тая, зело ужаснувшися, к Богу обратися. Мы же во умилении сердца взываем ти:

Радуйся, Харалампие, светильниче всесветлый; радуйся, угодниче Христов, благодатию преисполненный.

Радуйся, яко и самое имя твое чудным житием твоим оправдися; радуйся, вдовиц предстательство и заступление.

Радуйся, учением твоим многия ко Христу приведый; радуйся, сирых надеждо и укрепление.

Радуйся, мучеников красото; радуйся, человеколюбия зерцало.

Радуйся, Харалампие, милосердый наш пред Богом заступниче и предивный чудотворче.

Кондак 9

Все богатство ума твоего, вся благодатныя дары, яже приял еси от Господа Бога, вдал еси, святе Харалампие, на служение человеком, научая всех вере и благочестию, и в час кончины твоея святыя не о себе самем молился еси, но о спасении и благоденствии всех, почитающих святую память твою, да наслаждаются дарований Господа Бога, поюще Ему: Аллилуиа.

Икос 9

Витии многовещаннии не возмогоша воспети достойно величие души твоея и неизреченное твое милосердие, имже дивящеся, мы, недостойнии, в простоте сердца зовем:

Радуйся, светильниче, мрак греховный от людей светом веры отгоняяй; радуйся, венцем мученическим паче звезд небесных блистаяй.

Радуйся, молитвами твоими прозябения хлебов у Христа Бога испрошаяй; радуйся, яко кровь твою честную на землю пролиял еси.

Радуйся, яко тою кровию щедроты Господни нам грешным стяжал еси; радуйся, яко Господь рекл есть тебе: буди глагол твой исцеление болящим.

Радуйся, яко приято бысть Богом моление устен твоих; радуйся, скорбящих благодатное утешение.

Радуйся, Харалампие, милосердый наш пред Богом заступниче и предивный чудотворче.

Кондак 10

Спасти хотя душу твою, ни во чтоже тело твое вменил еси, святый мучениче, и мечному на тя осуждению радовался еси, поя благодеющему Господу Богу: Аллилуиа.

Икос 10

Стена и прибежище бысть ти, великий Харалампие, Господь Бог, явивыйся ти во славе Своей в час блаженныя кончины твоея. Темже зовем ти:

Радуйся, друже Господень; радуйся, яко Господь дает ти, яже просиши.

Радуйся, страшную славу Господню видевый; радуйся, защитниче людей от глада и мора.

Радуйся, тлетворнаго воздуха, погубляющаго плоды земныя, силою Божиею отгонителю; радуйся, трудолюбия учителю.

Радуйся, яко о здравии телес и душ спасении ходатайствуеши; радуйся, яко и о скотех, созданных на потребу человеков, печешися.

Радуйся, Харалампие, милосердый наш пред Богом заступниче и предивный чудотворче.

Кондак 11

Пение умиленное аще и премногое приносим ти, чудотворче, ничтоже творим равно чудесем твоим и многому твоему к нам грешным милосердию, имже дивящеся, Господеви зовем: Аллилуиа.

Икос 11

Светильник путеводителен буди нам, Харалампие, во тьме греховней ходящим, и молися ко Господу, еже отъяти от нас всякое суеверие, просветити наш ум светом евангелия и учений, полезных ко труду земледельца и во всякой вещи, да просветлени умом, во умилении сердца зовем ти:

Радуйся, неизсякаемое миро, на труд человеч излиянное; радуйся, весно Господня благоуханная.

Радуйся, рая Господня древо прекрасное; радуйся, молитву, яко кадило благовонное, Господеви возсылаяй.

Радуйся, дыханием молитвы твоея святыя землю согреваяй; радуйся, предстательством твоим пред Господем росою плоды земныя орошаяй.

Радуйся, земледельцев покровителю; радуйся, жизни их строителю.

Радуйся, Харалампие, милосердый наш пред Богом заступниче и предивный чудотворче.

Кондак 12

Благодать, обещанную ти Господем Богом, еже исполнитися всякому прошению твоему, ведая, — Молю Тя, Господи, — рекл еси, — даждь славу имени Твоему: идеже положены будут моя мощи, да не будет на месте том глад и мор, или тлетворный воздух, погубляяй плоды, но мир в человецех и телесем здравие, и душам спасение, и плодов земных изобилие да будут. О Господи Боже наш! Излий благодать Твою сию и на всех нас, поющих Ти: Аллилуиа.

Икос 12

Поюще твоя чудеса, преславне Харалампие, славим долготерпение, страдания и дивную кончину твою, и чудящеся милосердию твоему, сице зовем ти:

Радуйся, о дождех благовременных пред Господем ходатайствуяй; радуйся, молитвами твоими от бури и града нас сохраняяй.

Радуйся, ты бо просил еси плодородие месту, идеже пострадал еси; радуйся, ты бо молился еси ко Господу, да низпослет Он, Милосердый, на труд земледельца Свое благословение.

Радуйся, страдальче непобедимый и непреодоленный; радуйся, священниче Божий, о всем мире ходатайствуяй.

Радуйся, надеждо всех молящихся тебе; радуйся, земледельцев радость светлая.

Радуйся, Харалампие, милосердый наш пред Богом заступниче и предивный чудотворче.

Кондак 13

О предивный Харалампие, заступниче наш премилосердый! Вонми гласу недостойныя молитвы нашея и молися за ны ко Господу, еже сохранити нас от глада и мора и междоусобныя брани, и на всяк мирный труд человеч низпослати Божие благословение, да во веки воспеваем Ему: Аллилуиа.

Самые сильные молитвы священномученику Харлампию Магнезийскому

Христианский мир живет по своим законам и правилам. Старцу, который прославил свою родину и стал защитником Афона, обращают молитвы с просьбами о помощи. Самыми сильными молитвами принято считать тексты об исцелении, укреплении веры. 

Молитва об укреплении веры

О священная и многострадальная главо, пастырю добрый словесных овец Христовых, священномучениче Христов Харалампие, Магнисийская похвало и славо вселенныя, всемирный светильниче и великий наш заступниче и помощниче в скорбех, бедах и всяких нуждах! Услыши нас грешных, к тебе прибегающих и молящихся, и избави нас от всякаго злаго обстояния. Ты бо приял еси от Господа благодать и силу велику за многия и нуждныя страдания твоя и терпение, еже всюду и во всем нам помогати, и наипаче идеже память твоя почитаема будет бдением, пением и усердным молением. Сицевая благодать дадеся ти, священномучениче Христов, от явльшагося ти Господа Царя славы по твоему испрошению. Егда на мечное тя усечение осудиша, услышал еси превожделенный и сладчайший оный глас, глаголющий тебе: Прииди, Харалампие, друже Мой, многия муки имене ради Моего претерпевый, и проси у Мене, еже хощеши, и Аз дам ти. Ты же, великий светильниче, рекл еси Христу Господу усты своими: Господи мой, велико убо мне есть от Тебе, Света невечерняго, дарование сие. Аще угодно есть величеству Твоему, молю Тя, благоволи даровати ми сицевую милость Свою: да идеже положены будут мощи моя и почитаема будет память страдания моего, не будет на месте том ни глада, ни мора, или тлетворнаго воздуха, погубляющего плоды, но да будет паче на месте оном мир, здравие телесем и душам спасение, изобилие пшеницы, вина, и елеа и умножение скотов, яже на потребу человеком. Ты же паки, угодниче Христов Харалампие многострадальниче, глас Господен услышал еси, вещающий тебе: Буди по прошению твоему, преславный Мой воине. И абие по глаголании сем Господнем предал еси душу свою без мечнаго посечения, и пойде во след Христа Господа со славою многою, Ангелом убо сретающим и провождающим ю до Престола Господня с радостию великою. И тако приял еси венец славы от Божественныя руки Его с лики святых, вечно славящих пресвятое имя Господа. И тамо, во славе небесней пребывая, призри, угодниче Божий, и на нас грешных, молящихся тебе, и воспомяни нас пред Господем, еже даровати нам на потребу велия Его милости в безконечныя веки. Аминь.

Молитва об исцелении

 Пречудный священномучениче Харалампие, страстотерпче непреодоленный, священниче Божий, о всем мире ходатайствуяй! Призри на моление нас, почитающих святую память твою. Испроси нам у Господа Бога прощение грехов наших, да не до конца прогневается на нас Господь: согрешихом бо и недостойни явихомся милосердия Божия. Моли о нас Господа Бога, да низпослет мир на грады и веси наша, да избавит нас от нашествия иноплеменников, междуусобныя брани и всяких раздоров и нестроений! Утверди, священномучениче, веру и благочестие во всех чадех православныя христианския Церкве, и да избавит нас Господь Бог от ересей, расколов и всякаго суеверия. О милосердный мучениче! Молися за ны ко Господу, да сохранит нас от глада и всяких болезней, и да подаст нам изобилие плодов земных, скотов умножение на потребу человеком и вся нам полезная: наипаче же да сподобимся, молитвами твоими, Небеснаго Царствия Христа Бога нашего, Емуже честь и поклонение подобает, со Безначальным его Отцем и Пресвятым Духом, ныне и присно, и во веки веков. Аминь.

Молитва от внезапной смерти или смерти без покаяния

О, священнейшая главо, пастырю добрый словесных овец Христовых, священномучениче Христов Харалампие, великий о нас заступниче в скорбех и бедах и во всех нуждах! Услыши нас, грешных и недостойных раб твоих, молящихся тебе, да твоими всесильными молитвами Всеблагий Господь избавит ны от всякаго злаго обстояния, простит вся согрешения, вольная и невольная, сподобит ны прочая лета жизни нашея скончати в соблюдении заповедей Его и покаянии. Испроси, угодниче Божий, да пребудет благословение Царя Небеснаго над благословенною им Россиею. Ты бо приял еси еще в житии своем от Господа силу всем притекающим к тебе с мольбою подавати потребное, темже и старцы, и возрастнии, и дети приимаху исцеления ради ходатайства твоего, угодниче, пред Престолом Господа. Егда же на мечное тя усечение осудиша, слышал еси превожделенный и сладчайший глас Господа, глаголющ к тебе сицевая: прииди, Харалампие, друже мой, многая ради Имене Моего претерпевый, проси у Мене, чесо хощеши, и дам ти. Ты же, великий светильниче, рекл еси Ему усты своими: Господи, аще угодно Тебе есть, молю Тя, даждь славу Имени Твоему, идеже положены будут моя мощи и память моя имать почитатися, да не будет на месте том глад и мор или тлетворный воздух, погубляющ плоды, но да будет паче на местех тех мир, телесем здравие и душам спасение, изобилие же пшеницы и вина и скотов умножение на потребу человеком. И тако по прошению твоему приял еси от Господа велию благодать. На твоя моления, на тя, священномучениче Христов Харалампие, уповаем, получити велию милость от Господа в безконечный век. Аминь.