Полный текст акафиста и 4 молитвы Стилиану Пафлагонскому, как нужно читать

Несмотря на то, что имя Стилиана Пафлагонского мало известно на территории нашей страны, за помощью к нему обращаются женщины, которые хотят зачать и родить здорового ребенка, а также матери уже рожденных малышей за благословением для своих детей. Молитвы Стилиану Пафлагонскому помогают бездетным парам испытать радость материнства и отцовства, когда даже врачи бессильны помочь. Главное в проведении обряда — верить всем сердцем в силу произносимых текстов.

Сила молитв Стилиану Пафлагонскому

Прежде чем приступать к чтению молитв, обращенных к святому старцу Стилиану, стоит разобраться, почему именно к нему обращаются бездетные пары и родители за благословением для своих детей. Истинный слуга Господа Иисуса Христа свою жизнь посвятил служению людям и Богу, за что и получил от Всевышнего дар исцеления.

Родился будущий святой в Малой Азии, в городе под названием Пафлагон. Произошло это в V веке. Информации о его семье не сохранилось, достоверно известно только то, что с малых лет Стилиан вел богобоязненную жизнь, противостоял дьявольским козням и плотским искушениям. В юношеском возрасте он получил наследство после смерти отца, однако не стал наслаждаться богатством и вести праздную жизнь. Все полученные материальные блага он раздал нищим, святой не хотел, чтобы земные ценности сдерживали и отвлекали его от служения Богу.

Когда пришло подходящее возрасту время, он принял монашеский постриг, чтобы окончательно разорвать связи с мирской жизнью. Это произошло в одном из монастырей Малой Азии. После этого молодой монах стал вести аскетический образ жизни, довольствуясь минимумом пищи и одежды, а все время посвящал молитвам и изучению Священного Писания.

Однако сердце Стилиана желало еще большей близости с Создателем, поэтому он принял решение уйти в пустыню и там проводить время наедине с Господом. Попрощавшись с монашеской братией, он отправился в пещеру, где и проводил немало времени в молитвах. В то время он полностью отказался от вареной пищи, поддерживая свои физические силы исключительно растениями, которые находились неподалеку от пещеры. Стилиан просил особой милости у Бога, и по его молитвам Господь наделил его даром целительства.

Со всех окрестностей к святому старцу устремился поток людей, видя в нем не только целителя, но и духовного учителя, который добрым словом наставит на путь истинный и поможет советом по Слову Божьему. Причем приходили к Стилиану не только взрослые, но и дети, для каждого у святого находилось слово напутствия.

И сегодня к святому обращаются за помощью в зачатии детей семейные пары.

Как правильно молиться святому

В то время, когда жил праведник Стилиан, к его пещере приходили взрослые люди со своими детьми, чтобы получить помощь и поддержку от святого старца. Подойдя к месту обитания Стилиана, родители становились на колени и, горько плача, умоляли старца о заступничестве перед Господом. Стилиан брал младенцев на руки и обращался к Богу с просьбой об исцелении малышей от различных заболеваний. Поскольку старец вел праведную жизнь и имел сильную веру, дети исцелялись, а их родители возносили благодарственные молитвы Создателю.

После смерти святого обращаются к его иконе, произнося слова молитвенных текстов. Сегодня Стилиана просят:

• о рождении здоровеньких детей;
• о зачатии ребенка в том случае, если у кого-то из родителей диагностировано бесплодие, и врачи ничем не могут помочь;
• об исцелении детей от тяжелых заболеваний;
• о защите от злых сил и благословении в повседневных делах.

Обращаясь к святому, не стоит рассчитывать на мгновенный результат, чтобы получить просимое, необходимо придерживаться нескольких простых правил:

• Рекомендуется приобрести икону святого Стилиана Пафлагонского и тексты молитв произносить, глядя на образ преподобного. Такие иконы, как правило, можно приобрести в любой церковной лавке, предварительно стоит освятить образ в православном храме.
• Обращаясь к святому за помощью, необходимо очистить сердце и ум от злых помыслов, зависти и негатива в отношении других людей.
• Самое главное — необходимо верить, что святой обязательно пошлет благословение в свое время, и не отчаиваться, если результата пока нет, таким образом Высшие силы проверяют крепость веры христианина.

Тексты православных молитв

В молитвенных сборниках есть несколько текстов, которые рекомендуется произносить, обращаясь за помощью к святому старцу Стилиану.

О даровании детей

О, свяще́нная главо́, преподо́бне о́тче Стилиа́не! По́двигом до́брым подвиза́вся на земли́, на небесе́х восприя́л еси́ вене́ц пра́вды от Христа́ Бо́га на́шего. Те́мже на тво́й святы́й о́браз взира́юще, о пресла́внем сконча́нии жи́тельства твоего́ ра́дуемся и чти́м святу́ю па́мять твою́. Почита́юще же твое́ ве́лие дерзнове́ние пред Го́сподем, со смире́нием мо́лим тя́, преподо́бне о́тче: воззри́ у́бо благосе́рдым о́ком любве́ твоея́ на на́с, недосто́йных рабо́в твои́х, и потщи́ся богоприя́тным твои́м хода́тайством испроси́ти у Царя́ ца́рствующих и Го́спода госпо́дствующих, да проба́вит вели́кия и бога́тыя ми́лости Своя́ на на́с, гре́шных, да пода́ст на́м ду́х пра́выя ве́ры, ду́х любве́, ми́ра и ра́дости о Ду́се Свя́те, да изба́вит ны́ от вся́ких бе́д и напа́стей, да ниспо́слет вся́ поле́зная ко спасе́нию ду́ш на́ших. Е́й, свя́тче Бо́жий, не посрами́ упова́ния на́шего, е́же на тя́ по Бо́зе и Богоро́дице возлага́ем, но бу́ди на́м помо́щник и покрови́тель во спасе́ние, да сподо́бимся сконча́ти житие́ на́ше в покая́нии и восприи́мем ве́чная блага́я во Ца́рствии Христа́ Бо́га на́шего, и просла́вим человеколю́бие Отца́ и Сы́на и Свята́го Ду́ха, и твое́ свято́е заступле́ние, ны́не и при́сно и во ве́ки веко́в. Ами́нь.

Тропарь

Сто́лп воодушевленный воздержа́ния, сто́лп неколеби́мый Це́ркве, Стилиа́не, соде́лался еси́, блаже́нне. Го́споду от ю́ности вве́рился еси́, обита́лище Ду́ха яви́лся еси́, о́тче преподо́бне, Христа́ Бо́га моли́ дарова́ти на́м ве́лию ми́лость.

Кондак

От утро́бы ма́терния освяти́выйся, я́ко Боже́ственный Самуи́л, богоно́сне, подви́жнически Христа́ Бо́га просла́вил еси́. Те́мже исцеле́ний показа́лся еси́ кла́дязь и предста́тель боже́ственный отроко́в и младе́нцев, Христо́с бо тя́ све́тло сла́вит, Его́же измла́да, Стилиа́не, просла́вил еси́.

Об исцелении детей

В этом случае читается та же молитва, что и о даровании детей:

«О священная главо, преподобне отче Стилиане! Подвигом добрым подвизався на земли, на небесех восприял еси венец правды от Христа Бога нашего. Темже на твой святый образ взирающе, о преславнем скончании жительства твоего радуемся и чтим святую память твою. Почитающе же твое велие дерзновение пред Господем, со смирением молим тя, преподобне отче: воззри убо благосердым оком любве твоея на нас, недостойных рабов твоих, и потщися богоприятным твоим ходатайством испросити у Царя царствующих и Господа господствующих, да пробавит великия и богатыя милости Своя на нас, грешных, да подаст нам дух правыя веры, дух любве, мира и радости о Дусе Святе, да избавит ны от всяких бед и напастей, да ниспослет вся полезная ко спасению душ наших. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да сподобимся скончати житие наше в покаянии и восприимем вечная благая во Царствии Христа Бога нашего, и прославим человеколюбие Отца и Сына и Святого Духа, и твое святое заступление, ныне и присно и во веки веков. Аминь».

Акафист

Кондак 1

Избранный чудотворче и угодниче Христов, скорый помощниче и молитвенниче наш, преподобне отче Стилиане, прославляя прославльшаго тя Господа, похвальная пения приносим ти, чтущии святую память твою. Ты же, предстоя пред Престолом Вседержителя, воздвигни о нас, грешных, многомощныя молитвы твоя, взывающих ти: Радуйся, преподобне отче Стилиане, преславный чудотворче.

Икос 1

Ангелов Творец и всея твари Создатель еще от утробы матерния избра тя, преподобне Стилиане, чудным житием своим на земли прославляти Троицу Святую, по блаженней же кончине твоей учини тя со святыми Ангелы воспевати Ему песнь сладчайшую на небеси. Мы же, таковому Божию благоволению о тебе радуяся, песнословим тя:

Радуйся, Святыя Церкви похвало.

Радуйся, Пафлагонии крепкий столпе.

Радуйся, добраго воспитания цвете благоуханный.

Радуйся, Божественнаго избрания сосуде благословенный.

Радуйся, Господа от юности возлюбивый.

Радуйся, веру и любовь в сердце своем возрастивый.

Радуйся, целомудрие души своея сохранивый.

Радуйся, смирение великое стяжавый.

Радуйся, пустыни великий молитвенниче.

Радуйся, благодатный иноков путевождю и наставниче.

Радуйся, отче Стилиане, преславный чудотворче.

Кондак 2

Видя чистоту сердца твого, отче Стилиане, Всевидец Господь исполни душу твою благодати Своея и освяти ю в сосуд Духа Святаго, да видящии тя восхвалят Бога Вседержителя и, вземши на рамо кийждо крест свой, во след Ему грядет, воспевая: Аллилуиа.

Икос 2

Разумом, просвещенным от Господа, исполнен быв, преподобне, не попустил еси страстем в души твоей воцаритися, силою Божиею вся хитрости тленнаго и временнаго жития отражая. Темже, усердие твое похваляюще, вопием ти:

Радуйся, земли Пафлагонския похвало.

Радуйся, Церкви Христовы зерцало.

Радуйся, на земли, яко на небеси поживый.

Радуйся, невозвратно за Господом последовавый.

Радуйся, молитвы, поста и воздержания хранителю.

Радуйся, истиннаго богопочитания насадителю.

Радуйся, смирением мир души своея стяжавый.

Радуйся, тленная и временная мира сего презревый.

Радуйся, от Господа дар чудотворения получивый.

Радуйся, врага злокозненнаго низложивый.

Радуйся, отче Стилиане, преславный чудотворче.

Кондак 3

Силою Божественныя любве, еюже исполнено бысть сердце твое, укрепляемый, святе Стилиане, вся имения твоя нищей братии раздал еси и, ко братии иночестей сопричтенный, сладце воспевал еси Богу: Аллилуиа.

Икос 3

Имея в сердце своем желание велие к непрестанному восхождению лествицею духовною и уединение возлюбив, братию свою оставил еси, подвижниче многотрудный, и в пещеру преселився, дни и нощи в славословии Бога пребывал еси. Таковому твоему дерзновению дивящеся, восхваляем тя:

Радуйся, Господа всем сердцем возлюбивый.

Радуйся, Царствия Небеснаго взыскавый.

Радуйся, мудре ко спасению стопы своя направивый.

Радуйся, Бога добродетельным житием прославивый.

Радуйся, великих дарований вместилише.

Радуйся, трезвения и воздержания хранилище.

Радуйся, яко житию безплотных поревновал еси.

Радуйся, яко подвигом древних отцев пустынножителей подражал еси.

Радуйся, Божественною благодатию сердца молящихся тебе напаяяй.

Радуйся, благодатныя исцеления детем малым источаяй.

Радуйся, отче Стилиане, преславный чудотворче.

Кондак 4

Бурю помыслов и страстей безбедно претерпел еси, отче преподобне, и пристанище тихое Христа обрел еси, Емуже во мнозе долготерпении неленостно работая воспевал еси: Аллилуиа.

Икос 4

Слышавше о богоугоднем житии твоем, отче Стилиане, многия страждущия и немощныя к пещере твоей прихождаху и, наставлением твоим внимая, в истинней вере укрепляхуся, в печалех утешение обретаху и во гресех слезное покаяние приношаху. Сего ради ублажаем тя:

Радуйся, светильниче присногорящий, путь спасения освещаяй.

Радуйся, крине пустынный, святостию благоухаяй.

Радуйся, рабе Господень, благий и верный.

Радуйся, небесными даровании обогащенный.

Радуйся, яко пред Престолом Царя Небеснаго предстоиши.

Радуйся, яко Богу молитвы о нас приносиши.

Радуйся, Господа кроткий и смиренный служителю.

Радуйся, заповедей Божиих ревностный исполнителю.

Радуйся, яко милосердие Отца Небеснаго к нам приклоняеши.

Радуйся, яко любовию к Богу сердца наша исполняеши.

Радуйся, отче Стилиане, преславный чудотворче.

Кондак 5

Боготечней звезде уподобился еси, преподобне отче, светом благочестиваго жития твоего пустыню освящая и вся приходящия к тебе учением Христовым просвещая и веровати во Единаго истиннаго Бога научая, да купно с тобою воспевают: Аллилуиа.

Икос 5

Видевше, яко чада малыя незлобиви суть, и словесем Евангельским внимая: «Аминь глаголю вам, аще не обратитеся и будете яко дети, не внидете в Царство Небесное», веру таковую стяжал еси, преподобне отче, и благодать от Господа молитися о чадех восприял еси. Мы же, воспевая величия Божия, на тебе явленная, глаголем ти сице:

Радуйся, младенцев благостный попечителю.

Радуйся, матерей болезнующих о чадех своих утешителю.

Радуйся, возложением рук немощи младенцев исцелявый.

Радуйся, веру чистую и искреннюю в себе стяжавый.

Радуйся, яко чадом малым покровительствуеши.

Радуйся, яко за безчадных родителей о даровании им чад Бога умоляеши.

Радуйся, душевныя и телесныя недуги исцеляяй.

Радуйся, ко благочестивому житию побуждаяй.

Радуйся, теплый наш молитвенниче.

Радуйся, милостивый наш заступниче.

Радуйся, отче Стилиане, преславный чудотворче.

Кондак 6

Проповедником евангельския кротости был еси, преподобне отче, образом жития твоего всем показуя, яко вся возможна человеку о укрепляющем Бозе, Егоже благодатию и наша сердца во истинней вере укрепи и буди нам скорый помощник и теплый молитвенник, вопиющим о тебе Богу: Аллилуиа.

Икос 6

Возсиял еси яко светильник, на свещнице церковней поставленный, святе Стилиане, да вси видящии многая чудеса исцелений тобою творимая и присно являемая, восхвалят Бога, дивнаго во святых Своих, тебе же воспоют сицевая:

Радуйся, равноангельный слуго Господень.

Радуйся, обиталище Духа Святаго.

Радуйся, благочестием себе украсивый.

Радуйся, в сосуд благоуханный душу твою обративый.

Радуйся, яко на земли имя твое прославляется.

Радуйся, яко сладостию небесною наслаждаешися.

Радуйся, жажду духовную утоливый.

Радуйся, на небесех обитель себе сотворивый.

Радуйся, яко со Ангелы Господа воспеваеши.

Радуйся, яко в лице преподобных пребываеши.

Радуйся, отче Стилиане, преславный чудотворче.

Кондак 7

Хотя явити миру новаго источника милости Своея неоскудевающия, Христе Боже наш, даровал еси нам предстателя и молитвенника к Тебе дерзновеннаго – преподобнаго Стилиана, да Тя, Всеблагаго Бога нашего славяще, во умилении сердечнем зовем: Аллилуиа.

Икос 7

Новаго ходатая и заступника имамы тя пред Богом, блаженне Стилиане, ты бо душею кроткою и милостивою непрестанно молишися Господеви, о еже ниспослати благодатную помощь всем людем, славящим Его, Всеблагаго Отца нашего Небеснаго, и вопиющим ти сице:

Радуйся, ароматы райскими благоухаяй.

Радуйся, неисчерпаемый источниче исцелений.

Радуйся, усердный о нас молитвенниче.

Радуйся, обидимых крепкий заступниче.

Радуйся, добродетельнаго жития учителю.

Радуйся, немощных искусный целителю.

Радуйся, в любви к Богу пламеневый.

Радуйся, небесных благ возжелевый.

Радуйся, праведности нас научаяй.

Радуйся, любити Бога и ближняго своего нас наставляяй.

Радуйся, отче Стилиане, преславный чудотворче.

Кондак 8

Странника и пришельца помышлял еси себе быти в мире сем, преблаженне отче, отечествия горняго взыскуя и Небеснаго Иерусалима гражданином быти желая, в немже ныне сладце воспеваеши Богу песнь: Аллилуиа.

Икос 8

Весь распалился еси любовию к Сладчайшему Иисусу, преподобне отче, дни и нощи в молитве и подвигах пребывая и, Духа Святаго исполнився, всему миру молитвенник изряден показался еси, реки чудес источаяй. Сего ради, почитая святую память твою, во умилении зовем:

Радуйся, на помощь тя призывающих спасаяй.

Радуйся, недужных и страждущих исцеляяй.

Радуйся, вражиих стрел прогонителю.

Радуйся, диавольских наветов разорителю.

Радуйся, яко Ангелы труды твоими возвеселил еси.

Радуйся, яко диавола подвигами твоими посрамил еси.

Радуйся, непоколебимый столпе иночествующих.

Радуйся, милостивый покровителю в супружестве живущих.

Радуйся, присный о нас к Богу молитвенниче.

Радуйся, в бедах скорый наш заступниче.

Радуйся, отче Стилиане, преславный чудотворче.

Кондак 9

Всякое естество удивил еси, предивне отче, единаго бо Бога возлюбив, в пустыни взыскал еси Того равноангельным житием твоим, ныне же на небесех блаженства райскаго наслаждаешися и воспеваеши Пресвятей Троице: Аллилуиа.

Икос 9

Ветия многовещанныя не могут по достоянию воспети вся подвиги и труды твоя, преподобне отче, во славу Господа тобою творимыя. Мы же, душами умиляяся, богоугодное житие твое восхваляем пении таковыми:

Радуйся, истинному служению Богу нас научаяй.

Радуйся, сердца наша радости исполняяй.

Радуйся, яко безропотному несению креста нас научаеши.

Радуйся, яко недуги наша душевныя и телесныя исцеляеши.

Радуйся, благочестия водами жаждущия спасения напоивый.

Радуйся, светом Богопознания верныя просветивый.

Радуйся, во бранех со страстьми помощниче.

Радуйся, младенцев от недугов защитниче.

Радуйся, лампадо любве неугасимая.

Радуйся, лествице на небеса возводящая.

Радуйся, отче Стилиане, преславный чудотворче.

Кондак 10

Спастися хотящии от различных напастей, бед и скорбей, тебе, преподобне отче, предстателя крепкаго и поборника непостыднаго имеют: приял бо еси от Бога благодать во всяких бедах заступати призывающия на помощь имя твое, да молитвами твоими ограждаеми, благодарно воспеваем о тебе Спасителю нашему: Аллилуиа.

Икос 10

Стена твердая и ограждение крепкое явился еси миру, преподобне отче Стилиане, ходатайством бо твоим Церковь Святая укрепляется, мир водворяется и вся во благо устрояется. Сего ради приими от нас сицевая:

Радуйся, от пагубных ересей отвращаяй.

Радуйся, очи наша душевныя просвещаяй.

Радуйся, яко благодатию Божиею сердца наша укрепляеши.

Радуйся, яко о прощении грехов наших Господа умоляеши.

Радуйся, спасению душ наших пособствуяй.

Радуйся, на путь праведный нас направляяй.

Радуйся, от козней вражиих защитниче.

Радуйся, на Страшнем Суде заступниче.

Радуйся, щедрот Божиих милостивый подателю.

Радуйся, у Престола Вседержителя предстателю.

Радуйся, отче Стилиане, преславный чудотворче.

Кондак 11

Песнь хвалебную приносим ти, преблаженне отче, почитающии святую память твою, ты же усердно моли Святую Троицу о еже избавитися нам от падений греховных и жизнь вечную наследовати, да непрестанно зовем Богу: Аллилуиа.

Икос 11

Светозарный светильник, от Истиннаго Света озаряемый, сущим на земли являешися, преподобне отче Стилиане, сердца бо верных просвещаеши и к разуму Божественному вся наставляеши, да со умилением зовут ти сицевая:

Радуйся, на земли яко Ангел поживый.

Радуйся, на небеси со святыми пребываяй.

Радуйся, Господу житием своим угодивый.

Радуйся, последователем стопам Его себе показавый.

Радуйся, яко венец безсмертия от Бога приял еси.

Радуйся, яко райское блаженство со святыми унаследовал еси.

Радуйся, во бдении пребывати нас наставляяй.

Радуйся, молитвенно нас покрываяй.

Радуйся, в тяжких обстояниих наш помощниче.

Радуйся, сирых и немощных заступниче.

Радуйся, отче Стилиане, преславный чудотворче.

Кондак 12

Благодать данную ти от Господа вемы, преподобне отче, во еже не токмо недужныя младенцы исцеляти и заступником и покровителем им быти, обаче и всему христианскому роду милости своя низпосылати; веруем, яко и по смерти вся сия твориши всем, с верою к чудотворным иконам твоим припадающим, Богу же о тебе вопиющим: Аллилуиа.

Икос 12

Поюще славное житие твое и о блаженнем отшествии твоем на небеса радующеся, пречудне отче Стилиане, ублажаем тя, яко угодника Божия и дивнаго чудотворца. Ты же, Богу предстоя, присно поминай нас, совершающих любовию память твою и со умилением зовущих ти таковая:

Радуйся, житие твое благочестиво скончавый.

Радуйся, в радость Господа твоего вшедый.

Радуйся, Горняго Иерусалима честнейший гражданине.

Радуйся, райских обителей достойный обитателю.

Радуйся, чтущих тя благодатный наставниче.

Радуйся, притекающих к тебе благостный покровителю.

Радуйся, младенцев целителю.

Радуйся, юных наставниче.

Радуйся, всех призывающих тя милуяй и питаяй.

Радуйся, и по кончине твоей исцеления обильно источаяй.

Радуйся, отче Стилиане, преславный чудотворче.

Кондак 13

О всехвальный и предивный угодниче Христов, преподобне отче Стилиане! Приими сие малое моление, от усердия нашего в похвалу тебе приносимое, и покрый молитвами твоими всех притекающих к тебе с верою и любовию, да покаяние наше приимше, Господь и Бог наш простит нам вся грехи наша и сопричастники Царствия Своего соделает, да выну с тобою и со всеми святыми воспеваем Ему: Аллилуиа.

(Этот кондак читается трижды, затем икос 1 и кондак 1)

Правила чтения

Чтобы получить ожидаемое, молитвенный ритуал необходимо правильно проводить. Если текст короткий, то стоит выучить молитву на память, чтобы не отвлекаться на чтение по бумажке. Произносить слова рекомендуется медленно и благоговейно, вникая в смысл сказанного.