Житие святого Игнатия Богоносца и о чем просят перед иконой, тексты молитв

История сохранила подробности подвига раннехристианских святых, но мало сведений об их жизни. Спустя 70-100 лет после рождения Иисуса Христа появились сомневающиеся в фактах, изложенных в Священном Писании. В христианстве начинается борьба с еретическими учениями. Особая роль в сохранении догматов веры принадлежит апологетам учения Христа. Игнатию Богоносцу выпала роль одним из первых вступить на «тропу войны» с еретиками.

Поиск молитв на все случаи жизни

Житие святого Игнатия

Об Игнатии, как о большинстве раннехристианских святых, известно немного. Историки предполагают, что он был сирийцем по происхождению. Предполагается, что событие, описанное в Евангелии, где Иисус взял на руки мальчика, касается Игнатия.

Игнатий сам назвал себя Богоносцем, поясняя, что Христос всегда в его сердце. Он был учеником апостолов Иоанна Богослова и Петра. В течение 40 лет (до 107 года) возглавлял Антиохийскую церковь в Дамаске. Игнатию было открыто стать свидетелем небесного богослужения и услышать хор ангелов.

Услышанная им манера хорового пения стала применяться в сирийских храмах, откуда распространилась по остальным христианским церквам. Правители Римской империи, увидев, что новая религия вытесняет язычество, начали гонения на последователей учения Христа. Император Траян во время военного похода оказался в Антиохии, где ему донесли об епископе Антиохийской церкви.

Игнатий сам явился к Траяну, чтобы увещевать его не преследовать местных христиан. На предложение императора сделать жертвы языческим богам, святитель ответил отказом. Траян приказал отправить проповедника христианства в Рим и отдать на растерзание диким зверям в Колизее на глазах у тысяч зрителей.

По дороге в Рим Игнатий написал семь посланий, сохранившихся до настоящего времени. Он не испугался страшного вердикта. Напротив, желал принять мученическую смерть, чтобы уподобиться Спасителю и апостолам. Святой обращался к христианам, чтобы они не скорбели о его смерти, а молились, чтобы Бог дал ему силы выдержать испытание.

Римляне-христиане отговаривали горожан присутствовать во время казни Игнатия. Но зрители, желающие увидеть, как львы растерзают праведника, заполнили трибуны Колизея. 20 декабря 107 года святой шел по арене, повторяя про себя имя Господа. Дикие звери растерзали священномученика, но его сердце оказалось нетронутым.

Траян был поражен мужеством святого Игнатия, силой его духа и верой в Бога. Смерть Игнатия положила конец гонениям на христиан. Христиане почитают память Игнатия Богоносца 2 января/20 декабря (день смерти) и 11 февраля/29 декабря (перенесения мощей).

Значение и почитание в православии

Игнатий был первым нееврейским автором, продолжившим апостольское служение в разъяснении сути христианского учения. Святитель лично знал многих апостолов, общался с ними и проникся христианским вероучением в том виде, как понимали его первые ученики Спасителя.

Вместе с тем, он был свидетелем возникновения христианских общин и появления первых ересей, по-своему толкующих Священное Писание. Игнатий был яростным противником докетов и евионитов (еретических течений в христианстве).

игнатий богоносец

Докеты не признавали, что Иисус Христос был живым человеком (Боговоплощение). Они отстаивали точку зрения, что Спаситель не существовал на самом деле, его страдания были иллюзорны. Бог, по их представлениям, был неограниченным и всесущим в пространстве и времени.

В первые годы христианства, пока были живы апостолы, таких сомнений не возникало. Но в дальнейшем богословы стали по-разному истолковывать значение слова «Сын Божий». Разногласия вызывал факт рождения от женщины и связь с «Отцом» и «Духом Святым».

Евиониты, напротив, видели в Иисусе только высшего смертного человека, отрицая его связь с Богом.

Святой первый ввел термин «кафолистичности» церкви, что является синонимом слова «вселенской». Это означает, что каждая местная церковь воплощает в себе суть всеобщей Церкви. Без этого невозможно говорить о спасении души. Представителем Бога на земле является епископ, которому должны в вопросах веры подчиняться христиане.

Творческое наследие

Святитель незадолго до казни написал 7 посланий, о значении которых богословы спорят, начиная с XVI века. В первых шести письмах Игнатий Богоносец объясняет, что для христиан главное – добиться внутреннего и внешнего (духовного и плотского) слияния с Иисусом Христом.

Эти послания были отправлены:

  • ефесянам;
  • магнезийцам;
  • траллийцам;
  • смирнянам;
  • филадельфийцам;
  • Поликарпу.

Духовная общность с Богом означает для христиан веру в Господа и любовь. Единые ценности связывают верующих не только со Спасителем, но и друг с другом. Внешнее объединение с Богом осуществляется через епископа, который есть отражение Господа на земле и которому надлежит выполнять роль пастыря.

В последних наставлениях Игнатий поясняет суть еретических учений докетов и евионитов и приводит свои доводы для укрепления веры в Спасителя:

  1. Иисус Христос есть Богочеловек, соединивший в себе Божеское и человеческое естество. Господь воплотился в человека через рождение, жил, как человек, крестился и был казнен.
  2. Иисус Христос до вочеловечения пребывал с Отцом, Он есть его Слово.

В седьмом послании, адресованном римлянам, Игнатий просит не препятствовать его мученическому подвигу.

игнатий богоносец

Местоположение мощей

Останки святого перенесли из Рима в Антиохию. Спустя 4 столетия вернули в Рим.

Иконография

Священномученик Игнатий изображается на иконах в епископском одеянии со Священным Писанием в руках или с двумя набросившимися на него львами.

Православные тексты

В молитвенных обращениях прославляют святителя Игнатия и просят дать такую же силу веры и духа.

Тропарь

И нравом причастник, / и престолом наместник апостолом быв, / деяние обрел еси, Богодохновенне, / в видения восход, / сего ради слово истины исправляя, / и веры ради пострадал еси даже до крове, / священномучениче Игнатие. / Моли Христа Бога // спастися душам нашим.

Кондак

Светлых подвиг твоих светоносный день / предпроповедует всем в вертепе Рожденнаго: Сего бо жаждая от любве насладитися, / потщался еси от зверей снеден быти, / сего ради и Богоносец нареклся еси, // Игнатие всемудре.

Величание

От востока днесь возсиял еси, и тварь всю просветивый ученьми, мученичеством украсися, богоносный и божественный Игнатие.

Акафист

Тропарь, глас 4

Апостольских нравов подражателю и престола их снаследниче, архиереев удобрение и мучеников славо, Богодухновенне, на огнь, и меч, и звери дерзнул еси веры ради и, слово истины исправляя, до крове пострадал еси, священномучениче Игнатие, моли Христа Бога спастися душам нашим.

игнатий богоносец

Кондак, глас 3

Светлых подвиг твоих светоносный день предпроповедует всем в вертепе Рожденнаго: Сего бо жаждая от любве насладитися, потщался еси от зверей снеден быти, сего ради и Богоносец нареклся еси, Игнатие всемудре.

Кондак 1

Избранный страстотерпче и избранниче Христов, святителю Игнатие, похвальная приносим ти пения. Ты же, предстояй со Ангелы у Престола Всевышняго, не престай молитися о нас, усердно вопиюших ти: Радуйся, Богоносный Игнатие, великий и преславный страстотерпче.

Икос 1

Ангелом уподобился еси, егда Господь, прием тя на Свои пречистыя руце, постави тя посреде ученик Своих, и возложь руку Свою на твою главу, рече им: «Аще не обратитеся и будите яко дети, не внидите в Царствие Божие». Сего ради, преклоньше колена, вопием ти:

Радуйся, Богом носимый.

Радуйся, яко Бога выну в сердце своем имел еси.

Радуйся, рабе благий и верный.

Радуйся, мужу желаний.

Радуйся, яко от юности Христа всем сердцем возлюбил еси.

Радуйся, яко всецело Ему предался еси.

Радуйся, Богоносный Игнатие, великий и преславный страстотерпче.

Кондак 2

Видяще благочестное житие святаго Иоанна Богослова, учителя твоего, желанием возжелал еси вкупе с ним послужити Господу, проповедуя святое Евангелие людем, седящим во тьме и сени смертней, и научая их пети Единому Истинному Богу: Аллилуиа.

игнатий богоносец

Икос 2

Разумев духом, яко Ангели на Небеси славят Бога во Святей Троице, Творца Неба и земли, друг ко другу взывающе: Свят, Свят, Свят Господь Саваоф, ты и в земной Церкви уставил еси такожде пети. Сего ради, со умилением взываем ти:

Радуйся, Церкви Божией столпе и утверждение.

Радуйся, светильниче Православия.

Радуйся, яко был еси епископом Церкви, идеже первее имя христиан наречеся.

Радуйся, яко от Апостолов Первоверховных рукоположение прияти сподобился еси.

Радуйся, яко удостоился еси зрети святыя Ангелы, славящия Бога.

Радуйся, яко ныне и сам со Ангелы славиши Господа.

Радуйся, Богоносный Игнатие, великий и преславный страстотерпче.

Кондак 3

Сила Вышняго укрепи тя, святый Игнатие, егда представ Траяну, не убоялся еси прещения царева, но мужественно исповедал еси Христа Бога быти истинна, и нечестие языческое посрамил еси, верныя же научил еси Богу воспевати: Аллилуиа.

Икос 3

Имея благодать от Господа просвещати люди Божия, ты наставлял еси я к разуму Божественному словом, паче же житием, образ быв любовию, духом, верою, чистотою и смирением. Сего ради воспеваем ти:

Радуйся, яко имя Божие пронесл еси пред цари и языки.

Радуйся, яко добре упасл еси паству твою.

Радуйся, смирением стяжавый высокая.

Радуйся, нищетою приобретый богатая.

Радуйся, апостольских преданий хранителю.

Радуйся, Церкви Божией верный страже и мудрый строителю.

Радуйся, Богоносный Игнатие, великий и преславный страстотерпче.

Кондак 4

Бурю злобы имея в сердце своем Траян, призвав тя, с гневом вопроси: «Ты ли еси Богоносец? Почто люди моя развращаеши?» Ты же отвещал еси: «Аз есмь Богоносец, но люди твоя не развращаю, а спасаю». Кто не ублажит сие твое исповедание веры? Мы же, величающе тя, Богу воспеваем: Аллилуиа.

игнатий богоносец

Икос 4

Слышавше людие вернии твое исповедание, славяху Бога, Траян же, скрежеща зубы своими, паки вопроси тя: «Почто зовешися Богоносец?» Ты же рекл еси: «Яко Бога моего в сердце своем ношу». Сего ради воспеваем тя сице:

Радуйся, верный воине Царя Небеснаго.

Радуйся, поборниче веры непобедимый.

Радуйся, пастырю добрый.

Радуйся, молитвенниче о душах наших.

Радуйся, яко Божественным Духом просвещен, свирепство мучителя пастырским дерзновением посрамил еси.

Радуйся, яко наставляя стадо Христово, многих светом Богоразумия просветил еси.

Радуйся, Богоносный Игнатие, великий и преславный страстотерпче.

Кондак 5

Вся красная мира в уметы вменяя, да Христа приобрящеши, «Кто ны разлучит от любве Божия», — вопиял еси, Игнатие, — «Сладка мне скорбь, любезны узы за Желаемаго, гонения ми сладша паче отечества, болезни — паче здравия телеснаго». Мы же, славную память твою чтуще, поем Богу: Аллилуиа.

Икос 5

Видя тя исповедника веры Христовы непобедима, осуди тя безбожный Траян на смерть: ты же, радуяся, возопил еси: «Сладка мне смерть, мне еже жити — Христос, и еже умрети — приобретение есть: к Нему иду, Того люблю, Того получити надеюся». Сего ради ублажаем тя, святый Игнатие, сице:

Радуйся, желание имевый разрешитися и со Христом быти.

Радуйся, жертва Богу чиста.

Радуйся, подражателю Христовых страстей.

Радуйся, яко Христови сораспялся еси.

Радуйся, яко кровь за Христа излиял еси.

Радуйся, яко кровию своею святительскую одежду украсил еси.

Радуйся, Богоносный Игнатие, великий и преславный страстотерпче.

Кондак 6

Проповедник терпения, Богоносный Игнатие, явился еси, егда с радостию услышал еси осуждение свое на растерзание лютыми зверьми. Ублажая твое твердое и неустрашимое исповедание веры, и дивяшеся велией благодати, в тебе пребывающей, поем Богу ангельскую песнь: Аллилуиа.

игнатий богоносец

Икос 6

Возсиял еси яко солнце, угодниче Божий, красотою души твоея, егда воины возлагаху на тя узы, ты же, яко ризу спасения и одежду веселия приял еси сие новое мучение, и на страдание в Рим, аки на брачный пир шествовал еси. Сего ради воспеваем ти:

Радуйся, Церкви Антиохийския славо.

Радуйся, Богомудрых отцев красото и удобрение.

Радуйся, цевнице Духа Святаго.

Радуйся, воине Христов непобедимый.

Радуйся, яко гордость Траянову низложил еси.

Радуйся, яко диавола посрамил еси.

Радуйся, Богоносный Игнатие, великий и преславный страстотерпче.

Кондак 7

Хотя, святителю Христов, изыти от Антиохии, прилежно молил еси Господа не оставити паствы твоея. Людие же плакаху и рыдаху, зряще тя на смерть ведома; ты же, благословляя их, воспевал еси Богу: Аллилуиа.

Икос 7

Дивный во святых Бог утеши тя, святый Игнатие, егда на пути в Рим, ведома тя десятию воинами, срете вы в Смирне святый Поликарп, муж праведный. Ты же, беседуя с ним, радовался еси о Бозе Спасе твоем. Сего ради ублажаем тя:

Радуйся, яко веру во Христа сохранил еси.

Радуйся, яко надежду несумненну имел еси.

Радуйся, яко имя Христово во всей вселенней прославил еси.

Радуйся, яко уготовася тебе венец правды.

Радуйся, верный служителю Господень.

Радуйся, светильниче Божий, горяй и светяй.

Радуйся, Богоносный Игнатие, великий и преславный страстотерпче.

Кондак 8

Странно и чудно бе шествие твое в Рим на место мучения: воини яко преступника ведяху тя, людие же Божии со епископы и пресвитеры яко Ангела Божия сретаху тя, и, сладостно послушая словес твоих, воспеваху Богу: Аллилуиа.

игнатий богоносец

Икос 8

Желание имый разрешитися и со Христом быти, ты, шествуя в Рим на страдания, радостно воспевал еси: «Пшеница Божия есмь: да буду зубы зверей сотрен и чист хлеб Богу явлюся». Сего ради дивящеся терпению твоему и славяще Божие о тебе смотрение, воспеваем сице:

Радуйся, образе мужества и терпения.

Радуйся, непоколебимое правило веры и благочестия.

Радуйся, непобедимый исповедниче Христов.

Радуйся, яко не убоялся еси ни огня, ни меча, ниже зубов рыкающих львов.

Радуйся, яко терпением своим Ангелов Божиих возвеселил еси.

Радуйся, яко мужеством своим имя христиан прославил еси.

Радуйся, Богоносный Игнатие, великий и преславный страстотерпче.

Кондак 9

Всего себя предав Богу, ты страшился еси, да не терпящии зрети твоих страданий воспретят тебе восприяти их. Сего ради писанием умолял еси: «О, возлюбленнии! Помозите ми сораспястися Христу, пострадати и умрети за Него, да и царствую, и живу с Ним во веки, воспевая Богу: Аллилуиа.»

Икос 9

Вития многовещанныя не могут по достоянию воспети твоя страдания: сего ради и нам удобее любити молчание, но побеждаеми любовию твоею, от избытка сердца вопием ти:

Радуйся, яко многих ко Христу привел еси.

Радуйся, яко писаниями своими путь ко спасению уяснил еси.

Радуйся, яко жаждущия спасения напоил еси благочестия водами.

Радуйся, яко душевными очима ослепленных светом Богоразумия просветил еси.

Радуйся, яко грехом разслабленных воздвигл еси на путь спасения.

Радуйся, яко скорбящия и плачущия утешил еси.

Радуйся, Богоносный Игнатие, великий и преславный страстотерпче.

Житие святого Игнатия Богоносца и о чем просят перед иконой, тексты молитв

Кондак 10

Спасти хотя душу свою, ты, святый Игнатие, пламенел еси серафимскою любовию к Богу: «О, братия!», — молил еси христианы, — «желайте мне смерти: она приведет мя ко Христу: звери мне радостни, огнь — роса мне, тщуся умрети, да живу со Христом». Темже вселился еси в Небесныя обители, идеже со Ангелы Богу воспеваеши: Аллилуиа.

Икос 10

Царь Небесный, Утешитель Благий, Дух истины постави тя пасти Церковь Христову, право правити слово истины, верныя люди поучати, противящияся обличати. Сего ради зовем ти:

Радуйся, учителю благочестия.

Радуйся, обличителю нечестия.

Радуйся, душу свою положивый за овцы своя.

Радуйся, стяжавый венец мученичества.

Радуйся, непрестанно в жизни моливыйся за христианы.

Радуйся, и по смерти за ны моляйся.

Радуйся, Богоносный Игнатие, великий и преславный страстотерпче.

Кондак 11

Воспевая Господа и непрестанно моляся Ему, ты, святый Игнатие, поучал еси и вверенныя тебе люди творити такожде: «Молитеся непрестанно, кротость ваша да будет известна всем. В братолюбии пребывайте, да не будут в вас распри. Подражайте за ны Распятому, веруйте в Него, Он есть живот вечный: веруяй в Него, аще и умрет — оживет». Мы же, прославляя Бога, даровавшаго нам таковаго наставника, вопием Ему: Аллилуиа.

игнатий богоносец

Икос 11

Яко солнце доблестно обтекл еси землю от восток до запад, и зашед незаходимо от земли ко Христу, просвещая мир своим учением. Сего ради взываем ти:

Радуйся, угодниче Христов.

Радуйся, мучениче и пастырю.

Радуйся, скорый в бедах помощниче.

Радуйся, гонимых за правду защитниче.

Радуйся, немощных врачу.

Радуйся, покров и заступление притекающих к тебе с верою.

Радуйся, Богоносный Игнатие, великий и преславный страстотерпче.

Кондак 12

Благодать велию и богатую милость приял еси от Христа Бога нашего молитися за всех, с верою призывающих тя. Темже молим тя: помози нам предстательством твоим у Господа сохранити в сердце своем веру несумненну, упование непреложно, любовь к Богу и ближнему нелицемерну, подвигом добрым подвизатися, воспевая Спасителю нашему: Аллилуиа.

Икос 12

Поюще подвиги твоя, почитаем страдания твоя, восхваляем мужество твое, ублажаем святую кончину твою, и прилежно молим тя: услыши ны, взывающия ти:

Радуйся, течение жизни славно скончавый.

Радуйся, кровию своею истину Христова учения запечатлевый.

Радуйся, получивый от Христа венец правды, уготованный всем возлюбившим явление Его.

Радуйся, во светлостех святых вселивыйся.

Радуйся, яко со Архангелы ликовствуеши.

Радуйся, яко лицезрением Божиим наслаждаешися.

Радуйся, Богоносный Игнатие, великий и преславный страстотерпче.

Кондак 13

О многострадальный и предивный мучениче, Богоносный Игнатие! Приими от нас недостойных сие малое хвалебное пение и умоли Бога, да сохранит ны и защищит Своею благодатию от всякаго зла в сей жизни, и во время кончины нашея не оставит нас, и по кончине сподобит Царствие Небесное наследовати и вечно воспевати Ему: Аллилуиа.

(Этот кондак читается трижды, затем икос 1 и кондак 1)

игнатий богоносец

Молитва

О великий святителю, Богоносный Игнатие! К тебе припадаем и молим тя: призри на ны, грешныя, прибегающия к твоему заступлению, и умоли Господа, да простит нам вся согрешения наша. Ты мученически душу твою за веру положил еси, даруй и нам мужество во всем подражати тебе. Ничесо в жизни не возмогло отлучити тя от любви ко Господу: ни лестная обещания, ни прещения, ни угрозы, ниже самыя муки. Ты с радостию предстал еси пред зверьми на смерть лютую, и яко Ангел возлетел еси во обители Отца нашего Небеснаго. Сего ради и молитва твоя много может пред Господем. Буди же, святый угодниче, предстателем за ны пред Спасителем нашим. Помогай всем православным христианом святыми твоими молитвами ко Всемогущему Богу, да избавит ны от глада, труса, града, бездождия и смертоносных болезней, и да дарует нам здравие и спасение. Буди же нам помощник скорый во всякой скорби, наипаче же в час кончины нашея явися нам светлым защитником и ходатаем, и умоли Господа сподобитися всем нам, тебе ныне тепле молящимся, получити по христианстей кончине Небесное Царствие, идеже вси святии вкупе с тобою славят Отца и Сына и Святаго Духа. Аминь.

Канон

Гла́с 1

Пе́снь 1

Ирмос: Пе́снь побе́дную пои́м вси́ Бо́гу, сотво́ршему ди́вная чудеса́ мы́шцею высо́кою и спа́сшему Изра́иля, я́ко просла́вися.

Припев: Священномучениче Игнатие, моли Бога о нас.

Све́тло пра́зднующе, да учреди́мся, му́ченик Игна́тий свяще́нно созыва́ет Це́рковь Христо́ву на страда́ние его́ многопе́тое.

Свети́льник пресве́тлейший Це́ркве сы́й, Игна́тие, просвеща́еши вся́ земны́я концы́ и за́падная озаря́еши, от восто́ка прише́д.

Па́вловым подо́бяся по ме́стом беда́м, Игна́тие, и сы́й ю́зник, не стужи́л еси́, утвержда́я писа́ньми ча́стыми Це́ркви Христо́вы.

Сла́вную па́мять твою́ вси́ пое́м, всеблаже́нне Игна́тие, и пе́сньми почита́ем Венча́вшаго тво́й всечестны́й ве́рх, богоблаже́нне.

Да стру́жется пло́ть моя́, кро́вь да лие́тся, жела́нием тщу́ся, ко звере́м гото́в, к сомле́нию укра́шен, ко огню́, к мечу́, к снеде́нию, — му́ченик вопия́ше.

Богородичен: Еде́ме, украси́ся, Евфра́фа бо Созда́телю угото́вася, роди́тися хотя́щу от Де́вы Ма́тере в верте́пе Вифлее́мстем за благоутро́бие мно́гое.

игнатий богоносец

Пе́снь 3

Ирмос: Ка́мень, его́же небрего́ша зи́ждущии, се́й бы́сть во главу́ у́гла: то́й е́сть Ка́мень, на не́мже утверди́ Це́рковь Христо́с, ю́же от язы́к искупи́.

Образ свяще́ннаго страда́ния показа́лся еси́, о́тче, сто́лп терпе́ния, и пра́вило му́жества, и сто́лп Це́ркве, и ве́ры утвержде́ние, и доброде́тели подписа́ние, страда́ньми честны́ми венча́вся во Христе́.

Вои́стинну тезоиме́нно наре́клся еси́ Богоно́сец, о́тче: младе́нец бо еще́ во́зрастом сы́й, на рука́х носи́мь Го́спода поста́вился еси́, возглаша́ющаго к на́м: бу́дите Мне́, я́ко отроча́ сие́.

Пшени́ца чиста́ Бо́жия е́смь, — вопия́л еси́, о́тче, — тщу́ся от звере́й ди́виих смоло́тися, да сокруши́тся мое́ те́ло, да снедя́тся удеса́ моя́, и сне́дь да бу́ду звере́м, да Бо́гу чи́ст хле́б явлю́ся.

Стра́нное муче́ния три́знище терпели́вне соверши́л еси́, чу́дно па́че все́х предпострада́вших му́жество показа́л еси́, любо́вию разжига́емь неосла́бнаго раче́ния, я́коже бо о́гнь твою́ возжже́ ду́шу.

Горя́й при́сно ду́хом, священному́ченик взыва́ше с любо́вию посреде́ бе́д: Христа́ гоню́, ра́дуяся, Христу́ сраспина́юся; живу́ же не ктому́ у́бо а́з, живе́т же, — глаго́лет, — во мне́ еди́н Христо́с.

Богородичен: Гряди́, Иса́ие, возопи́й: се́ Де́ва и́мать во чре́ве Изба́вителя ми́ра и роди́т в верте́пе, и бу́дет и́мя ражда́емаго Иису́с, Бо́г с на́ми, Емману́ил Савао́ф.

Седа́лен, гла́с 3

Рукополага́емь от Христа́ Бо́га, просвети́л еси́ свяще́нную твою́ оде́жду, свиде́тельство и́стинно получи́в, богоно́се: зве́ри бо раздражи́л еси́ от ми́ра отлучи́ти тя́, Па́влу подо́бяся, чу́дному апо́столу. Те́мже и в Ри́ме сконча́л еси́, о́тче, досто́йне муче́ние.

Сла́ва И ны́не , гла́с 8

От восто́ка возсия́в, я́коже звезда́, и луча́ми слове́с озаря́я, ми́р просвети́л еси́, и тму́ отгна́л еси́, и, я́ко Па́вел, тече́ние до́блественне соверши́л еси́, претерпе́в беды́ в язы́цех же и граде́х. Отону́дуже и, я́ко пшени́ца, звере́й зубы́ сомле́лся еси́, блаже́нне, приноше́ние Го́споду твоему́, богоно́се Игна́тие. Моли́ся Христу́ Бо́гу прегреше́ний разреше́ние дарова́ти чту́щим любо́вию святу́ю па́мять твою́.

игнатий богоносец

Пе́снь 4

Ирмос: Ду́хом прови́дя, проро́че Авваку́ме, Словесе́ воплоще́ние, пропове́дал еси́, вопия́: внегда́ прибли́житися ле́том — позна́ешися, внегда́ приити́ вре́мени — пока́жешися. Сла́ва си́ле Твое́й, Го́споди.

Уясни́л еси́ заре́ю страда́ний твои́х зе́млю, свяще́нне Игна́тие, у́зник яви́вся: обте́к бо, я́ко со́лнце, луча́ми муче́ния, ве́чер от восто́ка, ве́сь уясня́я, просвети́л еси́.

Якоже Па́вел, свя́зан зверьми́ слове́сными, в Ри́м те́кл еси́, Игна́тие му́дре, но не преста́л еси́ и свя́зан сы́й, утвержда́я Це́ркви, посыла́я по вся́ гра́ды все́м Христо́вым иера́рхом дерза́ти.

Христо́в тщу́ся бы́ти, Христа́ еди́наго жела́ю, ве́сь бо Христо́в е́смь, — вопия́л еси́, страда́льче. — Того́ гоню́, Того́ иду́ дости́гнути, и сего́ ра́ди о́гнь, и ме́чь, и зве́ри — вся́ терплю́, да получу́, е́же жи́ти.

Сладка́ мне́ ско́рбь, любе́зны у́зы за Жела́емаго, — вопия́л еси́, страда́льче, — гоне́ния ми́ сла́ждшая оте́чества, и сомле́ния моя́ па́че вся́каго весе́лия, боле́зни па́че вся́каго здра́вия теле́снаго.

Звере́й мне́ да бу́дут уста́ закла́ние и чре́ва гро́бы, — вопия́л еси́, страда́льче. — Никто́же да стужа́ет, никто́же ми́ сокруша́ет кре́пость: а́з бо тщу́ся сомле́тися, я́коже пшени́ца, и хле́б обрести́ся Бо́гу чи́ст.

Богородичен: В верте́пе землене́м роди́тися на́с ра́ди Бо́г сы́й изво́лил еси́, обнища́в, Бла́же, на́шею нището́ю за милосе́рдие и из Де́вы проше́д, воплоще́н, пребы́в еди́н Сы́н из Отца́ и Ма́тере.

Пе́снь 5

Ирмос: Тво́й ми́р да́ждь на́м, Сы́не Бо́жий, ино́го бо, ра́зве Тебе́, Бо́га не зна́ем, и́мя Твое́ имену́ем, я́ко Бо́г живы́х и ме́ртвых еси́.

Тако́в на́м подоба́ше му́др архиере́й, преподо́бен, ве́рен, нескве́рнен, незло́бив, — вопия́ Па́вел, преднаписа́ свяще́нный о́браз свяще́нных твои́х нра́вов.

Свя́зан, отводи́мь пострада́ти, архиере́й, у́зник Христо́в, Игна́тие, писа́л еси́ Це́рквам и градо́м, утвержда́я вся́ во испове́дании.

Па́вловым исправле́нием поревнова́в благочести́вно, вся́ его́ беды́ претерпе́л еси́, священному́чениче досточу́дне, восто́чная све́тлосте и вече́рняя звездо́.

Жела́нием ретя́ся Па́вловым, у́зы име́я на рука́х, ми́р обте́кл еси́, священному́чениче, да благоявле́н свяще́нными твои́ми страда́ньми яви́шися все́м.

Пое́м по́двиги твоя́, честву́ем у́зы кажде́нии и псалмы́, пе́рсть честву́ем твои́х моще́й, я́ко арома́ты мирома́занную, му́чениче, свяще́нными твои́ми страда́ньми.

Богородичен: Бо́г челове́ком подобе́н бы́в из Тебе́, Младе́нец на́с ра́ди ражда́ется, Богоневе́сто, и пребыва́ет ве́сь неизме́нен, и во пло́ти ви́дится Бо́г вочелове́чивыйся.

игнатий богоносец

Пе́снь 6

Ирмос: Проро́ка Ио́ну подража́я, вопию́: живо́т мо́й, Бла́же, свободи́ из тли́ и спаси́ мя, Спа́се ми́ра, зову́ща: сла́ва Тебе́.

Яко вои́стинну Жела́теля возлюби́в неукло́нно и о́гнь и́же к Нему́ воспали́в разу́мне, Игна́тие, во́ду име́л еси́ в тебе́ живу́щую и глаго́лющую.

Свиде́тельство твоея́ со́вести исполня́я, не удово́лился еси́, зря́ звере́й стремле́ния, не устраши́лся еси́, я́коже пшени́ца хотя́ члено́вными сомле́тися.

До́лгая твоя́ гоне́ния и нереши́мыя у́зы, я́же в Ри́ме терза́ния и о́гнь гони́телей в ничто́же вменя́л еси́, священному́чениче, за твоего́ Рачи́теля.

Вельми́ горя́, страда́льче, любо́вию Христо́вою, ко огню́ искуше́ний я́ко на ро́су у́треннюю поте́кл еси́, Онаго пости́гнути су́що су́щаго Рачи́теля.

Аще и пи́л еси́ Христо́ву ча́шу жажда́, но пре́был еси́ при́сно е́же пострада́ти, па́че е́же жи́ти. И вопия́л еси́: ничто́же мне́ сия́, ко е́же получи́ти мне́ е́же жи́ти.

Богородичен: Украси́ся, Вифлее́ме, угото́вися, Евфра́фо: без ма́тере бо от Отца́ и без отца́ Ма́терию чревоно́сится и ражда́ется, спаса́я ны́.

Конда́к, гла́с 3

Све́тлых по́двиг твои́х светоно́сный де́нь предпропове́дует все́м в верте́пе Рожде́ннаго: Сего́ бо жажда́я от любве́ наслади́тися, потща́лся еси́ от звере́й снеде́н бы́ти, сего́ ра́ди и Богоно́сец наре́клся еси́, Игна́тие всему́дре.

игнатий богоносец

Икос

Авраа́м у́бо иногда́ сы́на жря́ше, закла́ние предвообража́я вся́ Содержа́щаго и ны́не в верте́пе тща́щагося роди́тися, ты́ же, богому́дре, всего́ прине́сл еси́ тебе́ сама́го, я́коже заколе́ние, и, звере́й сне́дь бы́в, пшени́ца чиста́ яви́лся еси́ Зижди́телю твоему́, в жи́тницах небе́сных ве́чнуяй вои́стинну и твоего́ раче́ния наслажда́яся. Его́же ра́ди ве́сь ми́р оста́вив, Богоно́сец наре́клся еси́, Игна́тие всему́дре.

Пе́снь 7

Ирмос: Су́щим в пещи́ отроко́м Твои́м, Спа́се, не прикосну́ся, ниже́ стужи́ о́гнь. Тогда́ трие́ я́ко еди́неми усты́ поя́ху и благословля́ху, глаго́люще: благослове́н Бо́г оте́ц на́ших.

Не име́л еси́ огня́ любове́щна в тебе́, Игна́тие, во́ду же живу́ю па́че и глаго́лющую, во́ду зову́щую: гряди́ ко Отцу́; во́ду теку́щую, от жи́зни в жи́знь преводя́щую на́с.

Звере́й зу́бы, — глаго́лет, — да бу́дут мне́ ме́чь, и ору́жия, и закла́ния; гро́б же мне́ льво́вы утро́бы да бу́дут, и о́гнь да поя́ст мя́ пре́жде тли́ ко́жныя оста́нки.

Мне́ сладка́ сме́рть, — глаго́лет, — сладка́ мне́ вся́ трудо́в боле́зненная, зве́рие ра́достни, о́гнь се́й роса́ мне́ е́сть, а́ще еже́ жи́ти воздержу́. Те́мже и тщу́ся умре́ти, да живу́ со Христо́м.

Еже жи́ти мне́ не е́сть рачи́тельно в телеси́, ду́хом бо жи́ти жела́ю. Мне́ е́же жи́ти Христо́с, Боже́ственное рачи́тельство; к Нему́ иду́, Того́, — глаго́лет, — люблю́, Того́ получи́ти наде́юся.

Богородичен: Проро́ком дре́вле прорече́нный, приближа́ется мне́ Младе́нец, из Де́вы рожде́йся, ра́дуется Ада́м, и прама́ти Ева боле́зней разреши́ся, и сликовству́ет Дави́д, Ражда́ющия оте́ц.

игнатий богоносец

Пе́снь 8

Ирмос: Его́же ужаса́ются Ангели и вся́ во́инства, я́ко Творца́ и Го́спода, по́йте, свяще́нницы, просла́вите, о́троцы, благослови́те, лю́дие, и превозноси́те во вся́ ве́ки.

Пе́т бу́ди Игна́тий, Боже́ственный иере́й, сугу́бо венча́емь, я́ко му́ченик и па́стырь: страда́в бо се́й за любо́вь Бо́жию, жела́я возжеле́н бы́ти, пострада́ти не отмета́шеся.

Тече́нии ве́ры, я́ко со́лнце, зе́млю до́блественне прете́кл еси́ от коне́ц небесе́ и, заше́д незаходи́мо от земли́ ко Христу́, облистава́еши ми́ру све́т нетле́ния.

Жажда́я ча́ши стра́сти Христо́вы, свя́зан, те́кл еси́, Игна́тие му́дре, и дости́г три́знища, не преста́л еси́, вопия́: жа́жду жажда́ти Христа́ во ве́ки.

О, любве́ и теплоты́ Боже́ственнаго раче́ния! Жела́нием распя́тся и да живе́т Рачи́телю; жа́ждет, е́же возжажда́тися, и лю́бит, е́же люби́тися, за е́же па́ки жи́ти, умре́ти произволя́я.

Пе́рсть отложи́в, невеще́ственно к Су́щему у́м впери́л еси́, жела́я Рачи́теля: То́й бо е́сть при́сное жела́ние, и и́стинно му́дрость, и жи́знь бы́вших.

Богородичен: Звезда́ возсия́, Христо́с от Иа́кова, и волсви́ стека́ются во гра́д Вифлее́м пе́ти, чествова́ти и поклони́тися Ему́, рожде́нному из ложе́сн Чи́стыя Богоро́дицы.

Пе́снь 9

Ирмос: Живоприе́мный исто́чник приснотеку́щий, светоно́сный свети́льник благода́ти, хра́м одушевле́нный, се́нь пречи́стую, небесе́ и земли́ простра́ннейшую, Богоро́дицу, ве́рнии, велича́ем.

Презира́тель до́льних Игна́тий и служи́тель вы́шних та́ин, я́ко слу́жбу непоро́чну соверша́я, и, соверша́емь, священноде́йствует себе́ сама́го муче́нием, и к звере́м и огню́ гото́вится.

Еже по о́бразу любя́ оде́ятися, ве́тхия о́бразы измени́л еси́. Те́мже но́востию, а не ве́тхостию первообра́знаго зра́ка пе́рвую добро́ту восприе́м, Христо́ви соводворя́ешися.

Свяще́нную твою́ оде́жду, свяще́ннейше, свяще́ннейшу соде́лал еси́ страда́ньми твои́ми, те́мже и вене́ц сугу́б восприе́м, с му́ченики пое́ши и па́стыри, священному́чениче, Христа́ Бо́га на́шего.

Пшени́ца Бо́жия чиста́ е́смь, — глаго́лал еси́, — и зубы́ звере́й мелю́ся, да хле́б бу́ду священносоверша́емь, Рачи́телю и Бо́гу очище́н, Его́же и любя́, умре́ти не отрица́юся.

Непристу́пным све́том осиява́емь и в вы́шних оби́телех водворя́яся, свяще́нне Игна́тие, Бо́гу и Зижди́телю твоему́ о ста́де твое́м се́м моля́ся неоску́дно не преста́й, мо́лимся.

Богородичен: Ра́дуйся, Чи́стая, Бо́жий гра́де одушевле́нный, в не́мже Бо́г вмести́тися благоволи́, не оста́вль бо го́рних, к Тебе́ сни́де, я́ко до́ждь на зе́млю, Богороди́тельнице, и во гра́де Вифлее́ме Младе́нец ражда́ется.

игнатий богоносец

Свети́лен

Сло́во Пребезнача́льное, Бо́жия Му́дрость, неизрече́нною бла́гостию земны́м приобщи́вся, уча́ дре́вле лю́ди, на рука́х держа́ше тя́, Игна́тие Богоно́се; в Бо́зе же жи́в, муче́ние проше́л еси́ страда́ния, радуяся.

Стихи́ра гла́с 6

Приближа́ется Христо́с, / Вифлее́ме, предугото́вися, / уже́ язы́ков спасе́ние озаря́ет, / благоукраси́ я́сли, / па́стыри собери́, / призови́ волхвы́ от Перси́ды, / во́инства безпло́тных умо́в, воззови́те: / Ца́рь небе́с / на зе́млю прихо́дит.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector