Житие святых Флора и Лавра и о чем просят мучеников, тексты молитв

В христианстве есть Небесные покровители не только людей, но также домашних и сельскохозяйственных животных. К святым мученикам Флору и Лавру, которые были родными братьями, и оба пострадали за свою веру, не желая поклоняться идолам, принято обращаться в тех случаях, когда заболели домашние питомцы или сельскохозяйственные животные. Также братьев просят в молитвах об исцелении от алкогольной зависимости и об избавлении от плотских искушений.

Поиск молитв на все случаи жизни

Житие святых мучеников Флора и Лавра

Флор и Лавр (которые были родными братьями), в юношеском возрасте приняли христианство и проповедовали Благую Весть своим соотечественникам. Жили они во 2-м веке в Византии, оттуда со временем пришли в Иллирию, которая располагалась на территории современной Боснии и Герцеговины.

Кем были родители святых мучеников, в жизнеописании не указано, известно только, что братья зарабатывали себе на пропитание обработкой камня и заслужили славу искусных мастеров в своем деле.

Их учителями, от которых они переняли мастерство в обработке камне, были благочестивые Максим и Прокл. Они также рассказали братьям о Христе, и объясняли им Священное Писание. Правитель той области, где жили и трудились Флор и Лавр, отправил их в соседнюю область, где проходило строительство храма Гераклу. Оба брата беспрекословно повиновались приказу и усердно трудились, применяя все свои навыки и мастерство.

Несмотря на то, что святые трудились на строительстве языческого храма, они не скрывали, что исповедуют христианство, и при любом удобном случае свидетельствовали язычникам о Спасителе. Днем они все силы отдавали работе, а по ночам горячо молились Господу. В один из дней на место стройки храма Гераклу пришел сын верховного оракула, который хотел понаблюдать за работой Флора и Лавра. Однако юноша слишком близко подошел к месту обработки камня, и один отлетевший кусочек попал ему в глаз, причинив сильную боль. Сын оракула сильно закричал, услышав это, на место стройки сразу же прибежал его отец, он был разгневан и даже хотел побить братьев за нерадивость.

Святые мученики успокоили оракула и пообещали ему, что исцелят сына. Братья забрали юношу в свой дом и начали усердно молиться Господу, призывая молодого человека также уверовать во Христа. Окончив молитву, Флор и Лавр осенили сына жреца крестным знамением, и его глаз в ту же минуту исцелился. Увидев такое чудо, не только юноша принял христианство, но и его отец, языческий оракул, также уверовал в Господа.

После того, как строительство языческого храма было окончено, братья собрали около 300 христиан, которые работали с ними на строительстве, сокрушили идолов, и в восточной части установили крест.

Там они совершили первую молитву и начали проводить богослужение, и в этот же момент храм озарился небесным светом. Когда присутствующие увидели такое знамение, они отправились в соседнее помещение, куда снесли всех идолов, и начали бить и ломать их.

святые флор и лавр

Когда правитель области узнал о произошедшем, он отдал приказ поймать всех, кто помогал братьям в разрушении храма, и сжечь на костре. Среди погибших оказались также и оракул с сыном, который исцелился по молитве Флора и Лавра. Самих же братьев правитель отправил под стражей в Иллирию, предварительно жестоко избив.

Правитель Иллирии, Ликаон, убедившись, что Флор и Лавр исповедуют христианство и убедить их отречься от своей веры не удастся, отдал приказ бросить их в глубокий колодец и закопать. Таким образом братья приняли мученическую смерть за Христа и до конца сохранили веру в Господа. По прошествии многих лет мощи братьев были обретены нетленными и перенесены в Константинополь.

Почитание в православии

В православной религии святые мученики Флор и Лавр считаются покровителями домашних животных, а особенно лошадей. Существует предание, согласно которому с обретением мощей мучеников прекратился падеж скота. День памяти святых Флора и Лавра отмечают 31 августа.

Иконография

На иконах святые мученики часто изображаются с лошадьми. Самой известной иконой считается «Чудо о Флоре и Лавре».

святые флор и лавр

О чем просят у святых мучеников

К святым братьям, принявшим мученическую смерть за веру в Господа, обращаются за помощью в разных сложных ситуациях:

  • если заболели домашние животные;
  • когда скот дает плохой приплод;
  • если кто-то из близких страдает от алкогольной зависимости;
  • для защиты от духовных и телесных искушений.

Тексты молитв

Чтобы попросить святых о помощи, используют один из следующих молитвенных текстов. Если он небольшой, то рекомендуется выучить его на память, чтобы во время проведения ритуала полностью погрузиться в смысл произносимых слов.

Тропарь

Преудо́бренную и богому́друю дво́ицу пресве́тлую/ восхва́лим, ве́рнии, по достоя́нию,/ Фло́ра преблаже́ннаго и Ла́вра всечестна́го,/ и́же усе́рдно Тро́ицу несозда́нную я́сно пропове́дасте всем,/ те́мже пострада́вше до кро́ве,/ и венцы́ пресве́тлыми увязо́стеся,// моли́теся Христу́ Бо́гу, да спасе́т ду́ши на́ша.

Перевод: Высшим благом одаренную Богомудрую двоицу пресветлую прославим, верующие, по достоинству, Флора преблаженного и Лавра всеми почитаемого, которые смело и ясно проповедовали нетварную Троицу, потому мученически пострадали и украсились преяркими венцами. Молитесь Христу Богу, да спасет души наши.

святые флор и лавр

Кондак

Я́ко благоче́стия му́ченики и страда́льцы Христо́вы Богому́дрены,/ вселе́нная пресла́вно почита́ет Фло́ра и Ла́вра днесь,/ я́ко да улучи́м благода́ть и ми́лость моли́твами их// и изба́вимся бед и напа́стей, гне́ва же и ско́рби в День Су́дный.

Перевод: Как благочестивых мучеников Богомудрых, пострадавших за Христа, вселенная со славой почитает сегодня Флора и Лавра, чтобы получить благодать и милость по молитвам их и избавиться от бед и напастей, а также гнева и скорби в Судный День.

Молитва

Прехва́льнии му́ченицы Фло́ре и Ла́вре, вас не земля́ потаи́ла есть, но Не́бо прия́т вы, во е́же бы́ти вам моли́твенники и предста́тели о чту́щих с любо́вию честну́ю па́мять ва́шу. Моли́теся же за ны, трудолю́бцы незло́бивии, да подви́гнет Госпо́дь и нас, в труде́х и утесне́нии су́щих, к де́ланию за́поведей Его́, да не то́кмо о пи́щи и питии́, но и о е́же ка́ко угоди́ти Го́сподеви попече́мся; споболи́те печа́лем и воздыха́нием на́шим, и да не озло́бятся до конца́ ду́ши на́ша, но да возгоря́тся любо́вию друг ко дру́гу, да пребу́дем в ми́ре и единомы́слии, я́коже и вы, самобра́тнии блаже́ннии. Наипа́че же утверди́те ны в ве́ре святе́й и пра́вей, ю́же иму́ще в сердца́х на́ших, не устраши́мся в поноше́нии и униже́нии и вся́ких обстоя́ниих, и́миже одержи́ми есмы́, но, я́ко испыта́ние си́лы ве́ры на́шея с благодаре́нием сие́ прии́мше, до́брое испове́дание соблюде́м, в не́мже и пре́йдем от юдо́ли сей в ве́чное Ца́рствие Го́спода на́шего, Ему́же сла́ва и держа́ва во ве́ки веко́в. Ами́нь.

Акафист

Избранную двоицу пресветлую, Христу спострадавшую даже до крове, Флора преблаженнаго и Лавра всечестнаго, в песнех, вернии, почтим духовных и, яко молитвами сих от бед избавляеми, благодарственно вопием, зовуще:

Радуйтеся, Флоре и Лавре, рая Христова цвети прекраснии.

святые флор и лавр

Икос 1

Ангельстии чини яко сликовники прияша вы, блаженнии мученицы, егда по страдании своем Престолу Господню предстасте, во еже со всеми, кровию Агнца Божия запечатленными, взывати «Осанна!» Седящему на Престоле. Мы же, бреннии, на земли, о таковой славе вашей дивящеся, восхваляем вы сице:

Радуйтеся, Христу последовавшии верою;

радуйтеся, крест Его, яко ярем, вземшии.

Радуйтеся, кровию Агнца Божия искупленнии;

радуйтеся, и своея крове Христа ради не пощадевшии.

Радуйтеся, смертию красною Христови спогребшиися;

радуйтеся, жизни источник обретшии.

Радуйтеся, путь узкий, прискорбный прошедшии;

радуйтеся, яко отверзошася вам райския двери.

Радуйтеся, Флоре и Лавре, рая Христова цвети прекраснии.

Кондак 2

Видяще, яко многа мзда на небесех дана святым страстотерпцем, потщимся, вернии, тех житие земное прилежно разсмотревше, от сего научитися, колико может вера, деяньми споспешествуема, како воздвизает от земных к небесным и како научает взывати Богу: Аллилуиа.

Икос 2

Разум Божественный озари вы, Флоре и Лавре, егда благочестия хранители Прокл и Максим не токмо каменосечней хитрости вы научиша, но и на камени веры Христовой добре утвердиша, на немже несокрушими даже до конца пребысте, трудолюбно Господеви работающе, сего ради ублажаем вы, зовуще:

Радуйтеся, в трудех от юности воспитаннии;

радуйтеся, Христу себе поработившии.

Радуйтеся, леность далече отгнавшии;

радуйтеся, данный вам талант много усугубившии.

Радуйтеся, рабства плоти избегшии;

радуйтеся, духом Господеви работавшии.

Радуйтеся, трудолюбцев удобрение;

радуйтеся, ленивых укорение.

Радуйтеся, Флоре и Лавре, рая Христова цвети прекраснии.

Кондак 3

Сила Вышняго подвиже правителя страны некия призвати делателей святых ко устроению храма идольскаго, капищу бо сему сооружаему бывшу, иный храм нерукотворенный созидашеся; людие страны тоя, Флора и Лавра проповедию наученнии, Истиннаго Бога познаша и Тому Единому пети навыкоша: Аллилуиа.

Икос 3

Имуще твердую веру в сердцах своих, небоязненно отыдоша богоноснии братия во ину страну на делание чуждое, и, по мале времени, в труд апостолов обратися делание их; людие, во тме и сени смертней седящии, светом Евангелия озаришася, еже каменосечцы богомудрии с собою принесоша, сего ради воспоем сих, зовуще:

Радуйтеся, языков просветители;

радуйтеся, апостолов подражатели.

Радуйтеся, Евангелия Христова провозвестницы;

радуйтеся, на ниве неоранней Господни работницы.

Радуйтеся, в людех тяжцех Господа восхвалившии;

радуйтеся, во языцех славу Его возвестившии.

Радуйтеся, Церкве прекрасное прозябение;

радуйтеся, небесных садов леторасленное украшение.

Радуйтеся, Флоре и Лавре, рая Христова цвети прекраснии.

святые флор и лавр

Кондак 4

Бурю злобы неистовыя воздвиже на вы Мемертин, идольский жрец, егда сыну его, на делание ваше неопасно взиравшу, око каменцем, внезапу отторгшимся, избодеся, и хулы многи отрыгаху на вы, делателие незлобивии, уста еще не ведевшаго пети: Аллилуиа.

Икос 4

Слышавше хуления многа и пристрашия свирепа Мемертина озлобленнаго, без страха прияша сия кротце Флор же и Лавр и, сострадания исполнени бывше, велие дерзновение веры проявиша, егда отрока уранена цела и здрава отцу предпоставити обещаша; мы же, таковей вере, кротости и упованию святых дивящеся, воспоем им тако:

Радуйтеся, равноангельныя кротости воплощение;

радуйтеся, велия веры исправление.

Радуйтеся, злословящаго вы благословившии;

радуйтеся, кленящему вас благотворившии.

Радуйтеся, на Бога, Помощника и Защитника, уповавшии;

радуйтеся, прибежище и утверждение в Бозе полагавшии.

Радуйтеся, в незлобии пред Господем ходившии;

радуйтеся, во уповании на Него николиже изнемогшии.

Радуйтеся, Флоре и Лавре, рая Христова цвети прекраснии.

Кондак 5

Боготечныя звезды явистеся, святии, юноше тому, емуже уломком камене око плотское избодено бысть; вас бо держайся, не токмо от раны исцеле, но и очесы духовными прозре, проповеданием вашим научен, Истиннаго Бога позна и Тому в радости возопи: Аллилуиа.

Икос 5

Видя чудо велие, в сыне явленное, и отец его Мемертин ему споследова, идольскую прелесть отверг, Бога Истинна, яко же и сын, позна и по исповедании добрем двоице преславных мученик спострада, юже и мы ныне воспеваем, зовуще:

Радуйтеся, чудотворцы предивнии;

радуйтеся, врачеве духовнии.

Радуйтеся, идольскую прелесть чудесы ниспровергшии;

радуйтеся, неразумных души светом веры озарившии.

Радуйтеся, идольскаго жреца от идолобесия отвратившии и Христу сочетавшии;

радуйтеся, и сына его из вражеских сетей извлекшии.

Радуйтеся, демонов огорчение;

радуйтеся, Ангелов радование.

Радуйтеся, Флоре и Лавре, рая Христова цвети прекраснии.

Кондак 6

Проповедницы любве истинныя явишася святии мученицы, егда при делании своем цену, за труд вземлемую, нищим раздаваху и, алчущих довольно питающе, сами в посте и лишении не сетующе пребываху, бодрственне воспевающе Богу: Аллилуиа.

святые флор и лавр

Икос 6

Возсия свет неизреченныя славы небесныя и озари храм, руками Флора и Лавра созданный, и не яко идолов вместилище, но во славу Имени Иисуса Христа освященный, людие же, свет той видевше, вся кумиры идольския, для храма того уготованныя, сокрушше, храмоздателем взываху сице:

Радуйтеся, светом богоразумия нас озарившии;

радуйтеся, мрак идолослужения разсеявшии.

Радуйтеся, от обдержащия прелести ны свободившии;

радуйтеся, путь жизни истинныя нам показавшии.

Радуйтеся, яко благоухания честнаго Церковь исполнисте;

радуйтеся, яко злосмрадие вражие далече отгнасте.

Радуйтеся, бесов дерзновенное поражение;

радуйтеся, Богу красное присвоение.

Радуйтеся, Флоре и Лавре, рая Христова цвети прекраснии.

Кондак 7

Хотящим братиям святым по скончании делания, на неже звани быша, мирно во своя отыти, возбрани им работодавец жестокий; связав бо их и бив, яко злодеи к правителю Ликиону отведе, зане Христа яко Бога исповедаху и люди научиша взывати Ему: Аллилуиа.

Икос 7

Новая и лютая мучения уготова вам, страстотерпцы святии, правитель, егда возвратистеся связаннии и раны за Христа приимшии во страну свою, твердости же веры вашея отнюд не поколеба, мы же, терпение ваше ублажающе, взываем к вам сице:

Радуйтеся, Христови спотерпевшии;

радуйтеся, с Ним и воцарившиися.

Радуйтеся, в терпении души ваша стяжавшии;

радуйтеся, обетование, еже на небесех, приимшии.

Радуйтеся, на Начальника веры и Совершителя, Господа Иисуса взиравшии;

радуйтеся, на предлежавший вам подвиг добре востекшии.

Радуйтеся, малодушных ободрение;

радуйтеся, страждущих утешение.

Радуйтеся, Флоре и Лавре, рая Христова цвети прекраснии.

Кондак 8

Странную и ужасную смерть изобрете людское жестокосердие кротчайшим братиям Флору и Лавру: в кладенец бо безводный ввержени и землею в нем посыпани быша; тако мняху нечестивии заглушити святых глас, к Богу вопиющих: Аллилуиа.

Икос 8

Весь мир не бе достоин вас, мученицы святии: вы бо, на земли себе места не обретше, в небесная преселившеся и яко истиннии граждане тамо отечествие снискавше, непрестанными благохвалениями Царю своему и Господу служите, восхвалим убо и мы сих богохвалящих похвалении сицевыми:

Радуйтеся, о земных небрегшии;

радуйтеся, на небесная ум свой вперившии.

Радуйтеся, нощь жития земнаго добре прешедшии;

радуйтеся, дне невечерняго — Царства Христова достигшии.

Радуйтеся, яко злато, в горниле мучений искушеннии;

радуйтеся, яко всеплодие жертвенное Богом приятии.

Радуйтеся, пред лицем человеческим муки приявшии;

радуйтеся, яко упование ваше безсмертия исполнено.

Радуйтеся, Флоре и Лавре, рая Христова цвети прекраснии.

святые флор и лавр

Кондак 9

«Всяк, иже исповесть Мя пред человеки, исповем его и Аз пред Отцем Моим», — рече Господь; по Господню сему словеси и вы, страстотерпцы Флоре и Лавре, яко доблии Христови исповедницы, пред Отцем Небесным прославлени есте и со всеми святыми выну зовете Святей Троице: Аллилуиа.

Икос 9

Витийство мира сего не может изрещи величие подвига страстотерпцев святых, яко же и премудрость века сего слова крестнаго вместити никакоже может; мы же, смиреннии, буйством проповеди о Распятом спасаеми, Флора и Лавра, яко себе самех отвергшихся и души своя Христа ради отщетивших, несумненно прославляем, зовуще к ним тако:

Радуйтеся, Христа пред человеки исповедавшии;

радуйтеся, яко и Сам Господь исповесть вы пред Ангелы Божии.

Радуйтеся, страсти Господа Иисуса Христа не устыдевшиися;

радуйтеся, ради благовестия Христова пострадавшии.

Радуйтеся, яко подвиг крепок подаде вам Господь;

радуйтеся, яко и разум свят дадеся вам от Вышняго.

Радуйтеся, яко искры по стеблию на небо востекшии;

радуйтеся, во время посещения вашего добре возсиявшии.

Радуйтеся, Флоре и Лавре, рая Христова цвети прекраснии.

Кондак 10

Спасению нашему ходатаи молим вас быти, святии мученицы, добре страдавшии и венчавшиеся, и того ради благодать приимшии; о нас молитеся, да, избавльшеся от суетныя работы вражия, благодарственно вопием Богу: Аллилуиа.

Икос 10

Стен каменных здатели иногда бывше, веры же твердостию, многоразличных мук и лютыя смерти за Христа претерпением велие дерзновение у Него снискавше, молятся ныне о чтущих память их верно, и в бедах многоразличных и напастех осеняют надежно поющих им сице:

Радуйтеся, Церкве Христовы столпи непоколебимии;

радуйтеся, веры христианския ограждение твердое.

Радуйтеся, в вере колеблемым утверждение крепкое;

радуйтеся, в мори напастей гибнущим пристанище надежное.

Радуйтеся, фиали златии, фимиама молитв исполненнии;

радуйтеся, смрадные страсти далече от нас прогоняющии.

Радуйтеся, теплии к Богу молитвенницы;

радуйтеся, преистиннии ходатаи.

Радуйтеся, Флоре и Лавре, рая Христова цвети прекраснии.

Кондак 11

Пение неумолчно и лики светлы исполниша Царский град, егда по обретении принесени и честно положени в нем быша многоцелебнии мощи ваша, святии мученицы Флоре и Лавре, от них же мнози цельбу чудну приимше, благодарно пояху Богу: Аллилуиа.

святые флор и лавр

Икос 11

Светом невещественным облистаеми, в селениях святых водворяеми и радости неизреченныя исполняеми, ликуете ныне со Ангелы светло, мученицы Господни, осветите и нас, мраком суетствий покрываемых, злобою мира сего озлобляемых и едину токмо отраду имущих, еже к вам прибегати и сице вы воспевати:

Радуйтеся, мглу прелести разгнавшии;

радуйтеся, безбожия нощь осветившии.

Радуйтеся, ненавидением неправедным возненавиденнии на земли;

радуйтеся, в радость Господа вшедшии на небеси.

Радуйтеся, скорбьми многими живот вечный наследствовавшии;

радуйтеся, в скорбех и теснотах сущим утешение от Духа Свята просящии.

Радуйтеся, звезды, блистания терпения испущающия;

радуйтеся, светила, верных души просвещающия.

Радуйтеся, Флоре и Лавре, рая Христова цвети прекраснии.

Кондак 12

Благодать велика дана есть от Вышняго вам, доблии страдальцы, яко пришедшим от скорби великия и окропившим в крови Агнчей ризы своя; сего ради со всеми святыми Престолу Божию предстоите, выну зовуще: Аллилуиа.

Икос 12

Поюще вы во храме вашем, хвалим вас, Флоре и Лавре, яко благочестия мученики, в трудех от юности пребывшия, веру в Троицу Нераздельную соблюдшия и ко Христу победно отшедшия, Ему же ныне предстояще, не забудите зовущих к вам сице:

Радуйтеся, Царя Небеснаго воини изряднии;

радуйтеся, венцы победными добре венчаннии.

Радуйтеся, камение многоценное в сокровищах Владыки Небеснаго;

радуйтеся, богатство неиждиваемое Церкве, на земли воинствующия.

Радуйтеся, зодчии, храм Духа Божественнаго в себе самех явившии;

радуйтеся, здатели, на недвижимем камени веры души многих утвердившии.

Радуйтеся, блистанием небесным ныне осияваемии;

радуйтеся, сумрак мыслей тяжких от нас прогоняющии.

Радуйтеся, Флоре и Лавре, рая Христова цвети прекраснии.

Кондак 13

О, преславная мученик двоице Флоре и Лавре, самобратное единение, Троице Святей честное похваление! Нынешнее приимши наше пение, молите Господа за ны, да избавит нас от всяких бед и скорбей, даровав же нам до конца пребывание во Святей Церкви Своей, да сподобит по кончине и последнем Суде с вами и со всеми святыми воспевати Богу: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

святые флор и лавр

Величание

Величаем вас, / страстотерпцы святии Флоре и Лавре, / и чтим честная страдания ваша, / яже за Христа / претерпели есте.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий