Текст молитвы и акафиста Иоанну Рыльскому, чтобы ребенок заговорил

Известная молитва, обращенная к Иоанну Рыльскому, направлена на то, чтобы ребенок заговорил. К нему часто обращаются отчаявшиеся матери, которые считают, что развитие малыша задерживается. Основное условие для решения – искренняя вера в силы святого. Игумен Рыльский всю жизнь провел, соблюдая обеты. Чаще всего он хранил молчание. При этом он оставался образованнейшим человеком.

Иоанн Рыльский

Известно, что святой мученик родился около 876 года. Семья была благочестивой. Поселенцы села Скрино, что расположено на берегу реки Струмы, жили тем, что добывали повсеместно: в поле, лесу, на лугах. Иоанн лишился родителей очень рано. С самого раннего детства он работал пастухом у чужих людей.

Однажды мальчик потерял корову и теленка из своего стада, за что был сильно избит хозяином. Тогда Иоанн помолился Богу, чтобы тот помог ему. Господь действительно услышал молитвы и указал место, где потерялись животные. Мальчик перешел реку и обнаружил их, но после того, как он оказался на другом берегу, уровень воды поднялся. Корова могла идти вброд, а теленок скрывался под водой. Тогда будущий святой вновь обратился к Богу. Он попросил его о помощи. Мальчик снял с себя одежду, начертил на ней крест и пошел по одежде, ставя перед собой в воде. Хозяин, который видел это с берега, испугался. Он хорошо заплатил Иоанну и отправил его домой, но с условием, чтобы больше его не видеть.

Тогда мальчик решился на переселение. Он раздал имущество, которое досталось ему от родителей, а затем покинул родные земли. Иоанн отправился к монастырю святого Димитрия. Там его обучили грамоте, а также письму, потом доверили изучение священного писания.

Спустя некоторое время Иоанн стал послушником монастыря. Потом принял ионический постриг, чтобы уединиться на краю лесной чащи. Там он жил один, питаясь дикими ягодами, грибами, растениями.

Через некоторое время на одинокого инока напали разбойники. Они погнали его из лесу, поэтому он был вынужден переселиться. Рядом с Иоанном вскоре поселился его племянник по имени Лука. Сначала инок не хотел соседа. Но потом понял, что юноше необходимо духовное спокойствие и принял его. Вместе они стали жить, соблюдая аскезы. Спустя дни Луку силой увел брат Иоанна, но по дроге домой юноша был укушен змеей, от чего умер. Место захоронения юноши стало любимым местом отдыха Иоанна.

Инок прожил в пещере 20 лет подряд. Он постился, молился, соблюдал обеты. После этого покинул обжитую пещеру, чтобы уйти к горам. Там он продолжал возносить молитву Богу. Наконец, Господь услышал его и послал ему бобы, которые должны были заменить дикие ягоды. Иоанн с благодарностью принял дар.

Вскоре о мученике-аскете Иоанне узнали люди. О нем стали складывать легенды, приводили к нему больных и убогих, которых он научился исцелять силой молитвы. Царь Петр повелел найти Иоанна и привести к нему. Он хотел получить от инока благословение. Чтобы задобрить отшельника, царь отправил со своими слугами дары и много золота. Но на это отшельник даже не вышел из пещеры, отказавшись принимать подарки.

Когда рядом с местом обитания Иоанна стали селиться другие отшельники, он решил построить монастырь. Там стал игуменом и оставался им до самой смерти. За 5 лет до своей смерти преподобный написал устав и правила общежития для своих братьев. Потом он выбрал преемника, которым стал ученик Григорий. Сам Иоанн перед кончиной вновь отправился в пещеру, там он провел оставшееся ему время в молитве и молчании.

После кончины Иоанна погребли в притворе храма при монастыре, вырезав для него специальную каменную раку.

Сегодня святому молятся о том, чтобы ребенок начал говорить. Это связано со способностью преподобного хранить молчание. Он много лет соблюдал обет безмолвия, но при этом святой знал греческий язык в совершенстве, а также умел читать на других языках. Такое свойство считается своеобразным символом: после молитв и обращений каждому верующему будет даровано вознаграждение.

Молитвы преподобному Иоанну Рыльскому

Рыльский монастырь стал местом упокоения святого. Там же написаны тексты, которые ему посвящены. Со словами мольбы и благодарности матери просят святого одарить их детей голосом.

Молитва чудотворцу Иоанну Рыльскому при речевых нарушениях

О, преподобне и Богоносне отче наш Иоанне, зрителю неизреченныя славы в Небеснем Царствии и помощниче благодатный всем к тебе притекающим,

не остави места сего, на немже труды и подвиги о Христе подъял еси и землю слезами твоими оросил еси!

Да пребудет обитель твоя, в нейже благоволи Бог святым твоим мощем почивати, незыблема от ухищрений врагов видимых и невидимых.

Укрепи в доброделании чада твоя, ихже во обитель твою собрал еси, яко да познают звание свое и последуют стопам твоим.

Страну нашу в мире соблюди, православным людем во бранех на сопротивныя споборствуй.

Посети с высоты Небесныя всех, верно к тебе притекающих и просящих твоего крепкаго заступления:

в мори плавающих управи, житейскаго моря волнение утиши, церковныя раздоры укроти, мир всему миру у Господа испроси, болящих уврачуй спасительным посещением,

скорбных утеши благодатию, всем буди вся, якоже был еси в земнем житии твоем.

Сотвори о нас к Богу молитву, дана бо ти есть благодать молитися за ны, яко да сподобимся твоим ходатайством улучити вечное блаженство купно с тобою и всеми святыми во Христе Иисусе, Господе нашем, Емуже подобает всякая слава, честь и поклонение со Отцем и Святым Духом во веки веков. Аминь.

Молитва преподобному Иоанну Рыльскому от немоты

Земная звездо чудесная, облиставшая пределы града Средца, предивный постниче и угодниче Божий, отче Иоанне,

преподобных радование, Церкве Болгарския украшение, крепкий адаманте веры Православныя и живый свещниче, всю землю Болгарскую светом правды Божия осиявый!

Ты еси скорый помощник с верою и любовию к тебе притекающим и великий предстатель пред Господем о всех нас.

Приими, преблаженне, наша моления и умоли Христа Бога нашего, да вси тобою наставляемии людие словенстии пребывают союзом братския любве связуеми, в мире и благочестии,

и да избавит их Господь и вся грады и страны христианския от враг видимых и невидимых и от нашествия иноплеменник, от недуга и глада, и всякия скорби, наипаче же от искушений врага темнаго.

Предстоящим же зде и молящимся пред пречистым твоим образом испроси, преподобне, у Господа Бога нашего вся,

иже ко спасению своему они просят, да вси с тобою прославляем Всесвятое имя Отца и Сына и Святаго Духа, ныне и присно и во веки веков. Аминь.

Молитва Иоанну Рыльскому, чтобы ребенок заговорил

Это обращение практикуют при задержке речи и развития у ребенка. Священнослужители советуют матерям начинать молиться игумену Рыльского монастыря как можно раньше. Искренние ежедневные молитвы с условием полноценного ухода за ребенком помогут запустить речь.

«О, великий и предивный чудотворче, преподобне Иоанне, приими моление наше и не отвратися от нас, к твоему заступлению прибегающих:

никогдаже бо отвращался еси от приходивших к тебе с печальми своими во дни земнаго твоего жития;

вемы же, коликая знамения милосердия являл еси и по преставлении твоем людем православным!

Услыши и нас ныне, велиими скорбьми обдержимых, нашедшими на ны в лукавыя дни сия, егда диавол чрез пагубныя козни своя тщится попрати Церковь Святую, лишити же нас спасения вечнаго и благ временныя жизни!

Испроси нам у Господа Иисуса Христа прощения грехов, а наипаче греха непослушания Матери нашей Церкви!

Даруй нам сокрушение сердца, во еже со умилением неуклонно приступати ко святому Таинству Покаяния, яко да не во осуждение и погибель будет нам причащение Тела и Крове Христовых, но во здравие и спасение.

Отжени от нас дух братоненавидения, даруй нам дух любве и мира к братскому единению всех людей твоих!

Соеди всех нас любовию ко Христу и Его Церкве Православней, яко да соблюдающе спасительную волю Его, истинная чада Божия будем!

Буди нам путевождь во вся дни наша, яко да присно в благодати Духа Святаго суще в чистоте веру содержим и волю Господню до самыя смерти сотворим!

В час же кончины нашея явися нам представити души наша к престолу Божественнаго Судии и рещи Ему: «Се аз и дети моя»,

яко да твоим заступлением вечных мук избавльшеся, неизреченное блаженство Небеснаго Царствия Христова наследим купно с тобою и всеми святыми во веки веков. Аминь».

Акафист преподобному Иоанну Рыльскому

Конда́к 1

Избра́нный Бо́гом и преди́вный житие́м, преподо́бне Иоа́нне, от ю́ности Христа́ возлюби́в, путе́м те́сным к Нему́ ше́ствовал еси́; ве́лиих же ра́ди по́двигов твои́х и сле́з излия́ний дарова́ньми Ду́ха Свята́го обогати́лся еси́. Те́мже я́ко ве́лие ко Святе́й Тро́ице дерзнове́ние иму́ща ублажа́ем тя́, прося́ще: от вся́ких на́с бе́д свободи́, зову́щих:

Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

И́кос 1

А́нгел земны́й и челове́к небе́сный бы́л еси́, преподо́бне Иоа́нне. Ка́ко у́бо сла́ву твою́ воспое́м досто́йно, мно́гими немощьми́ обдержи́мии? Но са́м вложи́ пе́снь хвале́бную во ycта на́с, зову́щих:

Ра́дуйся, от роди́телей благочести́вых рожде́нный; ра́дуйся, и́ми в стра́се Бо́жии до́бре воспита́нный. Ра́дуйся, из младе́нства от Це́ркве николи́же отступи́вый; ра́дуйся, тоя́ свяще́нными уче́ньми благода́тный ра́зум стяжа́вый. Ра́дуйся, за́поведей Госпо́дних блюсти́телю ве́рный; ра́дуйся, поще́ний и бде́ний непреста́нных де́лателю усе́рдный. Ра́дуйся, по сме́рти роди́телей насле́дие свое́ убо́гим разда́вый; ра́дуйся, жития́ ра́ди до́браго гоне́ние от челове́ков лука́вых подъя́вый. Ра́дуйся, клеветы́ непра́ведныя претерпе́вый; ра́дуйся, досажде́ния с кро́тостию понесы́й. Ра́дуйся, любо́вию Серафи́мскою всле́д Христа́ после́довавый; ра́дуйся, ея́ ра́ди пу́ть у́зкий и́ночества избра́вый. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 2

Ви́дя ми́ра сего́ суету́, преподо́бне Иоа́нне, невозвра́тно того́ отврати́тися потща́лся еси́; ничто́же бо тебе́ от Христа́ можа́ше разлучи́ти: ни у́зы сро́дства, ни ю́ность твоя́, ниже́ сла́ва ми́ра сего́ и красота́. Сия́ у́бо вся́ ни во что́же вмени́в, я́коже еле́нь на исто́чники водны́я, к Бо́гу восте́кл еси́, вопия́ Ему́: Аллилу́иа.

И́кос 2

Ра́зуму боже́ственному покори́лся еси́, блаже́нне, егда́ Го́спода в виде́нии со́ннем узре́л еси́, от земли́ твоея́ изы́ти повелева́юща ти́ и ме́сто спасе́ния твоего́ показу́юща, и вся́, я́же в ми́ре презре́в, во оби́тель Ру́енскую всели́лся еси́, иде́же о́браз и́ноческий восприя́л еси́. Сего́ ра́ди вопие́м ти́ такова́я:

Ра́дуйся, житие́ и́ноческое возлюби́вый; ра́дуйся, проти́ву греха́ во́инствовати да́же до сме́рти восхоте́вый. Ра́дуйся, ку́пно с власы́ свои́ми мирска́я вожделе́ния отложи́вый; ра́дуйся, с ненасы́тною жа́ждею к по́двигом и́ноческим себе́ устреми́вый. Ра́дуйся, в пре́дняя простира́яся, за́дняя забве́нию преда́вый; ра́дуйся, сла́дость жи́тельства уедине́ннаго в себе́ обреты́й. Ра́дуйся, любве́ ра́ди боже́ственныя житие́ пусты́нное возлюби́вый; ра́дуйся, вины́ ра́ди сея́ ме́сто по́стрига своего́ оста́вивый. Ра́дуйся, к горе́, в виде́нии тебе́ явле́нней, прише́дый; ра́дуйся, ничто́же име́яй, в коли́бе хвра́стней себе́ всели́вый. Ра́дуйся, ди́вный пустынножи́телю; ра́дуйся, Иоа́нна Крести́теля подража́телю. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 3

Си́лою Ду́ха Свята́го осеня́ем в пусты́ни всели́лся еси́, Иоа́нне, безмо́лвное житие́ провожда́ти, с Бо́гом невозбра́нно бесе́довати, Того́ а́нгельски непреста́нно славосло́вити, луча́ми све́та Боже́ственнаго озаря́тися, за вся́ же лю́ди и ми́р Спаси́телю Бо́гу моли́тися, поя́ Ему́ при́сно: Аллилу́иа.

И́кос 3

Име́я жела́ние огнепа́льное боговиде́ния Моисе́йскаго, преподо́бне, на го́ру возше́л еси́ явле́ния боже́ственныя сла́вы восприя́ти, и́хже о́ко не ви́де и у́хо не слы́ша и я́же на се́рдце челове́ку не взыдо́ша. И кто́ возмо́жет изрещи́ вся́ по́двиги твоя́, в безмо́лвии сотворе́нныя? Но мы́, дивя́щеся житию́ твоему́, си́це взыва́ем ти́:

Ра́дуйся, бре́мя по́двиг ве́лиих на ра́мена своя́ возложи́вый; ра́дуйся, житие́м твои́м А́нгелов удиви́вый. Ра́дуйся, я́ко не хле́бом, но бы́лием тра́вным себе́ пита́л еси́; ра́дуйся, и того́ бо зело́ ма́ло по захожде́нии со́лнца вкуша́л еси́. Ра́дуйся, жа́жду водо́ю в ме́ру утоля́вый; ра́дуйся, ку́пно с проро́ком “ско́тен бы́х у Тебе́” Бо́гу вопия́вый. Ра́дуйся, я́ко пото́ки сле́з от оче́й твои́х источа́л еси́; ра́дуйся, моли́твы бо твоя́ непреста́нно Бо́гу возсыла́л еси́. Ра́дуйся, по́двиги си́ми от страсте́й себе́ очи́стивый; ра́дуйся, бесо́в в звери́не о́бразе тебе́ устраши́ти тща́щихся посрами́вый. Ра́дуйся, адама́нте, козньми́ вра́жиими несокруши́мый; ра́дуйся, во все́х искуше́ниих и напа́стех всегда́ с Бо́гом бы́вый. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 4

Бу́рю напа́стей де́монских укроти́ти восхоте́в, в пеще́ру не́кую зело́ мра́чную всели́лся еси́, преподо́бне Иоа́нне, порабоща́я те́ло твое́ и лиша́яся све́та со́лнечнаго, я́ко да не лиши́шися Боже́ственнаго Све́та в Ца́рствии Го́спода твоего́ и да пое́ши Ему́ та́мо со все́ми святы́ми: Аллилу́иа.

И́кос 4

Слы́шав о тебе́, преподо́бне, сы́н бра́та твоего́, Лука́ о́трок, и роди́телей утаи́вся, к тебе́ в пусты́ню прии́де и тобо́ю наставля́ем восприя́ по́двиги твоя́. Мы́ же си́лою благода́ти твоея́ ужаса́еми, вопие́м ти́ си́це:

Ра́дуйся, Све́том Боже́ственным ю́жика своего́ озари́вый; ра́дуйся, дитя́ ма́лое пусты́нна жи́теля соде́лавый. Ра́дуйся, от зло́бы дре́вния сего́ ра́ди напа́сть но́вую прие́мый; ра́дуйся, клевету́ в похище́нии о́трока претерпе́вый. Ра́дуйся, от бра́та своего́ поруга́ния понесы́й; ра́дуйся, де́тище от тебе́ отторже́нное благослове́нием укрепи́вый. Ра́дуйся, моли́твою сле́зною диа́вола посрами́вый; ра́дуйся, о́трока от зми́я ужа́леннаго сме́ртию с Го́сподем соедини́вый. Ра́дуйся, цве́те ра́йский на ка́мени го́р Ры́льских прозябы́й; ра́дуйся, от Ка́мене Боже́ственнаго водо́ю живо́ю оби́льно напое́нный. Ра́дуйся, таи́нниче Бо́жий, в пусты́ни не утаи́выйся; ра́дуйся свети́льниче Христо́в во мра́це пеще́рнем просвети́выйся. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 5

Боготе́чней звезде́ подо́бни су́ть святи́и челове́цы: не то́чию бо са́ми ко Христу́ ше́ствуют, но и про́чиим лю́дем спасе́ния пу́ть указу́ют. Сего́ ра́ди вселука́вый твори́т и́м напа́сти, я́коже и тебе́, Иоа́нне: нападе́ бо на тя́ во о́бразе разбо́йник, и́же изби́вше тя́, отгна́ша от пеще́ры пе́рвыя. Тогда́ ты́ в пусты́ню Ры́льскую глубоча́е вше́д, в дупло́ ду́ба вели́каго всели́лся еси́, во е́же бо́льшими труды́ Го́спода твоего́ прославля́ти и пе́ти Ему́: Аллилу́иа.

И́кос 5

Ви́дя Госпо́дь толи́кое озлобле́ние твое́, преподо́бне, повеле́ земли́ да израсти́т слану́ток тебе́ в напита́ние; сла́вна же тя́ яви́ па́стырем, бли́з пусты́ни тоя́ обре́тшимся, да и мы́ ку́пно с ви́девшими ди́вная дела́ твоя́ вопие́м тебе́ такова́я:

Ра́дуйся, от де́монов ве́лия страда́ния прие́мый; ра́дуйся, во́ине Христо́в непобеди́мый. Ра́дуйся, не до конца́ от ни́х озло́бленный; ра́дуйся, Христа́ покро́вом всемогу́щим покрове́нный. Ра́дуйся, пред лице́м па́стырей от Го́спода просла́вленный; ра́дуйся, обре́тшим тя́ житие́ твое́ нево́лею извести́вый. Ра́дуйся, зла́ком чуде́сным те́х напита́вый; ра́дуйся, отше́дших и́х чу́дом ди́вным наста́вивый. Ра́дуйся, про́чиим лю́дем от ни́х пропове́данный; ра́дуйся, от приходи́вших к тебе́ дарова́ний Бо́жиих не скры́вый. Ра́дуйся, зело́ стра́ждуща бе́сна моли́твою сле́зною исцели́вый; ра́дуйся, к соверше́нию чудесе́ сего́ всю́ наде́жду на Бо́га возложи́вый. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 6

Пропове́дницы до́лжни есмы́ бы́ти смире́ния твоего́, преподо́бне Иоа́нне, явле́ннаго пред исцеле́нием бе́снаго в моли́тве твое́й сицево́й: “Бо́же милосе́рдный, не́смь досто́ин именова́ти Твое́ и́мя мои́ми нечи́стыми усты́!” Сего́ ра́ди тщи́мся у́бо и мы́ во смире́нии моли́тися Го́сподеви и пе́ти Ему́: Аллилу́иа.

И́кос 6

Возсия́вшу ти́ чудесы́ ве́лиими, мно́жайшую к тебе́ ве́ру и любо́вь возъиме́ша лю́дие правосла́внии. Но сла́ве твое́й по все́й Бо́лгарстей стране́ проше́дшей, воста́в изше́л еси́ от ду́ба, сла́вы челове́ческия бе́гая. Те́мже смире́ния ра́ди твоего́ ублажа́ем тя́ си́це:

Ра́дуйся, смире́ние боже́ственное возлюби́вый; ра́дуйся, сла́ву челове́ческую возненави́девый. Ра́дуйся, гла́са Христо́ва к смире́нию призыва́юща, послу́шавый; ра́дуйся, словеса́ Писа́ния е́же не на́м, но и́мени Бо́жию сла́ву дая́ти, при́сно соблюда́вый. Ра́дуйся, высо́кая дости́гнувый и ни ки́их де́л благи́х в себе́ не ви́девый; ра́дуйся, дре́ву плодоно́сну, ве́твьми ни́зу клоня́щуся, подо́бен бы́вый. Ра́дуйся, смире́нием Дави́ду, ре́кшему “а́з е́смь че́рвь, а не челове́к”, поревнова́вый; ра́дуйся, ку́пно с проро́ком Иса́иею “о, окая́нный а́з” вопия́вый. Ра́дуйся, со апо́столом гре́шника себе́ пе́рваго нарица́вый; ра́дуйся, во смире́нии свое́м Самому́ Го́споду подража́вый. Ра́дуйся, тщесла́вию до́блественне противоста́вый; ра́дуйся, сие́ я́ко пра́х земны́й нога́ми попра́вый. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 7

Хотя́щу ти́ страда́ния бо́льшая подъя́ти пла́менныя ра́ди ко Христу́ любве́ твоя́, сто́лпнику ди́вному Симео́ну уподо́бился еси́, на ка́мень возше́д, преподо́бне Иоа́нне, во дни́ и но́щи а́ки беспло́тен моли́тву де́я, слеза́ми ка́мень омака́я и еди́ному то́кмо Бо́гу бесе́довати жела́я. Мы́ же на по́двиг се́й взира́юще, прославля́ем всемогу́щаго Бо́га в тебе́ ди́внаго и пое́м Ему́: Аллилу́иа.

И́кос 7

Но́ваго по́двига твоего́, блаже́нне, не стерпе́в диа́вол, пое́млет с собо́ю легио́н бесо́в, и́же с ка́мене тя́ в про́пасть глубо́кую сверго́ша. Но ты́ с трудо́м ве́лиим воста́в, па́ки на ка́мень возше́л еси́ твори́ти моли́твы твоя́ и дивя́щихся возставля́еши зва́ти ти́:

Ра́дуйся, ко Христу́ любо́вь ве́лию стяжа́вый; ра́дуйся, сего́ ра́ди тя́жце от полко́в де́монских пострада́вый. Ра́дуйся, страда́ния сия́ ни во что́же вмени́вый; ра́дуйся, Христа́ па́че жи́зни твоея́ возлюби́вый. Ра́дуйся, ни чи́м же от Христа́ разлуче́нный; ра́дуйся, И́м сего́ ра́ди возлю́бленный. Ра́дуйся, служе́ния а́нгельскаго сподо́бивыйся; ра́дуйся, от руки́ А́нгела хле́бом пита́выйся. Ра́дуйся, любо́вию ко Христу́ вся́ диа́вольская искуше́ния победи́вый; ра́дуйся, то́ю вся́ Христа́ за́поведи соблюды́й. Ра́дуйся, любве́ ра́ди сея́ то́кмо сла́вы Боже́ственныя иска́вый; ра́дуйся, сего́ ра́ди от Го́спода просла́вленный. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 8

Стра́нный о́браз жития́ твоего́, ве́лие смире́ние и любо́вь твоя́ ко Христу́ приумно́жиша в тебе́ благода́ть, я́же ти́ в креще́нии Христо́вых ра́ди страсте́й и сме́рти кре́стныя дарова́ся. Сего́ ра́ди сотвори́ тя́ Госпо́дь со́лнце духо́вное Правосла́вныя Це́ркве, да просвеща́ются тобо́ю ча́да ея́ ко спасе́нию и да вопию́т Бо́гу: Аллилу́иа.

И́кос 8

Ве́сь бы́л еси́ сосу́д избра́н Бо́жия благода́ти, вели́кий Иоа́нне, на тебе́ испо́лнися Крести́теля сло́во, я́ко не в ме́ру Бо́г дае́т Ду́ха. Ки́ими благода́тными дарова́ньми не увенча́ тя́ Бо́г? Ки́ими явле́ньми благода́ти не испо́лнено бы́сть твое́ житие́? Те́мже на тя́ взира́юще, прино́сим ти́ похвалы́ сия́ на́ша:

Ра́дуйся, да́р смире́ния Христо́ва стяжа́вый; ра́дуйся, сле́з и умиле́ния благода́ть сниска́вый. Ра́дуйся, чистото́ю и целому́дрием от Бо́га украше́нный; ра́дуйся, ве́рою чудоде́йственною озаре́нный. Ра́дуйся, не то́кмо Христу́ ве́ровавый, но и страда́ния за Него́ понесы́й; ра́дуйся, да́ром ре́вности по Бо́зе увенча́нный. Ра́дуйся, любве́ к бли́жним испо́лненный; ра́дуйся, да́ром Боже́ственнаго ве́дения сподо́бленный. Ра́дуйся, да́ром прозорли́вства просия́вый; ра́дуйся, дарова́ние моли́твы непрестаю́щия имы́й. Ра́дуйся, до конца́ наде́жду бу́дущаго блаже́нства сохрани́вый; ра́дуйся, блаже́нство сие́ еще́ в жи́зни се́й предвкуси́вый. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 9

Вся́кое дарова́ние Ду́ха Свята́го восприи́мшу ти́, преподо́бне Иоа́нне, дости́же веща́ние твое́ благочести́ваго царя́ Петра́, и́же ви́дети тя́ вожделе́в посла́ к тебе́ де́вять муже́й. Ты́ же а́лчных и́х бы́ти ду́хом разуме́в, ма́лым хле́бом напита́л еси́, и́же пресла́вное чу́до сие́ ви́девше, вопия́ху Бо́гу: Аллилу́иа.

И́кос 9

Вети́и ми́ра сего́ не разуме́ют, ка́ко ца́рь Пе́тр, сы́й во сла́ве свое́й, к тебе́ с да́ры устреми́ся, блаже́нне, и зело́ опеча́лися, не возмоги́й стремни́н ра́ди го́рных ко святы́ни твое́й прибли́зитися: но мы́, словеса́ Го́спода помина́юще, ко все́м лю́дем рече́нная, “ищи́те пре́жде Ца́рствия Бо́жия и пра́вды Его́”, вопие́м ти́:

Ра́дуйся, я́ко Ца́рство Небе́сное на земли́ дости́гл еси́; ра́дуйся, Ца́рство бо сие́, прише́дшее в си́ле, яви́ ти́ Госпо́дь. Ра́дуйся, я́ко Ца́рство Бо́жие в стяжа́нии благода́ти лю́дем яви́л еси́; ра́дуйся, во пло́ти бо сы́й блаже́нство ра́йское в себе́ таи́л еси́. Ра́дуйся, я́ко би́сер многоце́нный стяжа́в, суету́ бла́г вре́менных показа́л еси́; ра́дуйся, я́ко пра́вду и ми́р и ра́дость о Ду́се Свя́те име́л еси́. Ра́дуйся, сия́нием бо благода́ти сла́ву ца́рскую затми́л еси́; ра́дуйся, я́ко сокро́вище небе́сное имы́й, даро́в ца́рских не прия́л еси́. Ра́дуйся, я́ко зре́ти дру́г дру́га в Небе́сном Ца́рствии царю́ Петру́ обеща́л еси́; ра́дуйся, я́ко царя́ в Писа́нии твое́м милосе́рда и Це́ркви послу́шна бы́ти увеща́л еси́. Ра́дуйся, я́ко покая́нию царя́ научи́л еси́; ра́дуйся, я́ко покая́ния ра́ди ца́рство ве́чное ему́ предре́кл еси́. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 10

Спасти́ хотя́ себе́ до конца́ от ко́зней вра́жиих, преподо́бне Иоа́нне, пребы́л еси́ в по́двизе стоя́ния на ка́мени се́дмь ле́т и четы́ре ме́сяцы. Мно́зи же поревнова́вше тебе́, бли́з ка́мене твоего́ це́рковь созда́ша и оби́тель соста́виша, нача́льника тя́ пе́рваго и па́стыря иму́ще, да возсыла́ется отту́ду при́сно хвале́бная Бо́гу пе́снь: Аллилу́иа.

И́кос 10

Стена́ непреобори́ма бы́сть ти́ смире́ние твое́ да́же до сме́рти, блаже́нне Иоа́нне; разуме́в бо вре́мя отше́ствия твоего́, моле́ние сле́зное Бо́гу возне́сл еси́, глаго́ля: “О́тче Вседержи́телю, ничто́же на земли́ бла́го сотвори́х! Сего́ ра́ди молю́ Тя́ повеле́ти А́нгелу бла́гу приити́, да не возбране́н ми́ бу́дет восхо́д от духо́в лука́вствия! Го́споди, в ру́це Твои́ предаю́ ду́х мо́й!” И сия́ ре́к, а́бие ду́х испусти́л еси́. Мы́ же, сицево́му пра́ведному преставле́нию дивя́щеся, та́ко тя́ ублажа́ем:

Ра́дуйся, житие́м и исхо́дом твои́м на́с поуча́яй; ра́дуйся, го́рняя му́дрствовати, а не земна́я на́с призыва́яй. Ра́дуйся, ники́имже сласте́м мирски́м себе́ приобщи́вый; ра́дуйся, блаже́нную кончи́ну от Бо́га прие́мый. Ра́дуйся, о сме́рти при́сно в животе́ свое́м помышля́вый; ра́дуйся, словеса́ апо́стола “по вся́ дни́ умира́ю” испо́лнивый. Ра́дуйся, со апо́столом Па́влом сме́рти вожделе́вый; ра́дуйся, разреши́тися и со Христо́м бы́ти при́сно жела́ние име́вый. Ра́дуйся, слеза́ми и моли́твами себе́ к сме́рти угото́вавый; ра́дуйся, сего́ ра́ди от сме́рти не на су́д, но в живо́т прише́дый. Ра́дуйся, ве́чней ра́дости со Христо́м по сме́рти приобщи́выйся; ра́дуйся, дерзнове́ние ве́лие пред Бо́гом стяжа́вый. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 11

Пе́нием моле́бным ублажа́ти тя́ наста́вшу вре́мени, благово́ние нача́ от гро́ба твоего́ источа́тися, преподо́бне Иоа́нне. Сего́ ра́ди гро́б тво́й отверзо́ша и те́ло твое́ обрето́ша нетле́нно и благоуха́ния испо́лнено. Отто́ле мно́гая чудеса́ соверша́хуся от моще́й твои́х во исцеле́ние к тебе́ прибега́ющих и Бо́гу вопию́щих: Аллилу́иа.

И́кос 11

Светоприе́мную свещу́ яви́ тя́ Госпо́дь, преподо́бне, и хра́м Ду́ха Свята́го, те́ло же твое́ тле́нию неприча́стно соблюде́. Взира́ющи у́бо на благода́ть сию́, прославля́ем тя́ си́це:

Ра́дуйся, нетле́нием твои́м всемогу́щество Бо́жие благовеству́яй; ра́дуйся, безсме́ртие теле́с последи́ о́бщаго воскресе́ния предобразу́яй. Ра́дуйся, нетле́нием твои́м сла́ву Бо́жию в Це́ркви яви́вый; ра́дуйся, и́стину воскресе́ния ме́ртвых утверди́вый. Ра́дуйся, по сме́рти игу́мену оби́тели Ры́льския во сне́ яви́выйся; ра́дуйся, твоя́ мо́щи в Среде́ц гра́д пренести́ повеле́вый. Ра́дуйся, ди́вная чудеса́ и зде́ сотвори́вый; ра́дуйся, в гра́д Терно́в пренесе́н ве́лия зна́мения соде́лавый. Ра́дуйся, от моще́й твои́х во гра́дех сто́льных благода́ть пролия́вый; ра́дуйся, и в плене́нии бы́в си́лами все́х ужаси́вый. Ра́дуйся, Ману́илу царю́ гре́ческому исцеле́ние дарова́вый; ра́дуйся, епи́скопу Остриго́мскому язы́к связа́вый и разверза́вый. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 12

Благода́ть ве́лию дарова́ ти́ Госпо́дь за мно́гую любо́вь, преди́вный уго́дниче Бо́жий, преподо́бне о́тче на́ш Иоа́нне, неду́ги исцеля́ти, заблу́ждшия просвеща́ти и все́м прося́щим бы́ти во спасе́ние. Те́мже благодаря́ще Го́спода, на́м тебе́ дарова́вшаго, при́сно зове́м ему́: Аллилу́иа.

И́кос 12

Пою́ще тебе́ пе́снь недоуме́ем, ка́ко вся́ ди́вная дея́ния твоя́ словесы́ немощны́ми изобрази́ти, преподо́бне! Зря́ще же тя́ вели́ка в уго́дницех Бо́жиих, дерза́ем си́це восхвали́ти тя́, зову́ще:

Ра́дуйся, в по́двизех и труде́х преди́вный; ра́дуйся, просла́вленным тобо́ю Бо́гом просла́вленный. Ра́дуйся, дале́че вне́ Це́ркве Бо́лгарстей просия́вый; ра́дуйся, и ины́ми Правосла́вными Це́рквами чти́мый. Ра́дуйся, нетле́нною десни́цею в Це́ркви Росси́йстей обита́яй; ра́дуйся, благода́тию вели́ких отце́в Це́ркве блиста́яй. Ра́дуйся, по́двиги преподо́бных Анто́ния и Мака́риа яви́вый; ра́дуйся, дея́ния свети́л росси́йских Се́ргия и Серафи́ма предизобрази́вый. Ра́дуйся, от кра́ля унга́рскаго просла́вленный; ра́дуйся, и от ту́рских султа́нов почте́нный. Ра́дуйся, во оби́тели Ры́льстей ве́рными и неве́рными досе́ле почита́емый; ра́дуйся, ве́лиих ра́ди чуде́с твои́х от все́х прославля́емый. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Конда́к 13

О,вели́кий Иоа́нне, Ры́льский чудотво́рче! Приими́ сию́ ма́лую похвалу́ на́шу и моли́ся за ны́ ко Го́споду, да ниспо́слет на́м ми́лость Свою́ и покая́нию и́стинному научи́т на́с, изба́вит же на́с от вла́сти миродержи́телей тьмы́ ве́ка сего́ и сохрани́т в правосла́вней ве́ре же и благода́тном жи́тельстве под ди́вным покро́вом Бо́жия Ма́тере, да спасе́ннии твои́м хода́тайством вопие́м Бо́гу: Аллилу́иа.

Этот конда́к чита́ется три́жды, зате́м и́кос 1 и конда́к 1.

И́кос 1

А́нгел земны́й и челове́к небе́сный бы́л еси́, преподо́бне Иоа́нне. Ка́ко у́бо сла́ву твою́ воспое́м досто́йно, мно́гими немощьми́ обдержи́мии? Но са́м вложи́ пе́снь хвале́бную во ycта на́с, зову́щих:

Ра́дуйся, от роди́телей благочести́вых рожде́нный; ра́дуйся, и́ми в стра́се Бо́жии до́бре воспита́нный. Ра́дуйся, из младе́нства от Це́ркве николи́же отступи́вый; ра́дуйся, тоя́ свяще́нными уче́ньми благода́тный ра́зум стяжа́вый. Ра́дуйся, за́поведей Госпо́дних блюсти́телю ве́рный; ра́дуйся, поще́ний и бде́ний непреста́нных де́лателю усе́рдный. Ра́дуйся, по сме́рти роди́телей насле́дие свое́ убо́гим разда́вый; ра́дуйся, жития́ ра́ди до́браго гоне́ние от челове́ков лука́вых подъя́вый. Ра́дуйся, клеветы́ непра́ведныя претерпе́вый; ра́дуйся, досажде́ния с кро́тостию понесы́й. Ра́дуйся, любо́вию Серафи́мскою всле́д Христа́ после́довавый; ра́дуйся, ея́ ра́ди пу́ть у́зкий и́ночества избра́вый. Ра́дуйся, преподо́бне Иоа́нне, Ры́льский чудотво́рче, сла́во и ра́досте на́ша.

Кондак, глас 2

Ангельскому житию поревновав, преподобне, вся земная оставив, ко Христу притекл еси, и Того заповедьми ограждаяся, явился еси столп непоколебим от вражиих нападений. Тем зовем ти: радуйся, отче Иоанне, светило пресветлое.

Тропарь, глас 1

Покаяния основание, прописание умиления, образ утешения, духовнаго совершения, равноангельское житие твое бысть, преподобне. В молитвах убо и пощениих и в слезах пребывавый, отче Иоанне, моли Христа Бога о душах наших.