Житие и икона святого Димитрия Прилуцкого, в чем помогает и тексты молитв

Русская Православная церковь почитает преподобного Димитрия Прилуцкого с середины XVI века. Святой был основателем двух монастырей, где был утвержден общежительный устав. Праведник прославился при жизни даром прозорливости и чудотворства. После его кончины чудеса исцеления стали замечать после молитв перед мощами. Его небесное покровительство помогало возрождаться Спасо-Прилуцкой обители.

Поиск молитв на все случаи жизни

Житие святого Димитрия Прилуцкого

Преподобный Димитрий родился в богатой купеческой семье в Переславле-Залесском. Благочестивые родители приучали его к Священному Писанию. Димитрий воспринял заветы Иисуса Христа, как руководство для своей жизни. Он рано ушел из семьи и принял монашеский постриг в Горицком монастыре Переславль-Залесского. Димитрий ревностно выполнял монашескую службу, став образцом для подражания другим инокам.

В 1354 году он познакомился с преподобным Сергием Радонежским.  Дальнейшие встречи и общение со святым Сергием Радонежским об устройстве монастырской жизни оказали огромное влияние на Димитрия.

На берегу Плещеева озера Димитрий основал Никольский монастырь с общежительным уставом и стал его настоятелем. Игумен Никольского монастыря прославился своим смиренномудрием не только в Переславль-Залесском, но и далеко по русской земле. Иноки и верующие почитали его за добродетели, любовь к людям. Великий князь Дмитрий Донской пригласил преподобного быть крестным отцом его сыну.

Слава, постоянное внимание, почет тяготили праведника. Преподобный, по совету Сергия Радонежского, принял решение уйти на северо-восток, чтобы основать монастырь в глухих вологодских лесах. Вместе с учеником и сподвижником Пахомием он покинул Никольский монастырь.

В поисках покоя и молчаливого уединения переславские монахи решили обосноваться на берегу реки Лежи, где возвели храм в честь Воскресения Христова. Местные жители воспротивились основанию монашеской обители, опасаясь потерять свои земли, и преподобный Димитрий с Пахомием отправились дальше.

В 1371 году недалеко от Вологды, в излучине (луке) реки они построили Спасский храм. Владельцы прилегающих земель, Илья и Исидор, подарили свои земельные наделы под строительство монастыря. Весть о новой обители, основанной преподобным Димитрием, дошла до Переяславля. Часть братии перешла из Никольской обители в Спасский Прилуцкий монастырь.

димитрий прилуцкий икона

Праведник любил молиться в уединении. Для него в храме была сделана пристройка, где святой возносил молитвы Богу. Будучи настоятелем, Димитрий неукоснительно выполнял всю монастырскую работу наравне с другими насельниками. Питался святой одной просфорой в день, запивая ее теплой водой. Старый тулуп не согревал его зимой, но заставлял страдать от зноя летом.

Часть пожертвований на Спасо-Прилуцкую обитель святой раздавал нуждающимся. Его келлия была всегда открыта для нищих. Милосердный прилуцкий игумен кормил голодных, утешал странников в бедах и печалях, давал советы.

Вклады он принимал с разбором. За праведную жизнь Господь наградил преподобного даром прозорливости. Димитрий Прилуцкий не принимал дары, если у жертвователя страдали от голода близкие люди.

Так случилось с Ильей, бывшим владельцем монастырских земель. Настоятель Спасо-Прилуцкого монастыря отказался принимать от него пожертвования, указав, что он должен в первую очередь накормить своих голодных домочадцев. Пристыженный Илья сделал так, как велел преподобный, умоляя принять от него хотя бы часть продуктов.

Известен другой факт (1389 год) о даре прозорливости святого. Однажды во время выполнения монастырских работ игумен сказал монахам, что Дмитрий Донской уже пребывает на Небе и не печется более о земных делах. С этого дня он стал поминать великого князя, усопшего. Через 3 дня дошла весть о кончине князя в тот день и час, который указал преподобный.

димитрий прилуцкий икона

Димитрию Прилуцкому было открыто, когда его душа вознесется к Господу. Он простился, благословил братию, назначил вместо себя Пахомия и затворился. 11 февраля (24 февраля по новому стилю) 1392 года монахи проснулись среди ночи от проникшего в их кельи благоухания.

Войдя в келью, монахи нашли преподобного скончавшимся. Казалось, что он мирно спит. И лишь фимиам, наполнивший его келью, свидетельствовал о смерти. Местом захоронения стала монастырская церковь.

Димитрий Прилуцкий слыл чудотворцем при жизни. Покинув земную обитель, он остался таким же милосердным к людям. Чудеса от его мощей начались в 1409 году. В житии, написанном в 1440 году прилуцким иноком Макарием на основании рассказов игумена Пахомия, есть описания чудес.

Например, некоторые из них:

  • Излечение вологодцев по молитвам перед ракой святого во время мора.
  • Спасение от нашествия вятичей. Проникнув в монастырскую церковь, один из грабителей коснулся рукой покрова раки и был отброшен невидимой рукой навзничь. От удара вор скончался. Вятичи в испуге освободили пленников, вернули награбленное и покинули вологодскую землю.

В монастыре хранились реликвии, имеющие отношение к святому:

  • деревянный костыль;
  • вериги;
  • фелонь.

Обитель преподобного Димитрия трижды подверглась разорению, но снова и снова возрождалась, благодаря Небесному покровительству святого.

димитрий прилуцкий икона

В чем помогает святой

К прославленному святому обращаются при материальных затруднениях и болезнях.

Перед его иконой и мощами православные верующие просят:

  • помочь рассчитаться с долгами;
  • преодолеть нужду;
  • излечиться от алкоголизма;
  • преодолеть депрессию и связанные с ней психические отклонения.

Молитвенник за страждущих перед Богом по-прежнему помогает тем, кто глубоко и искренне верит в Господа.

 

Иконография

В иконографии Димитрия Прилуцкого преобладают списки с иконы Дионисия Глушицкого, созданной в 1609 году. Подлинник находился над ракой преподобного, затем был перенесен в вологодский храм, после чего местонахождение его неизвестно.

На изводе преподобный представлен человеком с правильными чертами лицами, высоким лбом. Волосы, борода и усы светло-русые, с проседью. Изображение поясное. Одеяние монашеское: ряса, мантия с капюшоном (куколем). Жестом правой руки святой благословляет верующих, в левой держит свиток с общежительным монастырским уставом.

Клеймы повествуют о периоде жизни святого, начиная с пострижения в монахи. Дальнейшие картины дают представление о нем, как участнике политических событий эпохи. В заключительной части иконописец обращается к теме посмертных чудес.димитрий прилуцкий икона

Почитание в православии

Московский Церковный Собор 1547 года закрепил почитание Димитрия Прилуцкого в лике преподобного. Дни памяти – 24 февраля и 19 июля.

Тексты молитв

Верующие должны помнить, что моления будут услышаны, если мысли очищены от греховных намерений, а душа успокоена прощением недоброжелателей.

Тропарь

Свы́ше от Бо́га, пpеподо́бне,/ благода́ть пpия́л еси́ духо́вную,/ и от Него́ у́бо позна́лся еси́, блаже́нне,/ Того́ pа́ди и ты ду́хом позна́л еси́ лу́чшая Его́,/ бу́дущаго ве́ка пpебыва́ние,/ и по́стнически испыта́вся во свои́х оби́телех./ И ны́не со а́нгели ликовству́я,/ Спа́су всех за ны моли́ся, свя́те Дими́тpие, да вси вопие́м:/ Сла́ва Да́вшему ти кpе́пость,/ сла́ва Венча́вшему тя,// сла́ва Де́йствующему тобо́ю всем

Ин тропарь

Свы́ше от Бо́га, преподо́бне, / благода́ть прия́л еси́, Дими́трие пресла́вне, / и Того́ си́лою укрепля́ем, / Ева́нгельски ходи́ти изво́лил еси́, / отону́ду же и от Христа́ возме́здие трудо́в обре́те, всеблаже́нне, / Его́же моли́ // спасти́ся душа́м на́шим.

димитрий прилуцкий икона

Кондак

От ю́ности, преподо́бне, крест твой взе́м, Христу́ после́довал еси́,/ в моли́твах и поще́ниих, во бде́ниих же и злострада́ниих пло́ть твою́ изнуря́я./ Те́мже и Всеви́дящее О́ко твоя́ труды́ ви́дев,/ чудесы́ тя прославля́ет, и всех зва́ти тебе науча́ет:// ра́дуйся, преподо́бне о́тче Дими́трие, по́стников удобре́ние.

Ин кондак

Жезло́м, свя́те Дими́трие, от Бо́га да́нным ти, / лю́ди своя́ упасе́ на па́житех зако́на живоно́сна, / зве́ря же неви́димаго шата́ние сокруши́ под но́зе тебе́ пою́щих, // я́ко да в беда́х тя те́пла предста́теля и́мамы.

Молитва

О священная главо, предивный чудотворче, преподобне и богоносне отче наш Димитрие! Усердно припадающе к тебе, молимся; яви нам, смиренным и грешным многомощное твое заступление. Се бо грех ради наших не имамы дерзновения ко Господу просити Его даров, нам благопотребных, но тебе, молитвенника к нему благоприятнаго, предлагаем и просим; испроси нам у благости Его вся, яже на пользу душам и телесем нашим; веру праву, надежду несомненну, любовь нелицемерну, во искушениих мужество, в злостраданиих терпение, в молитвах постоянство, в благочестии преуспеяние, вожделенное здравие, земли плодоносие, воздуха благорастворение, дожди благовременны, житейских потреб довольство, мир во днех наших и благословение свыше на вся благая дела и начинания наша, и да не во зло обратим дары Его, но в славу имени Его святаго и в прославление твоего о нас ходатайства. Испроси, угодниче Христов, у Царя царствующих и Господа господствующих богохранимей стране нашей Российстей тишину и благостроение, на враги же победу и одоление. Не забуди, чудотворче святый, милостивно присещати град твой и обитель твою, и вся грады и веси страны нашея православныя, сохраняя и соблюдая их молитвами твоими от всякаго зла. Помяни всех, веру и любовь к тебе имущих, имя твое молитвенно призывающих, и на поклонение мощам твоим святым приходящих, и вся во благих прошения их милостиво исполни, осеняя их свыше святоотеческим твоим благословением. Ей, святче Божий! Не лиши и нас грешных твоего многомощнаго заступления, но сподоби нас кончину жития благую улучити и Царствие небесное унаследити; да воспоем и прославим дивнаго во святых Своих Бога нашего, Отца, и Сына, и Святаго Духа, во веки веков.Аминь.

Акафист

Кондак 1

Избранный чудотворче и изрядный угодниче Христов, преподобне отче наш Димитрие, друже и собеседниче друга Божия преподобнаго Сергия и Отечествия твоего присный заступниче; приими от нас с любовию приносимое тебе хвалебное пение и, яко имеяй дерзновение ко Господу, молитвами твоими от всяких нас бед свободи, да зовем ти:

Радуйся, Димитрие, великий чудотворче.

Икос 1

Ангел образом, аще и человек по естеству, был еси, преподобне отче Димитрие, ангельскую бо чистоту стяжал еси на земли, и ангельскою красотою лице твое цветяше, яко всем, видевшим тя, чудитися благолепию твоему. Темже, яко избранника Божия, благолепнаго душею и телом, ублажаем тя песньми сими;

Радуйся, благочестивых родителей пречестное порождение; радуйся, града Переяславля-Залесскаго святое прозябение.

Радуйся, Российския страны духовное украшение; радуйся, евангельскаго по Бозе жития ревнителю.

Радуйся, от юных лет жизни твоея единаго Христа вседушно возлюбивый; радуйся, сладчайшаго Иисуса паче всех красот земных возжелавый.

Радуйся, богатство тленное и куплю временную презревый; радуйся, куплю духовную мудро совершивый.

Радуйся, драгий бисер Христа усердно взыскавый; радуйся Его заповеди святыя свет стезям твоим имевый.

Радуйся, серафимскою любовию ко Господу сердце твое воспламенивый; радуйся, дары Святаго Духа в душу твою достойно восприявый.

Радуйся, Димитрие, великий чудотворче.

димитрий прилуцкий икона

Кондак 2

Видевше родителие твои, преподобне отче, яко не прилежало сердце твое к богатству земному, но яко от младых ногтей предпочитал еси искати едино на потребу, еже служити и благоугождати Христу чистым и непорочным житием, премнаго удивляхуся таковому твоему благонравию и радостно воспеваху Богу, в юности сице тя укрепившему, благодарственную песнь: Аллилуия.

Икос 2

Разум богопросвещенный стяжав, уразумел еси добре, отче Димитрие, указуемый Спасителем мира путь к высшему совершенству духовному. Темже по смерти родителей твоих абие куплю временную оставил еси, и все богатство твое нищим расточил еси, себе облегчая к непреткновенному течению во след Христа. Сего ради ублажаем тя благохваленьми таковыми:

Радуйся, подвижниче Божий, мира красотами не прельстивыйся; радуйся, слуго Господень, во след Владыки твоего Христа радостно потекий.

Радуйся, нищету вольную Христа ради возлюбивый; радуйся, богатство многое меньшим братиям Христовым раздавый.

Радуйся, нищия и убогия от имения твоего удовливый; радуйся, нагия одевый и гладныя напитавый.

Радуйся, вдовицам и сиротам отец и благодетель бывый; радуйся, наследие родителей твоих богоугодно расточивый.

Радуйся, крест Христов носити усердно возжелавый; радуйся, смирение Христово в душу твою насадивый.

Радуйся, целомудрие души и тела невредно сохранивый; радуйся, постом и воздержанием юношеския страсти обуздавый.

Радуйся, Димитрие, великий чудотворче.

Кондак 3

Сила духовная свыше от Господа тебе даровася, преподобне отче, егда в пострижении иночестем ангельский образ на ся восприял еси, и всякое плотское мудрование совершенно отложил еси яко быти тебе воистину последователем Христовым; на Христа бо единаго присно взирал еси умныма очима души твоея, и Его заповеди святыя выну имел еси пред собою, яко светильник путеводящий, зовый Ему от любве теплыя: Аллилуия.

Икос 3

Имея попечение о спасении души твоея, безмолвия возжелал еси, преподобне отче, и на месте блатнем и пустыннем близ града Переяславля-Залесскаго поселился еси, един единому Христу работая в посте и молитвах; обаче не утаися житие твое преподобное от сограждан твоих, иже прихождаху к тебе, ови молитв и благословения от тебе просяще, ови наставитися во спасение от тебе желая, инии же жительствовати с тобою хотяху, под твоим духовным руководством; ты же грядущих к тебе не отгонял еси, но спасению душ человеческих ревностно служил еси, еже воспоминая, хвалебно вопием ти:

Радуйся, учителю благочестия, примером жития твоего всех поучавый; радуйся, наставниче богомудрия, словесы твоими богодухновенными ученики твоя во спасение назидавый.

Радуйся, иночества богоугоднаго правило известное; радуйся, пути теснаго, во Царствие небесное ведущаго, указателю нелестный.

Радуйся, евангельских заповедей верный исполнителю; радуйся, апостольских преданий ревностный хранителю.

Радуйся, непоколебимый столпе Православия; радуйся, небоязненный обличителю всякаго инославия.

Радуйся, сотворивый и научивый и велий нареченный во Царствии Небеснем; радуйся, со усердием послуживый спасению многих душ человеческих.

Радуйся, отче, отцев красото; радуйся, богомудрия исполненная священная главо.

Радуйся, Димитрие, великий чудотворче.

Кондак 4

Бурное треволнение житейскаго моря безбедно преплыл еси, всеблаженне отче, и в тихое пристанище пустыни достигл еси, в ней же обитель иноком возградил еси во имя святителя и чудотворца Николая, и сам освящения иерейскаго сподобился еси, игумен богомудрый обители твоея быв, кротко пасый Богом врученныя тебе словесныя овцы, и немолчно воспевая купно с ними хвалебную песнь Пресвятей Троице: Аллилуия.

димитрий прилуцкий икона

Икос 4

Слышав о дивней красоте лица твоего, отче Димитрие, едина от именитых болярынь града Переяславля-Залесскаго, возжела насладитися лицезрения твоего и сего ради прииде к келлии твоей, в нюже оконцем приникнув, узре тя на молитве стояща и светом небесным облиставаема, сама же абие всем телом расслабе и падши аки мертва на земли лежаше; ты же, послушествуя прошению братии твоей, молитвою твоею исцелил еси ю и поучил, да прочее уцеломудрится и не назирает чуждыя красоты, тем же мы, чтуще таковую чистоту души твоея, вопием ти сице:

Радуйся, светильниче Божия благодати, дарами Духа Святаго светло блистающий; радуйся, еще на земли светом небесным озаренный.

Радуйся, светом лица твоего велию светлость души твоея проявивый; радуйся, небесным светом жену нескромную уцеломудривый.

Радуйся, расслаблением телесным нескромность ея наказавый; радуйся, молитвою твоею милостивно ю исцеливый.

Радуйся, словесы твоими духовными добре ю поучивый; радуйся, прочее хранити опасно целомудрие ю увещавый.

Радуйся, крине девства и чистоты, на земли процветший; радуйся, непорочность души и тела твоего соблюдый верно.

Радуйся, красоту лица твоего завесою иноческаго куколя сокрывавый от нечистых воззрений очес человеческих; радуйся, опасно себе хранивый от искушений, от обращения и собеседований с женами бываемых.

Радуйся, Димитрие, великий чудотворче.

Кондак 5

Богосветлое светило быв, отче Димитрие, великаго светильника пустыни Радонежския, богоноснаго Сергия, подвигл еси посетити тя, в безвестней и блатней пустыни жившаго; его же с любовию о Христе радостно приял еси и духовным собеседованием с ним утешился еси, и от таго времени друг присный и сотаинник ему соделался еси, ныне же вкупе с ним предстоиши небесному Престолу Триединаго Бога и сладце поеши ему: Аллилуия.

Икос 5

Видевше тя, преподобне отче Димитрие, к богоносному отцу Сергию, любовь велию о Христе стяжавшаго, на собеседование к нему духовное от пустыни твоея пешеходившаго, с ним вкупе бдения всенощныя совершавшаго, при них же лучина свещи вам заменяше, молитва же ваша, яко пламень огненный, до небес досязаше, дивимся таковому содружеству твоему с великим угодником Божиим и сице тебе зовем:

Радуйся, друже святых, присный Богу; радуйся, спостниче и собеседниче преподобнаго Сергия.

Радуйся, всесветлаго солнца земли Российския сопутствующая деннице; радуйся, всероссийскаго заступника и молитвенника любимый сомолитвенниче.

Радуйся, от уст Сергиевых глубину премудрости духовныя почерпнувый; радуйся, сотаинник ему верен бывый.

Радуйся, содружество с ним до конца живота твоего сохранивый; радуйся, велию любовь о Христе к нему стяжавый.

Радуйся, восшедый на высоту совершенства духовнаго; радуйся, приникий во глубину смирения святаго.

Радуйся, земный ангеле, на земли небесно поживый; радуйся, небесный человече, во плоти безплотным поревновавый.

Радуйся, Димитрие, великий чудотворче.

Кондак 6

Проповедника тя благоумиленнаго познав, отче Димитрие, благоверный великий князь Димитрий зело тя возлюби и отца духовнаго себе сотвори, восприемником же от святаго Крещения единому от сыновей своих тя избра, да будеши присный наставник и молитвенник ему со чады; ты же преподобие, не возгордился еси толикою любовию к тебе великаго князя Российскаго, но паче преуспевал еси во святем смирении, зовый прославльшему тя Владыце Богу: Аллилуия.

Икос 6

Возсия добродетелей твоих свет велий во всю страну Российскую, преподобне отче наш Димитрие, и мнози прихождаху к тебе издалеча насладитися богодухновенных твоих учений; быша бо уста твоя полна сладкаго учения духовнаго, язык же твой, яко трость книжника скорописца, написоваше на сердцах человеческих словеса жизни вечныя. Тем же яко благоумиленнаго учителя и к покаянию действеннаго возбудителя восхваляем тя по достоянию сице:

Радуйся, врачу благоискусный недугов душевных; радуйся, пластырем словес твоих богодухновенных исцеливый язвы греховныя многих.

Радуйся, возбудивый к покаянию спящия совести; радуйся, умягчивый ко исправлению окаменелая сердца.

Радуйся, князей и боляр добрый наставниче; радуйся, иноков и мирян ко спасению верный руководителю.

Радуйся, правило веры истинныя; радуйся, образе кротости духовныя.

Радуйся, правды Божией нелицеприятный провозвестниче; радуйся, сильных мира, о правде нерадивших, небоязненный обличителю.

Радуйся, обидимых и гонимых мнагомощный защитниче; радуйся, вдовиц и сирот благосердый покровителю.

Радуйся, Димитрие, великий чудотворче.

димитрий прилуцкий икона

Кондак 7

Хотение усердное имел еси, преподобно отче, да в безмолвии невозбранно поработаеши Богу, и сего ради убегая молвы приходивших к тебе людей, оставил еси тайно обитель твою и град отечествия твоего и с учеником твоим Пахомием удалился еси в пределы вологодския, в пустыню безлюдную, в нейже келлию себе малу соорудив, тамо пребывал еси безмолвно в подвизех пустынных, немолчно воспевая Христу Богу ангельскую песнь: Аллилуия.

Икос 7

Новую обитель иноческую, зачинаемую в пустыни, видевше окрестные жителие, грубостию нрава содержимии, гневахуся на тя, преподобне отче, и поношаху тя, яко поселился еси на земли их; ты же, по евангельскому Христову глаголу, место гневу их уступая, отшел еси от тоя пустыни и ко граду Вологде приблизился еси, в предградии его, на Прилуцех, поселитися возжелев, идеже мы ныне чествуем тя, яко отца и первоначальника иноков вологодских, и песненно тебе вопием:

Радуйся, пустыннолюбивая горлице, от шума мирскаго в благоотишие пустыни отлетевшая; радуйся, незлобивая голубице, гневом неразумных человеков неуязвленная.

Радуйся, мудрый странниче, иский отечествия горняго; радуйся, Божий избранниче, презревый вся красоты мира дольнаго.

Радуйся, худыя и мнагошвенныя ризы носивый; радуйся, веригами железными тело твое обложивый.

Радуйся, Крест Христов, яко оружие непобедимое, спутника себе стяжавый; радуйся, икону Пресвятыя Богородицы, яко стену ограждения, всегда с собою имевый.

Радуйся, звездо богосиянная, от юга к северу притекшая; радуйся, пределы вологодския духовно просветивый.

Радуйся, пустыню безплодную благодатно уплодоносивый; радуйся, на Прилуцех место вселению твоему возлюбивый.

Радуйся, Димитрие, великий чудотворче.

Кондак 8

Странник и пришлец был еси во граде Вологде, преподобне отче наш Димитрие, ныне же присный предстатель и заступник его являешися нам, с любовию воспоминающым святое твое пришествие; видев бо град, церквами святыми благоукрашенный, возлюбил еси его и, по умолению жителей его, на Прилуцех, в предградии его, место уединенное обрет, на нем вселился еси и, честный Крест рукама своима соделав, водрузил еси, начало обители Спасовой полагая и присно воспевая распеншемуся на Кресте Царю Славы Христу: Аллилуия.

Икос 8

Весь в Бозе быв, преблаженне отче, о временных вещех не заботился еси, и обитель твою на Прилуцех не толико богатством, колико слезами и подвигами твоими молитвенными созидал еси, всецело уповая на Спаса Христа, яко Сам препитает тя с братиею твоею; и тако бысть по вере и молитве твоей; ни в чесом бо лишен был еси, но во всех потребных к житию изобиловал еси Промыслом Божиим дивным. О сем тя хвалим и взываем сице:

Радуйся, верою праотцу Аврааму подражавый; радуйся с посохом странническим во град Вологду пришедый.

Радуйся, в нем второе отечествие себе обретый; радуйся, любовию о Христе крепце его возлюбивый.

Радуйся, обитель Спасову в предградии его соорудивый; радуйся, подвиги твоими сию прославивый.

Радуйся, града Вологды Богом дарованный небесный заступниче; радуйся, святыя обители твоея неусыпный хранителю.

Радуйся, яко отец чадолюбивый, молитвенно назираяй чада твоя духовныя; радуйся, яко воевода благоискусный ограждаяй люди твоя от всякаго зла.

Радуйся, пророче дивный, будущая яко настоящая провидевый; радуйся, целителю безмездный, болящих молитвою твоею исцелявый.

Радуйся, Димитрие, великий чудотворче.

Кондак 9

Вси ангели небеснии и святых лицы сретоша тя радостно, преподобне отче Димитрие, егда святая твоя душа, кончиною преподобною разрешившися от соуза плотскаго, восхождаше в обители горния; и Сам Творец ангелов и Святый Святых, Христос Господь, тобою от юности возлюбленный, увенча тя венцем нетленныя славы и сопричте лику святых, выну воспевающих Ему песнь хвалы и славословия: Аллилуия.

димитрий прилуцкий икона

Икос 9

Витий человеческих благословесие не довлеет к достойному прославлению многих подвигов твоих, преподобне отче наш Димитрие, имиже житие твое святое яко цветами благоукрашается и духовно благоухает; от ранния бо юности твоея и до старости маститыя неослабно Богу благоугождал еси и волю Его святую присно творил еси, чесо ради кончину праведную яко венец подвигом твоим от Господа получил еси, и благоухание сладостное от мощей твоих абие по кончине твоей истече, всю обитель твою облагоухав. Тем же и мы, таковое преставление твое прославляюще, зовем ти сице:

Радуйся, великий угодниче Божий, от земли прешедый к обителем небесным; радуйся, блаженный наследниче Царствия Христова, достойное возмездие получивый по делом твоим благим.

Радуйся, воздух облагоухавый восхождением души твоея святыя в селения горняя; радуйся, обитель твою освятивый многоцелебными твоими мощами.

Радуйся, яко душа твоя в руце Божией хранима есть навеки; радуйся, яко прочее не прикоснется тебе ни скорбь, ни болезнь.

Радуйся, яко и тело твое на земли благоуханием дивным прославися от Господа; радуйся, яко мощи твоя святыя исцеления благодатныя верным источают.

Радуйся, яко мощей твоих демоны трепещут; радуйся, яко приял еси от Господа власть на духи нечистыя.

Радуйся, яко молитвами твоими сокрушаеши всю их силу, аки паучину; радуйся, яко предстательством твоим освобождаеши человеки от злаго их насилия.

Радуйся, Димитрие, великий чудотворче.

Кондак 10

Спаса Христа умоляеши за град твой и люди твоя, преподобне чудотворче Димитрие; сие бо показал еси яве, во дни обложения ратнаго Вологды, явлься единей благочестивей инокине с двема светлыми белоризцы от скудельницы, обходя стены града и утверждая их, да непоколебимы пребудут от нападения враждебныя рати, яже вскоре со студом отступи от града, не возмогши его победити, люди же вологодстии прославляху твое заступление и вопияху Богу: Аллилуия.

Икос 10

Царя Небеснаго, Господа Иисуса, верный раб и угодник был еси, преподобне отче Димитрие, и от Него получив велию благодать, царю земному благоверному великому князю Иоанну, победити царство Казанское помогл еси, явлься среди полков российских и поборая им на агаряны нечестивыя, яко помощию твоею небесною, вскоре взяти им стольный град их Казань. Сие явление твое мы воспоминая, благодарственно зовем ти:

Радуйся, святче Божий, со святыми обитаяй и за грешныя Бога умоляяй; радуйся, угодниче Христов, от горних высот к земнородным милостивно приникаяй.

Радуйся, любовь твою к отечествию земному и по смерти сохранивый; радуйся, помощь твою святую стране российстей чудесно проявивый.

Радуйся, яко архистратиг воем российским на агаряны поборавый; радуйся, град Казань взяти им дивно помогавый.

Радуйся, град твой Вологду от нападений ратных множицею избавивый; радуйся, икону твою честную чудесы многими прославивый.

Радуйся, от мощей твоих святых исцеления благодатныя обильно источивый; радуйся, единым призыванием имене твоего недуги тяжкия уврачевавый.

Радуйся, сострадания преисполненный и в милости богатый; радуйся, обители твоея святыя страже неотступный.

Радуйся, Димитрие, великий чудотворче.

Кондак 11

Пение наше молебное милостиво приими, угодниче Божий, преподобне отче Димитрие, и щедроты твоя целебныя даруй нам в недузех наших; тебе бо стяжахом врача изряднаго и немздоприимнаго, присно готоваго помогати нам и исцеляти недуги наша, данною ти от Господа благодатию, юже прославляя, от благодарныя души вопием тобою благодеявшему нам Богу: Аллилуия.

Икос 11

Светлыми лучами чудес твоих благодатно просвещаеши, святе чудотворче Димитрие, не токмо град твой и обитель твою, но и всю страну российскую, в нейже, яко великий угодник Божий, усердно прославляешися от верных, ближним и дальним щедроты твоя целебныя милостиво даруяй, да вси радостно взывают ти сице:

Радуйся, великоименитый всероссийский наш заступниче; радуйся, ангелонравный человече.

Радуйся, звездо утренняя, мрак нечестия прогоняющая; радуйся, забрало необоримое от враг видимых и невидимых.

Радуйся, молитвами твоими святыми град твой ограждаяй; радуйся, предстательством твоим небесным обитель твою от всякаго зла соблюдаяй.

Радуйся, приходящим на поклонение мощем твоим святым дары целебныя щедро подаваяй; радуйся, верно молящимся тебе на помощь ускоряяй.

Радуйся, в сониих и видениих благочестивыя посещаяй; радуйся, огненное запаление призыванием твоего имени угашаяй.

Радуйся, безпомощных скорый помощниче; радуйся, благодати Божией многоцелебный источниче.

Радуйся, Димитрие, великий чудотворче.

Кондак 12

Благодати причастное изображение лица твоего даровал еси нам в благословение и утешение, преподобне отче Димитрие, и от него чудеса многая совершил еси яко чудотворец преславный. Темже с верою и любовию покланяемся чудотворней иконе твоей, святый наш предстателю, и, величая возвеличившаго тя Христа Господа, хвалебно зовем Ему: Аллилуия.

димитрий прилуцкий икона

Икос 12

Поюще многая твоя чудеса и велие сострадание твое к людем ти сродним, Димитрие богоблаженне, благоумиленно просим тя, небеснаго заступника нашего; принеси за ны усердныя молитвы твоя ко Господу и испроси нам кончину живота благую и непостыдную; да помощию твоею святою спасение вечное унаследуем и вкупе с тобою водворимся тамо, идеже присещает свет лица Божия и веселит вся от века праведники. О сем тя молим и зовем:

Радуйся, благоволением Пресвятыя Троицы осененный; радуйся, лицезрения Пресвятыя Богородицы удостоенный.

Радуйся, ангельских ликов собеседниче; радуйся, всех святых присный друже.

Радуйся, Агнцу Божию последовавый на земли; радуйся, с девственными лики предстояй Ему на небеси.

Радуйся, со избранники Божиими покланяяйся Творцу; радуйся, дерзновение молитвенное стяжавый к небесному Отцу.

Радуйся, о Нем же радуются и Бога славят человецы; радуйся, Его же трепещут и боятся дуси тьмы.

Радуйся, душ и телес наших благодатное врачевание; радуйся, по Бозе и Пресвятей Богородице крепкое наше упование.

Радуйся, Димитрие, великий чудотворче.

Кондак 13

О великий чудотворче и скорый в бедах помощниче, преподобне отче наш Димитрие! Тебе молимся и тебе просим с верою и любовию; приими милостивно сие малое хвалебное пение, от усердия нашего тебе приносимое, и умоли Господа Бога, в день страшный Суда Его, помиловати нас и избавити осуждения вечнаго, но да сподобимся блаженныя части одесную Его стоящих, и радостно Ему воспоем: Аллилуия.

Этот кондак читается трижды, затем икос 1-й и кондак 1-й.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий